Hārīta's Compendium of Medicine 3.3.52: dvipañcāśattamo'dhyāyaḥ

3.3.52.1

ātreya uvāca
viruddhāhārasevābhistathā garbhavyathāsu ca
atimūrddhanapīḍāyāḥ pīḍāṃ prāpnoti cārbhakaḥ

Trembling, irregular fever-paroxysms, desiccation, bad taste in throat, palate, and mouth, / roughness in the body, constipation, yawning, pain in the head, sleeplessness,

3.3.52.2

tiryagvāpi ca garbhañca tyaktvā dvāraṃ bhagasya ca
anyadvā mriyate'patyaṃ tena kaṣṭaṃ prapadyate

3.3.52.3

athavā lajjayā strīṇāṃ saṅkocātsaṅkucite bhage
mūḍhagarbhañca jānīyāttasya vakṣyāmi lakṣaṇam

3.3.52.4

bastiśūlañca bhavati yonidvāraṃ nirundhati
garjate jaṭharaṃ yasyā ādhmānañcaiva jāyate

3.3.52.5

todanaṃ cāṅgabhaṅgaśca nidrābhaṅgaśca jāyate
vātādbhavati garbhasya saṃrodho bhiṣaguttama

3.3.52.6

śūlaṃ jvarastridoṣaśca tṛṣṇādoṣo bhramastathā
mūtrakṛcchraṃ śiro'rttiḥ syātpittādrodho bhrūṇasya ca

3.3.52.7

ālasyatandrānidrā ca jāḍyādhmānaṃ ca vepathuḥ
kāso virasatā cāsye śleṣmaṇā mūḍhagarbhake

3.3.52.8

dvandvaiśca dvandvajaṃ vidyātsarvaṃ syātsānnipātikam

3.3.52.9

bhramamūrcchātṛṣādhmānaṃ vātarodhañca vihvalam
mūrcchāvamiṃ sapāruṣyaṃ dīnatvamupagacchati

3.3.52.10

mṛtagarbhaṃ vijānīyādāśukārī striyāmapi
atovakṣyāmi bhaiṣajyaṃ mahāmohe viśārada

3.3.52.11

vātike mardanābhyaṅge svedanaṃ vālpameva ca
yavāgūṃ pañcakolañca pāyayedbhiṣaguttamaḥ

3.3.52.12

paittike śītalaṃ pānaṃ śītānnasahitāni ca
vyañjanāni tathā tasya yaṣṭikaṃ payasā pibet

3.3.52.13

trikaṭu triphalā kuṣṭhaṃ rodhraṃ vatsakadhātukī
saguḍe kvathitaṃ pāne śleṣmaṇā mūḍhagarbhake

3.3.52.14

mūrvāciñcāvāstukarṇīmañjiṣṭhārodhranīlikāḥ
karkandhumūlaṃ saurāṣṭrī kvāthaśca saguḍo hitaḥ

3.3.52.15

raktapittavikāreṣu kukṣiśuddhiśca jāyate
mṛtagarbhasya vakṣyāmi bheṣajaṃ bhiṣajāṃ vara

3.3.52.16

mardayitvā mānuṣīñca tataścāpi prayatnataḥ
nirāhārācca mriyate yadigarbho'ntare striyaḥ

3.3.52.16.p1

tadā śastrapratīkāraṃ bheṣajāni śṛṇuṣva me
nābhibilaśayācca sukuṇḍalikāṃ kṛtvā tu tasyopari mūḍhagarbhāmupaveśya

3.3.52.16.p2

jānunī prasārya kiñcitpṛṣṭhabhāge sādhāraṇamavaṣṭabhya udarādadho'vatārayet
yonidvāre pragalati tilatailena vāriṇā paribhyajya hasto yāti yonidvārañca

3.3.52.17

tasmāttarjanyāṃguṣṭhena galapradeśe dhṛtvā niḥsārayet
athavārddhacandreṇa śastreṇaiva mṛtagarbhasya bāhuyugalaṃ saṃcchidya bāhū niḥsārayet

3.3.52.18

lāṅgalyā mūlena uṣṇena vāriṇā yoṣitāṃ nābhilepena śīghraṃ garbho jāyate
prasūyate ca
balāmūlaṃ sūryakāntisomavallīkāni kajjalena piṣṭvā lepanaṃ karotu

3.3.52.19

bhīrubhūnimbavārttākīmūlañca pippalīyakam
yavānyagravacāḥ piṣṭvā tathā coṣṇena vāriṇā

3.3.52.20

nādideśādadhastācca pralepena prasūyate
mūlañca lāṅgalikyāśca devadālyāśca tumbikā

3.3.52.21

kośātakyādikaṃ sarvaṃ lepane parikalpitam
sūtilepāḥ striyo hyete sukhena sā prasūyate

3.3.52.22

himavaduttare kūle surasā nāma rākṣasī
tasyā nūpuraśabdena viśalyā gurviṇī bhavet

3.3.52.22.p1

aiṃ hrīṃ bhagavati bhagamālini cala cala bhrāmaya puṣpaṃ vikāśaya vikāśaya

3.3.52.22.p2

svāhā

3.3.52.22.p3

— namo bhagavate makaraketave puṣpadhanvine praticālitasakalasurāsuracittāya

3.3.52.23

yuvatibhagavāsine hrīṃ garbhaṃ cālaya cālaya svāhā
abhirmantritaṃ payaḥ pāyayettena sukhaprasavaḥ

3.3.52.24

aiṃ hrāṃ hrīṃ hrūṃ hraie hroṃ hrauṃ hraḥ

3.3.52.25

idaṃ yantraṃ bhūrjapatrasyordhva bhāge likhitvā mūḍhagarbhāyai darśayecchayātale ca
sthāpayettena sukhena prasavaḥ

3.3.52.26

gaṅgātīre vasetkākī carate ca himālaye
tasyāḥ pakṣacyutaṃ toyaṃ pāyayecca tataḥ kṣaṇāt

3.3.52.27

tataḥprasūyate nārī kākarudravaco yathā
anena dūto vyākulo bhavettāvacca pāyayet

3.3.52.28

tena prasūyate nārī gṛhe kākasukhena ca

3.3.52.28.p1

ityātreyabhāṣite hārītottare tṛtīyasthāne mūḍhagarbhacikitsānāma dvipañcāśattamo'dhyāyaḥ