[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [Hārīta's Compendium of Medicine](https://indike.org/pramana/in.med.samhita.haritasamhita) › 3.3.5 # Hārīta's Compendium of Medicine 3.3.5: pañcamo'dhyāyaḥ Hārītasaṃhitā 3.3.5 - **Language:** Sanskrit ## Contents - [3.3.5.33](https://indike.org/pramana/in.med.samhita.haritasamhita.3.3.5.33) — 1 part ### pañcamo'dhyāyaḥ ### [3.3.5.1](https://indike.org/pramana/in.med.samhita.haritasamhita.3.3.5.1) ātreya uvāca krimayo dvividhāḥ proktā bāhyābhyantarasambhavāḥ bāhyāyūkāḥ prasiddhāḥ syurābhyantarāśca kiñcakāḥ > Therefore, with every effort, for the sake of warding off disease, / a compendium endowed with the characteristics of etiology and endowed with practical methods > — English (machine translation) (machine translation) ### [3.3.5.2](https://indike.org/pramana/in.med.samhita.haritasamhita.3.3.5.2) sapta vidho bhavedbāhyaḥ ṣaḍvidho'ntaḥsamudbhavaḥ teṣāṃ vakṣyāmi sambhūtiṃ bāhyānābhyantare nṛṇām ### [3.3.5.3](https://indike.org/pramana/in.med.samhita.haritasamhita.3.3.5.3) raukṣyādatimalātsvedāccintayā śocanādapi kaphādhātusamudbhūtāstīkṣṇā yūkā bhavanti hi ### [3.3.5.4](https://indike.org/pramana/in.med.samhita.haritasamhita.3.3.5.4) yūkāḥ kṛṣṇāḥ parāḥ śvetāstṛtīyā carmaṇi sthitā sūkṣmātivikaṭā rūkṣā carmabhā carma yūkikā ### [3.3.5.5](https://indike.org/pramana/in.med.samhita.haritasamhita.3.3.5.5) caturthī bindukī nāma varttulā mūtrasambhavā matkuṇā syācca pañcamī bāhyopadravakāriṇī ### [3.3.5.6](https://indike.org/pramana/in.med.samhita.haritasamhita.3.3.5.6) yūkā mastakasaṃsthāne śvetā śironivāsinī carmayūkā netracarme sūkṣme romaṇi yaṣṭikā ### [3.3.5.7](https://indike.org/pramana/in.med.samhita.haritasamhita.3.3.5.7) rūkṣānnayavānnagodhūmapiṣṭairguḍena vā kṣīraviparyayeṇa divāśayānena sapicchalena gharmeṇa tāpodakasevanena ### [3.3.5.8](https://indike.org/pramana/in.med.samhita.haritasamhita.3.3.5.8) sañjāyate tena malāśayeṣu krimivrajaṃ koṣṭhavikārakāri ### [3.3.5.9](https://indike.org/pramana/in.med.samhita.haritasamhita.3.3.5.9) ṣaḍvidhāste samuddiṣṭāsteṣāṃ vakṣyāmi lakṣaṇam kaphakoṣṭhaṃ malādhāraṃ koṣṭhe sarpanti sarpavat ### [3.3.5.10](https://indike.org/pramana/in.med.samhita.haritasamhita.3.3.5.10) pṛthumuṇḍā bhavantyeke kecitkiñcukasannibhāḥ dhānyāṅkuranibhāḥ kecitkecitsūkṣmāstathāṇavaḥ ### [3.3.5.11](https://indike.org/pramana/in.med.samhita.haritasamhita.3.3.5.11) sūcīmukhāḥ parijñeyāścāntrāṇi sīdayanti te vakṣyāmi lakṣaṇaṃ teṣāṃ cikitsāñca śṛṇaṣva me ### [3.3.5.12](https://indike.org/pramana/in.med.samhita.haritasamhita.3.3.5.12) jvaro hṛdrogaśūlaṃ vā vamihṛtkledanaṃ bhramaḥ rucibandho vivarṇatvamatīsāraḥ saphenilaḥ ### [3.3.5.13](https://indike.org/pramana/in.med.samhita.haritasamhita.3.3.5.13) garjanaṃ jaṭhare caiva mandāgnitvaṃ ca jāyate pipāsā pītatā netre kiñcukaiḥ pīḍitasya ca ### [3.3.5.14](https://indike.org/pramana/in.med.samhita.haritasamhita.3.3.5.14) sūcīvatudyate'ntrāṇi raktaṃ cevātisāryate yakṛdvā bhakṣyantyanye raktaṃ vā vamate bhṛśam ### [3.3.5.15](https://indike.org/pramana/in.med.samhita.haritasamhita.3.3.5.15) kledo mukhe'rucirjāḍyaṃ mandāgnitvaṃ ca vepathuḥ kṣuttṛṣṇā ca jvaro jñeyāḥ sūcīmukhakrimīrujaḥ ### [3.3.5.16](https://indike.org/pramana/in.med.samhita.haritasamhita.3.3.5.16) ye ca dhānyāṅkurāsteṣāṃ vakṣyāmyatha ca lakṣaṇam malāśayasthāḥ krimayo malaṃ jagdhanti te bhṛśam ### [3.3.5.17](https://indike.org/pramana/in.med.samhita.haritasamhita.3.3.5.17) taistu sampīḍyate dehe kṛśatvavidradhibhedaparuṣatāḥ tena gātre rujatvañca hṛtkledo yavakrimayo matāḥ ### [3.3.5.18](https://indike.org/pramana/in.med.samhita.haritasamhita.3.3.5.18) hārītaḥ saṃśayāpannaḥ pādau saṃgṛhya pṛcchati kathaṃ dehe manuṣyasya malasṛtrarasāśaye ### [3.3.5.19](https://indike.org/pramana/in.med.samhita.haritasamhita.3.3.5.19) sambhavanti kathaṃ cādau varddhayanti kathaṃ punaḥ kathaṃ ca śīrṇe'nnarase nānāhāravibhakṣaṇe ### [3.3.5.20](https://indike.org/pramana/in.med.samhita.haritasamhita.3.3.5.20) jāyante kena krimayaḥ sūkṣmā vāpyadhogāminaḥ nānāmapakvabhakṣyānnaṃ dahate vā hutāśanaḥ ### [3.3.5.21](https://indike.org/pramana/in.med.samhita.haritasamhita.3.3.5.21) kathaṃ te krimayaścānte na dahyanteṃ'ntarāgninā evaṃ pṛṣṭo mahācāryaḥ provāca munipuṅgavaḥ ### [3.3.5.22](https://indike.org/pramana/in.med.samhita.haritasamhita.3.3.5.22) ātreya uvāca śṛṇu putra mahābāho krimisambhavakāraṇam viruddhānnarasaiḥ putra raktaṃ caivāsya kupyati ### [3.3.5.23](https://indike.org/pramana/in.med.samhita.haritasamhita.3.3.5.23) kaphenaikadinaṃ yāti śukreṇa kāraṇaṃ vrajet pañcabhūtātmake kāye te tu jātāḥ sacetanāḥ ### [3.3.5.24](https://indike.org/pramana/in.med.samhita.haritasamhita.3.3.5.24) koṣṭhāgninā na dahyantena jīryante rasāniti viṣe jāto yathā kīṭo na viṣeṇa mṛtiṃ vrajet ### [3.3.5.25](https://indike.org/pramana/in.med.samhita.haritasamhita.3.3.5.25) tathā hutāśanodbhūtaṃ na hutāśena jīryate ### [3.3.5.26](https://indike.org/pramana/in.med.samhita.haritasamhita.3.3.5.26) bheṣajaṃ sampravakṣyāmi yena te'pi taranti vai patanti vā śamaṃ yānti bheṣajāni śṛṇuṣva me ### [3.3.5.27](https://indike.org/pramana/in.med.samhita.haritasamhita.3.3.5.27) vacājamodā krimijitpalāśabījaṃ śaṭhī rāmaṭhakaṃ triviśyāḥ uṣṇodake tatparipiṣya peyaṃ patanti śīghraṃ śatadhārttamalam ### [3.3.5.28](https://indike.org/pramana/in.med.samhita.haritasamhita.3.3.5.28) śaṭīyavānīpicumandaputrān viḍaṅgakṛṣṇāti viṣārasānām sampiṣya mūtreṇa trivṛtprayuktaṃ vināśanaṃ sarvakṛmīrujānām ### [3.3.5.29](https://indike.org/pramana/in.med.samhita.haritasamhita.3.3.5.29) maricaṃ pippalimūlaṃ viḍaṅgaśigrujavānikātrivṛtaḥ gomūtreṇa tu peṣyaṃ pānaṃ śīghraṃ krimīn hanti ### [3.3.5.30](https://indike.org/pramana/in.med.samhita.haritasamhita.3.3.5.30) mustāviśālātriphalāsuparṇiśigrūsurāhve salilena kalkaḥ pānaṃ sakṛṣṇākrimiśatrucūrṇaṃ vināśanaṃ sarvakṛmīrujāṃ ca ### [3.3.5.31](https://indike.org/pramana/in.med.samhita.haritasamhita.3.3.5.31) surasā ca suradāru māgadhī viḍaṅgakampillaviḍaṅgadantinī trivṛttāḍakarasonakaṃ krimihṛdrogahṛtsalilena sevitam ### [3.3.5.32](https://indike.org/pramana/in.med.samhita.haritasamhita.3.3.5.32) mātuluṅgasya mūlāni rasonaḥ krimijittrivṛt ajamodānimbapatraṃ gomūtreṇa tu peṣayet ### [3.3.5.33](https://indike.org/pramana/in.med.samhita.haritasamhita.3.3.5.33) pānametatpraśaṃsanti krimidoṣanivāraṇam jvaraproktāni pathyāni krimidoṣe pradāpayet ### [3.3.5.33.p1](https://indike.org/pramana/in.med.samhita.haritasamhita.3.3.5.33.p1) ityātreyabhāṣite hārītottare tṛtīyasthāne krimicikitsā nāma pañcamo'dhyāyaḥ ## Translations (1) - [English (machine translation)](https://indike.org/pramana/in.med.samhita.haritasamhita~en-mt.3.3.5) — English, machine translation --- Source: [https://indike.org/pramana/in.med.samhita.haritasamhita.3.3.5](https://indike.org/pramana/in.med.samhita.haritasamhita.3.3.5) · Pramāṇa