The Compendium of Suśruta 50
Bhānumatī 50
- Language
- Sanskrit
50.66
kṣīrakāryatayā kṣīramanu dadhiguṇānāha—dadhi tvityādi | etat sujātamadhurāmladadhiguṇakathanaṃ maṅgalyaṃ cetyantena | prāṇakaramiti balakaram | maṅgalyaṃ prabhāvāt | mandakamiti mandajātam | atyamlamiti atyamlatāṃ gatadadhidharmanirdeśaḥ, dīpanamityādi tasya guṇaḥ |
—
50.74
gavyādiviśeṣaguṇānāha - snigdhamityādi | māhiṣadadhiguṇe snigdhaṃ viśeṣādityanena saṃbadhyate, balāsavardhanamaviśeṣāt | āvikadadhiguṇe kaphavātābhyāṃ kṛtadurnāmnāṃ kopanamiti jñeyam || 67-74 ||-
50.75
sarvadadhiṣu gavyasya prādhānyamāha - dadhīnītyādi |
-
50.77
dadhno'vasthāyā bhedāntareṇa guṇānāha - vātaghnamityādi | suparisrutamiti suṣṭhugalitadravabhāgam |
-
50.78
dadhisaraguṇamāha-daghna ityādi | vahnervidhamana iti vahnimāndyakaraḥ |
50.83
tṛṣṇetyādi mastuguṇaḥ | mastu tu dvividham-ekaṃ dadhibhavam, aparaṃ kūrcikabhavaṃ; yaduktaṃ carake "droṇe pacet kūrcikamastunāstu ( ca. ci. sthā. a. 12) "tribhāgaśeṣaṃ ca supūtaśītaṃ droṇena tatprākṛtamastutā ca" iti | apare dadhikūrcikābhedena kūrcikābhavaṃ mastu dvividhamiti trividhaṃ mastu vadanti | tadayamaviśeṣeṇa mastuguṇaḥ | viśeṣastu mastuguṇaḥ "takrālaghutara" ityādinā vaktavyaḥ || 81-83 ||
Linked texts (1)
- Suśrutasaṃhitā — Suśruta & Nāgārjuna (siddha/alchemist), Sanskrit