The Compendium of Suśruta 65: atha lavaṇavargaḥ
Bhānumatī 65
- Language
- Sanskrit
atha lavaṇavargaḥ
65.313
annapānamāṃsādisaṃskārakatayā lavaṇānyāha—saindhavetyādi | sāmudraṃ kaḍakacalavaṇaṃ; sauvarcalaṃ svanāmakhyāta; raumakaṃ rumānadībhavaṃ, śākambharīdevīsthalopalakṣitadeśasaṃbhavaṃ sāmbharīlavaṇamityanye; audbhidaṃ ukārilavaṇamūṣaradeśabhavaṃ vadanti; anye tu pākyalavaṇa-maudbhidaṃ vadanti | prabhṛtigrahaṇāt kālalavaṇādigrahaṇam | eṣu yathottaramuṣṇādayaḥ |
65.321
teṣāṃ yathākramaṃ viśiṣṭaguṇānāha-cakṣuṣyamityādi | audbhidalavaṇe satiktakaṭuka-dravyotpannasya lavaṇaśabdavācyatā lavaṇarasatayā jñeyā | prabhṛtiśabdasūcitapākya-lavaṇaviśeṣaguḍikālavaṇaguṇamāha—kaphavātetyādi | guḍikālavaṇaṃ pākādatikaṭhinībhūta-guḍikākāralavaṇam | kecidūṣarādilavaṇavargaguṇaṃ paṭhanti-ūṣetyādi | etāni ca nāti-prasiddhāni || 314-321 ||
65.331
lavaṇavadannasaṃskārakatayā kṣārānāha—yavakṣāretyādi | pākimakṣāramūṣarapāṃśuprapākānnirvṛttaṃ vadanti; anye tvapāmārgādibhasmaparisrāvyapākād ghanīkṛtaṃ kṣāraṃ pākimaṃ vadanti | prabhṛtigrahaṇena pākimabhedānāṃ grahaṇam || 322-331 ||
Linked texts (1)
- Suśrutasaṃhitā — Suśruta & Nāgārjuna (siddha/alchemist), Sanskrit