The Compendium of Suśruta 119

Nibandhasaṅgraha 119

Language: Sanskrit

119.2

netraṃ yantraṃ; bastireṇādīnā mūtrādhāra., tadādheyaṃ dravyamapi; tayoḥ pramāṇaṃ praivibhāgaśca sa eva cikitsitaṃ vyādhe pratīkāro yasmin tat |

bastikarma tu mūtrādhārapuṭakena sādhyaṃ karma, bastiśabdo hi sāmānyo niruhe snehavastau ca | vamanavirecane tu pradhānatare, vastikarma tu pradhānatamam | saṃgrahaṇā nīti doṣāṇāmevātipravṛttamānānāmityarthaḥ | kṣīṇaśukraṃ vājīkaroti anenāśva iva balakāriṇī harṣajā śaktiruktā, kṛśaṃ bṛṃhayatītyupacayalakṣaṇā śaktiruktā, vaya sthāpayatītyanena āyurvṛddhikaratva sūcayati | etadeva pradhānatamatvasādhanaṃ ślokenāpi darśayannāha-śarīropacayamityādi |

119.5

ane kavyādhinirghātakatvaṃ darśayannāha-tathā jvarātīsāretyādi | jvarādiṣu cāvasthāviśeṣo vasterviṣayaḥ, sa ca śāstrādeva jñeyaḥ |

119.6

doṣakārye jvarādau vastiprayogamabhidhāya jvarādikāraṇe doṣe'pi vasterhitatvaṃ darśayannāha-bhavati cātretyādi | sasargo doṣadvayaprakopaḥ, prakṛtisamasamavetajvarādyārambhakadopatrayaprakopaḥ sannipāto'trābhipretaḥ |

119.9

netrapramāṇamāsthāpanadravyapramāṇaṃ ca vayobhedena pradarśayitumāha-tatra sāvatsariketyādi | tatra sāṃvatsarikāṣṭadviraṣṭavarṣāṇāmityatra yathāsaṅkhyavyākhyānena sāṃvatsarikabālasya niruhayantraṃ ṣaḍaṅgulapramāṇaṃ, tatkaniṣṭhikāpariṇāha, agre'dhyakṣdhauṅgulasanniviṣṭrakaṇikaṃ, kaṅkapakṣanāḍītulyapraveśaṃ mūle, mudgavāhisrotaścāgre vidadhyāt | chatrākārā gude'dhikānta praveśarodhinī karṇikā kathyate | kaṅkaḥ vakracañcuḥ kṛṣṇavarṇa prasiddha eva | aṣṭavarṣasya punaraṣṭāṅgulapramāṇaṃ, tadanāmikāpariṇāhaṃ, agre dvyaṅgulasanniviṣṭa-
karṇikaṃ, śyenapakṣanāḍītulyapraveśaṃ mūle, māṣavāhisrotaścāgre vidadhyāt | dviraṣṭavarṣasya ṣoḍaśavarṣasyetyarthaḥ, kimbhūtaṃ yantraṃ 1 daśāṅgulapramāṇaṃ, tanmadhyāṅgulipariṇāhaṃ, ardhatṛtīyāṅgulasanniviṣṭakarṇikaṃ, barhī mayūrastatpakṣanāḍīpraveśaṃ mūle, kalāyavāhisrotaścāgre, vidadhyāt | teṣviti sāvatsarikādaṣṭādaśavarṣeṣu bāleṣu yathāsaṅkhyamāturahastena dvau catvāro'ṣṭau ca prasṛtā vidheyā | prasṛto'tra kuñcitāṅguliḥ pāṇi, na tu paladvayamiti gayadāsācāryaḥ | jejjaṭācāryastu āturahastagrahaṇaṃ madhyamapuruṣahastopalakṣaṇaṃ, tena tatprasṛtena paladvayapramiteneti vyākhyānayati | atrai madhyavartivarṣāṇāṃ netradravyamānaṃ nirdeśyānnāha-varṣāntareṣvityādi | pañcaviṃśatiṃ yāvat, samīkṣya yathāyathamabhyūhya netrapramāṇaṃ vastidravyapramāṇaṃ cotkarṣayet (pañcaviṃśaterityādi | gṛdhrapakṣanāḍītulyapraveśaṃ mūle, klinnakalāyamātracchidramagre, sarvāṇi tu mūle bastinibandhanārthaṃ dvikarṇikāni dvyaṅgulāntarāṇi kuryāt dvyaṅgulamadhyānītyarthaḥ ) || 7-9 ||
bālavṛddhayorhānopacayaśaktilakṣaṇabalatvenāsthāpanasya mātrākṛtaṃ hīnatvaṃ pradarśya tīkṣṇādiguṇahīnatvaṃ darśayannāha-mṛdurbastiḥ prayoktavya ityādi | tatra mṛdudravyakṛto bastirmṛduḥ, tīkṣṇaśca tadviparyayaḥ |

119.11

śalyatantratvādasya śāstrasya vraṇanetrapramāṇamāha-vraṇanetramaṣṭāṅgulamityādi |

119.12

119.13

kīdṛśā vastayaścāvandhyā ityāha-vastayaścāvandhyā ityādi | nātivahalā nātyupacitāḥ, nātidīrghā ityanye | tāntavaṃ vastram | |

119.17

grahaṇayogyavasteḥ parikarma bandhavidhiṃ ca darśayannāha - bastiṃ nirupadigdhamityādi | nirupadigdhaṃ māsādyupalepavarjitam | śuddhaṃ kaṣāyarañjitam | suparimārjitaṃ suṣṭhunirmārjitam | anuddhatahīnaṃ nādhikaṃ na hīnaṃ; etenādheyadravyamānaṃ samīkṣyādhārabhūtasya vasteḥ pramāṇaṃ vidheyamityarthaḥ | pratiṣṭhāpya sayojya | nyubjamadhomukham | gomahiṣādivastayo niruhayantre yathālābhaṃ saṃyojyā; uttaravastiyantre punarajorabhravastī eva yojanīyāviti || 15-17 ||

119.18

anarthāntaramiti ekārthamityarthaḥ | vasternairūhikasnehikabhedābhyā yau dvau vikalpau tau nirūhasnehavastyākhyau, tayornairūhikamabhidhāya snehikaṃ bastivikalpamabhidhatte - yathetyādi | yasya yatpramāṇaṃ yo yo guṇastābhyā vihitaḥ snehavastyākhyo'nuvāsanasaṃjña ityartha | yathāyayornirūhāṇāmityādinā vidhāsyamāno'pi snehavastivikalpo'nāgatāvekṣaṇatantrayuktyā vihita iti pradiṣṭa | yathāpramāṇamityanena sūcitaṃ pramāṇaṃ prakaṭayannāha-pādāvakṛṣṭa iti | yathāyavaya ityādivakṣyamāṇavākyadarśanādāsthāpanasya pādaistribhirapakṛṣṭo hīna pādāva (pa) kṛṣṭa | ayamartha — sāvatsarīkādi kālāpekṣaṃ yatprakuñcādi caturviṃśatipalāvasānaṃ nirūhapramāṇaṃ taccaturthāṃśena karṣamārabhya ṣaṭpalāni yāvadanuvāsanasya pramāṇa-
miti | tantrāntare ca navadvayavasramāśrityānuvāsanasyottamādimātrānedena traividhyamukta, mathā- "ṣaṭpalī tu bhavecchreṣṭhā madhyamā tripalī bhavet | kanīyasyardhapalā tridhā mātrā'nuvāsane-" iti | tasyāpi vikalpa ityādi tasyāpyanuvāsanasya, ṣaṭpalapramāṇasyārdhamātrāvakṛṣṭa pādāvaśiṣṭo'rdhyardhapalamātra ityarthaḥ | aparihārya. avidyamānapariharaṇārha | gayī tu yathāpramāṇavihitādya vasteḥ pādāna snehavasti snehavikalpo'rdhamātrāpakṛṣṭo'nuvāsanaṃ, tasyāpi vikalpo'rdhamātrāpakṛṣṭo'parihāryo mātrāvastiriti | etena tanmate ṣaṭpalapramāṇa snehavasti, tadardhena palatrayapramāṇamanuvāsanaṃ, tasyārdhena sārdhapalapramāṇo mātrāvastiriti |
phalenāpi tanorbhedaṃ darśayannāha-nirūha ityādi | śodhanadravyasaṃyuktaḥ śodhano nirūha | sarvaniārūhānuvāsanavarmo'yaṃ, dravyaviśeṣayogāttu kvacicchodhanādīnāmutkarṣāpakarṣau | jejjaṭācāryastu snehano vṛhaṇo mata iti paṭhitvā śodhanādicatuṣkaṃ nirūhasya karmeti varṇayati ||-

119.20

nirūhaśodhitānmārgeṣu samyak snehavīryānumaraṇaṃ darśayannāhanirūhetyādi || 19-20 ||

119.21

syāt “utpadyate hi sā'vasthā deśakālavala prati | yasyāṃ kāryamakārya syāt karma kārya ca garhitam"-iti |
kvacidevāsthāpanasyāvasthāyā pratiprasavamuddiśannāha-udarī cetyādi | sā cāvasthā tantrāntarādanusartavyā | tatrodare vāgbhaṭa , "suviriktasya yasya syādādhmānaṃ punareva tam | susnigdhairamlalavaṇairnistaiḥ samupācaret-" iti; evaṃ pramehādiṣu cikitsitamālokyāsthāpanavyavasthā jñātavyā |
niṣiddhācaraṇadoṣamuddiśannāha-asādhyatetyādi | eṣāṃ vikārāṇāmudarādīnām | gātrasadanamaṅgalāni. |
23 ||

119.25

samyak pradatto vastiryeṣu sthāneṣvavatiṣṭhate tānāha-pakvāśaye ityādi | katha tarhi pakvāśayādimātragato vastiḥ kvacit sarveṣāmavayavānāmanavasāda, kvacit sarvāṅgagatānāṃ doṣāṇāṃ haraṇaṃ śamanaṃ ca janayatītyāha-pakvāśaya ityādi | pakvāśayādvastivīrya khai srotobhiranusarpati kṛtsnadehe; vīrya, śakti, prabhāva ityanarthāntaram |
24 |

119.26

tiṣṭhastāvadvastirguṇakārī bhavatu ktha nirgato'pi tādṛśaḥ syādityāha-sa cāpītyādi | pratyeti pratyāgacchati | vīrya snehādiguṇaḥ | apānādyairiti ādyapadenodānādayo boddhavyāḥ | apānenādha , udānenordhvaṃ, vyānena sarvatra, vinīyate viśeṣeṇa sarvaśarīrāvayaveṣu nīyate |

119.28

sakalāvayavagatadoṣaharaṇaṃ vasterekasthānasthitasyopamānena darśayannāha-vīryeṇetyādi | dhanvantarānuṃ ślokaṃ na paṭhanti |

119.31

doṣatrayasyetyādi | yathā udadhe. samudrasya, pavanāviddhatoyasya anilenodbhūyasalilasya, velā kūlamaryādā, vegaṃ viṣahate viśeṣeṇa sahate || 29-31 ||

119.32

119.33

vijñānaṃ lakṣaṇam | siddhiṃ cikitsitam |
iti śrīḍalhaṇaviracitāyā nivandhasagrahākhyāyāṃ suśrutavyākhyāyāṃ cikitsāsthāne pañcatriṃśattamo'dhyāyaḥ |
35 ||

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit