The Compendium of Suśruta 166
Nibandhasaṅgraha 166
- Language
- Sanskrit
166.2
pūtanāpratiṣedhānantara pūtanāsāmānyādandhapūtanāpratiṣedhārambho yujyata ityāha-athāta ityādi |
tiktaketyādi | tiktakadrumā nimbādayaḥ, tatpatrakvāthena pariṣeka kāryaḥ ||-
166.4
suretyādi | sauvīrakaṃ virecanādhyāyopadiṣṭakāñjikaprakāra | atra taile surāsauvīrake tailāt pratyekaṃ caturguṇe, kuṣṭhādīni kalkadravyāṇi caturthāṃśāni | pippalya ityādi | vargo madhuraka kākolyādi , vargagrahaṇaṃ yathālābhaniṣedhārthaṃ, pippalyādīnā kalkkakvāthābhyā ghṛtaṃ vipācya śītībhūte ghṛte madhu kṣipet | idaṃ ghṛta pānāya |
-
166.5
sarvaityādi | pradeho lepa | śītalairnyairapi dravyai |
166.6
purīṣaṃ kaukkuṭamiti kukkuṭapurīṣaṃ, keśāṃścarma ca kukkuṭasya, keśāścarma ca mānuṣasyetyeke, kecit carmeti sarpasya vadanti, tena carma tvak kañcalikā sarpasya | jīrṇā ca bhikṣusaṅghāṭīmiti bhikṣuratra śākyabhikṣurvāṃścākya parivrājakaśca, tayorjāṇaṃsaṅghāṭī jīrṇavastraṃ, tadekadeśo gṛhyate, ekadeśe'pi samudāyapravṛtte , bhikṣuratra śākyabhikṣureveti jejjaṭaḥ |
166.9
kukkuṭīmityādi | kukkuṭī sphaṭikaracitakukkuṭāṇḍasadṛśakandā kukkuṭīśarīravat kusumacitrā vallī | markaṭī kapikacchu, markaṭamūlītyanye, śūkaśimbītyapare | anantā sārivā | antaśca khaṇḍagṛhābhyantare | śiśośceti cakārāt dhātryāśca snapanam | sarvagandhā elādikā | devī prītā satīmaṃ bālaṃ rakṣatviti sambandhaḥ || 7-9 ||
iti śrīḍalhaṇācāryaviracitāyā nibandhasaṅgrahahlākhyāyā suśrutavyākhyāyāmuttaratantrāntargate kaumārabhṛtyatantre'ndhapūtanāpratiṣedho nāma trayastriṃśattamo'dhyāya |
33 ||
Linked texts (1)
- Suśrutasaṃhitā — Suśruta & Nāgārjuna (siddha/alchemist), Sanskrit