Sushruta Samhita 6.31: ekatriṃśattamo+adhyāyaḥ/
Suśrutasaṃhitā 6.31
- Language
- Sanskrit
ekatriṃśattamo+adhyāyaḥ/
6.31.1
athāto revatīpratiṣedhaṃ vyākhyāsyāmaḥ//
6.31.2
yathovāca bhagavān dhanvantariḥ//
6.31.3
aśvagandhā ca śṛṅgī ca sārivā sapunarnavā/
sahe tathā vidārī ca kaṣāyāḥ secane hitāḥ//
6.31.4
tailamabhyañjane kāryaṃ kuṣṭhe sarjarase+api ca/
palaṅkaṣāyāṃ nalade tathā girikadambake//
6.31.5
dhavāśvakarṇakakubhadhātakītindukīṣu ca/
kākolyādigaṇe caiva pānīyaṃ sarpiriṣyate//
6.31.6
kulatthāḥ śaṅkhacūrṇaṃ ca pradehaḥ sārvagandhikaḥ/
gṛdhrolūkapurīṣāṇi yavā yavaphalo ghṛtam//
6.31.7
sandhyayorubhayoḥ kāryametaduddhūpanaṃ śiśoḥ/
varuṇāriṣṭakamayaṃ rucakaṃ saindukaṃ tathā//
6.31.8
satataṃ dhārayeccāpi kṛtaṃ vā pautrajīvikam/
śuklāḥ sumanaso lājāḥ payaḥ śālyodanaṃ tathā//
6.31.9
balirnivedyo gotīrthe revatyai prayatātmanā/
saṅgame ca bhiṣak snānaṃ kuryāddhātrīkumārayoḥ//
6.31.10
nānāvastradharā devī citramālyānulepanā/
calatkuṇḍalinī śyāmā revatī te prasīdatu//
6.31.11
upāsate yāṃ satataṃ devyo vividhabhūṣaṇāḥ/
lambā karālā vinatā tathaiva bahuputrikā/
revatī śuṣkanāmā yā sā te devī prasīdatu//
6.31.11_1
iti suśurtasaṃhitāyāmuttaratantrāntargate kumāratantre revatīpratiṣedho nāma (pañcamo+adhyāyaḥ, āditaḥ) ekatriṃśo+adhyāyaḥ//31//
Commentaries (2)
- Nibandhasaṅgraha — Ḍalhaṇa, Sanskrit
- Bhānumatī — Cakrapāṇidatta, Sanskrit
Linked texts (3)
- Bhāvaprakāśa (another edition) — Sanskrit
- Cikitsāsārasaṅgraha (Vaṅgasena) — Vaṅgasena, Sanskrit
- Vācaspatya — Tārānātha Tarkavācaspati, Sanskrit
Discussed in (1)
- A History of Indian Medical Literature — Meulenbeld 1999, English