[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.18 # The Compendium of Suśruta 1.18: aṣṭādaśo+adhyāyaḥ / Suśrutasaṃhitā 1.18 - **Language:** Sanskrit ### aṣṭādaśo+adhyāyaḥ / ### [1.18.1](https://indike.org/pramana/in.med.samhita.susruta.1.18.1) athāto vraṇālepanabandhavidhimadhyāyaṃ vyākhyāsyāmaḥ // ### [1.18.2](https://indike.org/pramana/in.med.samhita.susruta.1.18.2) yathovāca bhagavān dhanvantariḥ // ### [1.18.3](https://indike.org/pramana/in.med.samhita.susruta.1.18.3) ālipa ādya upakramaḥ eṣa sarvaśophānāṃ sāmānyaḥ pradhānatamaśca taṃ ca pratirogaṃ vakṣyāmaḥ tato bandhaḥ pradhānaṃ tena śuddhirvraṇaropaṇamasthisaṃdhisthairyaṃ ca // ### [1.18.4](https://indike.org/pramana/in.med.samhita.susruta.1.18.4) tatra pratilomamālimpennānulomam / pratilome hi samyagauṣadhamavatiṣṭhate+anupraviśati romakūpān svedavāhibhiśca sirāmukhairvīryaṃ prāpnoti // ### [1.18.5](https://indike.org/pramana/in.med.samhita.susruta.1.18.5) na ca śuṣyamāṇamupekṣeta anyatra pīḍayitavyāt śuṣko hyapārthako rukkaraśca // ### [1.18.6](https://indike.org/pramana/in.med.samhita.susruta.1.18.6) sa trividhaḥ pralepaḥ pradeha ālepaśca / teṣāmantaraṃ pralepaḥ śītastanuraviśoṣī viśoṣī ca pradehastūṣṇaḥ śīto vā bahalo+abahuraviśoṣī ca madhaymo+atrālepaḥ / tatra raktapittaprasādakṛdālepaḥ pradeho vātaśleṣmapraśamanaḥ saṃdhānaḥ śodhano ropaṇaḥ śophavedanāpahaśca tasyopayogaḥ kṣatākṣateṣu yastu kṣateṣūpayujyate sa bhūyaḥ kalka iti saṃjñāṃ labhate niruddālepanasaṃjñaḥ tenāsrāvasannirodho mṛdutā pūtimāṃsāpakarṣaṇamanantardoṣatā vraṇaśuddhiśca bhavati // ### [1.18.7](https://indike.org/pramana/in.med.samhita.susruta.1.18.7) avidagdheṣu śopheṣu hitamālepanaṃ bhavet / ### [1.18.7\_2](https://indike.org/pramana/in.med.samhita.susruta.1.18.7_2) yathāsvaṃ doṣaśamanaṃ dāhakaṇḍūrujāpaham // ### [1.18.8](https://indike.org/pramana/in.med.samhita.susruta.1.18.8) tvakprasādanamevāgryaṃ māṃsaraktaprasādanam / ### [1.18.8\_2](https://indike.org/pramana/in.med.samhita.susruta.1.18.8_2) dāhapraśamanaṃ śreṣṭhaṃ todakaṇḍūvināśanam // ### [1.18.9](https://indike.org/pramana/in.med.samhita.susruta.1.18.9) marmadeśeṣu ye togā guhyeṣvapi tathā nṛām / ### [1.18.9\_2](https://indike.org/pramana/in.med.samhita.susruta.1.18.9_2) saṃśodhanāya teṣāṃ hi kuryādālepanaṃ bhiṣak // ### [1.18.10](https://indike.org/pramana/in.med.samhita.susruta.1.18.10) (?ṣaḍbhāgaṃ paittike snehaṃ catrubhāgaṃ tu vātike / ### [1.18.10\_2](https://indike.org/pramana/in.med.samhita.susruta.1.18.10_2) aṣṭabhāgaṃ tu kaphaje snehamātrāṃ pradāpayet //) ### [1.18.11](https://indike.org/pramana/in.med.samhita.susruta.1.18.11) tasya pramāṇamārdramāhiṣacarmotsedhamupadiśanti // ### [1.18.12](https://indike.org/pramana/in.med.samhita.susruta.1.18.12) na cālepaṃ rātrau prayuñjīta mā bhūcchaityapihitoṣmaṇastadanirgamādvikārapravṛtti(ā.ddhi)riti // ### [1.18.13](https://indike.org/pramana/in.med.samhita.susruta.1.18.13) pradehasādhye vyādhau tu hitamālepanaṃ divā / ### [1.18.13\_2](https://indike.org/pramana/in.med.samhita.susruta.1.18.13_2) pittaraktābhighātotthe saviṣe ca viśeṣataḥ // ### [1.18.14](https://indike.org/pramana/in.med.samhita.susruta.1.18.14) na ca paryuṣitaṃ lepaṃ kadācidavacārayet / ### [1.18.14\_2](https://indike.org/pramana/in.med.samhita.susruta.1.18.14_2) uparyupari lepaṃ tu na kadācit pradāpayet // ### [1.18.15](https://indike.org/pramana/in.med.samhita.susruta.1.18.15) ūṣmāṇaṃ vedanāṃ dāhaṃ ghanatvājjanayet sa hi / ### [1.18.15\_2](https://indike.org/pramana/in.med.samhita.susruta.1.18.15_2) na ca tenaiva lepena pradehaṃ dāpayet punaḥ / ### [1.18.15\_3](https://indike.org/pramana/in.med.samhita.susruta.1.18.15_3) śuṣkabhāvātsa nirvīryo yukto+api syādapārthakaḥ // ### [1.18.16](https://indike.org/pramana/in.med.samhita.susruta.1.18.16) ata ūrdhvaṃ vraṇabandhanadravyāṇyupadekṣyāmaḥ tadyathā kṣaumakārpāsāvikadukūlakauśeyapatrorṇacīnapaṭṭacarmāntarvalkalālābūśakalalatāvidalarajjutūlaphalasantānikālauhānīti teṣaṃ vyādhiṃ kālaṃ cāvekṣyopayogaḥ prakaraṇataścaiṣāmādeśaḥ // ### [1.18.17](https://indike.org/pramana/in.med.samhita.susruta.1.18.17) tatra kośadāmasvastikānuvellitapra(ā.mu)tolīmaṇḍalasthagikāyamakakhaṭvācīnavibandhavitānagophaṇāḥ pañcāṅgī ceti caturdaśa bandhaviśeṣāḥ / teṣāṃ nāmabhirevākṛtayaḥ prāyeṇa vyākhyātāḥ // ### [1.18.18](https://indike.org/pramana/in.med.samhita.susruta.1.18.18) tatra kośamaṅguṣṭhāṅguliparvasu vidadhyāt dāmasaṃbādhe+aṅge sandhikūrcakabhrūstanāntaratalakarṇeṣu svastikaṃ anuvellitaṃ tu śākhāsu grīvāmeḍhrayoḥ pratolīṃ vṛtte+aṅge maṇḍalaṃ aṅguṣṭhāṅgulimeḍhrāgreṣu sthagikāṃ yamalavraṇayoryamakaṃ hanuśaṅkhagaṇḍeṣu khaṭvāṃ apāṅgayoścīnaṃ pṛṣṭhodaroraḥsu vibandhaṃ mūrdhani vitānaṃ cibukanāsauṣṭhāṃsabastiṣu gophaṇāṃ jatruṇa ūrdhvaṃ pañcāṅgīmiti yo vā yasmin śarīrapradeśe suniviṣṭo bhavati taṃ tasmin vidadhyāt // ### [1.18.19](https://indike.org/pramana/in.med.samhita.susruta.1.18.19) yantraṇamūrdhvamadhistiryak ca // ### [1.18.20](https://indike.org/pramana/in.med.samhita.susruta.1.18.20) tatra ghanāṃ kavalikāṃ dattvā vāmahastaparikṣepamṛjumanāviddhamasaṃkucitaṃ mṛdu paṭṭaṃ niveśya badhnīyāt / na ca vraṇasyopari kuryādgranthimābādhakaraṃ ca // ### [1.18.21](https://indike.org/pramana/in.med.samhita.susruta.1.18.21) na ca vikeśikauṣadhe+atisnigdhe+atirūkṣe viṣame vā kurvīta yasmādatisnehāt kledo raukṣyācchedo durnyāsāhraṇavartmāvagharṣaṇamiti // ### [1.18.22](https://indike.org/pramana/in.med.samhita.susruta.1.18.22) tatra vraṇayatanaviśeṣādbandhaviśeṣastrividho bhavati gāḍhaḥ samaḥ śithila iti // ### [1.18.23](https://indike.org/pramana/in.med.samhita.susruta.1.18.23) pīḍayannarujo gāḍhaḥ socchvāsaḥ śithilaḥ smṛtaḥ / ### [1.18.23\_2](https://indike.org/pramana/in.med.samhita.susruta.1.18.23_2) naiva gāḍho na śithilaḥ samo bandhaḥ prakīrtitaḥ // ### [1.18.24](https://indike.org/pramana/in.med.samhita.susruta.1.18.24) tatra sphikkukṣikakṣāvaṅkṣaṇoruśiraḥsu gāḍhaḥ śākhāvadanakarṇakaṇṭhameḍhramuṣkapṛṣṭhapārśvodaroraḥsu samaḥ akṣṇoḥ sandhiṣu ca śithila ti // ### [1.18.25](https://indike.org/pramana/in.med.samhita.susruta.1.18.25) tatra paittikaṃ gāḍhasthāne samaṃ badhnīyāt samasthāne śithilaṃ śithilasthāne naiva evaṃ śoṇitaduṣṭaṃ ca ślaiṣmikaṃ śithilasthāne samaṃ samasthāne gāḍhaṃ gāḍhasthāne gāḍhataraṃ evaṃ vātaduṣṭaṃ ca // ### [1.18.26](https://indike.org/pramana/in.med.samhita.susruta.1.18.26) tatra paittikaṃ śaradi grīṣme dvirahno badhnīyāt raktopadrutamapyevaṃ ślaiṣmikaṃ hemantavasantayostryahāt vātopadrutamapyevam / evamabhyūhya bandhaviparyayaṃ ca kuryāt // ### [1.18.27](https://indike.org/pramana/in.med.samhita.susruta.1.18.27) tatra samaśithilasthāneṣu gāḍhaṃ baddhe vikeśikauṣadhanairarthakyaṃ śophavedanāprādurbhāvaśca gāḍhasamasthāneṣu śithilaṃ baddhe vikeśikauṣadhapatanaṃ paṭṭasaṃcārāhraṇavartmāvagharṣanamiti gāḍhaśithilasthāneṣu samaṃ baddhe ca guṇābhāva iti // ### [1.18.28](https://indike.org/pramana/in.med.samhita.susruta.1.18.28) aviparītabandhe vedanopaśāntirasṛkprasādo mārdavaṃ ca // ### [1.18.29](https://indike.org/pramana/in.med.samhita.susruta.1.18.29) abadhyamāno daṃśamaśakatṛṇakāṣṭhopalapāṃśuśītavātātapaprabhṛtibhirviśeṣairabhihanyate vraṇo vividhavedanopadrutaśca duṣṭatāmupaityālepanādīni cāsya viśoṣamupayānti // ### [1.18.30](https://indike.org/pramana/in.med.samhita.susruta.1.18.30) cūrṇitaṃ mathitaṃ bhagnaṃ viśliṣṭamatipātitam / ### [1.18.30\_2](https://indike.org/pramana/in.med.samhita.susruta.1.18.30_2) asthisnāyusirācchinnamāśu bandhena rohati // ### [1.18.31](https://indike.org/pramana/in.med.samhita.susruta.1.18.31) sukhamevaṃ vraṇī śete sukhaṃ gacchati tiṣṭhati / ### [1.18.31\_2](https://indike.org/pramana/in.med.samhita.susruta.1.18.31_2) sukhaṃ śayyāsanasthasya kṣipraṃ saṃrohati vraṇaḥ // ### [1.18.32](https://indike.org/pramana/in.med.samhita.susruta.1.18.32) abandhyāḥ pittaraktābhighātaviṣanimittā yadā ca śophadāhapākarāgatodavedanābhibhūtāḥ kṣārāgnidagdhāḥ pākāt prakuthitapraśīrṇamāṃsāśca bhavanti // ### [1.18.33](https://indike.org/pramana/in.med.samhita.susruta.1.18.33) kuṣṭhināmagnidagdhānāṃ piḍakā madhumehinām / ### [1.18.33\_2](https://indike.org/pramana/in.med.samhita.susruta.1.18.33_2) karṇikāśconduruviṣe viṣajuṣṭavraṇāśca ye // ### [1.18.34](https://indike.org/pramana/in.med.samhita.susruta.1.18.34) māṃsāpāke na badhyante gudapāke ca dāruṇe / ### [1.18.34\_2](https://indike.org/pramana/in.med.samhita.susruta.1.18.34_2) svabuddhyā cāpi vibhajetkṛtyākṛtyāṃśca buddhimān // ### [1.18.35](https://indike.org/pramana/in.med.samhita.susruta.1.18.35) deśaṃ doṣaṃ ca vijñāya vraṇaṃ ca vraṇakovidaḥ / ### [1.18.35\_2](https://indike.org/pramana/in.med.samhita.susruta.1.18.35_2) ṛtūṃśca parisaṃkhyāya tato bandhānniveśayet // ### [1.18.36](https://indike.org/pramana/in.med.samhita.susruta.1.18.36) ūrdhvaṃ tiryagadhastācca yantraṇā trividhā smṛtā / ### [1.18.36\_2](https://indike.org/pramana/in.med.samhita.susruta.1.18.36_2) yathā ca badhyate bandhastathā vakṣyāmyaśeṣataḥ // ### [1.18.37](https://indike.org/pramana/in.med.samhita.susruta.1.18.37) ghanāṃ kavalikāṃ dattvā mṛdu caivāpi paṭṭakam / ### [1.18.37\_2](https://indike.org/pramana/in.med.samhita.susruta.1.18.37_2) vikeśikāmauṣadhaṃ ca nātisnigdhaṃ samācaret // ### [1.18.38](https://indike.org/pramana/in.med.samhita.susruta.1.18.38) prakledayatyatisnigdhā tathā rūkṣā kṣiṇoti ca / ### [1.18.38\_2](https://indike.org/pramana/in.med.samhita.susruta.1.18.38_2) yuktasnehā ropayati durnyastā vartma gharṣati // ### [1.18.39](https://indike.org/pramana/in.med.samhita.susruta.1.18.39) viṣamaṃ ca vraṇaṃ kuryāt stambhayet srāvayettathā / ### [1.18.39\_2](https://indike.org/pramana/in.med.samhita.susruta.1.18.39_2) yathāvraṇaṃ viditvā tu yogaṃ vaidyaḥ prayojayet // ### [1.18.40](https://indike.org/pramana/in.med.samhita.susruta.1.18.40) pittaje raktaje vā+api sakṛteva parikṣipet / ### [1.18.40\_2](https://indike.org/pramana/in.med.samhita.susruta.1.18.40_2) asakṛt kaphaje vā+api vātaje ca vicakṣaṇaḥ // ### [1.18.41](https://indike.org/pramana/in.med.samhita.susruta.1.18.41) talena pratipīḍyātha srāvayedanulomataḥ / ### [1.18.41\_2](https://indike.org/pramana/in.med.samhita.susruta.1.18.41_2) sarvāṃśca bandhān gūḍhāntān sandhīṃśca viniveśayet // ### [1.18.42](https://indike.org/pramana/in.med.samhita.susruta.1.18.42) oṣṭhasyāpyeṣa sandhāne yathoddiṣṭo vidhiḥ smṛtaḥ / ### [1.18.42\_2](https://indike.org/pramana/in.med.samhita.susruta.1.18.42_2) buddhyotprekṣyābhiyuktena tathā cāsthiṣu jānatā // ### [1.18.43](https://indike.org/pramana/in.med.samhita.susruta.1.18.43) uttiṣṭhato niṣaṇṇasya śayanaṃ vā+adhigacchataḥ / ### [1.18.43\_2](https://indike.org/pramana/in.med.samhita.susruta.1.18.43_2) gacchato vividhairyānairnāsya duṣyati sa vraṇaḥ // ### [1.18.44](https://indike.org/pramana/in.med.samhita.susruta.1.18.44) ye ca syurmāṃsasaṃsthā vai tvaggatāśca tathā vraṇāḥ / ### [1.18.44\_2](https://indike.org/pramana/in.med.samhita.susruta.1.18.44_2) sandhyasthikoṣṭhaprāptāśca sirāsnāyugatāstathā // ### [1.18.45](https://indike.org/pramana/in.med.samhita.susruta.1.18.45) tathā+avagāḍhagambhīrāḥ sarvato viṣamasthitāḥ / ### [1.18.45\_2](https://indike.org/pramana/in.med.samhita.susruta.1.18.45_2) naite sādhayituṃ śakyā ṛte bandhādbhavanti hi // ### [1.18.45\_1](https://indike.org/pramana/in.med.samhita.susruta.1.18.45_1) iti suśrutasaṃhitāyāṃ sūtrasthāne vraṇālepanabandhavidhirnāmāṣṭādaśo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.21.3) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.19.2) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.18](https://indike.org/pramana/in.med.samhita.susruta.1.18) · Pramāṇa