[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.19 # The Compendium of Suśruta 1.19: ekonaviṃśo+adhyāyaḥ / Suśrutasaṃhitā 1.19 - **Language:** Sanskrit ### ekonaviṃśo+adhyāyaḥ / ### [1.19.1](https://indike.org/pramana/in.med.samhita.susruta.1.19.1) athāto vraṇitopāsanīyamadhyāyaṃ vyākhyāsyāmaḥ // ### [1.19.2](https://indike.org/pramana/in.med.samhita.susruta.1.19.2) yathovāca bhagavān dhanvantriḥ // ### [1.19.3](https://indike.org/pramana/in.med.samhita.susruta.1.19.3) vraṇitasya prathamamevāgāramanvicchet taccāgāraṃ praśastavāstvādikaṃ karyam // ### [1.19.4](https://indike.org/pramana/in.med.samhita.susruta.1.19.4) praśastavāstuni gṛhe śucāvātapavarjite / ### [1.19.4\_2](https://indike.org/pramana/in.med.samhita.susruta.1.19.4_2) nivāte na ca rogāḥ syuḥ śārīrāgantumānasāḥ // ### [1.19.5](https://indike.org/pramana/in.med.samhita.susruta.1.19.5) tasmin śayanamasaṃbādhaṃ svāstīrṇaṃ manojñaṃ prākśiraskaṃ saśastraṃ kurvīt // ### [1.19.6](https://indike.org/pramana/in.med.samhita.susruta.1.19.6) sukhaceṣṭāpracāraḥ syāt svāstīrṇe śayane vraṇī / ### [1.19.6\_2](https://indike.org/pramana/in.med.samhita.susruta.1.19.6_2) prācyāṃ diśi sthitā devāstatpūjārthaṃ ca tacchiraḥ // ### [1.19.7](https://indike.org/pramana/in.med.samhita.susruta.1.19.7) tasmin suhṛdbhiranukūlaiḥ priyaṃvadairupāsyamāno yatheṣṭamāsīt // ### [1.19.8](https://indike.org/pramana/in.med.samhita.susruta.1.19.8) suhṛdo vikṣipantyāśu kathābhirvraṇavedanāḥ / ### [1.19.8\_2](https://indike.org/pramana/in.med.samhita.susruta.1.19.8_2) āśvāsayanto bahuśastvanukūlāḥ priyaṃvadāḥ // ### [1.19.9](https://indike.org/pramana/in.med.samhita.susruta.1.19.9) na ca divānidrāvaśagaḥ syāt // ### [1.19.10](https://indike.org/pramana/in.med.samhita.susruta.1.19.10) divāsvapnāddraṇe kaṇḍūrgātrāṇāṃ gauravaṃ tathā / ### [1.19.10\_2](https://indike.org/pramana/in.med.samhita.susruta.1.19.10_2) śvayathurvedanā rāgaḥ srāvaścaiva bhṛśaṃ bhavet //// ### [1.19.11](https://indike.org/pramana/in.med.samhita.susruta.1.19.11) utthānasaṃveśanaparivartanacaṅkramaṇoccairbhāṣaṇādyāsvātmaceṣṭāsvapramatto vraṇaṃ saṃrakṣet // ### [1.19.12](https://indike.org/pramana/in.med.samhita.susruta.1.19.12) sthānāsanaṃ caṅkramaṇaṃ divāsvapnaṃ tathaiva ca / ### [1.19.12\_2](https://indike.org/pramana/in.med.samhita.susruta.1.19.12_2) vraṇito na niṣeveta śaktimānapi mānavaḥ // ### [1.19.13](https://indike.org/pramana/in.med.samhita.susruta.1.19.13) utthānādyāsanaṃ sthānaṃ śayyā cātiniṣevitā / ### [1.19.13\_2](https://indike.org/pramana/in.med.samhita.susruta.1.19.13_2) prāpnuyānmārutādaṅge rujastasmādvivarjayet // ### [1.19.14](https://indike.org/pramana/in.med.samhita.susruta.1.19.14) gamyānāṃ ca strīṇāṃ saṃdarśanasaṃbhāṣaṇasaṃsparśanāni dūrataḥ pariharet // ### [1.19.15](https://indike.org/pramana/in.med.samhita.susruta.1.19.15) strīdarśanādibhiḥ śukraṃ kadāciccalitaṃ sravet / ### [1.19.15\_2](https://indike.org/pramana/in.med.samhita.susruta.1.19.15_2) grāmyadharmakṛtāndoṣān so+asaṃsarge+apyavāpnuyāt // ### [1.19.16](https://indike.org/pramana/in.med.samhita.susruta.1.19.16) navadhānyamāṣatilakalāyakulatthaniṣpāvaharitakaśākāmlalavaṇakaṭukaguḍapiṣṭavikṛtivallūraśuṣkaśākājāvikānūpaudakamāṃsavasāśītodakakṛśarāpāyasadadhidugdhatakraprabhṛtīn pariharet // ### [1.19.17](https://indike.org/pramana/in.med.samhita.susruta.1.19.17) takrānto navadhānyādiryo+ayaṃ varga udāhṛtaḥ / ### [1.19.17\_2](https://indike.org/pramana/in.med.samhita.susruta.1.19.17_2) doṣasaṃjanano hyeṣa vijñeyaḥ pūyavardhanaḥ // ### [1.19.18](https://indike.org/pramana/in.med.samhita.susruta.1.19.18) madyapaśca maireyāriṣṭāsavaśīdhusurāvikārān pariharet // ### [1.19.19](https://indike.org/pramana/in.med.samhita.susruta.1.19.19) madyamamlaṃ tathā rūkṣaṃ tīkṣṇamuṣṇaṃ ca vīryataḥ / ### [1.19.19\_2](https://indike.org/pramana/in.med.samhita.susruta.1.19.19_2) āśukāri ca tat pītaṃ kṣipraṃ vyāpādayeddraṇam // ### [1.19.20](https://indike.org/pramana/in.med.samhita.susruta.1.19.20) vātātaparajodhūmāvaśyāyātisevanātibhojanāniṣṭabhojanāśravaṇadarśanerṣyāmarṣabhayakrodhaśokadhyānarātrijāgaraṇaviṣamāśanaśayanopavāsavāgvyāyāmasthānacaṅkramaṇaśītavātaviruddhādhyaśanājīrṇamakṣikādyā bādhāḥ pariharet // ### [1.19.21](https://indike.org/pramana/in.med.samhita.susruta.1.19.21) vraṇinaḥ saṃprataptasya kāraṇairevamādibhiḥ / ### [1.19.21\_2](https://indike.org/pramana/in.med.samhita.susruta.1.19.21_2) kṣīṇaśoṇitamāṃsasya bhuktaṃ samyaṅga jīryati // ### [1.19.22](https://indike.org/pramana/in.med.samhita.susruta.1.19.22) ajīrṇāt pavanādīnāṃ vibhramo balavān bhavet / ### [1.19.22\_2](https://indike.org/pramana/in.med.samhita.susruta.1.19.22_2) tataḥ śopharujāsrāvadāhapākānavāpnuyāt // ### [1.19.23](https://indike.org/pramana/in.med.samhita.susruta.1.19.23) sadā nīcanakharomṇā śucinā śuklavāsasā śāntimaṅgaladevatābrāhmaṇagurupareṇa bhavitavyamiti / tat kasya hetoḥ hiṃsāvihārāṇi hi mahāvīryāṇi rakṣāṃsi paśupatikuberakumārānucarāṇi māṃsaśoṇitapriyatvāt kṣatajanimittaṃ vraṇinamupasarpanti satkārārthaṃ jighāṃsūni vā kadācit // ### [1.19.24](https://indike.org/pramana/in.med.samhita.susruta.1.19.24) bhavati cātra / ### [1.19.24\_2](https://indike.org/pramana/in.med.samhita.susruta.1.19.24_2) teṣāṃ satkārakāmānāṃ prayatetāntarātmanā / ### [1.19.24\_3](https://indike.org/pramana/in.med.samhita.susruta.1.19.24_3) dhūpabalyupahārāṃśca bhakṣyāṃścaivopahārayet // ### [1.19.25](https://indike.org/pramana/in.med.samhita.susruta.1.19.25) te tu saṃtarpitā ātmavantamk na hiṃsyuḥ / tasmāt satatamatandrito janaparivṛto nityaṃ dīpodakaśastrasragdāmapuṣpalājādyalaṅkṛte veśmani sāṃpanmaṅgalamano+anukūlāḥ kathāḥ śṛṇvannāsīta // ### [1.19.26](https://indike.org/pramana/in.med.samhita.susruta.1.19.26) saṃpadādyanukūlābhiḥ kathābhiḥ prītamānasaḥ / ### [1.19.26\_2](https://indike.org/pramana/in.med.samhita.susruta.1.19.26_2) āśāvān vyādhimokṣāya kṣipraṃ sukhamavāpnuyāt // ### [1.19.27](https://indike.org/pramana/in.med.samhita.susruta.1.19.27) ṛgyajuḥsāmātharvavedābhihitairaparaiścāśīrvidhānairupādhyāyā bhiṣajaśca sandhyayo rakṣāṃ kuryuḥ // ### [1.19.28](https://indike.org/pramana/in.med.samhita.susruta.1.19.28) sarṣapāriṣṭapatrābhyāṃ sarpiṣā lavaṇena ca / ### [1.19.28\_2](https://indike.org/pramana/in.med.samhita.susruta.1.19.28_2) dvirahnaḥ kārayeddhūpaṃ daśarātramatandritaḥ // ### [1.19.29](https://indike.org/pramana/in.med.samhita.susruta.1.19.29) chatrāmaticchatrāṃ lāṅgū(ā.ṅga)līṃ jaṭilāṃ brahmacāriṇīṃ lakṣmīṃ guhāmatiguhāṃ vacāmativiṣāṃ śatavīryāṃ sahasravīryāṃ siddhārthakāṃśca śirasā dhārayet // ### [1.19.30](https://indike.org/pramana/in.med.samhita.susruta.1.19.30) vyajyeta bālavyajanairvraṇaṃ na ca vighaṭṭayet / ### [1.19.30\_2](https://indike.org/pramana/in.med.samhita.susruta.1.19.30_2) na tudenna ca kaṇḍūyecchayānaḥ paripālayet // ### [1.19.31](https://indike.org/pramana/in.med.samhita.susruta.1.19.31) anena vidhinā yuktamādāveva niśācarāḥ / ### [1.19.31\_2](https://indike.org/pramana/in.med.samhita.susruta.1.19.31_2) vanaṃ keśāriṇā+ākrāntaṃ varjayanti mṛgā iva // ### [1.19.32](https://indike.org/pramana/in.med.samhita.susruta.1.19.32) jīrṇaśālyodanaṃ snigdhamalpamuṣṇaṃ dravottaram / ### [1.19.32\_2](https://indike.org/pramana/in.med.samhita.susruta.1.19.32_2) bhuñjāno jāṅgalairmāṃsaiḥ śīghraṃ vraṇamapohati // ### [1.19.33](https://indike.org/pramana/in.med.samhita.susruta.1.19.33) taṇḍulīyakajīvantīsuniṣaṇṇakavāstukaiḥ / ### [1.19.33\_2](https://indike.org/pramana/in.med.samhita.susruta.1.19.33_2) bālamūlakavātārkapaṭolaiḥ kāravellakaiḥ // ### [1.19.34](https://indike.org/pramana/in.med.samhita.susruta.1.19.34) sadāḍimaiḥ sāmalakairghṛtabhṛṣṭaiḥ sasaindhavaiḥ / ### [1.19.34\_2](https://indike.org/pramana/in.med.samhita.susruta.1.19.34_2) anyairevaṃguṇairvā+api mudgādīnāṃ rasena vā // ### [1.19.35](https://indike.org/pramana/in.med.samhita.susruta.1.19.35) śaktūn vilepīṃ kulmāṣaṃ jalaṃ cāpi śṛtaṃ pibet / ### [1.19.35\_2](https://indike.org/pramana/in.med.samhita.susruta.1.19.35_2) divā na nidrāvaśago nivātagṛhagocaraḥ // ^ ### [1.19.35\_3](https://indike.org/pramana/in.med.samhita.susruta.1.19.35_3) vraṇī vaidyavaśe tiṣṭhan śīghraṃ vraṇamapohati / ### [1.19.36](https://indike.org/pramana/in.med.samhita.susruta.1.19.36) vraṇe śvayathurāyāsāt sa ca rāgaśca jāgarāt / ### [1.19.36\_2](https://indike.org/pramana/in.med.samhita.susruta.1.19.36_2) tau ca ruk ca divāsvāpāttāśca mṛtyuśca maithunāt // ### [1.19.37](https://indike.org/pramana/in.med.samhita.susruta.1.19.37) evaṃvṛttasamācāro vraṇī saṃpadyate sukhī / ### [1.19.37\_2](https://indike.org/pramana/in.med.samhita.susruta.1.19.37_2) āyuśca dīrghamāpnoti dhanvantarivaco yathā // ### [1.19.37\_1](https://indike.org/pramana/in.med.samhita.susruta.1.19.37_1) iti śrīsuśrutasaṃhitāyāṃ sūtrasthāne vraṇitopāsanīyo namaikonaviṃśo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.22.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.20.2) — Cakrapāṇidatta, Sanskrit ## Linked texts (1) - [Bheḷasaṃhitā](https://indike.org/pramana/in.med.samhita.bhela.6.1.43) — Bheḷa, Sanskrit --- Source: [https://indike.org/pramana/in.med.samhita.susruta.1.19](https://indike.org/pramana/in.med.samhita.susruta.1.19) · Pramāṇa