[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.23 # The Compendium of Suśruta 1.23: trayoviṃśatitamo+adhyāyaḥ / Suśrutasaṃhitā 1.23 - **Language:** Sanskrit ### trayoviṃśatitamo+adhyāyaḥ / ### [1.23.1](https://indike.org/pramana/in.med.samhita.susruta.1.23.1) athātaḥ kṛtyākṛtyavidhimadhyāyaṃ vyākhyāsyāmaḥ // ### [1.23.2](https://indike.org/pramana/in.med.samhita.susruta.1.23.2) yathovāca bhagavān dhanantariḥ // ### [1.23.3](https://indike.org/pramana/in.med.samhita.susruta.1.23.3) tatra vayaḥsthānāṃ dṛḍhānāṃ prāṇavatāṃ sattvavatāṃ ca sucikitsyā vraṇāḥekasmin vā puruṣe yatraitadguṇacatuṣṭayaṃ tasya sukhasādhanīyatamāḥ / tatra vayaḥsthānāṃ pratyagradhātutvādāśu vraṇā rohanti dṛḍhānāṃ sthirabahumāṃsatvācchastramavacāryamāṇaṃ sirāsnāyvādiviśeṣānna prāpnoti prāṇavatāṃ vedanābhighātāhārayantraṇādibhirna glānirutpadyate sattvavatāṃ dāruṇairapi kriyāviśeṣairna vyathā bhavati tasmādeteṣāṃ sukhasādhanīyatamāḥ // ### [1.23.4](https://indike.org/pramana/in.med.samhita.susruta.1.23.4) ta eva viparītaguṇā vṛddhakṛśālpaprāṇabhīruṣu draṣṭavyāḥ // ### [1.23.5](https://indike.org/pramana/in.med.samhita.susruta.1.23.5) sphikpāyuprajananalalāṭagaṇḍauṣṭhapṛṣṭhakarṇaphalakoṣodarajatrumukhābhyantarasaṃsthāḥ sukharopaṇīyā vraṇāḥ // ### [1.23.6](https://indike.org/pramana/in.med.samhita.susruta.1.23.6) akṣidantanāsāpāṅgaśrotranābhijaṭharasevanīnitambapārśvakukṣivakṣaḥkakṣāstanasandhibhāgagatāḥ saphenapūyaraktānilavāhino+antaḥśalyāśca duścikitsyāḥ adhobhāgāścordhvabhāganirvāhiṇo romāntopanakhamarmajaṅghāsthisaṃśritāśca bhagandaramapi cāntarmukhaṃ sevanīkuṭakāsthisaṃśritam // ### [1.23.7](https://indike.org/pramana/in.med.samhita.susruta.1.23.7) kuṣṭhināṃ viṣajuṣṭānāṃ śoṣiṇaṃ madhumehinām / ### [1.23.7\_2](https://indike.org/pramana/in.med.samhita.susruta.1.23.7_2) vraṇāḥ kṛcchreṇa sidhyanti yeṣāṃ cāpi vraṇe vraṇāḥ // ### [1.23.8](https://indike.org/pramana/in.med.samhita.susruta.1.23.8) avapāṭikāniruddhaprakaśasanniruddhagudajaṭharagranthikṣatakrimayaḥ pratiśyāyajāḥ koṣṭhajāśca tvagdoṣiṇāṃ pramehiṇāṃ vā ye parikṣateṣu dṛśyante śarkarā sikatāmeho vātakuṇḍalikā+aṣṭhīlā dantaśarkaropakuśaḥ kaṇṭhaśālūkaṃ niṣkoṣaṇadūṣitāśca dantaveṣṭā visarpāsthikṣatoraḥkṣatavraṇagranthiprabhṛtayaśca yāpyāḥ // ### [1.23.9](https://indike.org/pramana/in.med.samhita.susruta.1.23.9) sādhyā yāpyatvamāyānti yāpyāścāsādhyatāṃ tathā / ### [1.23.9\_2](https://indike.org/pramana/in.med.samhita.susruta.1.23.9_2) ghnanti prāṇānasādhyāstu narāṇāmakriyāvatām // ### [1.23.10](https://indike.org/pramana/in.med.samhita.susruta.1.23.10) yāpanīyaṃ vijānīyāt kriyā dhārayate tu yam / ### [1.23.10\_2](https://indike.org/pramana/in.med.samhita.susruta.1.23.10_2) kriyāyāṃ tu nivṛttāyāṃ sadya eva vinaśyati // ### [1.23.11](https://indike.org/pramana/in.med.samhita.susruta.1.23.11) prāptā kriyā dhārayati yāpyavayādhitamāturam / ### [1.23.11\_2](https://indike.org/pramana/in.med.samhita.susruta.1.23.11_2) prapatiṣyadivāgāraṃ viṣkambhaḥ sādhuyoajitaḥ // ### [1.23.12](https://indike.org/pramana/in.med.samhita.susruta.1.23.12) ata ūrdhvamasādhyān vakṣyāmaḥ māṃsapiṇḍavadudgatāḥ prasekino+antaḥpūyavedanāvanto+aśvāpānavadudvṛttauṣṭhāḥ kecit kaṭhinā gośṛṅgavadunnatamṛdumāṃsaprarohāḥ apare duṣṭarudhirāsrāviṇastanuśītapicchilasrāviṇo vā madhyonnatāḥ kecidavasannaśuṣiraparyantāḥ śaṇatūlavat snāyujālavanto durdarśanāḥ vasāmedomajjamastuluṅgasrāviṇaśca doṣasamutthāḥ pītāsitamūtrapurīṣavātavāhinaśca koṣṭhasthāḥ ta evobhayatobhāgavraṇamukheṣu pūyaraktanirvāhiṇaḥ (ā.kṣīṇamāṃsānāṃ ca) sarvatogatayaścāṇumukhā māṃsabudbudavantaḥ saśabdavātavāhinaśca śiraḥkaṇṭhasthāḥ kṣīṇamāṃsānāṃ ca pūyaraktanirvāhiṇo+arocakāvipākakāsaśvāsopadravayuktāḥ bhinne vā śiraḥkapāle yatra mastuluṅgadarśanaṃ tridoṣaliṅgaprādurbhāvaḥ kāsaśvāsau vā yasyeti // ### [1.23.13](https://indike.org/pramana/in.med.samhita.susruta.1.23.13) bhavanti cātra / ### [1.23.13\_2](https://indike.org/pramana/in.med.samhita.susruta.1.23.13_2) vasāṃ medo+atha majjānaṃ mastuluṅgaṃ ca yaḥ sravet / ### [1.23.13\_3](https://indike.org/pramana/in.med.samhita.susruta.1.23.13_3) āgantustu vraṇaḥ sidhyenna sidhyeddoṣasaṃbhavaḥ // ### [1.23.14](https://indike.org/pramana/in.med.samhita.susruta.1.23.14) amarmopahite deśe sirāsandhyasthivarjite / ### [1.23.14\_2](https://indike.org/pramana/in.med.samhita.susruta.1.23.14_2) vikāro yo+anuparyeti tadasādhyasya lakṣaṇam // ### [1.23.15](https://indike.org/pramana/in.med.samhita.susruta.1.23.15) krameṇopacayaṃ prāpya dhatūnanugataḥ śanaiḥ / ### [1.23.15\_2](https://indike.org/pramana/in.med.samhita.susruta.1.23.15_2) na śakya unmūlayituṃ vṛddho vṛkṣa ivāmayaḥ // ### [1.23.16](https://indike.org/pramana/in.med.samhita.susruta.1.23.16) sa sthiratvānmahattvācca dhātvanukramaṇena ca / ### [1.23.16\_2](https://indike.org/pramana/in.med.samhita.susruta.1.23.16_2) nihantyauṣadhavīryāṇi mantrān duṣṭagraho yathā // ### [1.23.17](https://indike.org/pramana/in.med.samhita.susruta.1.23.17) ato yo viparītaḥ syāt sukhasādhyaḥ sa ucyate / ### [1.23.17\_2](https://indike.org/pramana/in.med.samhita.susruta.1.23.17_2) abaddhamūlaḥ kṣupako yadvadutpāṭane sukhaḥ // ### [1.23.18](https://indike.org/pramana/in.med.samhita.susruta.1.23.18) tribhirdoṣairanākrāntaḥ śyāvauṣṭhaḥ piḍakī samaḥ / ### [1.23.18\_2](https://indike.org/pramana/in.med.samhita.susruta.1.23.18_2) avedano nirāsrāvo vraṇaḥ śuddha ihocyate // ### [1.23.19](https://indike.org/pramana/in.med.samhita.susruta.1.23.19) kapotavarṇapratimā yasyāntāḥ kledavarjitāḥ / ### [1.23.19\_2](https://indike.org/pramana/in.med.samhita.susruta.1.23.19_2) sthirāścipiṭikāvanto rohatīti tamādiśet // ### [1.23.20](https://indike.org/pramana/in.med.samhita.susruta.1.23.20) rūḍhavartmānamagranthimaśūnamarujaṃ vraṇam / ### [1.23.20\_2](https://indike.org/pramana/in.med.samhita.susruta.1.23.20_2) tvaksavarṇaṃ samatalaṃ samyagrūḍhaṃ vinirdiśet // ### [1.23.21](https://indike.org/pramana/in.med.samhita.susruta.1.23.21) doṣaprakopādvyāyāmādabhighātādajīrṇataḥ / ### [1.23.21\_2](https://indike.org/pramana/in.med.samhita.susruta.1.23.21_2) harṣāt krodhādbhayādvā+api vraṇo rūḍho+api dīryate // ### [1.23.21\_1](https://indike.org/pramana/in.med.samhita.susruta.1.23.21_1) iti suśrutasaṃhitāyāṃ sūtrasthāne kṛtyākṛtyavidhirnāma trayoviṃśo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.26.3) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.24.2) — Cakrapāṇidatta, Sanskrit ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.1.6.8) — Sanskrit - [Hastyāyurveda](https://indike.org/pramana/in.med.pasu.gaja.hastyayurveda.76.p1.3) — Pālakāpya, Sanskrit --- Source: [https://indike.org/pramana/in.med.samhita.susruta.1.23](https://indike.org/pramana/in.med.samhita.susruta.1.23) · Pramāṇa