[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.25 # The Compendium of Suśruta 1.25: pañcaviṃśatitamo+adhyāyaḥ / Suśrutasaṃhitā 1.25 - **Language:** Sanskrit ### pañcaviṃśatitamo+adhyāyaḥ / ### [1.25.1](https://indike.org/pramana/in.med.samhita.susruta.1.25.1) athāto+aṣṭavidhaśastrakarmīyam{O.?}adhyāyaṃ vyākhyāstāmaḥ // ### [1.25.2](https://indike.org/pramana/in.med.samhita.susruta.1.25.2) yathovāca bhagavān dhanvantariḥ / ### [1.25.3](https://indike.org/pramana/in.med.samhita.susruta.1.25.3) chedyā bhagandarā granthiḥ ślaiṣmikastilakālakaḥ / ### [1.25.3\_2](https://indike.org/pramana/in.med.samhita.susruta.1.25.3_2) vraṇavartmārbudānyarśaścarmakīlo+asthimāṃsagam // ### [1.25.4](https://indike.org/pramana/in.med.samhita.susruta.1.25.4) śalyaṃ jatumaṇirmāṃsasaṃghāto galaśuṇḍikā / ### [1.25.4\_2](https://indike.org/pramana/in.med.samhita.susruta.1.25.4_2) srāyumāṃsasirākotho valmīkaṃ śataponakaḥ // ### [1.25.5](https://indike.org/pramana/in.med.samhita.susruta.1.25.5) adhruṣaścopadaṃśāśca māṃsakandyadhimāṃsakaḥ / ### [1.25.5\_2](https://indike.org/pramana/in.med.samhita.susruta.1.25.5_2) bhedyā vidradhayo+anyatra sarvajādgranthayastrayaḥ // ### [1.25.6](https://indike.org/pramana/in.med.samhita.susruta.1.25.6) ādito ye visarpāśca vṛddhayaḥ savidārikāḥ / ### [1.25.6\_2](https://indike.org/pramana/in.med.samhita.susruta.1.25.6_2) pramehapiḍakāśophastanarogāvamanthakāḥ // ### [1.25.7](https://indike.org/pramana/in.med.samhita.susruta.1.25.7) kumbhīkānuśayīnāḍyo vṛndau puṣkarikālajī / ### [1.25.7\_2](https://indike.org/pramana/in.med.samhita.susruta.1.25.7_2) prāyaśaḥ kṣudrarogāśca puppuṭau tāludantajau // ### [1.25.8](https://indike.org/pramana/in.med.samhita.susruta.1.25.8) tuṇḍikerī gilāyuśca pūrvaṃ ye ca prapākiṇaḥ / ### [1.25.8\_2](https://indike.org/pramana/in.med.samhita.susruta.1.25.8_2) bastistathā+aśmarīhetormedojā ye ca kecana // ### [1.25.9](https://indike.org/pramana/in.med.samhita.susruta.1.25.9) lekhyāścatasro rohiṇyaḥ kilāsamupajihvikā / ### [1.25.9\_2](https://indike.org/pramana/in.med.samhita.susruta.1.25.9_2) medojo dantavaidarbho granthirvartmādhijihvikā // ### [1.25.10](https://indike.org/pramana/in.med.samhita.susruta.1.25.10) arśāṃsi maṇḍalaṃ māṃsakandī māṃsonnatistathā / ### [1.25.10\_2](https://indike.org/pramana/in.med.samhita.susruta.1.25.10_2) vedhyāḥ sirā bahuvidhā mūtravṛddhirdakodaram // ### [1.25.11](https://indike.org/pramana/in.med.samhita.susruta.1.25.11) eṣyā nāḍyaḥ saśalyāśca vraṇā unmārgiṇaśca / ### [1.25.11\_2](https://indike.org/pramana/in.med.samhita.susruta.1.25.11_2) āhāryāḥ śarkarāstisro dantakarṇamalo+aśmarī // ### [1.25.12](https://indike.org/pramana/in.med.samhita.susruta.1.25.12) śalyāni mūḍhagarbhāśca varcaśca nicitaṃ gude / ### [1.25.12\_2](https://indike.org/pramana/in.med.samhita.susruta.1.25.12_2) srāvyā vidradhayaḥ pañca bhaveyuḥ sarvajādṛte // ### [1.25.13](https://indike.org/pramana/in.med.samhita.susruta.1.25.13) kuṣṭhāni vāyuḥ sarujaḥ śopho yaścaikadeśajaḥ / ### [1.25.13\_2](https://indike.org/pramana/in.med.samhita.susruta.1.25.13_2) pālyāmayāḥ ślīpadāni viṣajuṣṭaṃ ca śoṇitam // ### [1.25.14](https://indike.org/pramana/in.med.samhita.susruta.1.25.14) arbudāni visarpāśca granthayaścāditastu ye / ### [1.25.14\_2](https://indike.org/pramana/in.med.samhita.susruta.1.25.14_2) trayastrayaścopadaṃśāḥ stanarogā vidārikā // ### [1.25.15](https://indike.org/pramana/in.med.samhita.susruta.1.25.15) suṣiro galaśālūkaṃ kaṇṭakāḥ kṛmidantakaḥ / ### [1.25.15\_2](https://indike.org/pramana/in.med.samhita.susruta.1.25.15_2) dentaveṣṭaḥ sopakuśaḥ śītādo dantapuppuṭaḥ // ### [1.25.16](https://indike.org/pramana/in.med.samhita.susruta.1.25.16) pittāsṛkkaphajāścauṣṭhyāḥ kṣudrarogāśca bhūyaśaḥ / ### [1.25.16\_2](https://indike.org/pramana/in.med.samhita.susruta.1.25.16_2) sīvyā medaḥsamutthāśca bhinnāḥ sulikhitā gadāḥ // ### [1.25.17](https://indike.org/pramana/in.med.samhita.susruta.1.25.17) sadyovraṇāśca ye caiva calasandhivyapāśritāḥ / ### [1.25.17\_2](https://indike.org/pramana/in.med.samhita.susruta.1.25.17_2) na kṣārāgniviṣairjuṣṭā na ca mārutavāhinaḥ // ### [1.25.18](https://indike.org/pramana/in.med.samhita.susruta.1.25.18) nāntarlohitaśalyāśca teṣu samyagviśodhanam / ### [1.25.18\_2](https://indike.org/pramana/in.med.samhita.susruta.1.25.18_2) pāṃśuromanakhādīni calamasthi bhavecca yat // ### [1.25.19](https://indike.org/pramana/in.med.samhita.susruta.1.25.19) ahṛtāni yato+amūni pācayeyurbhṛśaṃ vraṇam / ### [1.25.19\_2](https://indike.org/pramana/in.med.samhita.susruta.1.25.19_2) rujaśca vividhāḥ kuryustasmādetān viśodhayet // ### [1.25.20](https://indike.org/pramana/in.med.samhita.susruta.1.25.20) tato vraṇaṃ samunnamya sthāpayitvā yathāsthitam / ### [1.25.20\_2](https://indike.org/pramana/in.med.samhita.susruta.1.25.20_2) sīvyet sūkṣmeṇa sūtreṇa valkenāśmantakasya vā // ### [1.25.21](https://indike.org/pramana/in.med.samhita.susruta.1.25.21) śaṇajakṣaumasūtrābhyāṃ snāyvā bālena vā punaḥ / ### [1.25.21\_2](https://indike.org/pramana/in.med.samhita.susruta.1.25.21_2) mūrvāguḍūcītānairvā sīvyedvellitakaṃ śanaiḥ // ### [1.25.22](https://indike.org/pramana/in.med.samhita.susruta.1.25.22) sīvyedgophaṇikāṃ vā+api sīvyedvā tunnasevanīm / ### [1.25.22\_2](https://indike.org/pramana/in.med.samhita.susruta.1.25.22_2) ṛjugranthimatho vā+api yathāyogamathāpi vā // ### [1.25.23](https://indike.org/pramana/in.med.samhita.susruta.1.25.23) deśe+alpamāṃse sandhau ca sūcī vṛttā+aṅguladvayam / ### [1.25.23\_2](https://indike.org/pramana/in.med.samhita.susruta.1.25.23_2) āyatā tryaṅgulā tryasrā māṃsale vā+api pūjitā // ### [1.25.24](https://indike.org/pramana/in.med.samhita.susruta.1.25.24) dhanurvakrā hitā marmaphalakośodaropari / ### [1.25.24\_2](https://indike.org/pramana/in.med.samhita.susruta.1.25.24_2) ityetāstrividhāḥ sūcīstīkṣṇāgrāḥ susamāhitāḥ // ### [1.25.25](https://indike.org/pramana/in.med.samhita.susruta.1.25.25) kārayenmālatīpuṣpavṛntāgraparimaṇḍalāḥ / ### [1.25.25\_2](https://indike.org/pramana/in.med.samhita.susruta.1.25.25_2) nātidūre nikṛṣṭe vā sūcīṃ karmaṇi pātayet // ### [1.25.26](https://indike.org/pramana/in.med.samhita.susruta.1.25.26) dūrādrujo vraṇauṣṭhasya sannikṛṣṭe+avaluñcanam // ### [1.25.27](https://indike.org/pramana/in.med.samhita.susruta.1.25.27) atha kṣaumapicucchannaṃ susyūtaṃ pratisārayet / ### [1.25.27\_2](https://indike.org/pramana/in.med.samhita.susruta.1.25.27_2) priyaṅgvañjanayaṣṭyāhvarodhracūrnaiḥ samantataḥ // ### [1.25.28](https://indike.org/pramana/in.med.samhita.susruta.1.25.28) śallakīphalacūrnṇairvā kṣaumadhyāmena vā punaḥ / ### [1.25.28\_2](https://indike.org/pramana/in.med.samhita.susruta.1.25.28_2) tato vraṇaṃ yathāyogaṃ baddhvā+ācārikamādiśet // ### [1.25.29](https://indike.org/pramana/in.med.samhita.susruta.1.25.29) etadaṣṭavidhaṃ karma samāsena prakīrtitam / ### [1.25.29\_2](https://indike.org/pramana/in.med.samhita.susruta.1.25.29_2) cikitsiteṣu kārtsnyena vistarastasya vakṣyate // ### [1.25.30](https://indike.org/pramana/in.med.samhita.susruta.1.25.30) hīnātiriktaṃ tiryak ca gātracchedanamātmanaḥ / ### [1.25.30\_2](https://indike.org/pramana/in.med.samhita.susruta.1.25.30_2) etāścatasro+aṣṭavidhe karmaṇi vyāpadaḥ smṛtāḥ / ### [1.25.31](https://indike.org/pramana/in.med.samhita.susruta.1.25.31) ajñānalobhāhitavākyayogabhayapramohairaparaiśca bhāvaiḥ / ### [1.25.31\_2](https://indike.org/pramana/in.med.samhita.susruta.1.25.31_2) yadā prayuñjīta bhiṣak kuśastraṃ tadā sa śeṣān kurute vikārān // ### [1.25.32](https://indike.org/pramana/in.med.samhita.susruta.1.25.32) taṃ kṣāraśastrāgnibhirauṣadhaiśca bhūyo+abhiyuñjānamayuktiyuktam / ### [1.25.32\_2](https://indike.org/pramana/in.med.samhita.susruta.1.25.32_2) jijīviṣurdūrata eva vaidyaṃ vivarjayedugraviṣāhitulyam // ### [1.25.33](https://indike.org/pramana/in.med.samhita.susruta.1.25.33) tadeva yuktaṃ tvati marmasandhīn hiṃsyāt sirāḥ snāyumathāsthi caiva / ### [1.25.33\_2](https://indike.org/pramana/in.med.samhita.susruta.1.25.33_2) mūrkhaprayuktaṃ puruṣaṃ kṣaṇena prāṇairviyuñjyādathavā kathaṃcit // ### [1.25.34](https://indike.org/pramana/in.med.samhita.susruta.1.25.34) bhramaḥ pralāpaḥ patanaṃ pramoho viceṣṭanaṃ saṃlayanoṣṇate ca / ### [1.25.34\_2](https://indike.org/pramana/in.med.samhita.susruta.1.25.34_2) srastāṅgatā mūrcchanamūrdhvavātastīvrā rujo vātakṛtāśca tāstāḥ // ### [1.25.35](https://indike.org/pramana/in.med.samhita.susruta.1.25.35) māṃsodakābhaṃ rudhiraṃ ca gacchet sarvendriyārthoparamastathaiva / ### [1.25.35\_2](https://indike.org/pramana/in.med.samhita.susruta.1.25.35_2) daśārdhasaṃkhyeṣvapi hi kṣateṣu sāmānyato marmasu liṅgamuktam // ### [1.25.36](https://indike.org/pramana/in.med.samhita.susruta.1.25.36) surendragopapratimaṃ prabhūtaṃ raktaṃ sravedvai kṣatataśca vāyuḥ / ### [1.25.36\_2](https://indike.org/pramana/in.med.samhita.susruta.1.25.36_2) karoti rogān vividhān yathoktāṃśchinnāsu bhinnāsvathavā sirāsu // ### [1.25.37](https://indike.org/pramana/in.med.samhita.susruta.1.25.37) kaubjyaṃ śarīrāvyavāvasādaḥ kriyāsvaśaktistumulā rujaśca / ### [1.25.37\_2](https://indike.org/pramana/in.med.samhita.susruta.1.25.37_2) cirāddraṇo rohati yasya cāpi taṃ snāyuviddhaṃ manujaṃ vyavasyet // ### [1.25.38](https://indike.org/pramana/in.med.samhita.susruta.1.25.38) śophātivṛddhistumulā rujaśca balakṣayaḥ parvasu bhedaśophau / ### [1.25.38\_2](https://indike.org/pramana/in.med.samhita.susruta.1.25.38_2) kṣateṣu sandhiṣvacalācaleṣu syāt sandhikarmoparatiśca liṅgam // ### [1.25.39](https://indike.org/pramana/in.med.samhita.susruta.1.25.39) ghorā rujo yasya niśādineṣu sarvāsvavasthāsu na śāntirasti / ### [1.25.39\_2](https://indike.org/pramana/in.med.samhita.susruta.1.25.39_2) tṛṣṇā+aṅgasādau śvayathuśca rukṣaḥ tamasthividdhaṃ manujaṃ vyavasyet // ### [1.25.40](https://indike.org/pramana/in.med.samhita.susruta.1.25.40) yathāsvametāni vibhāvayeyurliṅgāni marmasvabhitāḍiteṣu / ### [1.25.40\_2](https://indike.org/pramana/in.med.samhita.susruta.1.25.40_2) sparśaṃ na jānāti vipāṇḍuvarṇo yo māṃsamarmaṇyabhitāḍitaḥ syāt // ### [1.25.41](https://indike.org/pramana/in.med.samhita.susruta.1.25.41) ātmānamevātha jaghanyakārī śastreṇa yo hanti hi karma kurvan / ### [1.25.41\_2](https://indike.org/pramana/in.med.samhita.susruta.1.25.41_2) tamātmāvānātmahanaṃ kuvaidyaṃ vivarjayedāyurabhīpsamānaḥ // ### [1.25.42](https://indike.org/pramana/in.med.samhita.susruta.1.25.42) tiryakpraṇihite śastre doṣāḥ purvamudāhṛtāḥ / ### [1.25.42\_2](https://indike.org/pramana/in.med.samhita.susruta.1.25.42_2) tasmāt pariharan doṣān kuruyācchastranipātanam // ### [1.25.43](https://indike.org/pramana/in.med.samhita.susruta.1.25.43) mātaraṃ pitaraṃ putrān bāndhavānapi cāturaḥ / ### [1.25.43\_2](https://indike.org/pramana/in.med.samhita.susruta.1.25.43_2) apyetānabhiśaṅketa vaidye viśvāsameti ca // ### [1.25.44](https://indike.org/pramana/in.med.samhita.susruta.1.25.44) visṛjatyātmanā+ātmānaṃ na cainaṃ pariśaṅkate / ### [1.25.44\_2](https://indike.org/pramana/in.med.samhita.susruta.1.25.44_2) tasmāt putravadevainaṃ pālayedāturaṃ bhiṣak // ### [1.25.45](https://indike.org/pramana/in.med.samhita.susruta.1.25.45) dharmārthau kīrtimityarthaṃ satāṃ grahaṇamuttamam / ### [1.25.45\_2](https://indike.org/pramana/in.med.samhita.susruta.1.25.45_2) prāpnuyāt svargavāsaṃ ca hitamārabhya karmaṇā // ### [1.25.46](https://indike.org/pramana/in.med.samhita.susruta.1.25.46) karmaṇā kaścidekena dvābhyāṃ kaścittribhistathā / ### [1.25.46\_2](https://indike.org/pramana/in.med.samhita.susruta.1.25.46_2) vikāraḥ sādhyate kaściccaturbhirapi karmabhiḥ // ### [1.25.46\_1](https://indike.org/pramana/in.med.samhita.susruta.1.25.46_1) iti suśrutasaṃhitāyāṃ sūtrasthāne+aṣṭavidhaśastrakarmaṇyo nāma pañcaviṃśo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.28.4) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.26.2) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.25](https://indike.org/pramana/in.med.samhita.susruta.1.25) · Pramāṇa