[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.27 # The Compendium of Suśruta 1.27: saptaviṃśatitamo+adhyāyaḥ / Suśrutasaṃhitā 1.27 - **Language:** Sanskrit ### saptaviṃśatitamo+adhyāyaḥ / ### [1.27.1](https://indike.org/pramana/in.med.samhita.susruta.1.27.1) athātaḥ śalyāpanayanīyamadhyāyaṃ vyākhyāsayāmaḥ // ### [1.27.2](https://indike.org/pramana/in.med.samhita.susruta.1.27.2) yathovāca bhagavān dhanvantariḥ // ### [1.27.3](https://indike.org/pramana/in.med.samhita.susruta.1.27.3) śalyaṃ dvividhamavabaddhamanavabaddhaṃ ca // ### [1.27.4](https://indike.org/pramana/in.med.samhita.susruta.1.27.4) tatra samāsenānavabaddhaśalyoddharaṇārthaṃ pañcadaśa hetūn vakṣyāmaḥ / tadyathā svabhāvaḥ pācanaṃ bhedanaṃ dāraṇaṃ pīḍanaṃ pramārjanaṃ nirdhmāpanaṃ vamanaṃ virecanaṃ prakṣālanaṃ pratimarśaḥ pravāhaṇaṃ ācūṣaṇaṃ ayaskānto harṣaśceti // ### [1.27.5](https://indike.org/pramana/in.med.samhita.susruta.1.27.5) tatrāśrukṣavathūdgārakāsamūtrapurīṣānilaiḥ svabhāvabalapravṛttairnayanādibhyaḥ patati māṃsāvagāḍhaṃ śalyamavidahyamānaṃ pācayitvā prakothā(ā.pā)ttasya pūyaśoṇitavegādgauravādvā patati / pakvamabhidyamānaṃ bhedayeddārayedvā / bhinnamanirasyamānaṃ pīḍanīyaiḥ pīḍayet pāṇibhirvā / aṇūnyakṣaśalyāni pariṣecanādhmāpanairbālavastrapāṇibhiḥ pramārjayet / āhāraśeṣaśleṣmahīnāṇuśalyāni śvasanotkāsanapradhamanairnirdhamet / annaśalyāni vamanāṅgulipratimarśaprabhṛtibhiḥ / virecanaiḥ pakvāśayagatāni / vraṇadoṣāśayagatāni prakṣālanaiḥ / vātamūtrapurīṣagarbhasaṅgeṣu pravāhaṇamuktaṃ / mārutodakasaviṣarudhiraduṣṭastanyeṣvācūṣaṇamāsyena viṣāṇairvā / anulomamanavabaddhamakarṇamanalpavraṇamukhamayaskāntena / hṛdyavasthitamanekakāraṇotpannaṃ śokaśalyaṃ harṣeṇeti // ### [1.27.6](https://indike.org/pramana/in.med.samhita.susruta.1.27.6) sarvaśalyānāṃ tu mahatāmaṇūnāṃ vā dvāvevāharaṇahetū bhavataḥ pratilomo+anulomaśca // ### [1.27.7](https://indike.org/pramana/in.med.samhita.susruta.1.27.7) tatra pratilomamarvācīnamānayet anulomaṃ parācīnam // ### [1.27.8](https://indike.org/pramana/in.med.samhita.susruta.1.27.8) uttuṇḍitaṃ chitvā nirghātayecchedanīyamukham // ### [1.27.9](https://indike.org/pramana/in.med.samhita.susruta.1.27.9) chedanīyamukhānyapi kukṣivakṣaḥkakṣāvaṃkṣaṇaparśukāntarapatitāni ca hastaśakyaṃ yathāmārgeṇa hastenaivāpahartuṃ prayateta // ### [1.27.10](https://indike.org/pramana/in.med.samhita.susruta.1.27.10) hastenāpahartumaśakyaṃ viśasya śastreṇa yantreṇāpaharet // ### [1.27.11](https://indike.org/pramana/in.med.samhita.susruta.1.27.11) bhavati cātra / ### [1.27.11\_2](https://indike.org/pramana/in.med.samhita.susruta.1.27.11_2) śītalena jalenainaṃ mūrcchantamavasecayet / ### [1.27.11\_3](https://indike.org/pramana/in.med.samhita.susruta.1.27.11_3) saṃrakṣedasya marmāṇi muhurāśvāsayecca tam // ### [1.27.12](https://indike.org/pramana/in.med.samhita.susruta.1.27.12) tataḥ śalyamuddhṛtya nirlohitaṃ vraṇaṃ kṛtvā svedārhamagnigh;rtaprabhṛtibhiḥ saṃsvedya vidahya pradihya sarpirmadhubhyāṃ baddhvā+ācārikamupadiśet / (? sirāsnāyuvilagnaṃ śalākādibhirvimocyāpanayet śvayathugrastavāraṅgaṃ samavapīḍya śvayathuṃ durbalavāraṅgaṃ kuśādibhirbaddhvā /) ### [1.27.13](https://indike.org/pramana/in.med.samhita.susruta.1.27.13) hṛdayamabhito vartamānaṃ śalyaṃ śītajalādibhirudvejitasyāpaharedyathāmārgaṃ durupaharamanyato+apabādhyamānaṃ pāṭayitvoddharet // ### [1.27.14](https://indike.org/pramana/in.med.samhita.susruta.1.27.14) asthivivarapraviṣṭamasthividaṣṭaṃ vā+avagṛhya pādābhyāṃ yantreṇāpaharet aśakyamevaṃ vā balavadbhiḥ suparigṛhītasya yantreṇa grāhayitvā śalyavāraṅgaṃ pravibhujya dhanurguṇairbaddhaikataścāsya pañcāṅgyāmupasaṃyatasyāśvasya vaktrakavike badhnīyāt athainaṃ kaśayā tāḍayedyathonnamayan śiro vegena śalyamuddharati dṛḍhāṃ vā vṛkṣaśākhāmavanamya tasyāṃ pūrvavadbaddhvoddharet // ### [1.27.15](https://indike.org/pramana/in.med.samhita.susruta.1.27.15) adeśottuṇḍitamaṣṭhīlāśmamudgarāṇāmnyatamasya prahāreṇa vicālya yathāmārgameva yantreṇa // ### [1.27.16](https://indike.org/pramana/in.med.samhita.susruta.1.27.16) (? yantreṇa ) vimṛditakarṇāni karṇavantyanābādhakaradeśottuṇḍitāni purastādeva // ### [1.27.17](https://indike.org/pramana/in.med.samhita.susruta.1.27.17) jātuṣe kaṇṭhāsakte kaṇṭhe nāḍīṃ praveśyāgnitaptāṃ ca śalākāṃ tayā+avagṛhya śītābhiradbhiḥ pariṣicya sthirībhūtāmuddharet // ### [1.27.18](https://indike.org/pramana/in.med.samhita.susruta.1.27.18) ajātuṣaṃ jatumadhūcchiṣṭapraliptayā śalākayā pūrvakalpenetyeke // ### [1.27.19](https://indike.org/pramana/in.med.samhita.susruta.1.27.19) asthiśalyamanyadvā tiryakkaṇṭhāsaktamavekṣya keśoṇḍukaṃ dṛḍhaikasūtrabaddhaṃ dravabhaktopahitaṃ pāyayedākaṇṭhāt pūrṇakoṣṭhaṃ ca vāmayet vamataśca śalyaikadeśasaktaṃ jñātvā sūtraṃ sahasā tvākṣipet mṛdunā vā dantadhāvanakūrcakenāpaharet praṇudedvā+antaḥ / kṣatakaṇṭhāya ca madhusarpiṣī leḍhuṃ prayacchettriphalācūrṇaṃ vā madhuśarkarāvimiśram // ### [1.27.20](https://indike.org/pramana/in.med.samhita.susruta.1.27.20) udakapūrṇodaramavākśirasamavapīḍayeddhunīyādvāmayedvā bhasmarāśau vā nikhanedāmukhāt // ### [1.27.21](https://indike.org/pramana/in.med.samhita.susruta.1.27.21) grāsaśalye tu kaṇṭhāsakte niḥśaṅkamanavabuddhaṃ skandhe muṣṭinā+abhihanyāt snehaṃ madyaṃ pānīyaṃ vā pāyayet // ### [1.27.22](https://indike.org/pramana/in.med.samhita.susruta.1.27.22) bāhurajjulatāpāśaiḥ kaṇṭhapīḍanādvāyuḥ prakupitaḥ śleṣmāṇaṃ kopayitvā sroto niruṇaddhi lālāsrāvaṃ phenāgamanaṃ saṃjñānāśaṃ cāpādayati tamabhyajya saṃsvedya śirovirecanaṃ tasmai tīkṣṇaṃ dadyādrasaṃ ca vātaghnaṃ vidadhyāditi // ### [1.27.23](https://indike.org/pramana/in.med.samhita.susruta.1.27.23) bhavanti cātra / ### [1.27.23\_2](https://indike.org/pramana/in.med.samhita.susruta.1.27.23_2) śalyākṛtiviśeṣāṃśca sthānānyāvekṣya buddhimān / ### [1.27.23\_3](https://indike.org/pramana/in.med.samhita.susruta.1.27.23_3) tathā yantrapṛthaktvaṃ ca samyak śalyamathāharet // ### [1.27.24](https://indike.org/pramana/in.med.samhita.susruta.1.27.24) karṇavanti tu śalyāni duḥkhāhāryāṇi yāni ca / ### [1.27.24\_2](https://indike.org/pramana/in.med.samhita.susruta.1.27.24_2) ādadīta bhiṣak tasmāttāni yuktyā samāhitaḥ // ### [1.27.25](https://indike.org/pramana/in.med.samhita.susruta.1.27.25) etairupāyaiḥ śalyaṃ tu naiva niryātyate yadi / ### [1.27.25\_2](https://indike.org/pramana/in.med.samhita.susruta.1.27.25_2) matyā nipuṇayā vaidyo yantrayogaiśca nirharet // ### [1.27.26](https://indike.org/pramana/in.med.samhita.susruta.1.27.26) śothapākau rujaścogrāḥ kuryācchalyamanirhṛtam / ### [1.27.26\_2](https://indike.org/pramana/in.med.samhita.susruta.1.27.26_2) vaikalyaṃ maraṇaṃ cā+api tasmādyatnādvinirharet // ### [1.27.26\_1](https://indike.org/pramana/in.med.samhita.susruta.1.27.26_1) iti suśrutasaṃhitāyāṃ sūtrasthāne śalyāpanayanīyo nāma saptaviṃśatitamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.30.3) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.28.2) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.27](https://indike.org/pramana/in.med.samhita.susruta.1.27) · Pramāṇa