Pramāṇa · Search · About · API

The Compendium of Suśruta 1.28: aṣṭāviṃśatitamo+adhyāyaḥ /

Suśrutasaṃhitā 1.28

Language
Sanskrit

aṣṭāviṃśatitamo+adhyāyaḥ /

1.28.1

athāto viparītāviparītavraṇavijñānīyamadhyāyaṃ vyākhyāsyāmaḥ //

1.28.2

yathovāca bhagavān dhanvantariḥ //

1.28.3

phalāgnijalavṛṣṭīnāṃ puṣpadhūmāmbudā yathā /

1.28.3_2

khyāpayanti bhaviṣyatvaṃ tathā riṣṭāni pañcatām //

1.28.4

tāni saukṣmyāt pramādādvā tathaivāśu vyatikramāt /

1.28.4_2

gṛhyante nodgatānyajñairmumūrṣorna tvasaṃbhavāt //

1.28.5

dhruvaṃ tu maraṇaṃ riṣṭe brāhmaṇaistat kilāmalaiḥ /

1.28.5_2

rasāyanatapojapyatatparairvā nivāryate //

1.28.6

nakṣatrapīḍā bahudhā yathā kālaṃ vipacyate /

1.28.6_2

tathaivāriṣṭapākaṃ ca bruvate bahavo janāḥ //

1.28.7

asiddhimāpnuyālloke pratikurvan gatāyuṣaḥ /

1.28.7_2

ato+ariṣṭani yatnena lakṣayet kuśalo bhiṣak //

1.28.8

gandhavarṇarasādīnāṃ viśeṣāṇāṃ svabhāvataḥ /

1.28.8_2

vaikṛtaṃ yat tadācaṣṭe vraṇinaḥ pakvalakṣaṇam //

1.28.9

kaṭustīkṣṇaśca visraśca gandhastu pavanādibhiḥ /

1.28.9_2

lohagandhistu raktena vyāmiśraḥ sānnipātikaḥ //

1.28.10

lājātasītailasamāḥ kiṃcidvisrāśca gandhataḥ /

1.28.10_2

jñeyāḥ prakṛtigandhāḥ syuḥ rato+anyadgandhavaikṛtam //

1.28.11

madhyāgurvājyasumanaḥpadmacandanacampakaiḥ /

1.28.11_2

sagandhā divyagandhāśca mumūrṣūṇāṃ vraṇāḥ smṛtāḥ //

1.28.12

śvavājimūṣikadhvāṅkṣapūtivallūramatkuṇaiḥ /

1.28.12_2

sagandhāḥ paṅkagandhāśca bhūmigandhāśca garhitāḥ //

1.28.13

dhyāmakuṅkumakaṅkuṣṭhasavarṇāḥ pittakopataḥ /

1.28.13_2

na dahyante na cūṣyante bhiṣak tān parivarjayet //

1.28.14

kaṇḍūmantaḥ sthirāḥ śvetāḥ snigdhāḥ kaphanimittataḥ /

1.28.14_2

dūyante vā+api dahyante bhiṣak tān parivarjayet //

1.28.15

kṛṣṇāstu ye tanusrāvā vātajā marmatāpinaḥ /

1.28.15_2

svalpāmapi na kurvanti rujaṃ tān parivarjayet //

1.28.16

kṣveḍanti ghurghurāyante jvalantīva ca ye vraṇāḥ /

1.28.16_2

tvaṅnāṃsasthāśca pavanaṃ saśabdaṃ visṛjanti ye //

1.28.17

ye ca marmasvasaṃbhūtā bhavantyatyarthavedanāḥ /

1.28.17_2

dahyante cāntaratyarthaṃ bahiḥ śītāśca ye vraṇāḥ //

1.28.18

dahyante bahiratyarthaṃ bhavantyantaśca śītalāḥ /

1.28.18_2

śaktidhvajarathā kuntavājivāraṇagovṛṣāḥ //

1.28.19

yeṣu cāpyavabhāseran prāsādākṛtayastathā /

1.28.19_2

cūrṇāvakīrṇā iva ye bhānti vā na ca cūrṇitāḥ //

1.28.20

prāṇamāṃsakṣayaśvāsakāsārocakapīḍitāḥ /

1.28.20_2

pravṛddhapūyarudhirā vraṇā yeṣāṃ ca marmasu //

1.28.21

kriyābhiḥ samyagārabdhā na sidhyanti ca ye vraṇāḥ /

1.28.21_2

varjayettān bhiṣak prājñaḥ saṃrakṣannātmano yaśaḥ //

1.28.21_1

iti suśrutasaṃhitāyāṃ sūtrasthāne viparītāviparītavraṇavijñānīyo nāmāṣṭaviṃśatitamo+adhyāyaḥ //

Commentaries (2)

Linked texts (1)