[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.28 # The Compendium of Suśruta 1.28: aṣṭāviṃśatitamo+adhyāyaḥ / Suśrutasaṃhitā 1.28 - **Language:** Sanskrit ### aṣṭāviṃśatitamo+adhyāyaḥ / ### [1.28.1](https://indike.org/pramana/in.med.samhita.susruta.1.28.1) athāto viparītāviparītavraṇavijñānīyamadhyāyaṃ vyākhyāsyāmaḥ // ### [1.28.2](https://indike.org/pramana/in.med.samhita.susruta.1.28.2) yathovāca bhagavān dhanvantariḥ // ### [1.28.3](https://indike.org/pramana/in.med.samhita.susruta.1.28.3) phalāgnijalavṛṣṭīnāṃ puṣpadhūmāmbudā yathā / ### [1.28.3\_2](https://indike.org/pramana/in.med.samhita.susruta.1.28.3_2) khyāpayanti bhaviṣyatvaṃ tathā riṣṭāni pañcatām // ### [1.28.4](https://indike.org/pramana/in.med.samhita.susruta.1.28.4) tāni saukṣmyāt pramādādvā tathaivāśu vyatikramāt / ### [1.28.4\_2](https://indike.org/pramana/in.med.samhita.susruta.1.28.4_2) gṛhyante nodgatānyajñairmumūrṣorna tvasaṃbhavāt // ### [1.28.5](https://indike.org/pramana/in.med.samhita.susruta.1.28.5) dhruvaṃ tu maraṇaṃ riṣṭe brāhmaṇaistat kilāmalaiḥ / ### [1.28.5\_2](https://indike.org/pramana/in.med.samhita.susruta.1.28.5_2) rasāyanatapojapyatatparairvā nivāryate // ### [1.28.6](https://indike.org/pramana/in.med.samhita.susruta.1.28.6) nakṣatrapīḍā bahudhā yathā kālaṃ vipacyate / ### [1.28.6\_2](https://indike.org/pramana/in.med.samhita.susruta.1.28.6_2) tathaivāriṣṭapākaṃ ca bruvate bahavo janāḥ // ### [1.28.7](https://indike.org/pramana/in.med.samhita.susruta.1.28.7) asiddhimāpnuyālloke pratikurvan gatāyuṣaḥ / ### [1.28.7\_2](https://indike.org/pramana/in.med.samhita.susruta.1.28.7_2) ato+ariṣṭani yatnena lakṣayet kuśalo bhiṣak // ### [1.28.8](https://indike.org/pramana/in.med.samhita.susruta.1.28.8) gandhavarṇarasādīnāṃ viśeṣāṇāṃ svabhāvataḥ / ### [1.28.8\_2](https://indike.org/pramana/in.med.samhita.susruta.1.28.8_2) vaikṛtaṃ yat tadācaṣṭe vraṇinaḥ pakvalakṣaṇam // ### [1.28.9](https://indike.org/pramana/in.med.samhita.susruta.1.28.9) kaṭustīkṣṇaśca visraśca gandhastu pavanādibhiḥ / ### [1.28.9\_2](https://indike.org/pramana/in.med.samhita.susruta.1.28.9_2) lohagandhistu raktena vyāmiśraḥ sānnipātikaḥ // ### [1.28.10](https://indike.org/pramana/in.med.samhita.susruta.1.28.10) lājātasītailasamāḥ kiṃcidvisrāśca gandhataḥ / ### [1.28.10\_2](https://indike.org/pramana/in.med.samhita.susruta.1.28.10_2) jñeyāḥ prakṛtigandhāḥ syuḥ rato+anyadgandhavaikṛtam // ### [1.28.11](https://indike.org/pramana/in.med.samhita.susruta.1.28.11) madhyāgurvājyasumanaḥpadmacandanacampakaiḥ / ### [1.28.11\_2](https://indike.org/pramana/in.med.samhita.susruta.1.28.11_2) sagandhā divyagandhāśca mumūrṣūṇāṃ vraṇāḥ smṛtāḥ // ### [1.28.12](https://indike.org/pramana/in.med.samhita.susruta.1.28.12) śvavājimūṣikadhvāṅkṣapūtivallūramatkuṇaiḥ / ### [1.28.12\_2](https://indike.org/pramana/in.med.samhita.susruta.1.28.12_2) sagandhāḥ paṅkagandhāśca bhūmigandhāśca garhitāḥ // ### [1.28.13](https://indike.org/pramana/in.med.samhita.susruta.1.28.13) dhyāmakuṅkumakaṅkuṣṭhasavarṇāḥ pittakopataḥ / ### [1.28.13\_2](https://indike.org/pramana/in.med.samhita.susruta.1.28.13_2) na dahyante na cūṣyante bhiṣak tān parivarjayet // ### [1.28.14](https://indike.org/pramana/in.med.samhita.susruta.1.28.14) kaṇḍūmantaḥ sthirāḥ śvetāḥ snigdhāḥ kaphanimittataḥ / ### [1.28.14\_2](https://indike.org/pramana/in.med.samhita.susruta.1.28.14_2) dūyante vā+api dahyante bhiṣak tān parivarjayet // ### [1.28.15](https://indike.org/pramana/in.med.samhita.susruta.1.28.15) kṛṣṇāstu ye tanusrāvā vātajā marmatāpinaḥ / ### [1.28.15\_2](https://indike.org/pramana/in.med.samhita.susruta.1.28.15_2) svalpāmapi na kurvanti rujaṃ tān parivarjayet // ### [1.28.16](https://indike.org/pramana/in.med.samhita.susruta.1.28.16) kṣveḍanti ghurghurāyante jvalantīva ca ye vraṇāḥ / ### [1.28.16\_2](https://indike.org/pramana/in.med.samhita.susruta.1.28.16_2) tvaṅnāṃsasthāśca pavanaṃ saśabdaṃ visṛjanti ye // ### [1.28.17](https://indike.org/pramana/in.med.samhita.susruta.1.28.17) ye ca marmasvasaṃbhūtā bhavantyatyarthavedanāḥ / ### [1.28.17\_2](https://indike.org/pramana/in.med.samhita.susruta.1.28.17_2) dahyante cāntaratyarthaṃ bahiḥ śītāśca ye vraṇāḥ // ### [1.28.18](https://indike.org/pramana/in.med.samhita.susruta.1.28.18) dahyante bahiratyarthaṃ bhavantyantaśca śītalāḥ / ### [1.28.18\_2](https://indike.org/pramana/in.med.samhita.susruta.1.28.18_2) śaktidhvajarathā kuntavājivāraṇagovṛṣāḥ // ### [1.28.19](https://indike.org/pramana/in.med.samhita.susruta.1.28.19) yeṣu cāpyavabhāseran prāsādākṛtayastathā / ### [1.28.19\_2](https://indike.org/pramana/in.med.samhita.susruta.1.28.19_2) cūrṇāvakīrṇā iva ye bhānti vā na ca cūrṇitāḥ // ### [1.28.20](https://indike.org/pramana/in.med.samhita.susruta.1.28.20) prāṇamāṃsakṣayaśvāsakāsārocakapīḍitāḥ / ### [1.28.20\_2](https://indike.org/pramana/in.med.samhita.susruta.1.28.20_2) pravṛddhapūyarudhirā vraṇā yeṣāṃ ca marmasu // ### [1.28.21](https://indike.org/pramana/in.med.samhita.susruta.1.28.21) kriyābhiḥ samyagārabdhā na sidhyanti ca ye vraṇāḥ / ### [1.28.21\_2](https://indike.org/pramana/in.med.samhita.susruta.1.28.21_2) varjayettān bhiṣak prājñaḥ saṃrakṣannātmano yaśaḥ // ### [1.28.21\_1](https://indike.org/pramana/in.med.samhita.susruta.1.28.21_1) iti suśrutasaṃhitāyāṃ sūtrasthāne viparītāviparītavraṇavijñānīyo nāmāṣṭaviṃśatitamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.31.3) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.29.2) — Cakrapāṇidatta, Sanskrit ## Linked texts (1) - [Adbhutasāgara](https://indike.org/pramana/in.astro.samhita.adbhuta.adbhutasagara.48.5) — Ballālasena & Lakṣmaṇasena, Sanskrit --- Source: [https://indike.org/pramana/in.med.samhita.susruta.1.28](https://indike.org/pramana/in.med.samhita.susruta.1.28) · Pramāṇa