[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.29 # The Compendium of Suśruta 1.29: ekonatriṃśattamo+adhyāyaḥ / Suśrutasaṃhitā 1.29 - **Language:** Sanskrit ### ekonatriṃśattamo+adhyāyaḥ / ### [1.29.1](https://indike.org/pramana/in.med.samhita.susruta.1.29.1) athāto viparītāviparītasvapnanidarśanīyamadhyāyaṃ vyākhyāsyāmaḥ // ### [1.29.2](https://indike.org/pramana/in.med.samhita.susruta.1.29.2) yathovāca bhagavān dhanvantariḥ // ### [1.29.3](https://indike.org/pramana/in.med.samhita.susruta.1.29.3) dūtadarśanasaṃbhāṣā veṣāśceṣṭitameva ca / ### [1.29.3\_2](https://indike.org/pramana/in.med.samhita.susruta.1.29.3_2) ṛkṣaṃ velā tithiścaiva nimittaṃ śakuno+anilaḥ // ### [1.29.4](https://indike.org/pramana/in.med.samhita.susruta.1.29.4) deśo vaidyasya vāgdehamanasāṃ ca viceṣṭitam / ### [1.29.4\_2](https://indike.org/pramana/in.med.samhita.susruta.1.29.4_2) kathayantyāturagataṃ śubhaṃ vā yadi vā+aśubham // ### [1.29.5](https://indike.org/pramana/in.med.samhita.susruta.1.29.5) pākhaṇḍāśramavarṇānāṃ sapakṣāḥ karmasiddhaye / ### [1.29.5\_2](https://indike.org/pramana/in.med.samhita.susruta.1.29.5_2) ta eva viparītāḥ syurdūtāḥ karmavipattaye // ### [1.29.6](https://indike.org/pramana/in.med.samhita.susruta.1.29.6) napuṃsakaṃ strī bahavo naikakāryā asūyakāḥ / ### [1.29.6\_2](https://indike.org/pramana/in.med.samhita.susruta.1.29.6_2) gardabhoṣṭrarathaprāptāḥ prāptā vā syuḥ paramparāḥ // ### [1.29.7](https://indike.org/pramana/in.med.samhita.susruta.1.29.7) vaidyaṃ ya upasarpanti dūtāste cāpi garhitāḥ / ### [1.29.7\_2](https://indike.org/pramana/in.med.samhita.susruta.1.29.7_2) pāśadaṇḍāyudhadharāḥ pāṇḍuretaravāsasaḥ // ### [1.29.8](https://indike.org/pramana/in.med.samhita.susruta.1.29.8) ārdrajīrṇāpasavyaikamalinoddhvastavāsasaḥ / ### [1.29.8\_2](https://indike.org/pramana/in.med.samhita.susruta.1.29.8_2) nyūnādhikāṅgā udvignā vikṛtā raudrarūpiṇaḥ // ### [1.29.9](https://indike.org/pramana/in.med.samhita.susruta.1.29.9) rūkṣaniṣṭhuravādāścāpyamāṅgalyābhidhāyinaḥ / ### [1.29.9\_2](https://indike.org/pramana/in.med.samhita.susruta.1.29.9_2) chindantastṛṇakāṣṭhāni spṛśanto nāsikāṃ stanam // ### [1.29.10](https://indike.org/pramana/in.med.samhita.susruta.1.29.10) vastrāntānāmikākeśanakharomadaśāspṛśaḥ / ### [1.29.10\_2](https://indike.org/pramana/in.med.samhita.susruta.1.29.10_2) srotovarodhahṛdgaṇḍamūrdhoraḥkukṣipāṇayaḥ // ### [1.29.11](https://indike.org/pramana/in.med.samhita.susruta.1.29.11) kapālopalabhasmāsthituṣāṅgārakarāśca ye / ### [1.29.11\_2](https://indike.org/pramana/in.med.samhita.susruta.1.29.11_2) vilikhanto mahīṃ kiṃcinmuñcanto loṣṭabhedinaḥ // ### [1.29.12](https://indike.org/pramana/in.med.samhita.susruta.1.29.12) tailakardamadigdhāṅgā raktasraganulepanāḥ / ### [1.29.12\_2](https://indike.org/pramana/in.med.samhita.susruta.1.29.12_2) phalaṃ pakvamasāraṃ vā gṛhītvā+anyacca tadvidham // ### [1.29.13](https://indike.org/pramana/in.med.samhita.susruta.1.29.13) nakhairnakhāntaraṃ vā+api kareṇa caraṇaṃ tathā / ### [1.29.13\_2](https://indike.org/pramana/in.med.samhita.susruta.1.29.13_2) upānaccarmahastā vā vikṛtavyādhipīḍitāḥ // ### [1.29.14](https://indike.org/pramana/in.med.samhita.susruta.1.29.14) vāmācārā rudantaśca śvāsino vikṛtekṣaṇāḥ / ### [1.29.14\_2](https://indike.org/pramana/in.med.samhita.susruta.1.29.14_2) yāmyāṃ diśaṃ prāñjalayo viṣamaikapade sthitāḥ // ### [1.29.15](https://indike.org/pramana/in.med.samhita.susruta.1.29.15) vaidyaṃ ya upasarpanti dūtāste cāpi garhitāḥ / ### [1.29.15\_2](https://indike.org/pramana/in.med.samhita.susruta.1.29.15_2) dakṣiṇābhimukhaṃ deśe tvaśucau vā hutāśanam / ^ ### [1.29.15\_3](https://indike.org/pramana/in.med.samhita.susruta.1.29.15_3) jvalayantaṃ pacantaṃ vā krūrakarmaṇi codyatam // ### [1.29.16](https://indike.org/pramana/in.med.samhita.susruta.1.29.16) nagnaṃ bhūmau śayānaṃ vā vegotsargeṣu vā+aśucim / ### [1.29.16\_2](https://indike.org/pramana/in.med.samhita.susruta.1.29.16_2) prakīrnākeśamabhyaktaṃ svinnaṃ viklavameva vā // ### [1.29.17](https://indike.org/pramana/in.med.samhita.susruta.1.29.17) vaidyaṃ ya upasarpanti dūtāste cāpi garhitāḥ / ### [1.29.17\_2](https://indike.org/pramana/in.med.samhita.susruta.1.29.17_2) vaidyasya paitrye daive vā kārye cotpātadarśane // ### [1.29.18](https://indike.org/pramana/in.med.samhita.susruta.1.29.18) madhyāhne cārdharātre vā sandhyayoḥ kṛttikāsu ca / ### [1.29.18\_2](https://indike.org/pramana/in.med.samhita.susruta.1.29.18_2) ārdrāśleṣāmaghāmūlapūrvāsu bharaṇīṣu ca // ### [1.29.19](https://indike.org/pramana/in.med.samhita.susruta.1.29.19) caturthyāṃ vā navamyāṃ vā ṣaṣṭhyāṃ sandhidineṣu ca / ### [1.29.19\_2](https://indike.org/pramana/in.med.samhita.susruta.1.29.19_2) vaidyaṃ ya upasarpanti dūtāste cāpi garhitāḥ // ### [1.29.20](https://indike.org/pramana/in.med.samhita.susruta.1.29.20) svinnābhitaptā madhyāhne jvalanasya samīpataḥ / ### [1.29.20\_2](https://indike.org/pramana/in.med.samhita.susruta.1.29.20_2) garhitāḥ pittarogeṣu dūtā vaidyamupāgatāḥ // ### [1.29.21](https://indike.org/pramana/in.med.samhita.susruta.1.29.21) ta eva kapharogeṣu karmasiddhikarāḥ smṛtāḥ / ### [1.29.21\_2](https://indike.org/pramana/in.med.samhita.susruta.1.29.21_2) etena śeṣaṃ vyākhyātaṃ buddhvā saṃvibhajettu tat // ### [1.29.22](https://indike.org/pramana/in.med.samhita.susruta.1.29.22) raktapittātisāreṣu prameheṣu tathaiva ca / ### [1.29.22\_2](https://indike.org/pramana/in.med.samhita.susruta.1.29.22_2) praśasto jalarodheṣu dūtavaidyasamāgamaḥ // ### [1.29.23](https://indike.org/pramana/in.med.samhita.susruta.1.29.23) vijñāyaivaṃ vibhāgaṃ tu śeṣaṃ budhyeta paṇḍitaḥ / ### [1.29.23\_2](https://indike.org/pramana/in.med.samhita.susruta.1.29.23_2) śuklavāsāḥ śucirgauraḥ śyāmo vā priyadarśanaḥ // ### [1.29.24](https://indike.org/pramana/in.med.samhita.susruta.1.29.24) svasyām jātau svagotro vā dūtaḥ kāryakaraḥ smṛtaḥ / ### [1.29.24\_2](https://indike.org/pramana/in.med.samhita.susruta.1.29.24_2) goyānenāgatastuṣṭaḥ pādābhyāṃ śubhaceṣṭitaḥ // ### [1.29.25](https://indike.org/pramana/in.med.samhita.susruta.1.29.25) smṛtimān vidhikālajñaḥ svatantraḥ pratipattimān / ### [1.29.25\_2](https://indike.org/pramana/in.med.samhita.susruta.1.29.25_2) alaṅkṛto maṅgalavān dūtaḥ kāryakaraḥ smṛtaḥ // ### [1.29.26](https://indike.org/pramana/in.med.samhita.susruta.1.29.26) svasthaṃ prāṅnukhamāsīnaṃ same deśe śucau śucim / ### [1.29.26\_2](https://indike.org/pramana/in.med.samhita.susruta.1.29.26_2) upasarpati yo vaidyaṃ sa ca kāryakaraḥ smṛtaḥ // ### [1.29.27](https://indike.org/pramana/in.med.samhita.susruta.1.29.27) māṃsodakumbhātapatravipravāraṇagovṛṣāḥ / ### [1.29.27\_2](https://indike.org/pramana/in.med.samhita.susruta.1.29.27_2) śuklavarṇāśca pūjyante prasthāne darśanaṃ gatāḥ // ### [1.29.28](https://indike.org/pramana/in.med.samhita.susruta.1.29.28) strī putriṇī savatsā gaurvardhamānamalaṅkṛtā / ### [1.29.28\_2](https://indike.org/pramana/in.med.samhita.susruta.1.29.28_2) kanyā matsyāḥ phalaṃ cāmaṃ svastikaṃ modakā dadhi // ### [1.29.29](https://indike.org/pramana/in.med.samhita.susruta.1.29.29) hiraṇyākṣatapātraṃ vā ratnāni sumano nṛpaḥ / ### [1.29.29\_2](https://indike.org/pramana/in.med.samhita.susruta.1.29.29_2) apraśānto+analo vājī haṃsaścāṣaḥ śikhī tathā // ### [1.29.30](https://indike.org/pramana/in.med.samhita.susruta.1.29.30) brahmadundubhijīmūtaśaṅkhaveṇurathasvanāḥ / ### [1.29.30\_2](https://indike.org/pramana/in.med.samhita.susruta.1.29.30_2) siṃhagovṛṣanādāśca hreṣitaṃ gajabṛṃhitam // ### [1.29.31](https://indike.org/pramana/in.med.samhita.susruta.1.29.31) śastaṃ haṃsarutaṃ nṇṇāṃ kauśikaṃ caiva vāmataḥ / ### [1.29.31\_2](https://indike.org/pramana/in.med.samhita.susruta.1.29.31_2) prasthāne yāyinaḥ śreṣṭhā vācaśca hṛdayaṅgamāḥ // ### [1.29.32](https://indike.org/pramana/in.med.samhita.susruta.1.29.32) patrapuṣpaphalopetān sakṣīrānnīrujo drumān / ### [1.29.32\_2](https://indike.org/pramana/in.med.samhita.susruta.1.29.32_2) āśritā vā nabhoveśmadhvajatoraṇavedikāḥ // ### [1.29.33](https://indike.org/pramana/in.med.samhita.susruta.1.29.33) dikṣu śāntāsu vaktāro madhuraṃ pṛṣṭhato+anugāḥ / ### [1.29.33\_2](https://indike.org/pramana/in.med.samhita.susruta.1.29.33_2) vāmā vā dakṣīṇā vā+api śakunāḥ karmasiddhaye // ### [1.29.34](https://indike.org/pramana/in.med.samhita.susruta.1.29.34) śuṣke+aśanihate+apatre vallīnaddhe sakaṇṭake / ### [1.29.34\_2](https://indike.org/pramana/in.med.samhita.susruta.1.29.34_2) vṛkṣe+athavā+aśmabhasmāsthiviṭtuṣāṅgārapāṃśuṣu // ### [1.29.35](https://indike.org/pramana/in.med.samhita.susruta.1.29.35) caityavalmīkaviṣamasthitā dīptakharasvarāḥ / ### [1.29.35\_2](https://indike.org/pramana/in.med.samhita.susruta.1.29.35_2) purato dikṣu dīptāsu vaktāro nārthasādhakāḥ // ### [1.29.36](https://indike.org/pramana/in.med.samhita.susruta.1.29.36) punnāmānaḥ khagā vāmāḥ strīsaṃjñā dakṣiṇāḥ śubhāḥ / ### [1.29.36\_2](https://indike.org/pramana/in.med.samhita.susruta.1.29.36_2) dakṣiṇādvāmagamanaṃ praśastaṃ śvaśṛgālayoḥ / ^ ### [1.29.36\_3](https://indike.org/pramana/in.med.samhita.susruta.1.29.36_3) vāmaṃ nakulacāṣāṇāṃ nobhayaṃ śaśasarpayoḥ // ### [1.29.37](https://indike.org/pramana/in.med.samhita.susruta.1.29.37) bhāsakauśikayoścaiva na praśastaṃ kilobhayam / ### [1.29.37\_2](https://indike.org/pramana/in.med.samhita.susruta.1.29.37_2) darśanaṃ vā rutaṃ cāpi na godhākṛkalāsayoḥ // ### [1.29.38](https://indike.org/pramana/in.med.samhita.susruta.1.29.38) dūtairaniṣṭaistulyānāmaścastaṃ darśanaṃ nṛṇām / ### [1.29.38\_2](https://indike.org/pramana/in.med.samhita.susruta.1.29.38_2) kulatthatilakārpāsatuṣapāṣāṇabhasmanām // ### [1.29.39](https://indike.org/pramana/in.med.samhita.susruta.1.29.39) pātraṃ neṣṭaṃ tathā+aṅgāratailakardamapūritam / ### [1.29.39\_2](https://indike.org/pramana/in.med.samhita.susruta.1.29.39_2) prasannetaramadyānāṃ pūrṇaṃ vā raktasarṣapaiḥ // ### [1.29.40](https://indike.org/pramana/in.med.samhita.susruta.1.29.40) śavakāṣṭhapalāśānāṃ śuṣkāṇāṃ pathi saṅgamāḥ / ### [1.29.40\_2](https://indike.org/pramana/in.med.samhita.susruta.1.29.40_2) neṣyante patitāntasthadīnāndharipavastathā // ### [1.29.41](https://indike.org/pramana/in.med.samhita.susruta.1.29.41) mṛduḥ śīto+anukūlaśca sugandhiścānilaḥ śubhaḥ / ### [1.29.41\_2](https://indike.org/pramana/in.med.samhita.susruta.1.29.41_2) kharoṣṇo+aniṣṭagandhaśca pratilomaśca garhitaḥ // ### [1.29.42](https://indike.org/pramana/in.med.samhita.susruta.1.29.42) granthyarbudādiṣu sadā chedaśabdastu pūjitaḥ / ### [1.29.42\_2](https://indike.org/pramana/in.med.samhita.susruta.1.29.42_2) vidradhyudaragulmeṣu bhedaśabdastathaiva ca // ### [1.29.43](https://indike.org/pramana/in.med.samhita.susruta.1.29.43) raktapittātisāreṣu ruddhaśabdaḥ praśasyate / ### [1.29.43\_2](https://indike.org/pramana/in.med.samhita.susruta.1.29.43_2) evaṃ vyādhiviśeṣeṇa nimittamupadhārayet // ### [1.29.44](https://indike.org/pramana/in.med.samhita.susruta.1.29.44) tathaivākruṣṭahākaṣṭamākrandaruditasvanāḥ / ### [1.29.44\_2](https://indike.org/pramana/in.med.samhita.susruta.1.29.44_2) chardyāṃ vātapurīṣāṇāṃ śabdo vai gardabhoṣṭrayoḥ // ### [1.29.45](https://indike.org/pramana/in.med.samhita.susruta.1.29.45) pratiṣiddhaṃ tathā bhagnaṃ kṣutaṃ skhalitamāhatam / ### [1.29.45\_2](https://indike.org/pramana/in.med.samhita.susruta.1.29.45_2) daurmanasyaṃ ca vaidyasya yātrāyāṃ na praśasyate // ### [1.29.46](https://indike.org/pramana/in.med.samhita.susruta.1.29.46) praveśe+apyetaduddeśādavekṣyaṃ ca tathā+āture / ### [1.29.46\_2](https://indike.org/pramana/in.med.samhita.susruta.1.29.46_2) pratidvāraṃ gṛhe vā+asya punaretanna gaṇyate // ### [1.29.47](https://indike.org/pramana/in.med.samhita.susruta.1.29.47) keśabhasmāsthikāṣṭhāśmatuṣakārpāsakaṇṭakāḥ / ### [1.29.47\_2](https://indike.org/pramana/in.med.samhita.susruta.1.29.47_2) khaṭvordhvapādā madyāpo vasā tailaṃ tilāstṛṇam // ### [1.29.48](https://indike.org/pramana/in.med.samhita.susruta.1.29.48) napuṃsakavyaṅgabhagnanagnamuṇḍāsitāmbarāḥ / ### [1.29.48\_2](https://indike.org/pramana/in.med.samhita.susruta.1.29.48_2) prasthāne vā praveśe vā neṣyante darśanaṃ gatāḥ // ### [1.29.49](https://indike.org/pramana/in.med.samhita.susruta.1.29.49) bhāṇḍānāṃ saṃkarasthānāṃ sthānāt saṃcaraṇaṃ tathā / ### [1.29.49\_2](https://indike.org/pramana/in.med.samhita.susruta.1.29.49_2) nikhātotpāṭanaṃ bhaṅgaḥ patanaṃ nirgamastathā // ### [1.29.50](https://indike.org/pramana/in.med.samhita.susruta.1.29.50) vaidyāsanāvasādo vā rogī vā syādadhomukhaḥ / ### [1.29.50\_2](https://indike.org/pramana/in.med.samhita.susruta.1.29.50_2) vaidyaṃ saṃbhāṣamāṇo+aṅgaṃ kuḍyamāstaraṇāni vā // ### [1.29.51](https://indike.org/pramana/in.med.samhita.susruta.1.29.51) pramṛjyādvā dhunīyādvā karau pṛṣṭhaṃ śirastathā / ### [1.29.51\_2](https://indike.org/pramana/in.med.samhita.susruta.1.29.51_2) hastaṃ cākṛṣya vaidyasya nyasecchirasi corasi // ### [1.29.52](https://indike.org/pramana/in.med.samhita.susruta.1.29.52) yo vaidyamunmukhaḥ pṛcchedunmārṣṭi svāṅgamāturaḥ / ### [1.29.52\_2](https://indike.org/pramana/in.med.samhita.susruta.1.29.52_2) na sa sidhyati vaidyo vā gṛhe yasya na pūjyate // ### [1.29.53](https://indike.org/pramana/in.med.samhita.susruta.1.29.53) bhavane pūjyate vā+api yasya vaidyaḥ sa sidhyati / ### [1.29.53\_2](https://indike.org/pramana/in.med.samhita.susruta.1.29.53_2) śubhaṃ śubheṣu dūtādiṣvaśubhaṃ hyaśubheṣu ca // ### [1.29.54](https://indike.org/pramana/in.med.samhita.susruta.1.29.54) āturasya dhruvaṃ tasmāddūtādīn lakṣayedbhiṣak / ### [1.29.54\_2](https://indike.org/pramana/in.med.samhita.susruta.1.29.54_2) svapnānataḥ pravakṣyāmi maraṇāya śubhāya ca // ### [1.29.55](https://indike.org/pramana/in.med.samhita.susruta.1.29.55) suhṛdo yāṃ śca paśyanti vyādhito vā svayaṃ tathā / ### [1.29.55\_2](https://indike.org/pramana/in.med.samhita.susruta.1.29.55_2) snehābhyaktaśarīrastu karabhavyālagardabhaiḥ // ### [1.29.56](https://indike.org/pramana/in.med.samhita.susruta.1.29.56) varāhairmahiṣairvā+api yo yāyāddakṣiṇāmukhaḥ / ### [1.29.56\_2](https://indike.org/pramana/in.med.samhita.susruta.1.29.56_2) raktāmbaradharā kṛṣṇā hasantī muktamūrdhajā // ### [1.29.57](https://indike.org/pramana/in.med.samhita.susruta.1.29.57) yaṃ vā karṣati baddhvā strī nṛtyantī dakṣiṇāmukham / ### [1.29.57\_2](https://indike.org/pramana/in.med.samhita.susruta.1.29.57_2) antāvasāyibhiryo vā+ākṛṣyate dakṣiṇāmukhaḥ // ### [1.29.58](https://indike.org/pramana/in.med.samhita.susruta.1.29.58) pariṣvajeran yaṃ vā+api pretāḥ pravrajitāstathā / ### [1.29.58\_2](https://indike.org/pramana/in.med.samhita.susruta.1.29.58_2) muhurāghrāyate yastu śvāpadairvikṛtānanaiḥ // ### [1.29.59](https://indike.org/pramana/in.med.samhita.susruta.1.29.59) pibenmadhu ca tailaṃ ca yo vā paṅke+avasīdati / ### [1.29.59\_2](https://indike.org/pramana/in.med.samhita.susruta.1.29.59_2) paṅkapradigdhagātro vā pranṛtyet prahasettathā // ### [1.29.60](https://indike.org/pramana/in.med.samhita.susruta.1.29.60) nirambaraśca yo raktāṃ dhārayecchirasi srajam / ### [1.29.60\_2](https://indike.org/pramana/in.med.samhita.susruta.1.29.60_2) yasya vaṃśo nalo vā+api tālo vorasi jāyate // ### [1.29.61](https://indike.org/pramana/in.med.samhita.susruta.1.29.61) yaṃ vā matsyo grasedyo vā jananīṃ praviśennaraḥ / ### [1.29.61\_2](https://indike.org/pramana/in.med.samhita.susruta.1.29.61_2) parvatāgrāt patedyo vā śvabhre vā tamasā+āvṛte // ### [1.29.62](https://indike.org/pramana/in.med.samhita.susruta.1.29.62) hriyate srotasā yo vā yo vā mauṇḍyamavāpnuyāt / ### [1.29.62\_2](https://indike.org/pramana/in.med.samhita.susruta.1.29.62_2) parājīyeta badhyeta kākādyairvā+abhibhūyate // ### [1.29.63](https://indike.org/pramana/in.med.samhita.susruta.1.29.63) patanaṃ tārakādīnāṃ praṇāśaṃ dīpacakṣuṣoḥ / ### [1.29.63\_2](https://indike.org/pramana/in.med.samhita.susruta.1.29.63_2) yaḥ paśyeddevatānāṃ ca (ā.vā) prakampamavanestathā // ### [1.29.64](https://indike.org/pramana/in.med.samhita.susruta.1.29.64) yasya chardirvireko vā daśanāḥ prapatanti vā / ### [1.29.64\_2](https://indike.org/pramana/in.med.samhita.susruta.1.29.64_2) śālmalīṃ kiṃśukaṃ yūpaṃ valmīkaṃ pāribhadrakam // ### [1.29.65](https://indike.org/pramana/in.med.samhita.susruta.1.29.65) puṣpāḍhyaṃ kovidāraṃ vā citāṃ vā yo+adhirohati / ### [1.29.65\_2](https://indike.org/pramana/in.med.samhita.susruta.1.29.65_2) kārpāsatailapiṇyākalohāni lavaṇaṃ tilān // ### [1.29.66](https://indike.org/pramana/in.med.samhita.susruta.1.29.66) labhetāśnīta vā pakvamannaṃ yaśca pibet surām / ### [1.29.66\_2](https://indike.org/pramana/in.med.samhita.susruta.1.29.66_2) svasthaḥ sa labhate vyādhiṃ vyādhito mṛtyumṛcchati // ### [1.29.67](https://indike.org/pramana/in.med.samhita.susruta.1.29.67) yathāsvaṃ prakṛtisvapno vismṛto vihatastathā / ### [1.29.67\_2](https://indike.org/pramana/in.med.samhita.susruta.1.29.67_2) cintākṛto divā dṛṣto bhavantyaphaladāstu te // ### [1.29.68](https://indike.org/pramana/in.med.samhita.susruta.1.29.68) jvaritānāṃ śunā sakhyaṃ kapisakhyaṃ tu śoṣiṇām / ### [1.29.68\_2](https://indike.org/pramana/in.med.samhita.susruta.1.29.68_2) unmāde rākṣasaiḥ pretairapasmāre pravartanam // ### [1.29.69](https://indike.org/pramana/in.med.samhita.susruta.1.29.69) mehātisāriṇāṃ toyapānaṃ snehasya kuṣṭhinām / ### [1.29.69\_2](https://indike.org/pramana/in.med.samhita.susruta.1.29.69_2) gulmeṣu sthāvarotpattiḥ koṣṭhe mūrdhni śiroruji // ### [1.29.70](https://indike.org/pramana/in.med.samhita.susruta.1.29.70) śaṣkulībhakṣaṇaṃ chardyāmadhvā śvāsapipāsayoḥ / ### [1.29.70\_2](https://indike.org/pramana/in.med.samhita.susruta.1.29.70_2) haridraṃ bhojanaṃ vā+api yasya syāt pāṇḍurogiṇaḥ // ### [1.29.71](https://indike.org/pramana/in.med.samhita.susruta.1.29.71) raktapittī pibedyastu śoṇitaṃ sa vinaśyati / ### [1.29.71\_2](https://indike.org/pramana/in.med.samhita.susruta.1.29.71_2) svapnānevaṃvidhān dṛṣṭvā prātarutthāya yatnavān // ### [1.29.72](https://indike.org/pramana/in.med.samhita.susruta.1.29.72) dadyānmāṣāṃstilāṃllohaṃ viprebhyaḥ kāñcanaṃ tathā / ### [1.29.72\_2](https://indike.org/pramana/in.med.samhita.susruta.1.29.72_2) japeccāpi śubhān mantrān gāyatrīṃ tripadāṃ tathā // ### [1.29.73](https://indike.org/pramana/in.med.samhita.susruta.1.29.73) dṛṣṭvā tu prathame yāme svapyād dhyātvā punaḥ śubham / ### [1.29.73\_2](https://indike.org/pramana/in.med.samhita.susruta.1.29.73_2) japedvā+anyatamaṃ vede brahmacārī samāhitaḥ // ### [1.29.74](https://indike.org/pramana/in.med.samhita.susruta.1.29.74) devatāyatane caiva vasedrātritrayaṃ tathā / ### [1.29.74\_2](https://indike.org/pramana/in.med.samhita.susruta.1.29.74_2) viprāṃśca pūjayennityaṃ duḥsvapnāt pravimucyate // ### [1.29.75](https://indike.org/pramana/in.med.samhita.susruta.1.29.75) ata ūrdhvaṃ pravakṣyāmi praśastaṃ svapnadarśanam / ### [1.29.75\_2](https://indike.org/pramana/in.med.samhita.susruta.1.29.75_2) devān dvijāngovṛṣabhān jīvataḥ suhṛdo nṛpān // ### [1.29.76](https://indike.org/pramana/in.med.samhita.susruta.1.29.76) samiddhamagniṃ sādhūṃśca nirmalāni jalāni ca / ### [1.29.76\_2](https://indike.org/pramana/in.med.samhita.susruta.1.29.76_2) paśyet kalyāṇalābhāya vyādherapagamāya ca // ### [1.29.77](https://indike.org/pramana/in.med.samhita.susruta.1.29.77) māṃsaṃ matsyān srajaḥ śvetā vāsāṃsi ca phalāni ca / ### [1.29.77\_2](https://indike.org/pramana/in.med.samhita.susruta.1.29.77_2) labhante dhanalābhāya vyādherapagamāya ca // ### [1.29.78](https://indike.org/pramana/in.med.samhita.susruta.1.29.78) mahāprāsādasaphalavṛkṣavāraṇaparvatān / ### [1.29.78\_2](https://indike.org/pramana/in.med.samhita.susruta.1.29.78_2) āroheddravyalābhāya vyādherapagamāya ca // ### [1.29.79](https://indike.org/pramana/in.med.samhita.susruta.1.29.79) nadīnadasamudrāṃśca kṣubhitān kaluṣodakān / ### [1.29.79\_2](https://indike.org/pramana/in.med.samhita.susruta.1.29.79_2) taret kalyāṇalābhāya vyādherapagamāya ca // ### [1.29.80](https://indike.org/pramana/in.med.samhita.susruta.1.29.80) urago vā jalauko vā bhramaro vā+api yaṃ daśet / ### [1.29.80\_2](https://indike.org/pramana/in.med.samhita.susruta.1.29.80_2) ārogyaṃ nirdiśettasya dhanalābhaṃ ca buddhimān // ### [1.29.81](https://indike.org/pramana/in.med.samhita.susruta.1.29.81) evaṃrūpān śubhān svapnān yaḥ paśyedvyādhito naraḥ / ### [1.29.81\_2](https://indike.org/pramana/in.med.samhita.susruta.1.29.81_2) sa dīrghāyuriti jñeyastasmai karma samācaret // ### [1.29.81\_1](https://indike.org/pramana/in.med.samhita.susruta.1.29.81_1) iti suśrutasaṃhitāyāṃ sūtrasthāne viparītāviparītasvapnanidarśanīyo nāmaikonatriṃśattamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.32.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.30.2) — Cakrapāṇidatta, Sanskrit ## Linked texts (2) - [Adbhutasāgara](https://indike.org/pramana/in.astro.samhita.adbhuta.adbhutasagara.48.80) — Ballālasena & Lakṣmaṇasena, Sanskrit - [Svapnaprakāśikā (Dattarāma)](https://indike.org/pramana/in.astro.sakuna.svapna.svapnaprakasika.47) — Dattarāma, Sanskrit --- Source: [https://indike.org/pramana/in.med.samhita.susruta.1.29](https://indike.org/pramana/in.med.samhita.susruta.1.29) · Pramāṇa