[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.2 # The Compendium of Suśruta 1.2: dvitīyo+adhyāyaḥ / Suśrutasaṃhitā 1.2 - **Language:** Sanskrit ### dvitīyo+adhyāyaḥ / ### [1.2.1](https://indike.org/pramana/in.med.samhita.susruta.1.2.1) athātaḥ śiṣyopanayanīyamadhyāyaṃ vyākhyāsyāmaḥ // ### [1.2.2](https://indike.org/pramana/in.med.samhita.susruta.1.2.2) yathovāca bhagavān dhanvantariḥ // ### [1.2.3](https://indike.org/pramana/in.med.samhita.susruta.1.2.3) brāhmaṇakṣatriyavaiśyānāmanyatamamanvayavayaḥśīlaśauryaśaucācāravinayaśaktibalamedhādhṛtismṛtimatipratipattiyuktaṃ tanujihvauṣṭhadantākramṛjuvaktrākṣināsaṃprasannacittavākceṣṭaṃ kleśasaḥaṃ ca bhiṣak śiṣyamupanayet ato viparītaguṇaṃ noapanayet // ### [1.2.4](https://indike.org/pramana/in.med.samhita.susruta.1.2.4) upanayanīyaṃ tu brāhmaṇaṃ praśasteṣu tithikaraṇamuhūrtanakṣatreṣu praśastāyāṃ diśi śucau same deśe caturhastaṃ caturasraṃ sthaṇḍilamupalipya gomayena darbhaiḥ saṃstīrya puṣpairlājabhaktai ratnaiśca devatāḥ pūjayitvā viprān bhiṣajaśca tatrollikhyābhyukṣya ca dakṣiṇato brahmāṇaṃ sthāpayitvā+agnimupasamādhāya khadirapalāśadevadārubilvānāṃ samidbhiścaturṇāṃ vā kṣīravṛkṣāṇāṃ (? nyagrodhodumbarāśvatthamadhūkānāṃ ) dadhimadhughṛtāktābhirdārvīhaumikena vidhinā sruveṇājyāhutīrjuhuyāt sapraṇavābhirmahāvyahṛtibhiḥ tataḥ pratidaivatamṛṣīṃśca svāhākāraṃ kuryāt śiṣyamapi kārayet // ### [1.2.5](https://indike.org/pramana/in.med.samhita.susruta.1.2.5) brāhmaṇastrayāṇāṃ varṇānāmupanayanaṃ kartumarhati rājanyo dvayasya vaiśyo vaiśyasyaiveti śūdramapi kulaguṇasaṃpannaṃ mantravarjamanupanītamadhyāpayedityeke // ### [1.2.6](https://indike.org/pramana/in.med.samhita.susruta.1.2.6) tato+agniṃ triḥ pariṇīyāgnisākṣikaṃ śiṣyaṃ brūyāt kāmakrodhalobhamohamānāhaṇkārerṣyāpāruṣyapaiśunyānṛtālasyāyaśasyāni hitvā nīcanakharomṇā śucinā kaṣāyavāsasā satyavratabrahmacaryābhivādanatatpareṇā+avaśyaṃ bhavitavyaṃ madanumatasthānagamanaśayanāsanabhojanādhyayanapareṇa bhūtvā matpriyahiteṣu vartitavyaṃ ato+anyathā te vartamānasyādharmo bhavati aphalā ca vidyā na ca prākāśyaṃ prāpnoti // ### [1.2.7](https://indike.org/pramana/in.med.samhita.susruta.1.2.7) ahaṃ vā tvayi samyagvartamāne yadyanyathādarśī syāmenobhāgbhaveyamaphalavidyaśca // ### [1.2.8](https://indike.org/pramana/in.med.samhita.susruta.1.2.8) dvijagurudaridramitrapravrajitopanatasādhvanāthābhyupagatānāṃ cātmabāndhavānāmiva svabhaiṣajaiḥ pratikartavyamevaṃ sādhu bhavati vyādhaśākunikapatitapāpakāriṇāṃ ca na pratikartavyaṃ evaṃ vidyā prakāśate mitrayaśodharmārthakāmāṃśca prāpnoti // ### [1.2.9](https://indike.org/pramana/in.med.samhita.susruta.1.2.9) bhavataścātra / ### [1.2.9\_2](https://indike.org/pramana/in.med.samhita.susruta.1.2.9_2) kṛṣṇe+aṣṭamī tannidhane+ahanī dve śukle tathā+apyevamahardvisandhyam / ### [1.2.9\_3](https://indike.org/pramana/in.med.samhita.susruta.1.2.9_3) akālavidyutstanayitnughoṣe svatantrarāṣṭrakṣitipavyathāsu // ### [1.2.10](https://indike.org/pramana/in.med.samhita.susruta.1.2.10) śmaśānayānādyatanāhaveṣu mahotsavautpātikadarśaneṣu / ### [1.2.10\_2](https://indike.org/pramana/in.med.samhita.susruta.1.2.10_2) nādhyeyamanyeṣu ca yeṣu vaprā nādhīyate nāśucinā ca nityam // ### [1.2.10\_1](https://indike.org/pramana/in.med.samhita.susruta.1.2.10_1) iti suśrutasaṃhitāyāṃ sūtrasthāne śiṣyopanayanīyo nāma dvitīyo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.3.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.2.2) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.2](https://indike.org/pramana/in.med.samhita.susruta.1.2) · Pramāṇa