[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.30 # The Compendium of Suśruta 1.30: triṃśattamo+adhyāyaḥ / Suśrutasaṃhitā 1.30 - **Language:** Sanskrit ### triṃśattamo+adhyāyaḥ / ### [1.30.1](https://indike.org/pramana/in.med.samhita.susruta.1.30.1) athātaḥ pañcendriyārthavipratipattimadhyāyaṃ vyākhyāsyāmaḥ // ### [1.30.2](https://indike.org/pramana/in.med.samhita.susruta.1.30.2) yathovāca bhagavān dhanvantariḥ // ### [1.30.3](https://indike.org/pramana/in.med.samhita.susruta.1.30.3) śarīraśīlayoryasya prakṛtervikṛtirbhavet / ### [1.30.3\_2](https://indike.org/pramana/in.med.samhita.susruta.1.30.3_2) tattvariṣṭaṃ samāsena vyāsatastu nibodha me // ### [1.30.4](https://indike.org/pramana/in.med.samhita.susruta.1.30.4) śṛṇoti vividhān śabdān yo divyānāmabhāvataḥ / ### [1.30.4\_2](https://indike.org/pramana/in.med.samhita.susruta.1.30.4_2) samudrapurameghānāmasaṃpattau ca niḥsvanān // ### [1.30.5](https://indike.org/pramana/in.med.samhita.susruta.1.30.5) tān svanānnāvagṛhṇāti manyate cānyaśabdavat / ### [1.30.5\_2](https://indike.org/pramana/in.med.samhita.susruta.1.30.5_2) grāmyāraṇyasvanāṃścāpi viparītān śṛṇoti ca // ### [1.30.6](https://indike.org/pramana/in.med.samhita.susruta.1.30.6) dviṣacchabdeṣu ramate suhṛcchabdeṣu kupyati / ### [1.30.6\_2](https://indike.org/pramana/in.med.samhita.susruta.1.30.6_2) na śṛṇoti ca yo+akasmāttaṃ bruvanti gatāyuṣam // ### [1.30.7](https://indike.org/pramana/in.med.samhita.susruta.1.30.7) yastūṣṇamiva gṛhṇāti śītamuṣṇaṃ ca śītavat / ### [1.30.7\_2](https://indike.org/pramana/in.med.samhita.susruta.1.30.7_2) saṃjātaśītapiḍako yaśca dāhena pīḍyate // ### [1.30.8](https://indike.org/pramana/in.med.samhita.susruta.1.30.8) uṣṇagātro+atimātraṃ ca yaḥ śītena pravepate / ### [1.30.8\_2](https://indike.org/pramana/in.med.samhita.susruta.1.30.8_2) prahārānnābhijānāti yo+aṅgacchedamathāpi vā // ### [1.30.9](https://indike.org/pramana/in.med.samhita.susruta.1.30.9) pāṃśunevāvakīrṇāni yaśca gātrāṇi manyate / ### [1.30.9\_2](https://indike.org/pramana/in.med.samhita.susruta.1.30.9_2) varṇānyatā vā rājyo vā yasya gātre bhavanti hi // ### [1.30.10](https://indike.org/pramana/in.med.samhita.susruta.1.30.10) snātānuliptaṃ yaṃ cāpi bhajante nīlamakṣikāḥ / ### [1.30.10\_2](https://indike.org/pramana/in.med.samhita.susruta.1.30.10_2) sugandhirvā+ati yo+akasmāttaṃ bruvanti gatāyuṣam // ### [1.30.11](https://indike.org/pramana/in.med.samhita.susruta.1.30.11) viparītena gṛhṇāti rasān yaścopayojitān / ### [1.30.11\_2](https://indike.org/pramana/in.med.samhita.susruta.1.30.11_2) upayuktāḥ kramādyasya rasā doṣābhivṛddhaye // ### [1.30.12](https://indike.org/pramana/in.med.samhita.susruta.1.30.12) yasya doṣāgnisāmyaṃ ca kuryurmithyopayojitāḥ / ### [1.30.12\_2](https://indike.org/pramana/in.med.samhita.susruta.1.30.12_2) yo vā rasānna saṃvetti gatāsuṃ taṃ pracakṣate // ### [1.30.13](https://indike.org/pramana/in.med.samhita.susruta.1.30.13) sugandhaṃ vetti durgandhaṃ durgandhasya sugandhitām / ### [1.30.13\_2](https://indike.org/pramana/in.med.samhita.susruta.1.30.13_2) gṛhṇīte vā+anyathā gandhaṃ śānte dīpe ca nīrujaḥ // ### [1.30.14](https://indike.org/pramana/in.med.samhita.susruta.1.30.14) yo vā gandhānna jānāti gatāsuṃ taṃ vinirdiśet / ### [1.30.14\_2](https://indike.org/pramana/in.med.samhita.susruta.1.30.14_2) dvandvānyuṣṇahimādīni kālāvasthā diśastathā // ### [1.30.15](https://indike.org/pramana/in.med.samhita.susruta.1.30.15) viparītena gṛhṇāti bhāvānanyāṃśca yo naraḥ / ### [1.30.15\_2](https://indike.org/pramana/in.med.samhita.susruta.1.30.15_2) divā jyotīṃṣi yaścāpi jvalitānīva paśyati // ### [1.30.16](https://indike.org/pramana/in.med.samhita.susruta.1.30.16) rātrau sūryaṃ jvalantaṃ vā divā vā candravarcasam / ### [1.30.16\_2](https://indike.org/pramana/in.med.samhita.susruta.1.30.16_2) ameghopaplave yaśca śakracāpataḍidguṇān // ### [1.30.17](https://indike.org/pramana/in.med.samhita.susruta.1.30.17) taḍittvato+asitān yo vā nirmale gagane ghanān / ### [1.30.17\_2](https://indike.org/pramana/in.med.samhita.susruta.1.30.17_2) vimānayānaprāsādairyaśca saṃkulamambaram // ### [1.30.18](https://indike.org/pramana/in.med.samhita.susruta.1.30.18) yaścānilaṃ mūrtimantamantarikṣaṃ ca paśyati / ### [1.30.18\_2](https://indike.org/pramana/in.med.samhita.susruta.1.30.18_2) dhūmanīhāravāsobhirāvṛtāmiva medinīm // ### [1.30.19](https://indike.org/pramana/in.med.samhita.susruta.1.30.19) pradīptamiva lokaṃ ca yo vā plutamivāmbhasā / ### [1.30.19\_2](https://indike.org/pramana/in.med.samhita.susruta.1.30.19_2) bhūmimaṣṭāpadākārāṃ lekhābhiryaśca paśyati // ### [1.30.20](https://indike.org/pramana/in.med.samhita.susruta.1.30.20) na paśyati sanakṣatrāṃ yaścā devīmarundhatīm / ### [1.30.20\_2](https://indike.org/pramana/in.med.samhita.susruta.1.30.20_2) dhruvamākāśagaṅgāṃ vā taṃ vadanti gatāyuṣam // ### [1.30.21](https://indike.org/pramana/in.med.samhita.susruta.1.30.21) jyotsnādarśoṣṇatoyeṣu chāyāṃ yaśca na paśyati / ### [1.30.21\_2](https://indike.org/pramana/in.med.samhita.susruta.1.30.21_2) paśyatyekāṅgahīnāṃ vā vikṛtāṃ vā+anyasattvajām // ### [1.30.22](https://indike.org/pramana/in.med.samhita.susruta.1.30.22) śvakākakaṅkagṛdhṛāṇāṃ pretānāṃ yakṣarakṣasām / ### [1.30.22\_2](https://indike.org/pramana/in.med.samhita.susruta.1.30.22_2) piśācoraganāgānāṃ bhūtānāṃ vikṛtāmapi // ### [1.30.23](https://indike.org/pramana/in.med.samhita.susruta.1.30.23) yo vā mayūrakaṇṭhābhaṃ vidhūmaṃ vahnimīkṣate / ### [1.30.23\_2](https://indike.org/pramana/in.med.samhita.susruta.1.30.23_2) āturasya bhavenmṛtyuḥ svastho vyādhimāvāpnuyāt // ### [1.30.23\_1](https://indike.org/pramana/in.med.samhita.susruta.1.30.23_1) iti suśrutasaṃhitāyāṃ sūtrasthāne pañcendriyārthavipratipattirnāma triṃśo+adhyāyaḥ // ## Commentaries (2) - [Bhānumatī](https://indike.org/pramana/in.med.samhita.susruta!cakrapani.31.2) — Cakrapāṇidatta, Sanskrit - [Nibandhasaṅgraha](https://indike.org/pramana/in.med.samhita.susruta!dalhana.33.2) — Ḍalhaṇa, Sanskrit ## Linked texts (2) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.1.6.63) — Sanskrit - [Adbhutasāgara](https://indike.org/pramana/in.astro.samhita.adbhuta.adbhutasagara.48.109) — Ballālasena & Lakṣmaṇasena, Sanskrit --- Source: [https://indike.org/pramana/in.med.samhita.susruta.1.30](https://indike.org/pramana/in.med.samhita.susruta.1.30) · Pramāṇa