[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.31 # The Compendium of Suśruta 1.31: ekatriṃśattamo+adhyāyaḥ / Suśrutasaṃhitā 1.31 - **Language:** Sanskrit ### ekatriṃśattamo+adhyāyaḥ / ### [1.31.1](https://indike.org/pramana/in.med.samhita.susruta.1.31.1) athātaśchāyāvipratipattimadhyāyaṃ vyākhyāsyāmaḥ // ### [1.31.2](https://indike.org/pramana/in.med.samhita.susruta.1.31.2) yathovāca bhagavān dhanvantariḥ // ### [1.31.3](https://indike.org/pramana/in.med.samhita.susruta.1.31.3) śyāvā lohitikā nīlā pītikā vā+api mānavam / ### [1.31.3\_2](https://indike.org/pramana/in.med.samhita.susruta.1.31.3_2) abhidravanti yaṃ chāyāḥ sa parāsurasaṃśayam // ### [1.31.4](https://indike.org/pramana/in.med.samhita.susruta.1.31.4) hīrapakramate yasya prabhādhṛtismṛtiśriyaḥ / ### [1.31.4\_2](https://indike.org/pramana/in.med.samhita.susruta.1.31.4_2) akasmādyaṃ bhajante vā sa parāsurasaṃśayam // ### [1.31.5](https://indike.org/pramana/in.med.samhita.susruta.1.31.5) yasyādharauṣṭhaḥ patitaḥ kṣiptaścordhvaṃ tathottaraḥ / ### [1.31.5\_2](https://indike.org/pramana/in.med.samhita.susruta.1.31.5_2) ubhau vā jāmbavābhāsau durlabhaṃ tasya jīvitam // ### [1.31.6](https://indike.org/pramana/in.med.samhita.susruta.1.31.6) āraktā daśanā yasya śyāvā vā syuḥ patanti vā / ### [1.31.6\_2](https://indike.org/pramana/in.med.samhita.susruta.1.31.6_2) khañjanapratimā vā+api taṃ gatāyuṣamādiśet // ### [1.31.7](https://indike.org/pramana/in.med.samhita.susruta.1.31.7) kṛṣṇā stabdhā+avaliptā vā jihvā śūnā ca yasya vai / ### [1.31.7\_2](https://indike.org/pramana/in.med.samhita.susruta.1.31.7_2) karkaśā vā bhavedyasya so+acirādvijahātyasūn // ### [1.31.8](https://indike.org/pramana/in.med.samhita.susruta.1.31.8) kuṭilā sphuṭitā vā+api śuṣkā vā yasya nāsikā / ### [1.31.8\_2](https://indike.org/pramana/in.med.samhita.susruta.1.31.8_2) avasphūrjati magnā vā na sa jīvati mānavaḥ // ### [1.31.9](https://indike.org/pramana/in.med.samhita.susruta.1.31.9) saṃkṣipte viṣame stabdhe rakte sraste ca locane / ### [1.31.9\_2](https://indike.org/pramana/in.med.samhita.susruta.1.31.9_2) syātāṃ vā prasrute yasya sa gatāyurnaro dhruvam // ### [1.31.10](https://indike.org/pramana/in.med.samhita.susruta.1.31.10) keśāḥ sīmantino yasya saṃkṣipte vinate bhruvau / ### [1.31.10\_2](https://indike.org/pramana/in.med.samhita.susruta.1.31.10_2) lunanti cākṣipakṣmāṇi so+acirādyāti mṛtyave // ### [1.31.11](https://indike.org/pramana/in.med.samhita.susruta.1.31.11) nāharatyannamāsyasthaṃ na dhārayati yaḥ śiraḥ / ### [1.31.11\_2](https://indike.org/pramana/in.med.samhita.susruta.1.31.11_2) ekāgradṛṣṭirmūḍhātmā sadyaḥ prāṇān jahāti saḥ // ### [1.31.12](https://indike.org/pramana/in.med.samhita.susruta.1.31.12) balavān durbalo vā+api saṃmohaṃ yo+adhigacchati / ### [1.31.12\_2](https://indike.org/pramana/in.med.samhita.susruta.1.31.12_2) utthāpyamāno bahuśastaṃ pakvaṃ bhiṣagādiśet // ### [1.31.13](https://indike.org/pramana/in.med.samhita.susruta.1.31.13) uttānaḥ sarvadā śete pādau vikurute ca yaḥ / ### [1.31.13\_2](https://indike.org/pramana/in.med.samhita.susruta.1.31.13_2) viprasāraṇaśīlo vā na sa jīvati mānavaḥ // ### [1.31.14](https://indike.org/pramana/in.med.samhita.susruta.1.31.14) śītapādakarocchvāsaśchinnocchvāsaśca yo bhavet / ### [1.31.14\_2](https://indike.org/pramana/in.med.samhita.susruta.1.31.14_2) kākocchvāsaśca yo martyastaṃ dhīraḥ parivarjayet // ### [1.31.15](https://indike.org/pramana/in.med.samhita.susruta.1.31.15) nidrā na chidyate yasya yo vā jāgarti sarvadā / ### [1.31.15\_2](https://indike.org/pramana/in.med.samhita.susruta.1.31.15_2) muhyedvā vaktukāmaśca pratyākhyeyaḥ sa jānatā // ### [1.31.16](https://indike.org/pramana/in.med.samhita.susruta.1.31.16) uttarauṣṭhaṃ ca yo lihyādutkārāṃśca karoti yaḥ / ### [1.31.16\_2](https://indike.org/pramana/in.med.samhita.susruta.1.31.16_2) pretairvā bhāṣate sārdhaṃ pretarūpaṃ tamādiśet // ### [1.31.17](https://indike.org/pramana/in.med.samhita.susruta.1.31.17) svebhyaḥ saromakūpebhyo yasya raktaṃ pravartate / ### [1.31.17\_2](https://indike.org/pramana/in.med.samhita.susruta.1.31.17_2) puruṣasyāviṣārtasya sadyo jahyāt sa jīvitam // ### [1.31.18](https://indike.org/pramana/in.med.samhita.susruta.1.31.18) vātāṣṭhīlā tu hṛdaye yasyordhvamanuyāyinī / ### [1.31.18\_2](https://indike.org/pramana/in.med.samhita.susruta.1.31.18_2) rujā+annavidveṣakarī sa parāsurasaṃśayam // ### [1.31.19](https://indike.org/pramana/in.med.samhita.susruta.1.31.19) ananyopadravakṛtaḥ śophaḥ pādasamutthitaḥ / ### [1.31.19\_2](https://indike.org/pramana/in.med.samhita.susruta.1.31.19_2) puruṣaṃ hanti nārīṃ tu mukhajo guhyajo dvayam // ### [1.31.20](https://indike.org/pramana/in.med.samhita.susruta.1.31.20) atisāro jvaro hikkā chardiḥ śūnāṇḍameḍhratā / ### [1.31.20\_2](https://indike.org/pramana/in.med.samhita.susruta.1.31.20_2) śvāsinaḥ kāsino vā+api yasya taṃ kṣīṇamādiśet // ### [1.31.21](https://indike.org/pramana/in.med.samhita.susruta.1.31.21) svedo dāhaśca balavān hikkā śvāsaśca mānavam / ### [1.31.21\_2](https://indike.org/pramana/in.med.samhita.susruta.1.31.21_2) balavantamapi prāṇairviyuñjanti na saṃśayaḥ // ### [1.31.22](https://indike.org/pramana/in.med.samhita.susruta.1.31.22) śyāvā jihvā bhavedyasya savyaṃ cākṣi nimajjati / ### [1.31.22\_2](https://indike.org/pramana/in.med.samhita.susruta.1.31.22_2) mukhaṃ ca jāyate pūti yasya taṃ parivarjayet // ### [1.31.23](https://indike.org/pramana/in.med.samhita.susruta.1.31.23) vaktramāpūryate+aśrubhiḥ svidyataścaraṇāvubhau / ### [1.31.23\_2](https://indike.org/pramana/in.med.samhita.susruta.1.31.23_2) cakṣuścākulatāṃ yāti yamarāṣṭraṃ gamiṣyataḥ // ### [1.31.24](https://indike.org/pramana/in.med.samhita.susruta.1.31.24) atimātraṃ laghūni syurgātrāṇi gurukāṇi vā / ### [1.31.24\_2](https://indike.org/pramana/in.med.samhita.susruta.1.31.24_2) yasyākasmāt sa vijñeyo gantā vaivasvatālayam // ### [1.31.25](https://indike.org/pramana/in.med.samhita.susruta.1.31.25) paṅkamatsyavasātailaghṛtagandhāṃśca ye narāḥ / ### [1.31.25\_2](https://indike.org/pramana/in.med.samhita.susruta.1.31.25_2) mṛṣṭagandhāṃśca ye vānti gantāraste yamālayam // ### [1.31.26](https://indike.org/pramana/in.med.samhita.susruta.1.31.26) yūkā lalāṭamāyānti baliṃ nāśnanti vāyasāḥ / ### [1.31.26\_2](https://indike.org/pramana/in.med.samhita.susruta.1.31.26_2) yeṣāṃ vā+api ratirnāsti yātāraste yamālayam // ### [1.31.27](https://indike.org/pramana/in.med.samhita.susruta.1.31.27) jvarātisāraśophāḥ syuryasyānyonyāvasādinaḥ / ### [1.31.27\_2](https://indike.org/pramana/in.med.samhita.susruta.1.31.27_2) prakṣīṇabalamāṃsasya nāsau śakyaścikitsitum // ### [1.31.28](https://indike.org/pramana/in.med.samhita.susruta.1.31.28) kṣīṇasya yasya kṣuttṛṣṇe hṛdyairmiṣṭairhitaistathā / ### [1.31.28\_2](https://indike.org/pramana/in.med.samhita.susruta.1.31.28_2) na śāmyato+annapānaiśca tasya mṛtyurupasthitaḥ // ### [1.31.29](https://indike.org/pramana/in.med.samhita.susruta.1.31.29) pravāhikā śiraḥśūlaṃ koṣṭhaśūlaṃ ca dāruṇam / ### [1.31.29\_2](https://indike.org/pramana/in.med.samhita.susruta.1.31.29_2) pipāsā balahāniśca tasya mṛtyurupasthitaḥ // ### [1.31.30](https://indike.org/pramana/in.med.samhita.susruta.1.31.30) viṣameṇopacāreṇa karmabhiśca purākṛtaiḥ / ### [1.31.30\_2](https://indike.org/pramana/in.med.samhita.susruta.1.31.30_2) anityatvācca jantūnāṃ jīvitaṃ nidhanaṃ vrajet // ### [1.31.31](https://indike.org/pramana/in.med.samhita.susruta.1.31.31) pretā bhūtāḥ piśācāśca rakṣāṃsi vividhāni ca / ### [1.31.31\_2](https://indike.org/pramana/in.med.samhita.susruta.1.31.31_2) maraṇābhimukhaṃ nityamupasarpanti mānavam // ### [1.31.32](https://indike.org/pramana/in.med.samhita.susruta.1.31.32) tāni bheṣajavīryāṇi pratighnanti jighāṃsayā / ### [1.31.32\_2](https://indike.org/pramana/in.med.samhita.susruta.1.31.32_2) tasmānmoghāḥ kriyāḥ sarvā bhavantyeva gatāyuṣām // ### [1.31.32\_1](https://indike.org/pramana/in.med.samhita.susruta.1.31.32_1) iti suśrutasaṃhitāyāṃ sūtrasthāne chāyāvipratipattirnāmaikatriṃśattamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.34.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.32.2) — Cakrapāṇidatta, Sanskrit ## Linked texts (1) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.1.6.74) — Sanskrit --- Source: [https://indike.org/pramana/in.med.samhita.susruta.1.31](https://indike.org/pramana/in.med.samhita.susruta.1.31) · Pramāṇa