[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.33 # The Compendium of Suśruta 1.33: trayastriṃśattamo+adhyāyaḥ / Suśrutasaṃhitā 1.33 - **Language:** Sanskrit ### trayastriṃśattamo+adhyāyaḥ / ### [1.33.1](https://indike.org/pramana/in.med.samhita.susruta.1.33.1) athāto+avāraṇīyamadhyāyaṃ vyākhyāsyāmaḥ // ### [1.33.2](https://indike.org/pramana/in.med.samhita.susruta.1.33.2) yathovāca bhagavān dhanvantariḥ // ### [1.33.3](https://indike.org/pramana/in.med.samhita.susruta.1.33.3) upadravaistu ye juṣṭā vyādhayo yāntyavāryatām / ### [1.33.3\_2](https://indike.org/pramana/in.med.samhita.susruta.1.33.3_2) rasāyanādvinā vatsa tān śṛṇvekamanā mama // ### [1.33.4](https://indike.org/pramana/in.med.samhita.susruta.1.33.4) vātavyādhiḥ pramehaśca kuṣṭhamarśo bhagandaram / ### [1.33.4\_2](https://indike.org/pramana/in.med.samhita.susruta.1.33.4_2) aśmarī mūḍhagarbhaśca tathaivodaramaṣṭamam // ### [1.33.5](https://indike.org/pramana/in.med.samhita.susruta.1.33.5) aṣṭāvete prakṛtyaiva duścikitsyā mahāgadāḥ / ### [1.33.5\_2](https://indike.org/pramana/in.med.samhita.susruta.1.33.5_2) prāṇamāṃsakṣayaśvāsatṛṣnāśoṣavamījvaraiḥ // ### [1.33.6](https://indike.org/pramana/in.med.samhita.susruta.1.33.6) mūrcchātisārahikkābhiḥ punaścaitairupadrutāḥ / ### [1.33.6\_2](https://indike.org/pramana/in.med.samhita.susruta.1.33.6_2) varjanīyā viśeṣeṇa bhiṣajā siddhimicchatā // ### [1.33.7](https://indike.org/pramana/in.med.samhita.susruta.1.33.7) śūnaṃ suptatvacaṃ bhagnaṃ kampādhmānanipīḍitam / ### [1.33.7\_2](https://indike.org/pramana/in.med.samhita.susruta.1.33.7_2) naraṃ rujārtamantaśca vātavyādhirvināśayet // ### [1.33.8](https://indike.org/pramana/in.med.samhita.susruta.1.33.8) yathoktopadravāviṣṭamatiprasrutameva vā / ### [1.33.8\_2](https://indike.org/pramana/in.med.samhita.susruta.1.33.8_2) piḍakāpīḍitaṃ gāḍhaṃ prameho hanti mānavam // ### [1.33.9](https://indike.org/pramana/in.med.samhita.susruta.1.33.9) prabhinnaṃ prasrutāṅgaṃ ca raktanetraṃ hatasvaram / ### [1.33.9\_2](https://indike.org/pramana/in.med.samhita.susruta.1.33.9_2) pañcakarmaguṇātītaṃ kuṣṭhaṃ hantīha kuṣṭhinam // ### [1.33.10](https://indike.org/pramana/in.med.samhita.susruta.1.33.10) tṛṣṇārocakaśūlārtamatiprasrutaśoṇitam / ### [1.33.10\_2](https://indike.org/pramana/in.med.samhita.susruta.1.33.10_2) śophātīsārasaṃyuktamarśovyādhirvināśayet // ### [1.33.11](https://indike.org/pramana/in.med.samhita.susruta.1.33.11) vātamūtrapurīṣāṇi krimayaḥ śukrameva ca / ### [1.33.11\_2](https://indike.org/pramana/in.med.samhita.susruta.1.33.11_2) bhagandarāt prasravanti yasya taṃ parivarjayet // ### [1.33.12](https://indike.org/pramana/in.med.samhita.susruta.1.33.12) praśūnanābhivṛṣaṇaṃ ruddhamūtraṃ ruganvitam / ### [1.33.12\_2](https://indike.org/pramana/in.med.samhita.susruta.1.33.12_2) aśmarī kṣapayatyāśu sikatāśarkarānvitā // ### [1.33.13](https://indike.org/pramana/in.med.samhita.susruta.1.33.13) garbhakoṣaparāsaṅgo makkallo yonisaṃvṛtiḥ / ### [1.33.13\_2](https://indike.org/pramana/in.med.samhita.susruta.1.33.13_2) hanyāt striyaṃ mūḍhagarbhe yathoktāścāpyupadravāḥ // ### [1.33.14](https://indike.org/pramana/in.med.samhita.susruta.1.33.14) pārśvabhaṅgānnavidveṣaśophātīsārapīḍitam / ### [1.33.14\_2](https://indike.org/pramana/in.med.samhita.susruta.1.33.14_2) viriktaṃ pūryamāṇaṃ ca varjayedudarārditam // ### [1.33.15](https://indike.org/pramana/in.med.samhita.susruta.1.33.15) yastāmyati visaṃjñaśca śete nipatito+api vā / ### [1.33.15\_2](https://indike.org/pramana/in.med.samhita.susruta.1.33.15_2) śītārdito+antaruṣṇaśca jvareṇa mriyate naraḥ // ### [1.33.16](https://indike.org/pramana/in.med.samhita.susruta.1.33.16) yo hṛṣṭaromā raktākṣo hṛdi saṃghātaśūlavān / ### [1.33.16\_2](https://indike.org/pramana/in.med.samhita.susruta.1.33.16_2) nityaṃ vaktreṇa cocchvasyāttaṃ jvaro hanti mānavam // ### [1.33.17](https://indike.org/pramana/in.med.samhita.susruta.1.33.17) hikkāśvāsapipāsārtaṃ mūḍhaṃ vibhrāntalocanam / ### [1.33.17\_2](https://indike.org/pramana/in.med.samhita.susruta.1.33.17_2) santatocchvāsinaṃ kṣīṇaṃ naraṃ kṣapayati jvaraḥ // ### [1.33.18](https://indike.org/pramana/in.med.samhita.susruta.1.33.18) āvilākṣaṃ pratāmyantaṃ nidrāyuktamatīva ca / ### [1.33.18\_2](https://indike.org/pramana/in.med.samhita.susruta.1.33.18_2) kṣīṇaśoṇitamāṃsaṃ ca naraṃ nāśayati jvaraḥ // ### [1.33.19](https://indike.org/pramana/in.med.samhita.susruta.1.33.19) śvāsaśūlapipāsārtaṃ kṣīṇaṃ jvaranipīḍitam / ### [1.33.19\_2](https://indike.org/pramana/in.med.samhita.susruta.1.33.19_2) viśeṣeṇa naraṃ vṛddhamatīsāro vināśayet // ### [1.33.20](https://indike.org/pramana/in.med.samhita.susruta.1.33.20) śuklākṣamannadveṣṭāramūrdhvaśvāsanipīḍitam / ### [1.33.20\_2](https://indike.org/pramana/in.med.samhita.susruta.1.33.20_2) kṛcchreṇa bahu mehantaṃ yakṣmā hantīha mānavam // ### [1.33.21](https://indike.org/pramana/in.med.samhita.susruta.1.33.21) śvāsaśūlapipāsānnavidveṣagranthimūḍhatāḥ / ### [1.33.21\_2](https://indike.org/pramana/in.med.samhita.susruta.1.33.21_2) bhavanti durbalatvaṃ ca gulmino mṛtyumeṣyataḥ // ### [1.33.22](https://indike.org/pramana/in.med.samhita.susruta.1.33.22) ādhmātaṃ baddhaniṣyandaṃ chardihikkātṛḍanvitam / ### [1.33.22\_2](https://indike.org/pramana/in.med.samhita.susruta.1.33.22_2) rujāśvāsasamāviṣṭaṃ vidradhirnāśayennaram // ### [1.33.23](https://indike.org/pramana/in.med.samhita.susruta.1.33.23) pāṇḍudantanakho yaśca pāṇḍunetraśca mānavaḥ / ### [1.33.23\_2](https://indike.org/pramana/in.med.samhita.susruta.1.33.23_2) pāṇḍusaṃghātadarśī ca pāṇḍurogī vinaśyati // ### [1.33.24](https://indike.org/pramana/in.med.samhita.susruta.1.33.24) lohitaṃ chardayedyastu bahuśo lohitekṣaṇaḥ / ### [1.33.24\_2](https://indike.org/pramana/in.med.samhita.susruta.1.33.24_2) raktānāṃ ca diśāṃ draṣṭā raktapittī vinaśyati // ### [1.33.25](https://indike.org/pramana/in.med.samhita.susruta.1.33.25) avāṅnukhastūnmukho vā kṣīṇamāṃsabalo naraḥ / ### [1.33.25\_2](https://indike.org/pramana/in.med.samhita.susruta.1.33.25_2) jāgariṣṇurasandehamunmādena vinaśyati // ### [1.33.26](https://indike.org/pramana/in.med.samhita.susruta.1.33.26) bahuśo+apasmarantaṃ tu prakṣīṇaṃ calitabhruvam / ### [1.33.26\_2](https://indike.org/pramana/in.med.samhita.susruta.1.33.26_2) netrābhyāṃ ca vikurvāṇamapasmāro vināśayet // ### [1.33.26\_1](https://indike.org/pramana/in.med.samhita.susruta.1.33.26_1) iti suśrutasaṃhitāyāṃ sūtrasthāne+avāraṇīyo nāma trayastriṃśattamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.35.4) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.34.3) — Cakrapāṇidatta, Sanskrit ## Linked texts (3) - [Hārītasaṃhitā](https://indike.org/pramana/in.med.samhita.haritasamhita.2.2.4.2) — Hārīta, Sanskrit - [Mādhavanidāna (Rugviniścaya)](https://indike.org/pramana/in.med.sangraha.madhavanidana.25.7) — Mādhavakara, Sanskrit - [Mādhavacikitsā](https://indike.org/pramana/in.med.nidana.madhavacikitsa.27.7) — Mādhava Bhaṭṭa, Sanskrit --- Source: [https://indike.org/pramana/in.med.samhita.susruta.1.33](https://indike.org/pramana/in.med.samhita.susruta.1.33) · Pramāṇa