[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.34 # The Compendium of Suśruta 1.34: catustriṃśattamo+adhyāyaḥ / Suśrutasaṃhitā 1.34 - **Language:** Sanskrit ### catustriṃśattamo+adhyāyaḥ / ### [1.34.1](https://indike.org/pramana/in.med.samhita.susruta.1.34.1) athāto yuktasenīyamadhyāyaṃ vyākhyāsyāmaḥ // ### [1.34.2](https://indike.org/pramana/in.med.samhita.susruta.1.34.2) yathovāca bhagavān dhanvantariḥ // ### [1.34.3](https://indike.org/pramana/in.med.samhita.susruta.1.34.3) yuktasenasya nṛpateḥ parānabhijigīṣataḥ / ### [1.34.3\_2](https://indike.org/pramana/in.med.samhita.susruta.1.34.3_2) bhiṣajā rakṣaṇaṃ kāryaṃ yathā tadupadekṣyate // ### [1.34.4](https://indike.org/pramana/in.med.samhita.susruta.1.34.4) vijigīṣuḥ sahāmātyairyātrāyuktaḥ prayatnataḥ / ### [1.34.4\_2](https://indike.org/pramana/in.med.samhita.susruta.1.34.4_2) rakṣitavyo viśeṣeṇa viṣādeva narādhipaḥ // ### [1.34.5](https://indike.org/pramana/in.med.samhita.susruta.1.34.5) panthānamudakaṃ chāyāṃ bhaktaṃ yavasamindhanam / ### [1.34.5\_2](https://indike.org/pramana/in.med.samhita.susruta.1.34.5_2) dūṣayantyarayastacca jānīyācchodhayettathā / ^ ### [1.34.5\_3](https://indike.org/pramana/in.med.samhita.susruta.1.34.5_3) tasya liṅgaṃ cikitsā ca kalpasthāne pravakṣyate // ### [1.34.6](https://indike.org/pramana/in.med.samhita.susruta.1.34.6) ekottaraṃ mṛtyuśatamatharvāṇaḥ pracakṣate / ### [1.34.6\_2](https://indike.org/pramana/in.med.samhita.susruta.1.34.6_2) tatraikaḥ kālasaṃyuktaḥ śeṣā āgantavaḥ smṛtāḥ // ### [1.34.7](https://indike.org/pramana/in.med.samhita.susruta.1.34.7) doṣāgantujamṛtyubhyo rasamantraviśāradau / ### [1.34.7\_2](https://indike.org/pramana/in.med.samhita.susruta.1.34.7_2) rakṣetāṃ nṛpatiṃ nityaṃ yattau vaidyapurohitau // ### [1.34.8](https://indike.org/pramana/in.med.samhita.susruta.1.34.8) brahmā vedāṅgamaṣṭāṅgamāyurvedamabhāṣata / ### [1.34.8\_2](https://indike.org/pramana/in.med.samhita.susruta.1.34.8_2) purohitamate tasmādvarteta bhiṣagātmavān // ### [1.34.9](https://indike.org/pramana/in.med.samhita.susruta.1.34.9) saṃkaraḥ sarvavarṇānāṃ praṇāśo dharmakarmaṇām / ### [1.34.9\_2](https://indike.org/pramana/in.med.samhita.susruta.1.34.9_2) prajānāmapi cocchittirnṛpavyasanahetutaḥ // ### [1.34.10](https://indike.org/pramana/in.med.samhita.susruta.1.34.10) puruṣāṇāṃ nṛpāṇāṃ ca kevalaṃ tulyamūrtitā / ### [1.34.10\_2](https://indike.org/pramana/in.med.samhita.susruta.1.34.10_2) ājñā tyāgaḥ kṣamā dhairyaṃ vikramaścāpyamānuṣaḥ // ### [1.34.11](https://indike.org/pramana/in.med.samhita.susruta.1.34.11) tasmāddevamivābhīkṣṇaṃ vāṅnanaḥkarmabhiḥ śubhaiḥ / ### [1.34.11\_2](https://indike.org/pramana/in.med.samhita.susruta.1.34.11_2) cintayennṛpatiṃ vaidyaḥ śreyāṃsīcchan vicakṣaṇaḥ // ### [1.34.12](https://indike.org/pramana/in.med.samhita.susruta.1.34.12) skandhāvāre ca mahati rājagehādanantaram / ### [1.34.12\_2](https://indike.org/pramana/in.med.samhita.susruta.1.34.12_2) bhavetsannihito nityaṃ sarvopakaraṇānvitaḥ // ### [1.34.13](https://indike.org/pramana/in.med.samhita.susruta.1.34.13) tatrasthamenaṃ dhvajavadyaśaḥkhyātisamucchritam / ### [1.34.13\_2](https://indike.org/pramana/in.med.samhita.susruta.1.34.13_2) upasarpantyamohena viṣaśalyāmayārditāḥ // ### [1.34.14](https://indike.org/pramana/in.med.samhita.susruta.1.34.14) svatantrakuśalo+anyeṣu śāstrārtheṣvabahiṣkṛtaḥ / ### [1.34.14\_2](https://indike.org/pramana/in.med.samhita.susruta.1.34.14_2) vaidyo dhvaja ivābhāti nṛpatadvidyapūjitaḥ // ### [1.34.15](https://indike.org/pramana/in.med.samhita.susruta.1.34.15) vaidyo vyādhyupasṛṣṭaśca bheṣajaṃ paricārakaḥ / ### [1.34.15\_2](https://indike.org/pramana/in.med.samhita.susruta.1.34.15_2) ete pādāścikitsāyāḥ karmasādhanahetavaḥ // ### [1.34.16](https://indike.org/pramana/in.med.samhita.susruta.1.34.16) guṇavadbhistribhiḥ pādaiścaturtho guṇavān bhiṣak / ### [1.34.16\_2](https://indike.org/pramana/in.med.samhita.susruta.1.34.16_2) vyādhimalpena kālena mahāntamapi sādhayet // ### [1.34.17](https://indike.org/pramana/in.med.samhita.susruta.1.34.17) vaidyahīnāstrayaḥ pādā guṇavanto+apyapārthakāḥ / ### [1.34.17\_2](https://indike.org/pramana/in.med.samhita.susruta.1.34.17_2) udgātṛhotṛbrahmāṇo yathā+adhvaryuṃ vinā+adhvare // ### [1.34.18](https://indike.org/pramana/in.med.samhita.susruta.1.34.18) vaidyastu guṇavānekastārayedāturān sadā / ### [1.34.18\_2](https://indike.org/pramana/in.med.samhita.susruta.1.34.18_2) plavaṃ pratitarairhīnaṃ karṇadhāra ivāmbhasi // ### [1.34.19](https://indike.org/pramana/in.med.samhita.susruta.1.34.19) tattvādhigataśāstrārtho dṛṣṭakarmā svayaṃkṛtī / ### [1.34.19\_2](https://indike.org/pramana/in.med.samhita.susruta.1.34.19_2) laghuhastaḥ śuciḥ śūraḥ sajjopaskarabheṣajaḥ // ### [1.34.20](https://indike.org/pramana/in.med.samhita.susruta.1.34.20) pratyutpannamadtirdhīmān vyavasāyī viśāradaḥ / ### [1.34.20\_2](https://indike.org/pramana/in.med.samhita.susruta.1.34.20_2) satyadharmaparo yaśca sa bhiṣak pāda ucyate // ### [1.34.21](https://indike.org/pramana/in.med.samhita.susruta.1.34.21) āyuṣmān sattvavān sādhyo dravyavānātmavānapi / ### [1.34.21\_2](https://indike.org/pramana/in.med.samhita.susruta.1.34.21_2) āstiko vaidyavākyastho vyādhitaḥ pāda ucyate // ### [1.34.22](https://indike.org/pramana/in.med.samhita.susruta.1.34.22) praśastadeśasaṃbhūtaṃ praśaste+ahani coddhṛtam / ### [1.34.22\_2](https://indike.org/pramana/in.med.samhita.susruta.1.34.22_2) yuktamātraṃ manaskāntaṃ gandhavarṇarasānvitam // ### [1.34.23](https://indike.org/pramana/in.med.samhita.susruta.1.34.23) doṣaghnamaglānikaramavikāri viparyaye / ### [1.34.23\_2](https://indike.org/pramana/in.med.samhita.susruta.1.34.23_2) samīkṣya dattaṃ kāle ca bheṣajaṃ pāda ucyate // ### [1.34.24](https://indike.org/pramana/in.med.samhita.susruta.1.34.24) snigdho+ajugupsurbalavān yukto vyādhitarakṣaṇe / ### [1.34.24\_2](https://indike.org/pramana/in.med.samhita.susruta.1.34.24_2) vaidyavākyakṛdaśrāntaḥ pādaḥ paricaraḥ smṛtaḥ // ### [1.34.24\_1](https://indike.org/pramana/in.med.samhita.susruta.1.34.24_1) iti suśrutasaṃhitāyāṃ sūtrasthāne yuktasenīyo nāma catustriṃśattamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.36.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.35.15) — Cakrapāṇidatta, Sanskrit ## Linked texts (2) - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.41.1) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.41.1) — Basava, Sanskrit --- Source: [https://indike.org/pramana/in.med.samhita.susruta.1.34](https://indike.org/pramana/in.med.samhita.susruta.1.34) · Pramāṇa