[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.36 # The Compendium of Suśruta 1.36: ṣaḍtriṃśattamo+adhyāyaḥ / Suśrutasaṃhitā 1.36 - **Language:** Sanskrit ### ṣaḍtriṃśattamo+adhyāyaḥ / ### [1.36.1](https://indike.org/pramana/in.med.samhita.susruta.1.36.1) athāto bhūmipravibhāgīyamadhyāyaṃ vyākhyāsyāmaḥ // ### [1.36.2](https://indike.org/pramana/in.med.samhita.susruta.1.36.2) yathovāca bhagavān dhanvantariḥ // ### [1.36.3](https://indike.org/pramana/in.med.samhita.susruta.1.36.3) śvabhraśarkarāśmaviṣamavalmīkaśmaśānāghātanadevatāyatanasikatābhiranupahatāmanūṣarāmabhaṅgurāmadūrodakāṃ snigdhāṃ prarohavatīṃ mṛdvīṃ sthirāṃ samāṃ kṛṣṇāṃ gaurīṃ lohitāṃ vā bhūmimauṣadhārthaṃ parīkṣeta / tasyāṃ jātamapi kṛmiviṣaśastrātapapavanadahanatoyasambādhamārgairanupahatamekarasaṃ puṣṭaṃ pṛthvavagāḍhamūlamudīcyāṃ cauṣadhamādadītetyeṣa bhūmiparīkṣāviśeṣaḥ sāmānyaḥ // ### [1.36.4](https://indike.org/pramana/in.med.samhita.susruta.1.36.4) viśeṣatastu tatra aśmavatī sthirā gurvī śyāmā kṛṣṇā vā sthūlavṛkṣaśasyaprāyā svaguṇabhūyiṣṭhā snigdhā śītalā+āsannodakā snigdhaśasyatṛṇakomalavṛkṣaprāyā śuklā+ambuguṇabhūyiṣṭhā nānāvarṇā laghvaśmavatī praviralālpapāṇḍuvṛkṣaprarohā+agniguṇabhūyiṣṭhā rūkṣā bhasmarāsabhavarṇā tanurūkṣakoṭarālparasavṛkṣaprāyā+anilaguṇabhūyiṣṭhā mṛdvī samā śvabhravatyavyaktarasajalā sarvato+asāravṛkṣā mahāparvatavṛkṣaprāyā śyāmā cākāśaguṇabhūyiṣṭhā // ### [1.36.5](https://indike.org/pramana/in.med.samhita.susruta.1.36.5) atra kecidāhurācāryāḥ prāvṛḍvarṣāśaraddhemantavasantagrīṣmeṣu yathāsaṃkhyaṃ mūlapatratvakkṣīrasāraphalānyādadīteti tattu na samyak saumyāgneyatvājjagataḥ / saumyānyauṣadhāni saumyeṣvṛtuṣvādadītāgneyānyāgneyeṣu evamavyāpannaguṇāni bhavanti / saumyānyauṣadhāni saumyeṣvṛtuṣu gṛhītāni somaguṇabhūyiṣṭhāyāṃ bhūmau jātānyatimadhurasnigdhaśītāni jāyante / etena śeṣaṃ vyākhyātam // ### [1.36.6](https://indike.org/pramana/in.med.samhita.susruta.1.36.6) tatra pṛthivyambuguṇabhūyiṣṭhāyāṃ bhūmau jātāni virecanadravyāṇyādadīta agnyākāśamārutaguṇabhūyiṣṭhāyāṃ vamanadravyāṇi ubhayaguṇabhūyiṣṭhāyāmubhayatobhāgāni ākāśaguṇabhūyiṣṭhāyāṃ saṃśamanāni evaṃ balavattarāṇi bhavanti // ### [1.36.7](https://indike.org/pramana/in.med.samhita.susruta.1.36.7) sarvāṇyeva cābhinavānyanyatra madhughṛtaguḍapippalīviḍaṅgebhyaḥ (ā.sarvāṇyeva sakṣīrāṇi vīryavanti ) teṣāmasampattāva(ā.na)tikrāntasaṃvatsarāṇyādadīteti // ### [1.36.8](https://indike.org/pramana/in.med.samhita.susruta.1.36.8) bhavanti cātra / ### [1.36.8\_2](https://indike.org/pramana/in.med.samhita.susruta.1.36.8_2) gopālāstāpasā vyādhā ye cānye vanacāriṇaḥ / ### [1.36.8\_3](https://indike.org/pramana/in.med.samhita.susruta.1.36.8_3) mūlāhārāśca ye tebhyo bheṣajavyaktiriṣyate // ### [1.36.9](https://indike.org/pramana/in.med.samhita.susruta.1.36.9) sarvāvayavasādhyeṣu palāśalavaṇādiṣu / ### [1.36.9\_2](https://indike.org/pramana/in.med.samhita.susruta.1.36.9_2) vyavasthito na kālo+asti tatra sarvo vidhīyate // ### [1.36.10](https://indike.org/pramana/in.med.samhita.susruta.1.36.10) gandhavarṇarasopetā ṣaḍvidhā bhūmiriṣyate / ### [1.36.10\_2](https://indike.org/pramana/in.med.samhita.susruta.1.36.10_2) tasmādbhūmisvabhāvena bījinaḥ ṣaḍrasāyutāḥ // ### [1.36.11](https://indike.org/pramana/in.med.samhita.susruta.1.36.11) avyaktaḥ kila toyasya raso niścayaniścitaḥ / ### [1.36.11\_2](https://indike.org/pramana/in.med.samhita.susruta.1.36.11_2) rasaḥ sa eva cāvyakto vyakto bhūmirasādbhavet // ### [1.36.12](https://indike.org/pramana/in.med.samhita.susruta.1.36.12) sarvalakṣaṇasaṃpannā bhūmiḥ sādhāraṇā smṛtā / ### [1.36.12\_2](https://indike.org/pramana/in.med.samhita.susruta.1.36.12_2) dravyāṇi yatra tatraiva tadguṇāni viśeṣataḥ // ### [1.36.13](https://indike.org/pramana/in.med.samhita.susruta.1.36.13) vigandhenāparāmṛṣṭamavipannaṃ rasādibhiḥ / ### [1.36.13\_2](https://indike.org/pramana/in.med.samhita.susruta.1.36.13_2) navaṃ dravyaṃ purāṇaṃ vā grāhyameva vinirdiśet // ### [1.36.14](https://indike.org/pramana/in.med.samhita.susruta.1.36.14) viḍaṅgaṃ pippalī kṣaudraṃ sarpiścāpyanavaṃ hitam / ### [1.36.14\_2](https://indike.org/pramana/in.med.samhita.susruta.1.36.14_2) śeṣamanyattvabhinavaṃ gṛhṇīyāddoṣavarjitam // ### [1.36.15](https://indike.org/pramana/in.med.samhita.susruta.1.36.15) jaṅgamānāṃ vayaḥsthānāṃ raktaromanakhādikam / ### [1.36.15\_2](https://indike.org/pramana/in.med.samhita.susruta.1.36.15_2) kṣīramūtrapurīṣāṇi jīrṇāhāreṣu saṃharet // ### [1.36.16](https://indike.org/pramana/in.med.samhita.susruta.1.36.16) plotamṛdbhāṇḍaphalakaśaṅkuvinyastabheṣajam / ### [1.36.16\_2](https://indike.org/pramana/in.med.samhita.susruta.1.36.16_2) praśastāyāṃ diśi śucau bheṣajāgāramiṣyate // ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.38.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.1.36](https://indike.org/pramana/in.med.samhita.susruta.1.36) · Pramāṇa