[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.37 # The Compendium of Suśruta 1.37: saptatriṃśattamo+adhyāyaḥ / Suśrutasaṃhitā 1.37 - **Language:** Sanskrit ### saptatriṃśattamo+adhyāyaḥ / ### [1.37.1](https://indike.org/pramana/in.med.samhita.susruta.1.37.1) athāto miśrakamadhyāyaṃ vyākhyāsyāmaḥ // ### [1.37.2](https://indike.org/pramana/in.med.samhita.susruta.1.37.2) yathovāca bhagavān dhanvantariḥ // ### [1.37.3](https://indike.org/pramana/in.med.samhita.susruta.1.37.3) mātuluṅgāgnimanthau ca bhadradāru mahauṣadham / ### [1.37.3\_2](https://indike.org/pramana/in.med.samhita.susruta.1.37.3_2) ahiṃsrā caiva rāsnā ca pralepo vātaśophajit // ### [1.37.4](https://indike.org/pramana/in.med.samhita.susruta.1.37.4) dūrvā ca nalamūlaṃ ca madhukaṃ candanaṃ tathā / ### [1.37.4\_2](https://indike.org/pramana/in.med.samhita.susruta.1.37.4_2) śītalāśca gaṇāḥ sarve pralepaḥ pittaśophahṛt // ### [1.37.5](https://indike.org/pramana/in.med.samhita.susruta.1.37.5) āgantuje raktaje ca hyeṣa eva vidhiḥ smṛtaḥ / ### [1.37.5\_2](https://indike.org/pramana/in.med.samhita.susruta.1.37.5_2) vidhirviṣaghno viṣaje pittaghno+api hitasthathā // ### [1.37.6](https://indike.org/pramana/in.med.samhita.susruta.1.37.6) ajagandhā+aśvagandhā ca kālā saralayā saha / ### [1.37.6\_2](https://indike.org/pramana/in.med.samhita.susruta.1.37.6_2) ekaiṣikā+ajaśrṅgī ca pralepaḥ śleṣmaśophahṛt // ### [1.37.7](https://indike.org/pramana/in.med.samhita.susruta.1.37.7) ete vargāstrayo lodhraṃ pathyā piṇḍītakāni ca / ### [1.37.7\_2](https://indike.org/pramana/in.med.samhita.susruta.1.37.7_2) anantā ceti lepo+ayaṃ sānnipātikaśophahṛt // ### [1.37.8](https://indike.org/pramana/in.med.samhita.susruta.1.37.8) snigdhāmlalavaṇo vāte koṣṇaḥ śītaḥ payoyutaḥ / ### [1.37.8\_2](https://indike.org/pramana/in.med.samhita.susruta.1.37.8_2) pitte coṣṇah kaphe kṣāramūtrāḍhyastatpraśāntaye // ### [1.37.9](https://indike.org/pramana/in.med.samhita.susruta.1.37.9) śaṇamūlakaśigrūṇāṃ phalāni tilasarṣapāḥ / ### [1.37.9\_2](https://indike.org/pramana/in.med.samhita.susruta.1.37.9_2) śaktavaḥ kiṇvamatasī dravyāṇyuṣṇāni pācanam // ### [1.37.10](https://indike.org/pramana/in.med.samhita.susruta.1.37.10) cirabilvo+agniko dantī citrako hayamārakaḥ / ### [1.37.10\_2](https://indike.org/pramana/in.med.samhita.susruta.1.37.10_2) kapotagṛdhrakaṅkāṇāṃ purīṣāṇi ca dāraṇam / ^ ### [1.37.10\_3](https://indike.org/pramana/in.med.samhita.susruta.1.37.10_3) kṣāradravyāṇi vā yāni kṣāro vā dāraṇaṃ param // ### [1.37.11](https://indike.org/pramana/in.med.samhita.susruta.1.37.11) dravyāṇāṃ picchilānāṃ tu tvaṅnūlāni prapīḍanam / ### [1.37.11\_2](https://indike.org/pramana/in.med.samhita.susruta.1.37.11_2) yavagodhūmamāṣāṇāṃ cūrṇāni ca samāsataḥ // ### [1.37.12](https://indike.org/pramana/in.med.samhita.susruta.1.37.12) śaṅkhinyaṅkoṭhasumanaḥkaravīrasuvarcalāḥ / ### [1.37.12\_2](https://indike.org/pramana/in.med.samhita.susruta.1.37.12_2) śodhanāni kaṣāyāṇi vargaścāragvadhādikaḥ // ### [1.37.13](https://indike.org/pramana/in.med.samhita.susruta.1.37.13) ajagandhā+ajaśṛṅgī ca gavākṣī lāṅgalāhvayā / ### [1.37.13\_2](https://indike.org/pramana/in.med.samhita.susruta.1.37.13_2) pūtīkaścitrakaḥ pāṭhā viḍaṅgailāhareṇavaḥ // ### [1.37.14](https://indike.org/pramana/in.med.samhita.susruta.1.37.14) kaṭutrikaṃ yavakṣāro lavaṇāni manaḥśilā / ### [1.37.14\_2](https://indike.org/pramana/in.med.samhita.susruta.1.37.14_2) kāsīsaṃ trivṛtā dantī haritālaṃ surāṣṭrajā // ### [1.37.15](https://indike.org/pramana/in.med.samhita.susruta.1.37.15) saṃśodhanīnāṃ vartīnāṃ dravyāṇyetāni nirdiśet / ### [1.37.15\_2](https://indike.org/pramana/in.med.samhita.susruta.1.37.15_2) etairevauṣadhaiḥ kuryātkalkānapi ca śodhanān // ### [1.37.16](https://indike.org/pramana/in.med.samhita.susruta.1.37.16) kāsīsakaṭurohiṇyorjātīkandaharidrayoḥ / ### [1.37.16\_2](https://indike.org/pramana/in.med.samhita.susruta.1.37.16_2) pūrvoddiṣṭeṣu cāṅgeṣu kuryāttailaghṛtāni vai // ### [1.37.17](https://indike.org/pramana/in.med.samhita.susruta.1.37.17) arkottamāṃ snuhīkṣīraṃ piṣṭvā kṣārottamānapi / ### [1.37.17\_2](https://indike.org/pramana/in.med.samhita.susruta.1.37.17_2) jātīmūlaṃ haridre dve kāsīsaṃ kaṭurohiṇīm // ### [1.37.18](https://indike.org/pramana/in.med.samhita.susruta.1.37.18) pūrvoddiṣṭāni cānyāni kuryāt saṃśodhanaṃ ghṛtam / ### [1.37.18\_2](https://indike.org/pramana/in.med.samhita.susruta.1.37.18_2) mayūrako rājavṛkṣo nimbaḥ kośātakī tilāḥ // ### [1.37.19](https://indike.org/pramana/in.med.samhita.susruta.1.37.19) bṛhatī kaṇṭakārī ca haritālaṃ manaḥśilā / ### [1.37.19\_2](https://indike.org/pramana/in.med.samhita.susruta.1.37.19_2) śodhanāni ca yojyāni taile dravyāṇi śodhane // ### [1.37.20](https://indike.org/pramana/in.med.samhita.susruta.1.37.20) kāsīse saindhave kiṇve vacāyāṃ rajanīdvaye / ### [1.37.20\_2](https://indike.org/pramana/in.med.samhita.susruta.1.37.20_2) śodhanāṅgeṣu cānyeṣu cūrṇaṃ kurvīta śodhanam // ### [1.37.21](https://indike.org/pramana/in.med.samhita.susruta.1.37.21) sālasārādisāreṣu paṭolatriphalāsu ca / ### [1.37.21\_2](https://indike.org/pramana/in.med.samhita.susruta.1.37.21_2) rasakriyā vidhātavyā śodhanī śodhaneṣu ca // ### [1.37.22](https://indike.org/pramana/in.med.samhita.susruta.1.37.22) śrīveṣṭake sarjarase sarale devadāruṇi / ### [1.37.22\_2](https://indike.org/pramana/in.med.samhita.susruta.1.37.22_2) sāreṣvapi ca kurvīta matimān vraṇadhūpanam // ### [1.37.23](https://indike.org/pramana/in.med.samhita.susruta.1.37.23) kaṣāyāṇāmanuṣṇānāṃ vṛkṣāṇāṃ tvakṣu sādhitam / ### [1.37.23\_2](https://indike.org/pramana/in.med.samhita.susruta.1.37.23_2) śṛtaṃ śītaṃ kaṣāyaṃ vā ropaṇārtheṣu śasyate // ### [1.37.24](https://indike.org/pramana/in.med.samhita.susruta.1.37.24) somāmṛtāśvagandhāsu kākolyādau gaṇe tathā / ### [1.37.24\_2](https://indike.org/pramana/in.med.samhita.susruta.1.37.24_2) kṣīripraroheṣvapi ca vartayo ropaṇāḥ smṛtāḥ // ### [1.37.25](https://indike.org/pramana/in.med.samhita.susruta.1.37.25) samaṇgā somasaralā somavalkaḥ sacandanaḥ / ### [1.37.25\_2](https://indike.org/pramana/in.med.samhita.susruta.1.37.25_2) kākolyādiśca kalkaḥ syāt praśasto vraṇaropaṇe // ### [1.37.26](https://indike.org/pramana/in.med.samhita.susruta.1.37.26) pṛthakparṇyātmaguptā ca haridre mālatī sitā / ### [1.37.26\_2](https://indike.org/pramana/in.med.samhita.susruta.1.37.26_2) kākolyādiśca yojyaḥ syādbhiṣajā ropaṇe ghṛte // ### [1.37.27](https://indike.org/pramana/in.med.samhita.susruta.1.37.27) kālānusāryāguruṇī haridre devadāru ca / ### [1.37.27\_2](https://indike.org/pramana/in.med.samhita.susruta.1.37.27_2) priyaṅgavaśca rodhraṃ ca taile yojyāni ropaṇe // ### [1.37.28](https://indike.org/pramana/in.med.samhita.susruta.1.37.28) kaṅgukā triphalā rodhraṃ kāsīsaṃ śravaṇāhvayā / ### [1.37.28\_2](https://indike.org/pramana/in.med.samhita.susruta.1.37.28_2) dhavāśvakarṇayostvak ca ropaṇaṃ cūrṇamiṣyate // ### [1.37.29](https://indike.org/pramana/in.med.samhita.susruta.1.37.29) priyaṅgukā sarjarasaḥ puṣpakāsīsameva ca / ### [1.37.29\_2](https://indike.org/pramana/in.med.samhita.susruta.1.37.29_2) tvakcūrṇaṃ dhavajaṃ caiva ropaṇārthaṃ praśasyate // ### [1.37.30](https://indike.org/pramana/in.med.samhita.susruta.1.37.30) tvakṣu nyagrodhavargasya triphalāyāstathaiva ca / ### [1.37.30\_2](https://indike.org/pramana/in.med.samhita.susruta.1.37.30_2) rasakriyāṃ ropaṇārthe vidadhīta yathākramam // ### [1.37.31](https://indike.org/pramana/in.med.samhita.susruta.1.37.31) apāmārgo+asvagandhā ca tālapatrī suvarcalā / ### [1.37.31\_2](https://indike.org/pramana/in.med.samhita.susruta.1.37.31_2) utsādane praśasyante kākolyādiśca yo gaṇaḥ // ### [1.37.32](https://indike.org/pramana/in.med.samhita.susruta.1.37.32) kāsīsaṃ saindhavaṃ kiṇvaṃ kuruvindo manaḥśilā / ### [1.37.32\_2](https://indike.org/pramana/in.med.samhita.susruta.1.37.32_2) kukkuṭāṇḍakapālāni sumanomukulāni ca // ### [1.37.33](https://indike.org/pramana/in.med.samhita.susruta.1.37.33) phale śairīṣakārañje dhātucūrṇāni yāni ca / ### [1.37.33\_2](https://indike.org/pramana/in.med.samhita.susruta.1.37.33_2) vraṇeṣūtsannamāṃseṣu praśastānyavasādane // ### [1.37.34](https://indike.org/pramana/in.med.samhita.susruta.1.37.34) samastaṃ vargamardhaṃ vā yathālābhamathāpi vā / ### [1.37.34\_2](https://indike.org/pramana/in.med.samhita.susruta.1.37.34_2) prayuñjīta bhiṣak prājño yathoddiṣṭeṣu karmasu // ### [1.37.34\_1](https://indike.org/pramana/in.med.samhita.susruta.1.37.34_1) iti śrīsuśrutasaṃhitāyāṃ sūtrasthāne miśrakādhyāyo nāma saptatriṃśattamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.39.7) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.37.18) — Cakrapāṇidatta, Sanskrit ## Linked texts (1) - [Hastyāyurveda](https://indike.org/pramana/in.med.pasu.gaja.hastyayurveda.100.57) — Pālakāpya, Sanskrit --- Source: [https://indike.org/pramana/in.med.samhita.susruta.1.37](https://indike.org/pramana/in.med.samhita.susruta.1.37) · Pramāṇa