[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.38 # The Compendium of Suśruta 1.38: aṣṭatriṃśattamo+adhyāyaḥ / Suśrutasaṃhitā 1.38 - **Language:** Sanskrit ### aṣṭatriṃśattamo+adhyāyaḥ / ### [1.38.1](https://indike.org/pramana/in.med.samhita.susruta.1.38.1) athāto dravayasaṃgrahaṇīyamadhyāyaṃ vyākhyāsyāmaḥ // ### [1.38.2](https://indike.org/pramana/in.med.samhita.susruta.1.38.2) yathovāca bhagavān dhanvantariḥ // ### [1.38.3](https://indike.org/pramana/in.med.samhita.susruta.1.38.3) samāsena saptatriṃśaddravyagaṇā bhavanti // ### [1.38.4](https://indike.org/pramana/in.med.samhita.susruta.1.38.4) tadyathā vidārigandhā vidārī viśvadevā sahadevā śvadaṃṣṭrā pṛthakparṇī śatāvarī sārivā kṛṣṇasārivā jīvakarṣabhakau mahāsahā kṣudrasahā bṛhatyau punarnavairaṇḍo haṃsapādī vṛścikālyṛṣabhī ceti // ### [1.38.5](https://indike.org/pramana/in.med.samhita.susruta.1.38.5) vidārīgandhādirayaṃ gaṇaḥ pittānilāpahaḥ / ### [1.38.5\_2](https://indike.org/pramana/in.med.samhita.susruta.1.38.5_2) śoṣagulmāṅgamardordhvaśvāsakāsavināśanaḥ // ### [1.38.6](https://indike.org/pramana/in.med.samhita.susruta.1.38.6) āragvadhamadanagopaghoṇṭākaṇṭakīkuṭajapāṭhāpāṭalāmūrvendrayavasaptavarṇanimbakuruṇṭakadāsī-kuruṇṭakaguḍūcīcitrakaśārṅga(ā.rṅge)ṣṭākarañjadvayapaṭolakirātatiktakāni suṣavī ceti // ### [1.38.7](https://indike.org/pramana/in.med.samhita.susruta.1.38.7) āragvadhādirityeṣa gaṇaḥ śleṣmaviṣāpahaḥ / ### [1.38.7\_2](https://indike.org/pramana/in.med.samhita.susruta.1.38.7_2) mehakuṣṭhajvaravamīkaṇḍūghno vraṇaśodhanaḥ // ### [1.38.8](https://indike.org/pramana/in.med.samhita.susruta.1.38.8) varuṇārtagalaśigrumadhuśigrutarkārīmeṣaśṛṅgīpūtīkanaktamālamoraṭāgnimanthasaireyakadvayabimbīvasukavasiracitrakaśatāvarībilvājaśṛṅgīdarbhā bṛhatīdvayaṃ ceti // ### [1.38.9](https://indike.org/pramana/in.med.samhita.susruta.1.38.9) varuṇādirgaṇo hyeṣa kaphamedonivāraṇaḥ / ### [1.38.9\_2](https://indike.org/pramana/in.med.samhita.susruta.1.38.9_2) vinihanti śiraḥśūlagulmābhyantaravidradhīn // ### [1.38.10](https://indike.org/pramana/in.med.samhita.susruta.1.38.10) vīratarusahacaradvayadarbhavṛkṣādanīgundrānalakuśakāśāśmabhedakāgnimanthamoraṭāvasukavasirabhallūkakuraṇṭakendīvarakapotavaṅkā śvadaṃṣṭrā ceti // ### [1.38.11](https://indike.org/pramana/in.med.samhita.susruta.1.38.11) vīratarvādirityeṣa gaṇo vātavikāranut / ### [1.38.11\_2](https://indike.org/pramana/in.med.samhita.susruta.1.38.11_2) aśmarīśarkarāmūtrakṛcchrāghātarujāpahaḥ // ### [1.38.12](https://indike.org/pramana/in.med.samhita.susruta.1.38.12) sālasārājakarṇakhadirakadarakālaskandhakramukabhūrjameṣaśṛṅgītiniśacandanakucandanaśiṃśapāśirīṣāsanadhavārjunatālaśākanaktamālapūtīkāśvakarṇāgurūṇi kālīyakaṃ ceti // ### [1.38.13](https://indike.org/pramana/in.med.samhita.susruta.1.38.13) sālasārādirityeṣa gaṇaḥ kuṣṭhavināśanaḥ / ### [1.38.13\_2](https://indike.org/pramana/in.med.samhita.susruta.1.38.13_2) mehapāṇḍvāmayaharaḥ kaphamedoviśoṣaṇaḥ // ### [1.38.14](https://indike.org/pramana/in.med.samhita.susruta.1.38.14) rodhrasāvararodhrapalāśakuṭannaṭāśokaphañjīkaṭphalailavālukaśallakījiṅginīkadambasālāḥ kadalī ceti // ### [1.38.15](https://indike.org/pramana/in.med.samhita.susruta.1.38.15) eṣa rodhrādirityukto medaḥkaphaharo gaṇaḥ / ### [1.38.15\_2](https://indike.org/pramana/in.med.samhita.susruta.1.38.15_2) yonidoṣaharaḥ stambhī varṇyo viṣavināśanaḥ // ### [1.38.16](https://indike.org/pramana/in.med.samhita.susruta.1.38.16) arkālarkakarañjadvayamāgadantīmayūrakabhārgīrāsnendrapuṣpīkṣudraśvetāmahāśvetāvṛścikālyalavaṇāstāpasavṛkṣaśceti // ### [1.38.17](https://indike.org/pramana/in.med.samhita.susruta.1.38.17) arkādiko gaṇo hyeṣa kaphamedoviṣāpahaḥ / ### [1.38.17\_2](https://indike.org/pramana/in.med.samhita.susruta.1.38.17_2) kṛmikuṣṭhapraśamano viśeṣāddraṇaśodhanaḥ // ### [1.38.18](https://indike.org/pramana/in.med.samhita.susruta.1.38.18) surasāśvetasurasāphaṇijjñakārjakabhūstṛṇasugandhakasumukhakālamālakāsamardakṣavakakharapuṣpāviḍaṅgakaṭphalasurasīnirguṇḍīkulāhalondurukarṇikāphañjīprācībalakākamācyo viṣamuṣṭikaśceti // ### [1.38.19](https://indike.org/pramana/in.med.samhita.susruta.1.38.19) surasādirgaṇo hyeṣa kaphahṛt kṛmisūdanaḥ / ### [1.38.19\_2](https://indike.org/pramana/in.med.samhita.susruta.1.38.19_2) pratiśyāyāruciśvāsakāsaghno vraṇaśodhanaḥ // ### [1.38.20](https://indike.org/pramana/in.med.samhita.susruta.1.38.20) muṣkakapalāśadhavacitrakamadanavṛkṣakarśiṃśapāvajravṛkṣastriphalā ceti // ### [1.38.21](https://indike.org/pramana/in.med.samhita.susruta.1.38.21) muṣkakādirgaṇo hyeṣa medoghnaḥ śukradoṣahṛt / ### [1.38.21\_2](https://indike.org/pramana/in.med.samhita.susruta.1.38.21_2) mehārśaḥpāṇḍurogaghnaḥ śarkarānāśanaḥ paraḥ // ### [1.38.22](https://indike.org/pramana/in.med.samhita.susruta.1.38.22) pippalīpippalīmūlacavyacitrakaśṛṅgaveramaricahastipippalīhareṇukailājamodendrayavapāṭhājīrakasarṣapamahānimbaphalahiṅgubhārgīmadhurasātiviṣāvacāviḍaṅgāni kaṭurohiṇī ceti // ### [1.38.23](https://indike.org/pramana/in.med.samhita.susruta.1.38.23) pippalyādiḥ kaphaharaḥ pratiśyāyānilārucīḥ / ### [1.38.23\_2](https://indike.org/pramana/in.med.samhita.susruta.1.38.23_2) nihanyāddīpano gulmaśūlaghnaścāmapācanaḥ // ### [1.38.24](https://indike.org/pramana/in.med.samhita.susruta.1.38.24) elātagarakuṣṭhamāṃsīdhyāmakatvakpatranāgapuṣpapriyaṅguhareṇukāvyāghranakhaśukticaṇḍasthauṇeyakaśrīveṣṭakacocacorakavālu{O.?}kaguggulusarjarasaturuṣkakundurukāga{O.u}ruspṛkkośīrabhadradārukuṅkumāni punnāgakeśaraṃ ceti // ### [1.38.25](https://indike.org/pramana/in.med.samhita.susruta.1.38.25) eladiko vātakaphau nihanyādviṣameva ca / ### [1.38.25\_2](https://indike.org/pramana/in.med.samhita.susruta.1.38.25_2) varṇaprasādanaḥ kaṇḍūpiḍakāloṭhanāśanaḥ // ### [1.38.26](https://indike.org/pramana/in.med.samhita.susruta.1.38.26) vacāmustātiviṣābhayābhadradārūṇi nāgakeśaraṃ ceti // ### [1.38.27](https://indike.org/pramana/in.med.samhita.susruta.1.38.27) haridrādāruharidrākalaśīkuṭajabījāni madhukaṃ ceti // ### [1.38.28](https://indike.org/pramana/in.med.samhita.susruta.1.38.28) etau vacāharidrādī gaṇau stanyaviśodhanau / ### [1.38.28\_2](https://indike.org/pramana/in.med.samhita.susruta.1.38.28_2) āmātisāraśamanau viśeṣāddoṣapācanau // ### [1.38.29](https://indike.org/pramana/in.med.samhita.susruta.1.38.29) śyāmāmahāśyāmātrivṛddantīśaṅkhinītilvakakampillakaramyakakramukaputraśreṇīgavākṣīrajavṛkṣakarañjadvayaguḍūcīsaptalācchagalāntrīsudhāḥ suvarṇakṣīrī ceti // ### [1.38.30](https://indike.org/pramana/in.med.samhita.susruta.1.38.30) uktaḥ śyāmādirityeṣa gaṇo gulmaviṣāpahaḥ / ### [1.38.30\_2](https://indike.org/pramana/in.med.samhita.susruta.1.38.30_2) ānāhodaraviḍbhedī tathodāvartanāśanaḥ // ### [1.38.31](https://indike.org/pramana/in.med.samhita.susruta.1.38.31) bṛhatīkaṇṭakārikākuṭajaphalapāṭhā madhukaṃ ceti // ### [1.38.32](https://indike.org/pramana/in.med.samhita.susruta.1.38.32) pācanīyo bṛhatyādirgaṇaḥ pittānilāpahaḥ / ### [1.38.32\_2](https://indike.org/pramana/in.med.samhita.susruta.1.38.32_2) kaphārocakahṛdrogamūtrakṛcchrarujāpahaḥ // ### [1.38.33](https://indike.org/pramana/in.med.samhita.susruta.1.38.33) paṭolacandanakucandanamūrvāguḍūcīpāṭhāḥ kaṭurohiṇī ceti // ### [1.38.34](https://indike.org/pramana/in.med.samhita.susruta.1.38.34) paṭolādirgaṇaḥ pittakaphārocakanāśanaḥ / ### [1.38.34\_2](https://indike.org/pramana/in.med.samhita.susruta.1.38.34_2) jvaropaśamano vraṇyaśchardikaṇḍūviṣāpahaḥ // ### [1.38.35](https://indike.org/pramana/in.med.samhita.susruta.1.38.35) kākolīkṣīrakākolījīvakarṣabhakamudgaparṇīmāṣaparṇīmedāmahāmedācchinnaruhākarkaṭaśṛṅgītugākṣīrīpadmakaprapauṇḍarīkardhivṛddhimṛdvīkājīvantyo madhukaṃ ceti // ### [1.38.36](https://indike.org/pramana/in.med.samhita.susruta.1.38.36) kākolyādirayṃ pittaśoṇitānilanāśanaḥ / ### [1.38.36\_2](https://indike.org/pramana/in.med.samhita.susruta.1.38.36_2) jīvano bṛṃhaṇo vṛṣyaḥ stanyaśleṣmakarastathā // ### [1.38.37](https://indike.org/pramana/in.med.samhita.susruta.1.38.37) ūṣakasaindhavaśilājatukāsīsadvayahiṅgūni tutthakaṃ ceti // ### [1.38.38](https://indike.org/pramana/in.med.samhita.susruta.1.38.38) ūṣakādiḥ kaphaṃ hanti gaṇo medoviśoṣaṇaḥ / ### [1.38.38\_2](https://indike.org/pramana/in.med.samhita.susruta.1.38.38_2) aśmarīśarkarāmūtrakṛcchragulmapraṇāśanaḥ // ### [1.38.39](https://indike.org/pramana/in.med.samhita.susruta.1.38.39) sārivāmadhukacandanakucandanapadmakakāśmarīphalamadhūkapuṣpāṇyuśīraṃ ceti // ### [1.38.40](https://indike.org/pramana/in.med.samhita.susruta.1.38.40) sārivādiḥ pipāsāghno raktapittaharo gaṇaḥ / ### [1.38.40\_2](https://indike.org/pramana/in.med.samhita.susruta.1.38.40_2) pittajvarapraśamano viśeṣāddāhanāśanaḥ // ### [1.38.41](https://indike.org/pramana/in.med.samhita.susruta.1.38.41) añjanarasāñjananāgapuṣpapriyaṅgunīlotpalanaladanalinakeśarāṇi madhukaṃ ceti // ### [1.38.42](https://indike.org/pramana/in.med.samhita.susruta.1.38.42) añjanādirgaṇo hyeṣa raktapittanibarhaṇaḥ / ### [1.38.42\_2](https://indike.org/pramana/in.med.samhita.susruta.1.38.42_2) viṣopaśamano dāhaṃ nihantyābhyantaraṃ tathā // ### [1.38.43](https://indike.org/pramana/in.med.samhita.susruta.1.38.43) parūṣakadrākṣākaṭphaladāḍimarājādanakatakaphalaśākaphalāni triphalā ceti // ### [1.38.44](https://indike.org/pramana/in.med.samhita.susruta.1.38.44) parūṣakādirityeṣa gaṇo+anilavināśanaḥ / ### [1.38.44\_2](https://indike.org/pramana/in.med.samhita.susruta.1.38.44_2) mūtradoṣaharo hṛdyaḥ pipāsāghno rucipradaḥ // ### [1.38.45](https://indike.org/pramana/in.med.samhita.susruta.1.38.45) priyaṅgusamaṅgādhātakīpunnāganāgapuṣpacandanakucandanamocarasarasāñjanakumbhīkasrotoñjanapadmakesarayojanavallayo dīrghamūlā ceti // ### [1.38.46](https://indike.org/pramana/in.med.samhita.susruta.1.38.46) ambaṣṭhādhātakīkusumasamaṅgākaṭvaṅgamadhukabilvapeśikāsāvararodhrapalāśanandīvṛkṣāḥ padmakeśarāṇi ceti // ### [1.38.47](https://indike.org/pramana/in.med.samhita.susruta.1.38.47) gaṇau priyaṅgvambaṣṭhādī pakvātīsāranāśanau / ### [1.38.47\_2](https://indike.org/pramana/in.med.samhita.susruta.1.38.47_2) sandhānīyau hitau pitte vraṇānāṃ cāpi ropaṇau // ### [1.38.48](https://indike.org/pramana/in.med.samhita.susruta.1.38.48) nyagrodhodumbarāśvatthaplakṣamadhukakapītanakakubhāmrakośāmracorakapatrajambūdvayapiyālamadhūkarohiṇīvañjulakadambabadarītindukīsallakīrodhrasāvararodhrabhallātakapalāśā nandīvṛkṣaśceti // ### [1.38.49](https://indike.org/pramana/in.med.samhita.susruta.1.38.49) nyagrodhādirgaṇo vraṇyaḥ saṃgrāhī bhagnasādhakaḥ / ### [1.38.49\_2](https://indike.org/pramana/in.med.samhita.susruta.1.38.49_2) raktapittaharo dāhamedoghno yonidoṣahṛt // ### [1.38.50](https://indike.org/pramana/in.med.samhita.susruta.1.38.50) guḍūcīnimbakustumburucandanāni padmakaṃ ceti // ### [1.38.51](https://indike.org/pramana/in.med.samhita.susruta.1.38.51) eṣa sarvajvarān hanti guḍūcyādistu dīpanaḥ / ### [1.38.51\_2](https://indike.org/pramana/in.med.samhita.susruta.1.38.51_2) hallāsārocakavamīpipāsādāhanāśanaḥ // ### [1.38.52](https://indike.org/pramana/in.med.samhita.susruta.1.38.52) utpalaraktotpalakumudasaugandhikakuvalayapuṇḍarīkāṇi madhukaṃ ceti // ### [1.38.53](https://indike.org/pramana/in.med.samhita.susruta.1.38.53) utpalādirayaṃ dāhapittaraktavināśanaḥ / ### [1.38.53\_2](https://indike.org/pramana/in.med.samhita.susruta.1.38.53_2) pipāsāviṣahṛdrogacchardimūrcchāharo gaṇaḥ // ### [1.38.54](https://indike.org/pramana/in.med.samhita.susruta.1.38.54) mustāharidrādāruharidrāharītakyāmalakabibhītakakuṣṭhahaimavatīvacāpāṭhākaṭurohiṇīśārṅgaṣṭātiviṣādrāviḍībhallātakāni citrakaśceti // ### [1.38.55](https://indike.org/pramana/in.med.samhita.susruta.1.38.55) eṣa mustādiko nāmnā gaṇaḥ śleṣmaniṣūdanaḥ / ### [1.38.55\_2](https://indike.org/pramana/in.med.samhita.susruta.1.38.55_2) yonidoṣaharaḥ stanyaśodhanaḥ pācanastathā // ### [1.38.56](https://indike.org/pramana/in.med.samhita.susruta.1.38.56) harītakyāmalakabibhītakāni triphalā // ### [1.38.57](https://indike.org/pramana/in.med.samhita.susruta.1.38.57) triphalā kaphapittaghnī mehakuṣṭhavināśanī / ### [1.38.57\_2](https://indike.org/pramana/in.med.samhita.susruta.1.38.57_2) cukṣuṣyā dīpanī caiva viṣamajvaranāśanī // ### [1.38.58](https://indike.org/pramana/in.med.samhita.susruta.1.38.58) pippalīmaricaśṛṅgaverāṇi trikaṭukam // ### [1.38.59](https://indike.org/pramana/in.med.samhita.susruta.1.38.59) tryūṣaṇaṃ kaphamedoghnaṃ mehakuṣṭhatvagāmayān / ### [1.38.59\_2](https://indike.org/pramana/in.med.samhita.susruta.1.38.59_2) nihanyāddīpanaṃ gulmapīnasāgnyalpatāmapi // ### [1.38.60](https://indike.org/pramana/in.med.samhita.susruta.1.38.60) āmalakīharītakīpippalyaścitrakaśceti // ### [1.38.61](https://indike.org/pramana/in.med.samhita.susruta.1.38.61) āmalakyādirityeṣa gaṇaḥ sarvajvarāpahaḥ / ### [1.38.61\_2](https://indike.org/pramana/in.med.samhita.susruta.1.38.61_2) cakṣuṣyo dīpano vṛṣyaḥ kaphārocakanāśanaḥ // ### [1.38.62](https://indike.org/pramana/in.med.samhita.susruta.1.38.62) trapusīsatāmrarajatakṛṣṇalohasuvarṇāni lohamalaśceti // ### [1.38.63](https://indike.org/pramana/in.med.samhita.susruta.1.38.63) gaṇastrapvādirityeṣa garakrimiharaḥ paraḥ / ### [1.38.63\_2](https://indike.org/pramana/in.med.samhita.susruta.1.38.63_2) pipāsāviṣahṛdrogapaṇḍumehaharastathā // ### [1.38.64](https://indike.org/pramana/in.med.samhita.susruta.1.38.64) lākṣārevatakuṭajāśvamārakaṭphalaharidrādvayanimbasaptacchadamālatyastrāyamāṇā ceti // ### [1.38.65](https://indike.org/pramana/in.med.samhita.susruta.1.38.65) kāṣāyastiktamadhuraḥ kaphapittārtināśanaḥ / ### [1.38.65\_2](https://indike.org/pramana/in.med.samhita.susruta.1.38.65_2) kuṣṭhakrimiharaścaiva duṣṭavraṇaviśodhanaḥ // ### [1.38.66](https://indike.org/pramana/in.med.samhita.susruta.1.38.66) pañca pañcamūlānyata ūrdhvaṃ vakṣyāmaḥ / tatra trikaṇṭakabṛhatīdvayapṛthakparṇyo vidārigandhā ceti kanīyaḥ // ### [1.38.67](https://indike.org/pramana/in.med.samhita.susruta.1.38.67) kaṣāyatiktamadhuraṃ kanīyaḥ pañcamūlakam / ### [1.38.67\_2](https://indike.org/pramana/in.med.samhita.susruta.1.38.67_2) vātaghnaṃ pittaśamanaṃ bṛṃhaṇaṃ balavardhanam // ### [1.38.68](https://indike.org/pramana/in.med.samhita.susruta.1.38.68) bilvāgnimanthaṭiṇṭukapāṭalāḥ kāśmaryaśceti mahat // ### [1.38.69](https://indike.org/pramana/in.med.samhita.susruta.1.38.69) satiktaṃ kaphavātaghnaṃ pāke laghvagnidīpanam / ### [1.38.69\_2](https://indike.org/pramana/in.med.samhita.susruta.1.38.69_2) madhurānurasaṃ caiva pañcamūlaṃ mahat smṛtaḥ // ### [1.38.70](https://indike.org/pramana/in.med.samhita.susruta.1.38.70) anayordaśamūlamucyate // ### [1.38.71](https://indike.org/pramana/in.med.samhita.susruta.1.38.71) gaṇaḥ śvāsaharo hyeṣa kaphapittānilāpahaḥ / ### [1.38.71\_2](https://indike.org/pramana/in.med.samhita.susruta.1.38.71_2) āmasya pācanaścaiva sarvajvaravināśanaḥ // ### [1.38.72](https://indike.org/pramana/in.med.samhita.susruta.1.38.72) vidārīsārivārajanīguḍūcyo+ajaśṛṅgī ceti vallīsaṃjñaḥ // ### [1.38.73](https://indike.org/pramana/in.med.samhita.susruta.1.38.73) karamardatrikaṇṭakasairīyakaśatāvarīgṛdhranakhya iti kaṇṭakasaṃjñaḥ // ### [1.38.74](https://indike.org/pramana/in.med.samhita.susruta.1.38.74) raktapittaharau hyetau śophatrayavināśanau / ### [1.38.74\_2](https://indike.org/pramana/in.med.samhita.susruta.1.38.74_2) sarvamehaharau caiva śukradoṣavināśanau // ### [1.38.75](https://indike.org/pramana/in.med.samhita.susruta.1.38.75) kuśakāśanaladarbhakāṇḍekṣukā iti tṛṇasaṃjñakaḥ // ### [1.38.76](https://indike.org/pramana/in.med.samhita.susruta.1.38.76) antyaḥ prayuktaḥ kṣīreṇa śīghrameva vināśayet // ### [1.38.77](https://indike.org/pramana/in.med.samhita.susruta.1.38.77) eṣāṃ vātaharāvādyāvantyaḥ pittavināśanaḥ / ### [1.38.77\_2](https://indike.org/pramana/in.med.samhita.susruta.1.38.77_2) pañcakau śleṣmaśamanāvitarau parikīrtitau // ### [1.38.78](https://indike.org/pramana/in.med.samhita.susruta.1.38.78) trivṛtādikamanyatropadekṣyāmaḥ // ### [1.38.79](https://indike.org/pramana/in.med.samhita.susruta.1.38.79) samāsena gaṇā hyete proktāsteṣāṃ tu vistaram / ### [1.38.79\_2](https://indike.org/pramana/in.med.samhita.susruta.1.38.79_2) cikitsiteṣu vakṣyāmi jñātvā doṣabalābalam // ### [1.38.80](https://indike.org/pramana/in.med.samhita.susruta.1.38.80) ebhirlepān kaṣāyāṃśca tailaṃ sarpīṃṣi pānakān / ### [1.38.80\_2](https://indike.org/pramana/in.med.samhita.susruta.1.38.80_2) pravibhajya yathānyāyaṃ kurvīta matimān bhiṣak // ### [1.38.81](https://indike.org/pramana/in.med.samhita.susruta.1.38.81) bhūmavarṣānilakledaiḥ sarvartuṣvanabhidrute / ### [1.38.81\_2](https://indike.org/pramana/in.med.samhita.susruta.1.38.81_2) grāhayitvā gṛhe nyasyedvidhinauṣadhasaṃgraham // ### [1.38.82](https://indike.org/pramana/in.med.samhita.susruta.1.38.82) samīkṣya doṣabhedāṃśca miśrān bhinnān prayojayet / ### [1.38.82\_2](https://indike.org/pramana/in.med.samhita.susruta.1.38.82_2) pṛthaṅniśrān samastānvā gaṇaṃ vā vyastasaṃhatam // ### [1.38.82\_1](https://indike.org/pramana/in.med.samhita.susruta.1.38.82_1) iti suśrutasaṃhitāyāṃ sūtrasthāne dravyasaṃgrahaṇīyo nāmāṣṭatriṃśo+adhyāyaḥ // ## Commentaries (2) - [Bhānumatī](https://indike.org/pramana/in.med.samhita.susruta!cakrapani.39.2) — Cakrapāṇidatta, Sanskrit - [Nibandhasaṅgraha](https://indike.org/pramana/in.med.samhita.susruta!dalhana.39.34) — Ḍalhaṇa, Sanskrit ## Linked texts (6) - [Aṣṭāṅgasaṃgraha](https://indike.org/pramana/in.med.samhita.astangasamgraha.16.3) — Vāgbhaṭa, Sanskrit - [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya.926) — Vāgbhaṭa, Sanskrit - [Aṣṭāṅganighaṇṭu](https://indike.org/pramana/in.med.nighantu.pracina.astanganighantu.3) — Vāhaṭa, Sanskrit - [Rājanighaṇṭu (Nighaṇṭurāja, Abhidhānacūḍāmaṇi)](https://indike.org/pramana/in.med.nighantu.namaguna.rajanighantu.10.183) — Narahari Paṇḍita, Sanskrit - [Bṛhadāsavāriṣṭasaṃgraha](https://indike.org/pramana/in.med.cikitsa.kalpana.brhadasavaristasamgraha.19.1-2) — Kavirāj Devasīṃha Viṭṭhal, Sanskrit - [Vaidyakasāroddhāra](https://indike.org/pramana/in.med.cikitsa.gauda.vaidyakasaroddhara.1.p33) — Brajanāthaśarman, Sanskrit --- Source: [https://indike.org/pramana/in.med.samhita.susruta.1.38](https://indike.org/pramana/in.med.samhita.susruta.1.38) · Pramāṇa