[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.39 # The Compendium of Suśruta 1.39: ekonacatvāriṃśattamo+adhyāyaḥ / Suśrutasaṃhitā 1.39 - **Language:** Sanskrit ### ekonacatvāriṃśattamo+adhyāyaḥ / ### [1.39.1](https://indike.org/pramana/in.med.samhita.susruta.1.39.1) athātaḥ saṃśodhanasaṃśamanīyamadhyāyaṃ vyākhyāsyāmaḥ // ### [1.39.2](https://indike.org/pramana/in.med.samhita.susruta.1.39.2) yathovāca bhagavān dhanvantariḥ // ### [1.39.3](https://indike.org/pramana/in.med.samhita.susruta.1.39.3) madanakuṭajajīmūtakekṣvākudhāmārgavakṛtavedhanasarṣapaviḍaṅgapippalīkarañjaprapunnāḍakovidārakarbudārāriṣṭāśvagandhāvidulabandhujīvakaśvetāśaṇapuṣpībimbīvacāmṛgervāruścitrā cetyūrdhvabhāgaharāṇi / tatra kovidārapūrvāṇāṃ phalāni kovidārādīnāṃ mūlāni // ### [1.39.4](https://indike.org/pramana/in.med.samhita.susruta.1.39.4) vivṛtāśyāmādantīdravantīsaptalāśaṅkhinīviṣāṇikāgavākṣīcchagalāntrīsruksuvarṇakṣīrīcitrakakiṇihīkuśakāśatilvakakampillakaramyakapāṭalāpūgaharītakyāmalakabibhītakanīlinīcaturaṅgulairaṇḍapūtīkamahāvṛkṣasaptacchadārkā jyotiṣmatī cetyadhobhāgaharāṇi / tatra tilvakapūrvāṇāṃ mūlāni tilvakādīnāṃ pāṭalāntānāṃ tvacaḥ kampillakaphalarajaḥ pūgādīnāmeraṇḍāntānāṃ phalāni pūtīkāragvadhayoḥ patrāṇi śeṣāṇāṃ kṣīrāṇīti // ### [1.39.5](https://indike.org/pramana/in.med.samhita.susruta.1.39.5) koṣātakī saptalā śaṅkhinī devadālī kāravellikā cetyubhayatobhāgaharāṇi / eṣāṃ svarasā iti // ### [1.39.6](https://indike.org/pramana/in.med.samhita.susruta.1.39.6) pippalīviḍaṅgāpāmārgaśigrusiddhārthakaśirīṣamaricakaravīrabimbīgirikarṇikākiṇihīvacājyotiṣmatīkarañjārkālarkalaśunātiviṣāśṛṅgaveratālīśatamālasurasārjakeṅgudīmeṣaśṛṅgukīmeṣaśṛṅgīmātuluṅgīsuraṅgīpīlujātīśālatālamadhūkalākṣāhiṅgulavaṇamadyagośakṛdrasamūtrāṇīti śirovirecanāni / tatra karavīrapūrvāṇāṃ phalāni karavīrādīnāmarkāntānāṃ mūlāni tālīśapūrvāṇāṃ kandāḥ tālīśādīnāmarjakāntānāṃ patāṇi iṅgukīmeṣaśṛṅgyostavacaḥ mātuluṅgīsuraṅgīpīlujātīnāṃ pūspāṇi śālatālamadhūkānāṃ sārāḥ hiṅgulākṣe niryāsau lavaṇāni pārthivaviśeṣāḥ madyānyāsutasaṃyogāḥ śakṛdrasamūtre malāviti // ### [1.39.7](https://indike.org/pramana/in.med.samhita.susruta.1.39.7) saṃśamanānyata ūrdhvaṃ vakṣyāmaḥ tatra bhadradārukuṣṭhaharidrāvaruṇameṣaśrṅgībalātibalārtagalakacchurāsallakīkuberākṣīvīratarusahacarāgnimanthavatsādanyeraṇḍāśmabhedakālarkārkaśatāvarīpunarnavāvasukavaśirakāñcanakabhārgīkārpāsīvṛścikālīpattūrabadarayavakolakulatthaprabhṛtīni vidārigandhādiśca dve cādye pañcamūlyau samasena vātasaṃśamano vargaḥ // ### [1.39.8](https://indike.org/pramana/in.med.samhita.susruta.1.39.8) candanakucandanahrīverośīramañjiṣṭhāpayasyādidārīśatāvarīgundrāśaivalakahlārakumudotpalakanda(ā.da)līdūrvāmūrvāprabhṛtīni kākolyādiḥ sārivādirañjanādirutpalādirnyagrodhādistṛṇapañcamūlamiti samāsena pittasaṃśamano vargaḥ // ### [1.39.9](https://indike.org/pramana/in.med.samhita.susruta.1.39.9) kāleyakāgurutilaparṇīkuṣṭhaharidrāśītaśivaśatapuṣpāsaralārāsnāprakīryodakīryeṅgudīsumanaḥkākādanīlāṅgalakīhastikarṇamuñjātakalāmajjakaprabhṛtīni vallīkaṇṭakapañcamūlyau pippalyādirbṛhatyādirmuṣkakādirvacādiḥ surasādirāragvadhādiriti samāsena śleṣmasaṃśamano vargaḥ // ### [1.39.10](https://indike.org/pramana/in.med.samhita.susruta.1.39.10) tatra sarvāṇyevauṣadhāni vyādhyagnipuruṣabalānyam{??}isamīkṣya vidadhyāt / tatra vyādhibalādadhikamauṣadhamupayuktaṃ tamupaśamya vyādhiṃ vyādhimanyamāvahati agnibalādadhikamajīrṇaṃ viṣṭabhya vā pacyate puruṣabalādadhikaṃ glānimūrcchāmadānāvahati saṃśamanaṃ evaṃ saṃśodhanamatipātayati / hīnamebhyo dattamakiṃcitkaraṃ bhavati / tasmātsamameva vidadhyāt // ### [1.39.11](https://indike.org/pramana/in.med.samhita.susruta.1.39.11) bhavanti cātra / ### [1.39.11\_2](https://indike.org/pramana/in.med.samhita.susruta.1.39.11_2) roge śodhanasādhye tu yo bhaveddoṣadurbalaḥ / ### [1.39.11\_3](https://indike.org/pramana/in.med.samhita.susruta.1.39.11_3) tasmai dadyādbhiṣak prājño doṣapracyāvanaṃ mṛdu // ### [1.39.12](https://indike.org/pramana/in.med.samhita.susruta.1.39.12) cale doṣe mṛdau koṣṭhe nekṣetātra balaṃ nṛṇām / ### [1.39.12\_2](https://indike.org/pramana/in.med.samhita.susruta.1.39.12_2) avyādhidurbalasyāpi śodhanaṃ hi tadā bhavet // ### [1.39.13](https://indike.org/pramana/in.med.samhita.susruta.1.39.13) svayaṃ pravṛttadoṣasya mṛdukoṣṭhasya śodhanam / ### [1.39.13\_2](https://indike.org/pramana/in.med.samhita.susruta.1.39.13_2) bhavedalpabalasyāpi prayuktaṃ vyādhināśanam // ### [1.39.14](https://indike.org/pramana/in.med.samhita.susruta.1.39.14) vyādhyādiṣu tu madhyeṣu kvāthasyāñjaliriṣyate / ### [1.39.14\_2](https://indike.org/pramana/in.med.samhita.susruta.1.39.14_2) biḍālapadakaṃ cūrṇaṃ deyaḥ kalko+akṣasaṃitaḥ // ### [1.39.14\_1](https://indike.org/pramana/in.med.samhita.susruta.1.39.14_1) iti suśrutasaṃhitāyāṃ sūtrasthāne saṃśodhanasaṃśamanīyo nāmaikonacatvāriṃśo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.41.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.41.2) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.39](https://indike.org/pramana/in.med.samhita.susruta.1.39) · Pramāṇa