[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.3 # The Compendium of Suśruta 1.3: tṛtīyo+adhyāyaḥ / Suśrutasaṃhitā 1.3 - **Language:** Sanskrit ### tṛtīyo+adhyāyaḥ / ### [1.3.1](https://indike.org/pramana/in.med.samhita.susruta.1.3.1) athāto+adhyayanasaṃpradānīyamadhyāyaṃ vyākhyāsyāmaḥ // ### [1.3.2](https://indike.org/pramana/in.med.samhita.susruta.1.3.2) yathovāca bhagavān dhanvantariḥ // ### [1.3.3](https://indike.org/pramana/in.med.samhita.susruta.1.3.3) prāgabhihitaṃ saviṃśamadhyāyaśataṃ pañcasu sthāneṣu / tatra sūtrasthānamadhyāyāḥ ṣaṭcatvāriṃśat ṣoḍśa nidānāni daśa śārīrāṇi catvāriṃśaccikitsitāni aṣṭau kalpāḥ taduttaraṃ ṣaṭsāṣṭiḥ // ### [1.3.4](https://indike.org/pramana/in.med.samhita.susruta.1.3.4) vedotpattiḥ śiṣyanayastathā+adhyayanadānikaḥ / ### [1.3.4\_2](https://indike.org/pramana/in.med.samhita.susruta.1.3.4_2) prabhāṣaṇāgraharaṇāvṛtucaryātha yāntrikaḥ // ### [1.3.5](https://indike.org/pramana/in.med.samhita.susruta.1.3.5) śastrāvacāaraṇaṃ yogyā viśikhā kṣārakalpanam / ### [1.3.5\_2](https://indike.org/pramana/in.med.samhita.susruta.1.3.5_2) agnikarmajalaukākhyāvadhyāyau raktavarṇanam // ### [1.3.6](https://indike.org/pramana/in.med.samhita.susruta.1.3.6) doṣadhātumalādyānāṃ vijñānādhyāya eva ca / ### [1.3.6\_2](https://indike.org/pramana/in.med.samhita.susruta.1.3.6_2) karṇavyadhāmapakvaiṣāvālepo vraṇyupāsanam // ### [1.3.7](https://indike.org/pramana/in.med.samhita.susruta.1.3.7) hitāhito vraṇapraśno vraṇāsrāvaśca yaḥ pṛthak / ### [1.3.7\_2](https://indike.org/pramana/in.med.samhita.susruta.1.3.7_2) kṛtyākṛtyavidhirvyādhisamuddeśīya eva ca // ### [1.3.8](https://indike.org/pramana/in.med.samhita.susruta.1.3.8) viniścayaḥ śastravidhau pranaṣṭajñānikastathā / ### [1.3.8\_2](https://indike.org/pramana/in.med.samhita.susruta.1.3.8_2) śalyoddhṛtirvraṇajñānaṃ dūtasvapnanidarśanam // ### [1.3.9](https://indike.org/pramana/in.med.samhita.susruta.1.3.9) pañcendriyaṃ tathā chāyā svabhāvādvaikṛtaṃ tathā / ### [1.3.9\_2](https://indike.org/pramana/in.med.samhita.susruta.1.3.9_2) vāraṇo yuktasenīya āturakramabhūnikau // ### [1.3.10](https://indike.org/pramana/in.med.samhita.susruta.1.3.10) miśrakākhyo dravyagaṇaḥ saṃśuddhau śamane ca yaḥ / ### [1.3.10\_2](https://indike.org/pramana/in.med.samhita.susruta.1.3.10_2) dravyādīnāṃ ca vijñānaṃ viśeṣo dravyago+aparaḥ // ### [1.3.11](https://indike.org/pramana/in.med.samhita.susruta.1.3.11) rasajñānaṃ vamanārthamadhyāyo recanāya ca / ### [1.3.11\_2](https://indike.org/pramana/in.med.samhita.susruta.1.3.11_2) dravaddravyavidhistadvadannapānavidhistathā // ### [1.3.12](https://indike.org/pramana/in.med.samhita.susruta.1.3.12) sūcanāt sūtraṇāccaiva savanāccārthasantateḥ / ### [1.3.12\_2](https://indike.org/pramana/in.med.samhita.susruta.1.3.12_2) ṣaṭcatvāriṃśadadhyāyaṃ sūtrasthānaṃ pracakṣate // ### [1.3.13](https://indike.org/pramana/in.med.samhita.susruta.1.3.13) vātavyādhikamarśāṃsi sāśmariśca bhagandaraḥ / ### [1.3.13\_2](https://indike.org/pramana/in.med.samhita.susruta.1.3.13_2) kuṣṭhamehodarā mūḍho vidradhiḥ parisarpaṇam // ### [1.3.14](https://indike.org/pramana/in.med.samhita.susruta.1.3.14) granthivṛddhikṣudraśūkabhaknāśca mukharogikam / ### [1.3.14\_2](https://indike.org/pramana/in.med.samhita.susruta.1.3.14_2) hetulakṣaṇanirdeśānnidānānīti ṣoḍaśa // ### [1.3.15](https://indike.org/pramana/in.med.samhita.susruta.1.3.15) bhūtacintā rajaḥśuddhirgarbhāvakrāntireva ca / ### [1.3.15\_2](https://indike.org/pramana/in.med.samhita.susruta.1.3.15_2) vyākaraṇaṃ ca garbhasya śarīrasya ca yatsmṛtam // ### [1.3.16](https://indike.org/pramana/in.med.samhita.susruta.1.3.16) pratyekaṃ marmanirdeśaḥ sirāvarṇanameva ca / ### [1.3.16\_2](https://indike.org/pramana/in.med.samhita.susruta.1.3.16_2) sirāvyadho dhamanīnāṃ garbhiṇyā vyākṛtistathā // ### [1.3.17](https://indike.org/pramana/in.med.samhita.susruta.1.3.17) nirdiṣṭāni daśaitāni śārīrāṇi maharṣiṇā / ### [1.3.17\_2](https://indike.org/pramana/in.med.samhita.susruta.1.3.17_2) vijñānārthaṃ śarīrasya bhiṣajāṃ yogināmapi // ### [1.3.18](https://indike.org/pramana/in.med.samhita.susruta.1.3.18) dvivraṇīyo vraṇaḥ sadyo bhagnānāṃ vātarogikam / ### [1.3.18\_2](https://indike.org/pramana/in.med.samhita.susruta.1.3.18_2) mahāvātikamarśāṃsi sāśmariśca bhagandaraḥ // ### [1.3.19](https://indike.org/pramana/in.med.samhita.susruta.1.3.19) kuṣṭhānāṃ mahatāṃ cāpi maihikaṃ paiḍakaṃ tathā / ### [1.3.19\_2](https://indike.org/pramana/in.med.samhita.susruta.1.3.19_2) makhumehacikitsā ca tathā codariṇāmapi // ### [1.3.20](https://indike.org/pramana/in.med.samhita.susruta.1.3.20) mūḍhagarbhacikitsā ca vidradhīnāṃ visarpiṇām / ### [1.3.20\_2](https://indike.org/pramana/in.med.samhita.susruta.1.3.20_2) granthivṛddhyupadaṃśānāṃ tathā ca kṣudrarogikam // ### [1.3.21](https://indike.org/pramana/in.med.samhita.susruta.1.3.21) śūkadoṣacikitsā ca tathā ca mukharogiṇām / ### [1.3.21\_2](https://indike.org/pramana/in.med.samhita.susruta.1.3.21_2) śophasyānāgatānāṃ ca niṣedho miśrakaṃ tathā // ### [1.3.22](https://indike.org/pramana/in.med.samhita.susruta.1.3.22) vājīkaraṃ ca yat kṣīṇe sarvābādhaśamo+api ca / ### [1.3.22\_2](https://indike.org/pramana/in.med.samhita.susruta.1.3.22_2) medhāyuṣkaraṇaṃ cāpi svabhāvavyādhivāraṇam // ### [1.3.23](https://indike.org/pramana/in.med.samhita.susruta.1.3.23) nivṛttasaṃtāpakaraṃ kīrtitaṃ ca rasāyanam / ### [1.3.23\_2](https://indike.org/pramana/in.med.samhita.susruta.1.3.23_2) snehopayaugikaḥ svedo vamane ca virecane // ### [1.3.24](https://indike.org/pramana/in.med.samhita.susruta.1.3.24) tayorvyāpaccikitsā ca netrabastivibhāgikaḥ / ### [1.3.24\_2](https://indike.org/pramana/in.med.samhita.susruta.1.3.24_2) netrabastivipatsiddhistathā cottarabastikaḥ // ### [1.3.25](https://indike.org/pramana/in.med.samhita.susruta.1.3.25) nirūhakramasaṃjñaśca tathaivāturasaṃjñakaḥ / ### [1.3.25\_2](https://indike.org/pramana/in.med.samhita.susruta.1.3.25_2) dhūmanasyavidhiścāntyaścatvāriṃśaditi smṛtāḥ // ### [1.3.26](https://indike.org/pramana/in.med.samhita.susruta.1.3.26) prāyaścittaṃ praśamanaṃ cikitsā śāntikarma ca / ### [1.3.26\_2](https://indike.org/pramana/in.med.samhita.susruta.1.3.26_2) paryāyāstasya nirdeśāccikitsāsthānamucyate // ### [1.3.27](https://indike.org/pramana/in.med.samhita.susruta.1.3.27) annasya rakṣā vijñānaṃ sthāvarasyetarasya ca / ### [1.3.27\_2](https://indike.org/pramana/in.med.samhita.susruta.1.3.27_2) sarpadaṣṭaviṣajñānaṃ tasyaiva ca cikitsitam // ### [1.3.28](https://indike.org/pramana/in.med.samhita.susruta.1.3.28) dundubhermūṣikāṇāṃ ca kīṭānāṃ kalpa eva ca / ### [1.3.28\_2](https://indike.org/pramana/in.med.samhita.susruta.1.3.28_2) aṣṭau kalpāḥ samākhyātā viṣabheṣajakalpanāt // ### [1.3.29](https://indike.org/pramana/in.med.samhita.susruta.1.3.29) adhyāyānāṃ śataṃ viṃśamevametadudīritam / ### [1.3.29\_2](https://indike.org/pramana/in.med.samhita.susruta.1.3.29_2) ataḥ paraṃ svanāmnaiva tantramuttaramucyate // ### [1.3.30](https://indike.org/pramana/in.med.samhita.susruta.1.3.30) adhikṛtya kṛtaṃ yasmāttantrametadupadravān / ### [1.3.30\_2](https://indike.org/pramana/in.med.samhita.susruta.1.3.30_2) opadravika ityeṣa tasyāgryatvānnirucyate // ### [1.3.31](https://indike.org/pramana/in.med.samhita.susruta.1.3.31) sandhau vartmani śukle ca kṛṣṇe sarvatra dṛṣṭiṣu / ### [1.3.31\_2](https://indike.org/pramana/in.med.samhita.susruta.1.3.31_2) saṃvijñānārthamadhyāyā gadānāṃ tu prati prati // ### [1.3.32](https://indike.org/pramana/in.med.samhita.susruta.1.3.32) cikitsāpravibhāgīyo vātābhiṣyandavāraṇaḥ / ### [1.3.32\_2](https://indike.org/pramana/in.med.samhita.susruta.1.3.32_2) paittasya ślaiṣmikasyāpi raudhirasya tathaiva ca / ### [1.3.33](https://indike.org/pramana/in.med.samhita.susruta.1.3.33) lekhyabhedyaniṣedhau ca chedyānāṃ vartmadṛṣṭiṣu / ### [1.3.33\_2](https://indike.org/pramana/in.med.samhita.susruta.1.3.33_2) kriyākalpo+abhighātaśca karṇotthāstaccikitsitam // ### [1.3.34](https://indike.org/pramana/in.med.samhita.susruta.1.3.34) ghrāṇotthānāṃ ca vijñānaṃ tadgadapratiṣedhanam / ### [1.3.34\_2](https://indike.org/pramana/in.med.samhita.susruta.1.3.34_2) pratiśyāyaniṣedhaśca śirogadavivecanam // ### [1.3.35](https://indike.org/pramana/in.med.samhita.susruta.1.3.35) cikitsā tadgadānāṃ ca śālākyaṃ tantramucyate / ### [1.3.35\_2](https://indike.org/pramana/in.med.samhita.susruta.1.3.35_2) navagrahākṛtijñānaṃ skandasya ca niṣedhanam // ### [1.3.36](https://indike.org/pramana/in.med.samhita.susruta.1.3.36) apasmāraśakunyośca revatyāśca punaḥ pṛthak / ### [1.3.36\_2](https://indike.org/pramana/in.med.samhita.susruta.1.3.36_2) pūtanāyāstathā+andhāyā maṇḍikā śītapūtanā // ### [1.3.37](https://indike.org/pramana/in.med.samhita.susruta.1.3.37) naigameśacikitsā ca grahotpattiḥ sayonijā / ### [1.3.37\_2](https://indike.org/pramana/in.med.samhita.susruta.1.3.37_2) kaumāratantramityetacchārīreṣu ca kīrtitam // ### [1.3.38](https://indike.org/pramana/in.med.samhita.susruta.1.3.38) jvarātisāraśoṣāṇāṃ gulmahṛdrogiṇāmapi / ### [1.3.38\_2](https://indike.org/pramana/in.med.samhita.susruta.1.3.38_2) pāṇḍūnāṃ raktapittasya mūrcchāyāḥ pānajāśca ye // ### [1.3.39](https://indike.org/pramana/in.med.samhita.susruta.1.3.39) tṛṣṇāyāśchardihikkānāṃ niṣedhaḥ śvāsakāsayoḥ / ### [1.3.39\_2](https://indike.org/pramana/in.med.samhita.susruta.1.3.39_2) svarabhedacikitsā ca kṛmyudāvartinoḥ prthak // ### [1.3.40](https://indike.org/pramana/in.med.samhita.susruta.1.3.40) visūcikārocakayormūtrāghātavikṛcchrayoḥ / ### [1.3.40\_2](https://indike.org/pramana/in.med.samhita.susruta.1.3.40_2) iti kāyacikitsāyāḥ śeṣamatra prakīrtitam // ### [1.3.41](https://indike.org/pramana/in.med.samhita.susruta.1.3.41) amānuṣaniṣedhaśca tathā+āpasmāriko+aparaḥ / ### [1.3.41\_2](https://indike.org/pramana/in.med.samhita.susruta.1.3.41_2) unmādapratiṣedhaśca bhūtavidyā nirucyate // ### [1.3.42](https://indike.org/pramana/in.med.samhita.susruta.1.3.42) rasabhedāḥ svasthavṛttiryuktayastāntrikāśca yāḥ / ### [1.3.42\_2](https://indike.org/pramana/in.med.samhita.susruta.1.3.42_2) doṣabhedā iti jñeyā adhyāyāstantrabhūṣaṇāḥ // ### [1.3.43](https://indike.org/pramana/in.med.samhita.susruta.1.3.43) śreṣṭhatvāduttaraṃ hyetattantramāhurmaharṣayaḥ / ### [1.3.43\_2](https://indike.org/pramana/in.med.samhita.susruta.1.3.43_2) bahvarthasaṃgrahācchreṣṭhamuttaraṃ cāpi paścimam // ### [1.3.44](https://indike.org/pramana/in.med.samhita.susruta.1.3.44) śālākyatantraṃ kaumāraṃ cikitsā kāyikī ca yā / ### [1.3.44\_2](https://indike.org/pramana/in.med.samhita.susruta.1.3.44_2) bhūtavidyeti catvāri tantre tūttarasaṃjñite // ### [1.3.45](https://indike.org/pramana/in.med.samhita.susruta.1.3.45) vājīkaraṃ cakitsāsu rasāyanavidhistathā / ### [1.3.45\_2](https://indike.org/pramana/in.med.samhita.susruta.1.3.45_2) viṣatantraṃ punaḥ kalpāḥ śalyajñānaṃ samantataḥ // ### [1.3.46](https://indike.org/pramana/in.med.samhita.susruta.1.3.46) ityaṣṭāṅgamidaṃ tantramādidevaprakāśitam / ### [1.3.46\_2](https://indike.org/pramana/in.med.samhita.susruta.1.3.46_2) vidhinā+adhītya yuñjānā bhavanti prāṇadā bhuvi // ### [1.3.47](https://indike.org/pramana/in.med.samhita.susruta.1.3.47) etaddhyavaśyamadhyeyaṃ adhītya ca karmāpyavaśyamupāsitavyaṃ ubhayajño hi bhiṣak rājārho bhavati // ### [1.3.48](https://indike.org/pramana/in.med.samhita.susruta.1.3.48) bhavanti cātra / ### [1.3.48\_2](https://indike.org/pramana/in.med.samhita.susruta.1.3.48_2) yastu kevalaśāstrajñaḥ karmasvapariniṣṭhitaḥ / ### [1.3.48\_3](https://indike.org/pramana/in.med.samhita.susruta.1.3.48_3) sa muhyatyāturaṃ prāpya prāpya bhīrurivāhavam // ### [1.3.49](https://indike.org/pramana/in.med.samhita.susruta.1.3.49) yastu karmasu niṣṇāto dhārṣṭyācchāstrabahiṣkṛtaḥ / ### [1.3.49\_2](https://indike.org/pramana/in.med.samhita.susruta.1.3.49_2) sa satsu pūjāṃ nāpnoti vadhaṃ cārhati rājataḥ // ### [1.3.50](https://indike.org/pramana/in.med.samhita.susruta.1.3.50) ubhāvetāvanipuṇāvasamarthau svakarmaṇi / ### [1.3.50\_2](https://indike.org/pramana/in.med.samhita.susruta.1.3.50_2) ardhavedadharāvetāvekapakṣāviva dvijau // ### [1.3.51](https://indike.org/pramana/in.med.samhita.susruta.1.3.51) oṣadhyo+amṛtakalpāstu śastrāśaniviṣopamāḥ / ### [1.3.51\_2](https://indike.org/pramana/in.med.samhita.susruta.1.3.51_2) bhavantyajñairupahṛtāstasmādetān vivarjayet // ### [1.3.52](https://indike.org/pramana/in.med.samhita.susruta.1.3.52) snehādiṣvanabhijñā ye chedyādiṣu ca karmasu / ### [1.3.52\_2](https://indike.org/pramana/in.med.samhita.susruta.1.3.52_2) te nihanti janaṃ lobhāt kuvaidyā nṛpadoṣataḥ // ### [1.3.53](https://indike.org/pramana/in.med.samhita.susruta.1.3.53) yastūbhayajño matimān sa samartho+arthasādhane / ### [1.3.53\_2](https://indike.org/pramana/in.med.samhita.susruta.1.3.53_2) āhave karma nirvoḍhuṃ dvicakraḥ syandano yathā // ### [1.3.54](https://indike.org/pramana/in.med.samhita.susruta.1.3.54) atha vatsa tadetadadhyeyaṃ tathā tathopadhāraya mayā procyamānaṃ atha śucaye kṛtottarāsaṅgāyāvyākulayopasthitāyādhyayanakāle śiṣyāya yathāśakti gururupadiśet padaṃ pādaṃ ślokaṃ vā te ca padapādaślokābhūyaḥ krameṇānusaṃdheyāḥ evamekaikaśo ghaṭayedātmanā cānupaṭhet adrutamavilambitamaviśaṇkitamananunāsikaṃ vyaktākṣramapīḍitavarṇamakṣibhruvauṣṭhahastairanabhinītaṃ susaṃskṛtaṃ nātyuccairnātinīcaiśca svaraiḥ paṭhet / na cāntareṇa kaścidvrajet tayoradhīyānayoḥ // ### [1.3.55](https://indike.org/pramana/in.med.samhita.susruta.1.3.55) bhavataścātra / ### [1.3.55\_2](https://indike.org/pramana/in.med.samhita.susruta.1.3.55_2) śucirguruparo dakṣastandrānidrāvivarjitaḥ / ### [1.3.55\_3](https://indike.org/pramana/in.med.samhita.susruta.1.3.55_3) paṭhannetena vidhinā śiṣyaḥ śāstrāntamāpnuyāt // ### [1.3.56](https://indike.org/pramana/in.med.samhita.susruta.1.3.56) vāksauṣṭhave+arthavijñāne prāgalbhye karmanaipuṇe / ### [1.3.56\_2](https://indike.org/pramana/in.med.samhita.susruta.1.3.56_2) tadabhyāse ca siddhau ca yatetādhyayanāntagaḥ // ### [1.3.56\_1](https://indike.org/pramana/in.med.samhita.susruta.1.3.56_1) iti suśrutasaṃhitāhaṃ sūtrasthāne+adhyayanasaṃpradānīyo nāma tṛtīyo+adhyāyaḥ // ## Commentaries (2) - [Bhānumatī](https://indike.org/pramana/in.med.samhita.susruta!cakrapani.3.2) — Cakrapāṇidatta, Sanskrit - [Nibandhasaṅgraha](https://indike.org/pramana/in.med.samhita.susruta!dalhana.4.12) — Ḍalhaṇa, Sanskrit ## Linked texts (2) - [Kāśyapasaṃhitā (Vṛddhajīvakīyatantra)](https://indike.org/pramana/in.med.kaumara.kasyapa.7.9.6) — Mārīca Kaśyapa & Vātsya, Sanskrit - [Āyurvedīya Hitopadeśa](https://indike.org/pramana/in.med.sangraha.samhitasara.ayurvediyahitopadesa.3.3-3) — Raṇajitrāya Desāī, Sanskrit --- Source: [https://indike.org/pramana/in.med.samhita.susruta.1.3](https://indike.org/pramana/in.med.samhita.susruta.1.3) · Pramāṇa