[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.44 # The Compendium of Suśruta 1.44: catuścatvāriṃśattamo+adhyāyaḥ / Suśrutasaṃhitā 1.44 - **Language:** Sanskrit ### catuścatvāriṃśattamo+adhyāyaḥ / ### [1.44.1](https://indike.org/pramana/in.med.samhita.susruta.1.44.1) athāto virecanadravyavikalpavijñānīyamadhyāyaṃ vyākhyāsyāmaḥ // ### [1.44.2](https://indike.org/pramana/in.med.samhita.susruta.1.44.2) yathovāca bhagavān dhanvantariḥ // ### [1.44.3](https://indike.org/pramana/in.med.samhita.susruta.1.44.3) aruṇābhaṃ trivṛnmūlaṃ śreṣṭhaṃ mūlavirecane / ### [1.44.3\_2](https://indike.org/pramana/in.med.samhita.susruta.1.44.3_2) pradhānaṃ tilvakastvakṣu phaleṣvapi harītakī // ### [1.44.4](https://indike.org/pramana/in.med.samhita.susruta.1.44.4) taileṣveraṇḍajaṃ tailaṃ svarase kāravellikā / ### [1.44.4\_2](https://indike.org/pramana/in.med.samhita.susruta.1.44.4_2) sudhāpayaḥ payaḥsūktamiti prādhānyasaṃgrahaḥ / ### [1.44.4\_3](https://indike.org/pramana/in.med.samhita.susruta.1.44.4_3) teṣāṃ vidhānaṃ vakṣyāmi yathāvadanupūrvaśaḥ // ### [1.44.5](https://indike.org/pramana/in.med.samhita.susruta.1.44.5) vairecanadravyarasānupītaṃ mūlaṃ mahattraivṛtamastadoṣam / ### [1.44.5\_2](https://indike.org/pramana/in.med.samhita.susruta.1.44.5_2) cūrṇīkṛtam saindhavanāgarāḍhyamamlaiḥ pibenmārutarogajuṣṭaḥ // ### [1.44.6](https://indike.org/pramana/in.med.samhita.susruta.1.44.6) ikṣorvikārairmadhurai rasaistat paitte gade kṣīrayutaṃ pibecca / ### [1.44.6\_2](https://indike.org/pramana/in.med.samhita.susruta.1.44.6_2) guḍūcyariṣṭatriphalārasena savyoṣamūtraṃ kaphaje pibettat // ### [1.44.7](https://indike.org/pramana/in.med.samhita.susruta.1.44.7) trivarṇakatryūṣaṇayuktametadguḍena lihyādanavena cūrṇam / ### [1.44.7\_2](https://indike.org/pramana/in.med.samhita.susruta.1.44.7_2) prasthe ca tanmūlarasasya dattvā tanmūlakalkaṃ kuḍavapramāṇam // ### [1.44.8](https://indike.org/pramana/in.med.samhita.susruta.1.44.8) karṣonmite saindhanāgare ca vipācya kalkīkṛtametadadyāt / ### [1.44.8\_2](https://indike.org/pramana/in.med.samhita.susruta.1.44.8_2) tatkalkabhāgaḥ samahauṣadhārdhaḥ sasaindhavo mūtrayutaśca peyaḥ // ### [1.44.9](https://indike.org/pramana/in.med.samhita.susruta.1.44.9) samāstrivṛnnāgarakābhayāḥ syurbhāgārdhakaṃ pūgaphalaṃ supakvam / ### [1.44.9\_2](https://indike.org/pramana/in.med.samhita.susruta.1.44.9_2) viḍaṅgasāro maricaṃ sadāru yogaḥ sasindhūdbhavamūtrayuktaḥ // ### [1.44.10](https://indike.org/pramana/in.med.samhita.susruta.1.44.10) virecanadravyabhavaṃ tu cūrṇaṃ rasena teṣāṃ bhiṣajā vimṛdya / ### [1.44.10\_2](https://indike.org/pramana/in.med.samhita.susruta.1.44.10_2) tanmūlasiddhena ca sarpiṣā+āktaṃ sevyaṃ tadājye guṭikīkṛtaṃ ca // ### [1.44.11](https://indike.org/pramana/in.med.samhita.susruta.1.44.11) guḍe ca pākābhimukhe nidhāya cūrṇīkṛtaṃ samyagidaṃ vipācya / ### [1.44.11\_2](https://indike.org/pramana/in.med.samhita.susruta.1.44.11_2) śītaṃ trijātāktamatho vimṛdya yogānurūpā guṭikāḥ prayogyāḥ // ### [1.44.12](https://indike.org/pramana/in.med.samhita.susruta.1.44.12) vairekīyadravyacūrṇasya bhāgaṃ siddhaṃ sārdhaṃ kvāthabhāgaiścaturbhiḥ / ### [1.44.12\_2](https://indike.org/pramana/in.med.samhita.susruta.1.44.12_2) āmṛdnīyāt sarpiṣā tacchṛtena tatkvāthoṣmasveditaṃ sāmitaṃ ca // ### [1.44.13](https://indike.org/pramana/in.med.samhita.susruta.1.44.13) pākaprāpte phāṇite cūrṇitaṃ tat kṣiptaṃ pakvaṃ cāvatārya prayatnāt / ### [1.44.13\_2](https://indike.org/pramana/in.med.samhita.susruta.1.44.13_2) śītībhūtā modakā hṛdyagandhāḥ kāryāstvete bhakṣyakalpāḥ samāsāt // ### [1.44.14](https://indike.org/pramana/in.med.samhita.susruta.1.44.14) rasena teṣāṃ paribhāvya mudgān yūṣaḥ sasindhūdbhavasarpiriṣṭaḥ / ### [1.44.14\_2](https://indike.org/pramana/in.med.samhita.susruta.1.44.14_2) vairecane+anyairapi vaidalaiḥ syādevaṃ vidadhyādvamanauṣadhaiśca // ### [1.44.15](https://indike.org/pramana/in.med.samhita.susruta.1.44.15) bhittvā dvidhekṣuṃ parilipya kalkaistribhaṇḍijātaiḥ pratibadhya rajjvā / ### [1.44.15\_2](https://indike.org/pramana/in.med.samhita.susruta.1.44.15_2) pakvaṃ ca samyak puṭapākayuktyā khādettu taṃ pittagadī suśītam // ### [1.44.16](https://indike.org/pramana/in.med.samhita.susruta.1.44.16) sitājagandhātvakkṣīrīvidārītrivṛtāḥ samāḥ / ### [1.44.16\_2](https://indike.org/pramana/in.med.samhita.susruta.1.44.16_2) lihyānmadhughṛtābhyāṃ tu tṛḍdāhajvaraśāntaye // ### [1.44.17](https://indike.org/pramana/in.med.samhita.susruta.1.44.17) śarkarākṣaudrasaṃyuktaṃ trivṛccūrṇāvacūrṇitam / ### [1.44.17\_2](https://indike.org/pramana/in.med.samhita.susruta.1.44.17_2) recanaṃ sukumārāṇāṃ tvakpatramaricāṃśakam // ### [1.44.18](https://indike.org/pramana/in.med.samhita.susruta.1.44.18) pacellehaṃ sitākṣaudrapalārdhakuḍavānvitam / ### [1.44.18\_2](https://indike.org/pramana/in.med.samhita.susruta.1.44.18_2) trivṛccūrṇayutaṃ śītaṃ pittaghnaṃ tadvirecanam // ### [1.44.19](https://indike.org/pramana/in.med.samhita.susruta.1.44.19) trivṛcchyāmākṣāraśuṇṭhīpippalīrmadhunā+āpnuyāt / ### [1.44.19\_2](https://indike.org/pramana/in.med.samhita.susruta.1.44.19_2) sarvaśleṣmavikārāṇāṃ śreṣṭhametadvirecanam // ### [1.44.20](https://indike.org/pramana/in.med.samhita.susruta.1.44.20) bījāḍhyapathyākāśmaryadhātrīdāḍimakolajān / ### [1.44.20\_2](https://indike.org/pramana/in.med.samhita.susruta.1.44.20_2) tailabhṛṣṭān rasānamlaphalairāvāpya sādhayet // ### [1.44.21](https://indike.org/pramana/in.med.samhita.susruta.1.44.21) ghanībhūtaṃ trisaugandhyaṃ trivṛtkṣaudrasamanvitam / ### [1.44.21\_2](https://indike.org/pramana/in.med.samhita.susruta.1.44.21_2) lehyametatkaphaprāyaiḥ sukumārairvirecanam // ### [1.44.22](https://indike.org/pramana/in.med.samhita.susruta.1.44.22) nīlītulyaṃ tvagelaṃ ca taistrivṛtsasitopalā / ### [1.44.22\_2](https://indike.org/pramana/in.med.samhita.susruta.1.44.22_2) cūrṇaṃ saṃtarpaṇaṃ kṣaudraphalāmlaṃ sannipātanut // ### [1.44.23](https://indike.org/pramana/in.med.samhita.susruta.1.44.23) trivṛcchyāmāsitākṛṣṇātriphalāmākṣikaiḥ samaiḥ / ### [1.44.23\_2](https://indike.org/pramana/in.med.samhita.susruta.1.44.23_2) modakāḥ sannipātordhvaraktapittajvarāpahāḥ // ### [1.44.24](https://indike.org/pramana/in.med.samhita.susruta.1.44.24) trivṛdbhāgāstrayaḥ proktāstriphalā tatsamā tathā / ### [1.44.24\_2](https://indike.org/pramana/in.med.samhita.susruta.1.44.24_2) kṣārakṛṣṇāviḍaṅgāni saṃcūrṇya madhusarpiṣā // ### [1.44.25](https://indike.org/pramana/in.med.samhita.susruta.1.44.25) lihyādguḍena guṭikāḥ kṛtvā vā+apyatha bhakṣayet / ### [1.44.25\_2](https://indike.org/pramana/in.med.samhita.susruta.1.44.25_2) kaphavātakṛtān gulmān plīhodarahalīmakān // ### [1.44.26](https://indike.org/pramana/in.med.samhita.susruta.1.44.26) hantyanyānapi cāpyetannirapāyaṃ virecanam / ### [1.44.26\_2](https://indike.org/pramana/in.med.samhita.susruta.1.44.26_2) cūrṇaṃ śyāmātrivṛnnīlī kaṭvī mustā durālabhā // ### [1.44.27](https://indike.org/pramana/in.med.samhita.susruta.1.44.27) cavyendrabījaṃ triphalā sarpirmāṃsarasāmbubhiḥ / ### [1.44.27\_2](https://indike.org/pramana/in.med.samhita.susruta.1.44.27_2) pītaṃ virecanaṃ taddhi rūkṣāṇāmapi śasyate // ### [1.44.28](https://indike.org/pramana/in.med.samhita.susruta.1.44.28) vairecanikaniḥkvāthabhāgāḥ śītāstrayo matāḥ / ### [1.44.28\_2](https://indike.org/pramana/in.med.samhita.susruta.1.44.28_2) dvau phāṇitasya taccāpi punaragnāvadhiśrayet // ### [1.44.29](https://indike.org/pramana/in.med.samhita.susruta.1.44.29) tat sādhusiddhaṃ vijñāya śītaṃ kṛtvā nidhāpayet / ### [1.44.29\_2](https://indike.org/pramana/in.med.samhita.susruta.1.44.29_2) kalase kṛtasaṃskāre vibhajyartū himāhimau // ### [1.44.30](https://indike.org/pramana/in.med.samhita.susruta.1.44.30) māsādūrdhvaṃ jātarasaṃ madhugandhaṃ varāsavam / ### [1.44.30\_2](https://indike.org/pramana/in.med.samhita.susruta.1.44.30_2) pibedasāveva vidhiḥ kṣāramūtrāsaveṣvapi // ### [1.44.31](https://indike.org/pramana/in.med.samhita.susruta.1.44.31) vairecanikamūlāṇāṃ kvāthe māṣān subhāvitān / ### [1.44.31\_2](https://indike.org/pramana/in.med.samhita.susruta.1.44.31_2) sudhautāṃstatkaṣāyeṇa śālīnāṃ cāpi taṇḍulān // ### [1.44.32](https://indike.org/pramana/in.med.samhita.susruta.1.44.32) avakṣudyaikataḥ piṇḍān kṛtvā śuṣkān sucūrṇitān / ### [1.44.32\_2](https://indike.org/pramana/in.med.samhita.susruta.1.44.32_2) śālitaṇḍulacūrṇaṃ ca tatkaṣāyoṣmasādhitam // ### [1.44.33](https://indike.org/pramana/in.med.samhita.susruta.1.44.33) tasya piṣṭasya bhāgāṃstrīn kiṇvabhāgavimiśritān / ### [1.44.33\_2](https://indike.org/pramana/in.med.samhita.susruta.1.44.33_2) maṇḍodakārthe kvāthaṃ ca dadyāttatsarvamekataḥ // ### [1.44.34](https://indike.org/pramana/in.med.samhita.susruta.1.44.34) nidadhyātkalase tāṃ tu surāṃ jātarasāṃ pibet / ### [1.44.34\_2](https://indike.org/pramana/in.med.samhita.susruta.1.44.34_2) eṣa eva surākalpo vamaneṣvapi kīrtitaḥ // ### [1.44.35](https://indike.org/pramana/in.med.samhita.susruta.1.44.35) mūlāni trivṛdādīnāṃ prathamasya gaṇasya ca / ### [1.44.35\_2](https://indike.org/pramana/in.med.samhita.susruta.1.44.35_2) mahataḥ pañcamūlasya mūrvāśārṅgaṣṭayorapi // ### [1.44.36](https://indike.org/pramana/in.med.samhita.susruta.1.44.36) sudhāṃ haimavatīṃ caiva triphalātiviṣe vacām / ### [1.44.36\_2](https://indike.org/pramana/in.med.samhita.susruta.1.44.36_2) saṃhṛtyaitāni bhāgau dvau kārayedekametayoḥ // ### [1.44.37](https://indike.org/pramana/in.med.samhita.susruta.1.44.37) kuryānniḥkvāthamekasminnekasmiṃścūrṇameva tu / ### [1.44.37\_2](https://indike.org/pramana/in.med.samhita.susruta.1.44.37_2) kṣuṇṇāṃstasmiṃstu niḥkvāthe bhāvayedbahuśo yavān // ### [1.44.38](https://indike.org/pramana/in.med.samhita.susruta.1.44.38) śuṣkāṇāṃ mṛdubhṛṣṭānāṃ teṣāṃ bhāgāstrayo matāḥ / ### [1.44.38\_2](https://indike.org/pramana/in.med.samhita.susruta.1.44.38_2) caturthaṃ bhāgamāvāpya cūrṇānāmanu(ā.tra)kīrtitam // ### [1.44.39](https://indike.org/pramana/in.med.samhita.susruta.1.44.39) prakṣipya kalase samyak samastaṃ tadanantaram / ### [1.44.39\_2](https://indike.org/pramana/in.med.samhita.susruta.1.44.39_2) teṣāmeva kaṣāyeṇa śītalena suyojitam // ### [1.44.40](https://indike.org/pramana/in.med.samhita.susruta.1.44.40) pūrvavatsannidadhyāttu jñeyaṃ sauvīrakaṃ hi tat / ### [1.44.40\_2](https://indike.org/pramana/in.med.samhita.susruta.1.44.40_2) pūrvoktaṃ vargamāhṛtya dvidhā kṛtvaikametayoḥ // ### [1.44.41](https://indike.org/pramana/in.med.samhita.susruta.1.44.41) bhāgaṃ saṃkṣudya saṃsṛjya yavaiḥ sthālyāmadhiśrayet / ### [1.44.41\_2](https://indike.org/pramana/in.med.samhita.susruta.1.44.41_2) ajaśṛṅgyāḥ kaṣāyeṇa tamabhyāsicya sādhayet // ### [1.44.42](https://indike.org/pramana/in.med.samhita.susruta.1.44.42) susiddhāṃścāvatāryaitānauṣadhibhyo vivecayet / ### [1.44.42\_2](https://indike.org/pramana/in.med.samhita.susruta.1.44.42_2) vimṛdya satuṣān samyak tatastān pūrvavanmitān // ### [1.44.43](https://indike.org/pramana/in.med.samhita.susruta.1.44.43) pūrvoktauṣadhabhāgasya cūrṇaṃ dattvā tu pūrvavat / ### [1.44.43\_2](https://indike.org/pramana/in.med.samhita.susruta.1.44.43_2) tenaiva saha yūṣeṇa kalase pūrvavatkṣipet // ### [1.44.44](https://indike.org/pramana/in.med.samhita.susruta.1.44.44) jñātvā jātarasaṃ cāpi tattuṣodakamādiśet / ### [1.44.44\_2](https://indike.org/pramana/in.med.samhita.susruta.1.44.44_2) tuṣāmbusauvīrakayorvidhireṣa prakīrtitaḥ // ### [1.44.45](https://indike.org/pramana/in.med.samhita.susruta.1.44.45) ṣaḍrātrāt saptarātrādvā te ca peye prakīrtite / ### [1.44.45\_2](https://indike.org/pramana/in.med.samhita.susruta.1.44.45_2) vairecaneṣu sarveṣu trivṛnmūlavidhiḥ smṛtaḥ // ### [1.44.46](https://indike.org/pramana/in.med.samhita.susruta.1.44.46) dantīdravantyormūlāni viśeṣānmṛtkuśāntare / ### [1.44.46\_2](https://indike.org/pramana/in.med.samhita.susruta.1.44.46_2) pippalīkṣaudrayutkāni svinnānyuddhṛtya śoṣayet // ### [1.44.47](https://indike.org/pramana/in.med.samhita.susruta.1.44.47) tatastrivṛdvidhānena yojayecchleṣmapittayoḥ / ### [1.44.47\_2](https://indike.org/pramana/in.med.samhita.susruta.1.44.47_2) tayoḥ kalkakaṣāyābhyāṃ cakratailaṃ vipācayet // ### [1.44.48](https://indike.org/pramana/in.med.samhita.susruta.1.44.48) sarpiśca pakvaṃ vīsarpakakṣādāhālajīrjayet / ### [1.44.48\_2](https://indike.org/pramana/in.med.samhita.susruta.1.44.48_2) mehagulmānilaśleṣmavibandhāṃstailameva ca // ### [1.44.49](https://indike.org/pramana/in.med.samhita.susruta.1.44.49) catuḥsnehaṃ śakṛcchukravātasaṃrodhajā rujaḥ / ### [1.44.49\_2](https://indike.org/pramana/in.med.samhita.susruta.1.44.49_2) dantīdravantīmaricakanakāhvayavāsakaiḥ // ### [1.44.50](https://indike.org/pramana/in.med.samhita.susruta.1.44.50) viśvabheṣajamṛdvīkācitrakairmūtrabhāvitam / ### [1.44.50\_2](https://indike.org/pramana/in.med.samhita.susruta.1.44.50_2) saptāhaṃ sarpiṣā cūrṇaṃ yojyametadvirecanam // ### [1.44.51](https://indike.org/pramana/in.med.samhita.susruta.1.44.51) jīrṇe santarpaṇaṃ kṣaudraṃ pittaśleṣmarujāpaham / ### [1.44.51\_2](https://indike.org/pramana/in.med.samhita.susruta.1.44.51_2) ajīrṇapārśvarukpāṇḍuplīhodaranibarhaṇam // ### [1.44.52](https://indike.org/pramana/in.med.samhita.susruta.1.44.52) guḍasyāṣṭapale pathyā viṃśatiḥ syuḥ palaṃ palam / ### [1.44.52\_2](https://indike.org/pramana/in.med.samhita.susruta.1.44.52_2) dantīcitrakayoḥ karṣau pippalītrivṛtordaśa // ### [1.44.53](https://indike.org/pramana/in.med.samhita.susruta.1.44.53) kṛtvaitānmodakānekaṃ daśame daśame+ahani / ### [1.44.53\_2](https://indike.org/pramana/in.med.samhita.susruta.1.44.53_2) tataḥ khādeduṣṇatoyasevī niryantraṇāstvime // ### [1.44.54](https://indike.org/pramana/in.med.samhita.susruta.1.44.54) doṣaghnā grahaṇīpāṇḍurogārśaḥkuṣṭhanāśanāḥ / ### [1.44.54\_2](https://indike.org/pramana/in.med.samhita.susruta.1.44.54_2) vyoṣaṃ trijātakaṃ mustā viḍaṅgāmalake tathā // ### [1.44.55](https://indike.org/pramana/in.med.samhita.susruta.1.44.55) navaitāni samāṃśāni trivṛdaṣṭaguṇāni vai / ### [1.44.55\_2](https://indike.org/pramana/in.med.samhita.susruta.1.44.55_2) ślakṣṇacūrṇīkṛtānīha dantībhāgadvayaṃ tathā // ### [1.44.56](https://indike.org/pramana/in.med.samhita.susruta.1.44.56) sarvāṇi cūrṇitānīha gālitāni vimiśrayet / ### [1.44.56\_2](https://indike.org/pramana/in.med.samhita.susruta.1.44.56_2) ṣaḍbhiśca śarkarābhāgairīṣatsaindhavamākṣikaiḥ // ### [1.44.57](https://indike.org/pramana/in.med.samhita.susruta.1.44.57) piṇḍitam bhakṣayitvā tu tataḥ śītāmbu pāyayet / ### [1.44.57\_2](https://indike.org/pramana/in.med.samhita.susruta.1.44.57_2) bastiruktṛḍjvaracchardiśoṣapāṇḍubhramāpaham // ### [1.44.58](https://indike.org/pramana/in.med.samhita.susruta.1.44.58) niryantraṇamidaṃ sarvaṃ viṣaghnaṃ tu virecanam / ### [1.44.58\_2](https://indike.org/pramana/in.med.samhita.susruta.1.44.58_2) rivṛdaṣṭakasaṃjño+ayaṃ praśastaḥ pittarogiṇām // ### [1.44.59](https://indike.org/pramana/in.med.samhita.susruta.1.44.59) bhakṣyaḥ kṣīrānupāno vā pittaśleṣmāturairnaraiḥ / ### [1.44.59\_2](https://indike.org/pramana/in.med.samhita.susruta.1.44.59_2) bhakṣyarūpasadharmatvādāḍhyeṣveva vidhīyate // ### [1.44.60](https://indike.org/pramana/in.med.samhita.susruta.1.44.60) tilvaksya tvacaṃ bāhyāmantarvalkavivarjitām / ### [1.44.60\_2](https://indike.org/pramana/in.med.samhita.susruta.1.44.60_2) cūrṇayitvā tu dvau bhāgau tatkaṣāyeṇa gālayet // ### [1.44.61](https://indike.org/pramana/in.med.samhita.susruta.1.44.61) tṛtīyaṃ bhāvitaṃ tena bhāgaṃ śuṣkaṃ tu bhāvitam / ### [1.44.61\_2](https://indike.org/pramana/in.med.samhita.susruta.1.44.61_2) daśamūlīkaṣāyeṇa trivṛdvatsaṃprayojayet // ### [1.44.62](https://indike.org/pramana/in.med.samhita.susruta.1.44.62) vidhānaṃ tvakṣu nirdiṣṭaṃ phalānāmatha vakṣyate / ### [1.44.62\_2](https://indike.org/pramana/in.med.samhita.susruta.1.44.62_2) harītakyāḥ phalaṃ tvasthivimuktaṃ doṣavarjitam // ### [1.44.63](https://indike.org/pramana/in.med.samhita.susruta.1.44.63) yojyaṃ trivṛdvidhānena sarvavyādhinibarhaṇam / ### [1.44.63\_2](https://indike.org/pramana/in.med.samhita.susruta.1.44.63_2) rasāyanaṃ paraṃ medhyaṃ duṣṭāntarvraṇaśodhanam // ### [1.44.64](https://indike.org/pramana/in.med.samhita.susruta.1.44.64) harītakī viḍaṅgāni saindhavaṃ nāgaraṃ trivṛt / ### [1.44.64\_2](https://indike.org/pramana/in.med.samhita.susruta.1.44.64_2) maricāni ca tatsarvaṃ gomūtreṇa virecanam // ### [1.44.65](https://indike.org/pramana/in.med.samhita.susruta.1.44.65) harītakī bhadradāru kuṣṭhaṃ pūgaphalaṃ tathā / ### [1.44.65\_2](https://indike.org/pramana/in.med.samhita.susruta.1.44.65_2) saindhavaṃ śṛṅgaveraṃ ca gomūtreṇa virecanam // ### [1.44.66](https://indike.org/pramana/in.med.samhita.susruta.1.44.66) nīlinīphalacūrṇaṃ ca nāgarābhayayostathā / ### [1.44.66\_2](https://indike.org/pramana/in.med.samhita.susruta.1.44.66_2) lihyādguḍena salilaṃ paścāduṣṇaṃ pibennaraḥ // ### [1.44.67](https://indike.org/pramana/in.med.samhita.susruta.1.44.67) pippalyādikaṣāyeṇa pibetpiṣṭāṃ harītakīm / ### [1.44.67\_2](https://indike.org/pramana/in.med.samhita.susruta.1.44.67_2) saindhavopahitāṃ sadya eṣa yogo virecayet // ### [1.44.68](https://indike.org/pramana/in.med.samhita.susruta.1.44.68) harītakī bhakṣyamāṇā nāgareṇa guḍena vā / ### [1.44.68\_2](https://indike.org/pramana/in.med.samhita.susruta.1.44.68_2) saidhavopahitā vā+api sātatyenāgnidīpanī // ### [1.44.69](https://indike.org/pramana/in.med.samhita.susruta.1.44.69) vātānulomanī vṛṣyā cendriyāṇāṃ prasādanī / ### [1.44.69\_2](https://indike.org/pramana/in.med.samhita.susruta.1.44.69_2) santarpaṇakṛtān rogān prāyo hanti harītakī // ### [1.44.70](https://indike.org/pramana/in.med.samhita.susruta.1.44.70) śītamāmalakaṃ rūkṣaṃ pittamedaḥkaphāpaham / ### [1.44.70\_2](https://indike.org/pramana/in.med.samhita.susruta.1.44.70_2) bibhītakamanuṣṇaṃ tu kaphapittanibarhaṇam // ### [1.44.71](https://indike.org/pramana/in.med.samhita.susruta.1.44.71) trīṇyapyamlakaṣāyāṇi satiktamadhurāṇi ca / ### [1.44.71\_2](https://indike.org/pramana/in.med.samhita.susruta.1.44.71_2) triphalā sarvarogaghnī tribhāgaghṛtamūrcchitā // ### [1.44.72](https://indike.org/pramana/in.med.samhita.susruta.1.44.72) vayasaḥ sthāpanaṃ cāpi kuryāt saṃtatasevitā / ### [1.44.72\_2](https://indike.org/pramana/in.med.samhita.susruta.1.44.72_2) harītakīvidhānena phalānyevaṃ prayojayet // ### [1.44.73](https://indike.org/pramana/in.med.samhita.susruta.1.44.73) virecanāni sarvāṇi viśeṣāccaturaṅgulāt / ### [1.44.73\_2](https://indike.org/pramana/in.med.samhita.susruta.1.44.73_2) phalaṃ kāle samuddhṛtya sikatāyāṃ nidhāpayet // ### [1.44.74](https://indike.org/pramana/in.med.samhita.susruta.1.44.74) saptāhamātape śuṣkaṃ tato majjānamuddharet / ### [1.44.74\_2](https://indike.org/pramana/in.med.samhita.susruta.1.44.74_2) tailaṃ grāhyaṃ jale paktvā tilavadvā prapīḍya ca // ### [1.44.75](https://indike.org/pramana/in.med.samhita.susruta.1.44.75) tasyopayogo bālānāṃ yāvadvarṣāṇi dvādaśa / ### [1.44.75\_2](https://indike.org/pramana/in.med.samhita.susruta.1.44.75_2) lihyāderaṇḍatailena kuṣṭhatrikaṭukānvitam // ### [1.44.76](https://indike.org/pramana/in.med.samhita.susruta.1.44.76) sukhodakaṃ cānupibedeṣa yogo virecayet / ### [1.44.76\_2](https://indike.org/pramana/in.med.samhita.susruta.1.44.76_2) eraṇḍatailaṃ triphalākvāthena triguṇena tu // ### [1.44.77](https://indike.org/pramana/in.med.samhita.susruta.1.44.77) yuktaṃ pītaṃ tathā kṣīrarasābhyāṃ tu virecayet / ### [1.44.77\_2](https://indike.org/pramana/in.med.samhita.susruta.1.44.77_2) bālavṛddhakṣatakṣīṇasukumāreṣu yojitam // ### [1.44.78](https://indike.org/pramana/in.med.samhita.susruta.1.44.78) phalānāṃ vidhiruddiṣṭaḥ kṣīrāṇāṃ śṛṇu suśruta / ### [1.44.78\_2](https://indike.org/pramana/in.med.samhita.susruta.1.44.78_2) virecanānāṃ tīkṣṇānāṃ payaḥ saudhaṃ paraṃ matam // ### [1.44.79](https://indike.org/pramana/in.med.samhita.susruta.1.44.79) ajñaprayuktaṃ taddhanti viṣavat karmavibhramāt / ### [1.44.79\_2](https://indike.org/pramana/in.med.samhita.susruta.1.44.79_2) vijānatā prayuktaṃ tu mahāntamapi saṃcayam // ### [1.44.80](https://indike.org/pramana/in.med.samhita.susruta.1.44.80) bhinattyāśveva doṣāṇāṃ rogān hanti ca dustarān / ### [1.44.80\_2](https://indike.org/pramana/in.med.samhita.susruta.1.44.80_2) mahatyāḥ pañcamūlyāstu bṛhatyoścaikaśaḥ pṛthak // ### [1.44.81](https://indike.org/pramana/in.med.samhita.susruta.1.44.81) kaṣāyaiḥ samabhāgaṃ tu tadaṅgārairviśoṣitam / ### [1.44.81\_2](https://indike.org/pramana/in.med.samhita.susruta.1.44.81_2) amlādimiḥ pūrvavattu prayojyaṃ kolasaṃmitam // ### [1.44.82](https://indike.org/pramana/in.med.samhita.susruta.1.44.82) mahāvṛkṣapayaḥ pītairyavāgūstaṇḍulaiḥ kṛtā / ### [1.44.82\_2](https://indike.org/pramana/in.med.samhita.susruta.1.44.82_2) pītā virecayatyāśu guḍenotkārikā kṛtā // ### [1.44.83](https://indike.org/pramana/in.med.samhita.susruta.1.44.83) leho vā sādhitaḥ samyak snuhīkṣīrapayoghṛtaiḥ / ### [1.44.83\_2](https://indike.org/pramana/in.med.samhita.susruta.1.44.83_2) bhāvitāstu snuhīkṣīre pippalyo lavaṇānvitāḥ // ### [1.44.84](https://indike.org/pramana/in.med.samhita.susruta.1.44.84) cūrṇaṃ kāmpillakaṃ vā+api tatpītaṃ guṭikīkṛtam / ### [1.44.84\_2](https://indike.org/pramana/in.med.samhita.susruta.1.44.84_2) saptalā śaṅkhinī dantī trivṛdāragvadhaṃ gavām // ### [1.44.85](https://indike.org/pramana/in.med.samhita.susruta.1.44.85) mūtreṇāplāvya saptāhaṃ snuhīkṣīre tataḥ param / ### [1.44.85\_2](https://indike.org/pramana/in.med.samhita.susruta.1.44.85_2) kīrṇaṃ tenaiva cūrṇena mālyaṃ vasanameva ca // ### [1.44.86](https://indike.org/pramana/in.med.samhita.susruta.1.44.86) āghrāyāvṛtya vā samyaṅnṛdukoṣṭho viricyate / ### [1.44.86\_2](https://indike.org/pramana/in.med.samhita.susruta.1.44.86_2) kṣīratvakadphalamūlānāṃ vidhānaiḥ parikīrtitaiḥ / ### [1.44.86\_3](https://indike.org/pramana/in.med.samhita.susruta.1.44.86_3) avekṣya samyagrogādīn yathāvadupayojayet // ### [1.44.87](https://indike.org/pramana/in.med.samhita.susruta.1.44.87) trivṛcchāṇamitāstisrastisraśca triphalātvacaḥ / ### [1.44.87\_2](https://indike.org/pramana/in.med.samhita.susruta.1.44.87_2) viḍaṅgapippalīkṣaraśāṇāstisraśca cūrṇitāḥ // ### [1.44.88](https://indike.org/pramana/in.med.samhita.susruta.1.44.88) lihyāt sarpirmadhubhyāṃ ca modakaṃ vā guḍena vā / ### [1.44.88\_2](https://indike.org/pramana/in.med.samhita.susruta.1.44.88_2) bhakṣayenniṣparīhārametacchreṣṭhaṃ virecanam // ### [1.44.89](https://indike.org/pramana/in.med.samhita.susruta.1.44.89) gulmān plīhodaram kāsaṃ halīmakamarocakam / ### [1.44.89\_2](https://indike.org/pramana/in.med.samhita.susruta.1.44.89_2) kaphavātakṛtāṃścānyān vyādhīnetadvyapohati // ### [1.44.90](https://indike.org/pramana/in.med.samhita.susruta.1.44.90) ghṛteṣu taileṣu payaḥsu cāpi madyeṣu mūtreṣu tathā raseṣu / ### [1.44.90\_2](https://indike.org/pramana/in.med.samhita.susruta.1.44.90_2) bhakṣyānnalehyeṣu ca teṣu teṣu virecanānyagramatirvidadhyāt // ### [1.44.91](https://indike.org/pramana/in.med.samhita.susruta.1.44.91) kṣīraṃ rasaḥ kalkamatho kaṣāyaḥ śṛtaśca śītaśca tathaiva phāṇṭam / ### [1.44.91\_2](https://indike.org/pramana/in.med.samhita.susruta.1.44.91_2) kalpāh ṣaḍete khalu bheṣajānāṃ yathottaraṃ te laghavaḥ pradiṣṭāḥ // ### [1.44.91\_1](https://indike.org/pramana/in.med.samhita.susruta.1.44.91_1) iti śrīsuśrutasaṃhitāyāṃ sūtrasthāne virecanadravyaviklpavijñānīyo nāma catuścatvāriṃśo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.46.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.46.11) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.44](https://indike.org/pramana/in.med.samhita.susruta.1.44) · Pramāṇa