[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.45 # The Compendium of Suśruta 1.45: pañcacatvāriṃśattamo+adhyāyaḥ / Suśrutasaṃhitā 1.45 - **Language:** Sanskrit ### pañcacatvāriṃśattamo+adhyāyaḥ / ### [1.45.1](https://indike.org/pramana/in.med.samhita.susruta.1.45.1) athāto dravadravyavidhimadhyāyaṃ vyākhyāsyāmaḥ // ### [1.45.2](https://indike.org/pramana/in.med.samhita.susruta.1.45.2) yathovāca bhagavān dhanvantariḥ // ### [1.45.3](https://indike.org/pramana/in.med.samhita.susruta.1.45.3) pānīyamāntarīkṣamanirdeśyarasamamṛtaṃ jīvaṇaṃ tarpaṇaṃ dhāraṇamāśvāsajananaṃ śramaklamapipāsāmadamūrcchātandrānidrādāhapraśamanamekāntataḥ pathyatamaṃ ca // ### [1.45.4](https://indike.org/pramana/in.med.samhita.susruta.1.45.4) tadevāvanipatitamanyatamaṃ rasamupalabhate sthānaviśeṣānnadīnadasarastaḍāgavāpīkūpacuṇṭīprasravaṇodbhidavikirakedārapalvalādiṣu sthāneṣvavasthitamiti // ### [1.45.5](https://indike.org/pramana/in.med.samhita.susruta.1.45.5) tatra lohitakapilapāṇḍunīlapītaśukleṣvavanipradeśeṣu madhurāmlalavaṇakaṭutiktakaṣāyāṇi yathāsaṅkhyamudakāni saṃbhavantītyeke bhāṣante // ### [1.45.6](https://indike.org/pramana/in.med.samhita.susruta.1.45.6) tattu na samyak / tatra pṛthivyādīnāmanyonyānupraveśakṛtaḥ salilaraso bhavatyuktarṣāpakarṣeṇa / tatra svalakṣaṇabhūyiṣṭhāyāṃ bhūmāvamlaṃ lavaṇaṃ ca ambuguṇabhūyiṣṭhāyāṃ madhuraṃ tejoguṇabhūyiṣṭhāyāṃ kaṭukaṃ tiktaṃ ca vāyuguṇabhūyiṣṭhāyāṃ kaṣāyaṃ ākāśaguṇabhūyiṣṭhāyāmavyaktarasaṃ avyaktaṃ hyākāśamityataḥ tat pradhānamavyaktarasatvāt tatpeyamāntarīkṣalābhe // ### [1.45.7](https://indike.org/pramana/in.med.samhita.susruta.1.45.7) tatrāntarīkṣaṃ caturvidham / tadyāthā dhāraṃ kāraṃ tauṣāraṃ haimamiti / teṣāṃ dhāraṃ pradhānaṃ laghutvāt tat punardvividhaṃ gāṅgaṃ sāmudraṃ ceti / tatra gāṅgamāśvayuje māsi prāyaśo varṣati / tayordvayorapi parīkṣaṇaṃ kurvīta śālyodanapiṇḍamakuthitamavidagdhaṃ rajatabhājanopahitaṃ varṣati deve bahiṣkurvīta sa yadi muhūrtam sthitastādṛśa eva bhavati tadā gāṅgaṃ patatītyavagantavyaṃ varṇānyatve sikthapraklede ca sāmudramiti vidyāt tannopādeyam / sāmudramapyāśvayuje māsi gṛhītaṃ gāṅgavadbhavati / gāṅgaṃ punaḥ pradhānaṃ tadupādadītāśvayuje māsi / śuciśuklavitatapaṭaikadeśacyutamathavā harmyatalaparibhraṣṭamanyairvā śucibhirbhājanairgṛhītaṃ sauvarṇe rajate mṛnmaye vā pātre nidadhyāt / tatsarvakālamupayuñjīta tasyālābhe bhaumam / taccākāśaguṇabahulam / tat punaḥ saptavidham / tadyathā kaupaṃ nādeyaṃ sārasaṃ tāḍāgaṃ prāsravaṇaṃ audbhidaṃ cauṇṭyamiti // ### [1.45.8](https://indike.org/pramana/in.med.samhita.susruta.1.45.8) tatra varṣāsvāntarikṣamaudbhidaṃ vā seveta mahāguṇatvāt śaradi sarvaṃ prasannatvāt hemante sārasaṃ tāḍāgaṃ vā vasante kaupaṃ prāsravaṇaṃ vā grīṣme+apyevaṃ prāvṛṣi cauṇṭyamanabhivṛṣṭaṃ sarvaṃ ceti // ### [1.45.9](https://indike.org/pramana/in.med.samhita.susruta.1.45.9) kīṭamūtrapurīṣāṇḍaśavakothapradūṣitam / ### [1.45.9\_2](https://indike.org/pramana/in.med.samhita.susruta.1.45.9_2) tṛṇaparṇotkarayutaṃ kaluṣaṃ viṣasaṃyutam // ### [1.45.10](https://indike.org/pramana/in.med.samhita.susruta.1.45.10) yo+avagāheta varṣāsu pibedvā+api navaṃ jalam / ### [1.45.10\_2](https://indike.org/pramana/in.med.samhita.susruta.1.45.10_2) sa bāhyābhyantarān rogān prāpnuyāt kṣiprameva tu // ### [1.45.11](https://indike.org/pramana/in.med.samhita.susruta.1.45.11) tatra yat paṅkaśaivalahaṭatṛṇapadmapatraprabhṛtibhiravacchannaṃ śaśisūryakiraṇānilairnābhijuṣṭaṃ gandhavarṇarasopasṛṣṭaṃ ca tadvyāpannamiti vidyāt / tasya sparśarūparasagandhavīryavipākadoṣāḥ ṣaṭ saṃbhavanti / tatra kharatā paicchilyamauṣṇyaṃ dantagrāhitā ca sparśadoṣaḥ paṅkasikatāśaivālabbahuvarṇatā rūpadoṣaḥ vyaktarasatā rasadoṣaḥ aniṣṭagandhatā gandhadoṣaḥ yadupayuktaṃ tṛṣṇāgauravaśūlakaphaprasekānāpādayati sa vīryadoṣaḥ yadupayuktaṃ cirādvipacyate viṣṭambhayati vā sa vipākadoṣa iti / ta ete āntarikṣe na santi // ### [1.45.12](https://indike.org/pramana/in.med.samhita.susruta.1.45.12) vyāpannasya cāgnikvathanaṃ sūryātapapratāpanaṃ taptāyaḥpiṇḍasikatāloṣṭrāṇāṃ vā nirvāpaṇaṃ prasādanaṃ ca kartavyaṃ nāgacampakotpalapāṭalāpuṣpaprabhṛtibhiścādhivāsanamiti // ### [1.45.13](https://indike.org/pramana/in.med.samhita.susruta.1.45.13) sauvarṇe rājate tāmre kāṃsye maṇimaye+api vā / ### [1.45.13\_2](https://indike.org/pramana/in.med.samhita.susruta.1.45.13_2) puṣpāvataṃsaṃ bhaume vā sugandhi salilaṃ pibet // ### [1.45.14](https://indike.org/pramana/in.med.samhita.susruta.1.45.14) vyāpannaṃ varjayennityaṃ toyaṃ yaccāpyanārtavam / ### [1.45.14\_2](https://indike.org/pramana/in.med.samhita.susruta.1.45.14_2) doṣasaṃjananaṃ hyetannādadītāhitaṃ tu tat // ### [1.45.15](https://indike.org/pramana/in.med.samhita.susruta.1.45.15) vyāpannam salilaṃ yastu pibatīhāprasādhitam / ### [1.45.15\_2](https://indike.org/pramana/in.med.samhita.susruta.1.45.15_2) śvayathuṃ pāṇḍurogaṃ ca tvagdoṣamavipākatām // ### [1.45.16](https://indike.org/pramana/in.med.samhita.susruta.1.45.16) śvāsakāsapratiśyāyaśūlagulmodarāṇi ca / ### [1.45.16\_2](https://indike.org/pramana/in.med.samhita.susruta.1.45.16_2) anyānvā viṣamānrogānprāpnuyādacireṇa saḥ // ### [1.45.17](https://indike.org/pramana/in.med.samhita.susruta.1.45.17) tatra sapta kaluṣasya prasādanāni bhavanti / tadyathā katakagomedakabisagranthiśaivālamūlavastrāṇi muktāmaṇiśceti // ### [1.45.18](https://indike.org/pramana/in.med.samhita.susruta.1.45.18) pañca nikṣepaṇāni bhavanti / tadyathā phalakaṃ tryaṣṭakaṃ muñjavalaya udakamañcikā śikyaṃ ceti // ### [1.45.19](https://indike.org/pramana/in.med.samhita.susruta.1.45.19) sapta śītīkaraṇāni bhavanti pravātasthāpanaṃ udakaprakṣepaṇaṃ yaṣṭikābhrāmaṇaṃ vyajanaṃ vastroddharaṇaṃ vālukāprakṣepaṇaṃ śikyāvalambanaṃ ceti // ### [1.45.20](https://indike.org/pramana/in.med.samhita.susruta.1.45.20) nirgandhamavyaktarasaṃ tṛṣṇāghnaṃ śuci śītalam / ### [1.45.20\_2](https://indike.org/pramana/in.med.samhita.susruta.1.45.20_2) acchaṃ laghu ca hṛdyaṃ ca toyaṃ guṇavaducyate // ### [1.45.21](https://indike.org/pramana/in.med.samhita.susruta.1.45.21) tatra nadyaḥ paścimābhimukhāḥ pathyāḥ laghūdakatvāt pūrvābhimukhāstu na praśasyante gurūdakatvāt dakṣiṇābhimukhā nā+atidoṣalāḥ sādhāraṇatvāt / tatra sahyaprabhavāḥ kuṣṭhaṃ janayanti vindhyaprabhavāḥ kuṣṭhaṃ pāṇḍurogaṃ ca malayaprabhavāḥ kṛmīn mahendraprabhavāḥ ślīpadodarāṇi himavatprabhavā hṛdrogaśvayathuśirorogaślīpadagalagaṇḍān prācyāvantyā aparāvantyāścārśāṃsyupajanayanti pāriyātraprabhavāḥ pathyā balārogyakarya iti // ### [1.45.22](https://indike.org/pramana/in.med.samhita.susruta.1.45.22) nadyaḥ śīghravahā laghvyaḥ proktā yāścāmalodakāḥ / ### [1.45.22\_2](https://indike.org/pramana/in.med.samhita.susruta.1.45.22_2) gurvyaḥ śaivālasaṃcchannāḥ kaluṣā mandagāśca yāḥ // ### [1.45.23](https://indike.org/pramana/in.med.samhita.susruta.1.45.23) prāyeṇa nadyo maruṣu satiktā lavaṇānvitāḥ / ### [1.45.23\_2](https://indike.org/pramana/in.med.samhita.susruta.1.45.23_2) laghvyaḥ samadhurāścaiva pauruṣeyā bale hitāḥ // ### [1.45.24](https://indike.org/pramana/in.med.samhita.susruta.1.45.24) tatra sarveṣāṃ bhaumānāṃ grahaṇaṃ pratyūṣasi tatra hyamalatvaṃ śaityaṃ cādhikaṃ bhavati sa eva cāpāṃ paro guṇa iti // ### [1.45.25](https://indike.org/pramana/in.med.samhita.susruta.1.45.25) divārkakiraṇairjuṣṭaṃ niśāyāminduraśmibhiḥ / ### [1.45.25\_2](https://indike.org/pramana/in.med.samhita.susruta.1.45.25_2) arūkṣamanabhiṣyandi tattulyaṃ gaganāmbunā // ### [1.45.26](https://indike.org/pramana/in.med.samhita.susruta.1.45.26) gaganāmbu tridoṣaghnaṃ gṛhītaṃ yat subhājane / ### [1.45.26\_2](https://indike.org/pramana/in.med.samhita.susruta.1.45.26_2) balyaṃ rasāyanaṃ medhyaṃ pātrāpekṣi tataḥ param // ### [1.45.27](https://indike.org/pramana/in.med.samhita.susruta.1.45.27) rakṣoghnaṃ śītalaṃ hlādi jvaradāhaviṣāpaham / ### [1.45.27\_2](https://indike.org/pramana/in.med.samhita.susruta.1.45.27_2) candrakāntodbhavaṃ vāri pittaghnaṃ vimalaṃ smṛtam // ### [1.45.28](https://indike.org/pramana/in.med.samhita.susruta.1.45.28) mūrcchāpittoṣṇadāheṣu viṣe rakte madatyaye / ### [1.45.28\_2](https://indike.org/pramana/in.med.samhita.susruta.1.45.28_2) bhramaklamaparīteṣu tamake vamathau tathā // ### [1.45.29](https://indike.org/pramana/in.med.samhita.susruta.1.45.29) ūrdhvage raktapitte ca śītamambhaḥ praśasyate / ### [1.45.29\_2](https://indike.org/pramana/in.med.samhita.susruta.1.45.29_2) prārśvaśūle pratiśyāye vātaroge galagrahe // ### [1.45.30](https://indike.org/pramana/in.med.samhita.susruta.1.45.30) ādhmāne stimite loṣṭhe sadyaḥśuddhe navajvare / ### [1.45.30\_2](https://indike.org/pramana/in.med.samhita.susruta.1.45.30_2) hikkāyāṃ snehapite ca śītāmbu parivarjayet // ### [1.45.31](https://indike.org/pramana/in.med.samhita.susruta.1.45.31) nādeyaṃ vātalaṃ rūkṣaṃ dīpanaṃ laghu lekhanam / ### [1.45.31\_2](https://indike.org/pramana/in.med.samhita.susruta.1.45.31_2) tadabhiṣyandi madhuraṃ sāndraṃ guru kaphāvaham // ### [1.45.32](https://indike.org/pramana/in.med.samhita.susruta.1.45.32) tṛṣṇāghnaṃ sārasaṃ balyaṃ kaṣāyaṃ madhuraṃ laghu / ### [1.45.32\_2](https://indike.org/pramana/in.med.samhita.susruta.1.45.32_2) tāḍāgaṃ vātalaṃ svādu kaṣāyaṃ kaṭupāki ca // ### [1.45.33](https://indike.org/pramana/in.med.samhita.susruta.1.45.33) vātaśleṣmaharam vāpyaṃ sakṣāraṃ kaṭu pittalam / ### [1.45.33\_2](https://indike.org/pramana/in.med.samhita.susruta.1.45.33_2) sakṣāraṃ pittalaṃ kaupaṃ śleṣmaghnaṃ dīpanaṃ laghu // ### [1.45.34](https://indike.org/pramana/in.med.samhita.susruta.1.45.34) cauṇṭyamagnikaraṃ rūkṣaṃ madhuraṃ kaphakṛnna ca / ### [1.45.34\_2](https://indike.org/pramana/in.med.samhita.susruta.1.45.34_2) kaphaghnaṃ dīpanaṃ hṛdyaṃ laghu prasravaṇodbhavam // ### [1.45.35](https://indike.org/pramana/in.med.samhita.susruta.1.45.35) madhuraṃ pittaśamanamavidāhyaudbhidaṃ smṛtam / ### [1.45.35\_2](https://indike.org/pramana/in.med.samhita.susruta.1.45.35_2) vaikiraṃ kaṭu sakṣāraṃ śleṣmaghnaṃ laghu dīpanam // ### [1.45.36](https://indike.org/pramana/in.med.samhita.susruta.1.45.36) kaidāraṃ madhuraṃ proktaṃ vipāke guru doṣalam / ### [1.45.36\_2](https://indike.org/pramana/in.med.samhita.susruta.1.45.36_2) tadvatpālvalamuddiṣṭaṃ viśeṣāddoṣalaṃ tu tat // ### [1.45.37](https://indike.org/pramana/in.med.samhita.susruta.1.45.37) sāmudramudakaṃ visraṃ lavaṇaṃ sarvadoṣakṛt / ### [1.45.37\_2](https://indike.org/pramana/in.med.samhita.susruta.1.45.37_2) anekadoṣamānūpaṃ vāryabhiṣyandi garihitam // ### [1.45.38](https://indike.org/pramana/in.med.samhita.susruta.1.45.38) ebhirdoṣairasaṃyuktaṃ niravadyaṃ tu jāṅgalam / ### [1.45.38\_2](https://indike.org/pramana/in.med.samhita.susruta.1.45.38_2) pāke+avidāhi tṛṣṇāghnaṃ praśastaṃ prītivardhanaram // ### [1.45.39](https://indike.org/pramana/in.med.samhita.susruta.1.45.39) dīpanaṃ svādu śītaṃ ca toyaṃ sādhāraṇaṃ laghu / ### [1.45.39\_2](https://indike.org/pramana/in.med.samhita.susruta.1.45.39_2) kaphamedo+anilāmaghnaṃ dīpanaṃ bastiśodhanam // ### [1.45.40](https://indike.org/pramana/in.med.samhita.susruta.1.45.40) śvāsakāsajvaraharaṃ pathyamuṣṇodakaṃ sadā / ### [1.45.40\_2](https://indike.org/pramana/in.med.samhita.susruta.1.45.40_2) yat kvāthyamānaṃ nirvegaṃ viṣphenaṃ nirmalaṃ laghu // ### [1.45.41](https://indike.org/pramana/in.med.samhita.susruta.1.45.41) caturbhāgāvaśeṣaṃ tu tattoyaṃ guṇavat smṛtam / ### [1.45.41\_2](https://indike.org/pramana/in.med.samhita.susruta.1.45.41_2) na ca paryuṣitaṃ deyaṃ kadācidvāri jānatā // ### [1.45.42](https://indike.org/pramana/in.med.samhita.susruta.1.45.42) amlībhūtaṃ kaphotkleśi na hitaṃ tat pipāsave / ### [1.45.42\_2](https://indike.org/pramana/in.med.samhita.susruta.1.45.42_2) madyapānātsamudbhūte roge pittotthite tathā // ### [1.45.43](https://indike.org/pramana/in.med.samhita.susruta.1.45.43) sanīpātasamutthe ca śṛtaśītaṃ praśasyate / ### [1.45.43\_2](https://indike.org/pramana/in.med.samhita.susruta.1.45.43_2) snigdhaṃ svādu himaṃ hṛdyaṃ dīpanaṃ bistiśodhanam // ### [1.45.44](https://indike.org/pramana/in.med.samhita.susruta.1.45.44) vṛṣyaṃ pittapipāsāghnaṃ nārikelodakaṃ guru / ### [1.45.44\_2](https://indike.org/pramana/in.med.samhita.susruta.1.45.44_2) dāhātīsārapittāsṛṅnūrcchāmadyaviṣārtiṣu // ### [1.45.45](https://indike.org/pramana/in.med.samhita.susruta.1.45.45) śṛtaśītaṃ jalaṃ śastaṃ tṛṣṇācchardibhrameṣu ca / ### [1.45.45\_2](https://indike.org/pramana/in.med.samhita.susruta.1.45.45_2) arocake pratiśyāye praseke śvayathau kṣaye // ### [1.45.46](https://indike.org/pramana/in.med.samhita.susruta.1.45.46) mande+agnāvudare kuṣṭhe jvare netrāmaye tathā / ### [1.45.46\_2](https://indike.org/pramana/in.med.samhita.susruta.1.45.46_2) vraṇe ca madhumehe ca pānīyaṃ mandamācaret // ### [1.45.46\_3](https://indike.org/pramana/in.med.samhita.susruta.1.45.46_3) iti jalavargaḥ / ### [1.45.47](https://indike.org/pramana/in.med.samhita.susruta.1.45.47) atha kṣīravargaḥ / ### [1.45.47\_2](https://indike.org/pramana/in.med.samhita.susruta.1.45.47_2) gavyamājaṃ tathā cauṣṭramāvikaṃ māhiṣaṃ ca yat / ### [1.45.47\_3](https://indike.org/pramana/in.med.samhita.susruta.1.45.47_3) aśvāyāścaiva nāryāśca kareṇūnāṃ ca yatpayaḥ // ### [1.45.48](https://indike.org/pramana/in.med.samhita.susruta.1.45.48) tattvanekauṣadhirasaprasādaṃ prāṇadaṃ guru / ### [1.45.48\_2](https://indike.org/pramana/in.med.samhita.susruta.1.45.48_2) madhuraṃ picchilaṃ śītaṃ snigdhaṃ ślakṣṇaṃ saraṃ mṛdu / ### [1.45.48\_3](https://indike.org/pramana/in.med.samhita.susruta.1.45.48_3) sarvaprāṇabhṛtāṃ tasmāt sātmyaṃ kṣīramihocyate /// ### [1.45.49](https://indike.org/pramana/in.med.samhita.susruta.1.45.49) tatra sarvameva kṣīraṃ prāṇināmapratiṣiddhaṃ jātisātmyāt vātapittaśoṇitamānaseṣvapi vikāreṣuvaviruddhaṃ jīrṇajvarakāsaśvāsaśoṣakṣayagulmonmādodaramūrcchābhramamadadāhapipāsāhṛdbastidoṣapāṇḍurogagrahaṇīdoṣārśaḥśūlodāvartātisārapravāhikāyonirogagarbhāsrāvaraktapittaśramaklamaharaṃ pāpmāpahaṃ balyaṃ vṛṣyaṃ vājīkaraṇaṃ rasāyanaṃ medhyaṃ sandhānamāsthāpanaṃ vayaḥsthāpanamāyuṣyaṃ jīvanaṃ bṛṃhaṇaṃ vamanavirecanāsthāpanaṃ tulyaguṇatvāccaujaso vardhanaṃ bālavṛddhakṣatakṣīṇānāṃ kṣudvyavāyavyāyāmakarśitānāṃ ca pathyatamam // ### [1.45.50](https://indike.org/pramana/in.med.samhita.susruta.1.45.50) alpābhiṣyandi gokṣīraṃ snigdhaṃ guru rasāyanam / ### [1.45.50\_2](https://indike.org/pramana/in.med.samhita.susruta.1.45.50_2) raktapittaharaṃ śītaṃ madhuraṃ rasapākayoḥ // ### [1.45.51](https://indike.org/pramana/in.med.samhita.susruta.1.45.51) jīvanīyaṃ tathā vātapittaghnaṃ paramaṃ smṛtam / ### [1.45.51\_2](https://indike.org/pramana/in.med.samhita.susruta.1.45.51_2) gavyatulyaguṇaṃ tvājaṃ viśeṣācchoṣiṇāṃ hitam // ### [1.45.52](https://indike.org/pramana/in.med.samhita.susruta.1.45.52) dīpanaṃ laghu saṃgrāhi śvāsakāsāsrapittanut / ### [1.45.52\_2](https://indike.org/pramana/in.med.samhita.susruta.1.45.52_2) ajānāmalpakāyatvāt kaṭutiktaniṣevaṇāt // ### [1.45.53](https://indike.org/pramana/in.med.samhita.susruta.1.45.53) nātyambupānādvyāyāmātsarvavyādhiharaṃ payaḥ / ### [1.45.53\_2](https://indike.org/pramana/in.med.samhita.susruta.1.45.53_2) rūkṣoṣṇaṃ lavaṇaṃ kiṃcidauṣṭraṃ svādurasaṃ laghu // ### [1.45.54](https://indike.org/pramana/in.med.samhita.susruta.1.45.54) śophagulmodarārśoghnaṃ kṛmikuṣṭhaviṣāpaham / ### [1.45.54\_2](https://indike.org/pramana/in.med.samhita.susruta.1.45.54_2) āvikaṃ madhuraṃ snigdhaṃ guru pittakaphāvaham // ### [1.45.55](https://indike.org/pramana/in.med.samhita.susruta.1.45.55) pathyaṃ kevalavāteṣu kāse cānilasaṃbhave / ### [1.45.55\_2](https://indike.org/pramana/in.med.samhita.susruta.1.45.55_2) mahābhiṣyandi madhuraṃ māhiṣaṃ vahnināśanam // ### [1.45.56](https://indike.org/pramana/in.med.samhita.susruta.1.45.56) nidrākaraṃ śītataraṃ gavyāt snigdhataraṃ guru / ### [1.45.56\_2](https://indike.org/pramana/in.med.samhita.susruta.1.45.56_2) uṣṇamaikaśaphaṃ balyaṃ śākhāvātaharaṃ payaḥ // ### [1.45.57](https://indike.org/pramana/in.med.samhita.susruta.1.45.57) madhurāmlagsaṃ rūkṣaṃ lavaṇānurasaṃ laghu / ### [1.45.57\_2](https://indike.org/pramana/in.med.samhita.susruta.1.45.57_2) nāryāstu madhruaṃ stanyaṃ kaṣāyānurasaṃ himam // ### [1.45.58](https://indike.org/pramana/in.med.samhita.susruta.1.45.58) nasyāścayotanayoḥ pathyaṃ jīvanaṃ laghu dīpanam / ### [1.45.58\_2](https://indike.org/pramana/in.med.samhita.susruta.1.45.58_2) hastinyā madhuraṃ vṛṣyaṃ kaṣāyānurasaṃ guru // ### [1.45.59](https://indike.org/pramana/in.med.samhita.susruta.1.45.59) snigdhaṃ sthairyakaraṃ śītaṃ cakṣuṣyaṃ balavardhanam / ### [1.45.59\_2](https://indike.org/pramana/in.med.samhita.susruta.1.45.59_2) prāyaḥ prābhātikaṃ kṣīraṃ guru viṣṭambhi śītalam // ### [1.45.60](https://indike.org/pramana/in.med.samhita.susruta.1.45.60) rātryāḥ somaguṇatvācca vyāyāmābhāvatastathā / ### [1.45.60\_2](https://indike.org/pramana/in.med.samhita.susruta.1.45.60_2) divākarābhitaptānāṃ vyāyāmānilasevanāt // ### [1.45.61](https://indike.org/pramana/in.med.samhita.susruta.1.45.61) vātānulomi śrāntighnaṃ cakṣuṣyaṃ cāparāhṇikam / ### [1.45.61\_2](https://indike.org/pramana/in.med.samhita.susruta.1.45.61_2) payo+abhiṣyandi gurvāmaṃ prāyaśaḥ parikīrtitam // ### [1.45.62](https://indike.org/pramana/in.med.samhita.susruta.1.45.62) tadevoktaṃ laghutaramanabhiṣyandi vai śṛtam / ### [1.45.62\_2](https://indike.org/pramana/in.med.samhita.susruta.1.45.62_2) varjayitvā striyāḥ stanyamāmameva hi taddhitam // ### [1.45.63](https://indike.org/pramana/in.med.samhita.susruta.1.45.63) dhāroṣṇaṃ guṇavat kṣīraṃ viparītamato+anyathā / ### [1.45.63\_2](https://indike.org/pramana/in.med.samhita.susruta.1.45.63_2) tadevātiśṛtaṃ śītaṃ guru bṛṃhaṇamucyate // ### [1.45.64](https://indike.org/pramana/in.med.samhita.susruta.1.45.64) aniṣṭagandhamamlaṃ ca vivarṇaṃ virasaṃ ca yat / ### [1.45.64\_2](https://indike.org/pramana/in.med.samhita.susruta.1.45.64_2) varjyaṃ salavaṇaṃ kṣīraṃ tacca vigrathitaṃ bhavet // ### [1.45.65](https://indike.org/pramana/in.med.samhita.susruta.1.45.65) dadhi tu madhuramamlamatyamlaṃ ceti tatkaṣāyānurasaṃ snigdhamuṣṇaṃ pīnasaviṣamajvarātisārārocakamūtrakṛcchrakārśyāpahaṃ vṛṣyam prāṇakaraṃ maṅgalyaṃ ca // ### [1.45.66](https://indike.org/pramana/in.med.samhita.susruta.1.45.66) mahābhiṣyandi madhuraṃ kaphamedovivardhanam / ### [1.45.66\_2](https://indike.org/pramana/in.med.samhita.susruta.1.45.66_2) kaphapittakṛdamlaṃ syādatyamlaṃ raktadūṣaṇam // ### [1.45.67](https://indike.org/pramana/in.med.samhita.susruta.1.45.67) vidāhi sṛṣṭaviṇmūtraṃ mandajātaṃ tridoṣakṛt / ### [1.45.67\_2](https://indike.org/pramana/in.med.samhita.susruta.1.45.67_2) snigdhaṃ vipāke madhuraṃ dīpanaṃ balavardhanam // ### [1.45.68](https://indike.org/pramana/in.med.samhita.susruta.1.45.68) vātāpaham pavitraṃ ca dadhi gavyaṃ rucipradam / ### [1.45.68\_2](https://indike.org/pramana/in.med.samhita.susruta.1.45.68_2) dadhyājaṃ kaphapittaghnaṃ laghu vātakṣayāpaham // ### [1.45.69](https://indike.org/pramana/in.med.samhita.susruta.1.45.69) durnāmaśvāsakāseṣu hitamagneśca dīpanam / ### [1.45.69\_2](https://indike.org/pramana/in.med.samhita.susruta.1.45.69_2) vipāke madhuraṃ vṛṣyaṃ vātapittaprasādanam // ### [1.45.70](https://indike.org/pramana/in.med.samhita.susruta.1.45.70) balāsavardhanaṃ snigdhaṃ viśeṣāddadhi māhiṣam / ### [1.45.70\_2](https://indike.org/pramana/in.med.samhita.susruta.1.45.70_2) vipāke kaṭu sakṣāraṃ guru bhedyauṣṭrikaṃ dadhi // ### [1.45.71](https://indike.org/pramana/in.med.samhita.susruta.1.45.71) vātamarśāṃsi kuṣṭhāni kṛmīn hantyudarāṇi ca / ### [1.45.71\_2](https://indike.org/pramana/in.med.samhita.susruta.1.45.71_2) kopanaṃ kaphavātānāṃ durnāmnāṃ cāvikaṃ dadhi // ### [1.45.72](https://indike.org/pramana/in.med.samhita.susruta.1.45.72) rase pāke ca madhuramatyabhiṣyandi doṣalam / ### [1.45.72\_2](https://indike.org/pramana/in.med.samhita.susruta.1.45.72_2) dīpanīyamacakṣuṣyaṃ vāḍavaṃ dadhi vātalam // ### [1.45.73](https://indike.org/pramana/in.med.samhita.susruta.1.45.73) rūkṣamuṣṇaṃ kaṣāyaṃ ca kaphamūtrāpahaṃ ca tat / ### [1.45.73\_2](https://indike.org/pramana/in.med.samhita.susruta.1.45.73_2) snigdhaṃ vipāke madhuraṃ balyaṃ santarpaṇaṃ guru // ### [1.45.74](https://indike.org/pramana/in.med.samhita.susruta.1.45.74) cakṣuṣyamagryaṃ doṣaghnaṃ dadhi nāryā guṇottaram / ### [1.45.74\_2](https://indike.org/pramana/in.med.samhita.susruta.1.45.74_2) laghu pāke balāsaghnaṃ vīryoṣṇaṃ paktināśanam // ### [1.45.75](https://indike.org/pramana/in.med.samhita.susruta.1.45.75) kaṣāyānurasaṃ nāgyā dadhi varcovivardhanam / ### [1.45.75\_2](https://indike.org/pramana/in.med.samhita.susruta.1.45.75_2) dadhīnyuktāni yānīha gavyādīni pṛthak pṛthak // ### [1.45.76](https://indike.org/pramana/in.med.samhita.susruta.1.45.76) vijñeyamevaṃ sarveṣu gavyameva guṇottaram / ### [1.45.76\_2](https://indike.org/pramana/in.med.samhita.susruta.1.45.76_2) vātaghnaṃ kaphakṛt snigdhaṃ bṛṃhaṇaṃ nātipittakṛt // ### [1.45.77](https://indike.org/pramana/in.med.samhita.susruta.1.45.77) kuryādbhaktābhilāṣaṃ ca dadhi yat suparisrutam / ### [1.45.77\_2](https://indike.org/pramana/in.med.samhita.susruta.1.45.77_2) śṛtāt kṣīrāttu yajjātaṃ guṇavaddadhi tat smṛtam // ### [1.45.78](https://indike.org/pramana/in.med.samhita.susruta.1.45.78) vātapittaharaṃ rucyaṃ dhātvagnibalavardhanam / ### [1.45.78\_2](https://indike.org/pramana/in.med.samhita.susruta.1.45.78_2) dadhnaḥ saro gururvṛṣyo vijñeyo+a nilanāśanaḥ // ### [1.45.79](https://indike.org/pramana/in.med.samhita.susruta.1.45.79) vahnervidhamanaścāpi kaphaśukravivardhanaḥ / ### [1.45.79\_2](https://indike.org/pramana/in.med.samhita.susruta.1.45.79_2) dadhi tvasāraṃ rūkṣaṃ ca grāhi viṣṭambhi vātalam // ### [1.45.80](https://indike.org/pramana/in.med.samhita.susruta.1.45.80) dīpanīyaṃ laghutaraṃ sakaṣāyaṃ rucipradam / ### [1.45.80\_2](https://indike.org/pramana/in.med.samhita.susruta.1.45.80_2) śaradgrīṣmavasanteṣu prāyaśo dadhi garhitam // ### [1.45.81](https://indike.org/pramana/in.med.samhita.susruta.1.45.81) hemante śiśire caiva varṣāsu dadhi śasyate / ### [1.45.81\_2](https://indike.org/pramana/in.med.samhita.susruta.1.45.81_2) tṛṣṇāklamaharaṃ mastu laghu srotoviśodhanam // ### [1.45.82](https://indike.org/pramana/in.med.samhita.susruta.1.45.82) amlaṃ kaṣāyaṃ madhuramavṛṣyaṃ kaphavātanut / ### [1.45.82\_2](https://indike.org/pramana/in.med.samhita.susruta.1.45.82_2) prahlādanaṃ prīṇanaṃ ca bhinattyāśu malaṃ ca tat // ### [1.45.82\_3](https://indike.org/pramana/in.med.samhita.susruta.1.45.82_3) balamāvahate kṣipraṃ bhaktacchandaṃ karoti ca // ### [1.45.83](https://indike.org/pramana/in.med.samhita.susruta.1.45.83) svādv-amlam-atyamlaka-mandajātaṃ tathā śṛtakṣīrabhavaṃ saraśca / ### [1.45.83\_2](https://indike.org/pramana/in.med.samhita.susruta.1.45.83_2) asāramevaṃ dadhi saptadhā+asmin varge smṛtā mastuguṇāstathaiva // ### [1.45.84](https://indike.org/pramana/in.med.samhita.susruta.1.45.84) takraṃ madhuramamlaṃ kaṣāyānurasamuṣṇavīryaṃ laghu rūkṣamagnidīpanaṃ garaśophātisāragrahaṇīpāṇḍurogārśaḥplīhagulmārocakaviṣamajvaratṛṣṇācchardiprasekaśūlamedaḥśleṣmānilaharaṃ madhuravipākaṃ hṛdyaṃ mūtrakṛcchrasnehavyāpatprśamanamavṛṣyaṃ ca // ### [1.45.85](https://indike.org/pramana/in.med.samhita.susruta.1.45.85) manthanādipṛthagbhūtasnehamardhodakaṃ ca yat / ### [1.45.85\_2](https://indike.org/pramana/in.med.samhita.susruta.1.45.85_2) nātisāndradravaṃ takraṃ svādvamlaṃ tuvaraṃ rase / ### [1.45.85\_3](https://indike.org/pramana/in.med.samhita.susruta.1.45.85_3) yattu sasnegamajalaṃ mathitam gholamucyate // ### [1.45.86](https://indike.org/pramana/in.med.samhita.susruta.1.45.86) naiva takraṃ kṣate tadyānnoṣṇakāle na durbale / ### [1.45.86\_2](https://indike.org/pramana/in.med.samhita.susruta.1.45.86_2) na mūrcchābhramadāheṣu na roge raktapaittike // ### [1.45.87](https://indike.org/pramana/in.med.samhita.susruta.1.45.87) śītakāle+agnimāndye ca kaphottheṣvāmayeṣu ca / ### [1.45.87\_2](https://indike.org/pramana/in.med.samhita.susruta.1.45.87_2) mārgāvarodhe duṣṭe ca vāyau takraṃ praśasyate // ### [1.45.88](https://indike.org/pramana/in.med.samhita.susruta.1.45.88) tat punarmadhuraṃ śleṣmaprakopaṇaṃ pittapraśamanaṃ ca amlaṃ vātaghnaṃ pittakaraṃ ca // ### [1.45.89](https://indike.org/pramana/in.med.samhita.susruta.1.45.89) vāte+amlaṃ saindhavopetaṃ svādu pitte saśarkaram / ### [1.45.89\_2](https://indike.org/pramana/in.med.samhita.susruta.1.45.89_2) pibettakraṃ kaphe cāpi vyoṣakṣārasamanvitam // ### [1.45.90](https://indike.org/pramana/in.med.samhita.susruta.1.45.90) grāhiṇī vātalā rūkṣā durjarā takrakūrcikā / ### [1.45.90\_2](https://indike.org/pramana/in.med.samhita.susruta.1.45.90_2) takrāllaghutaro maṇḍaḥ kūrcikādadhitakrajaḥ // ### [1.45.91](https://indike.org/pramana/in.med.samhita.susruta.1.45.91) guruḥ kilāṭo+anilahā puṃstvanidrāpradaḥ smṛtaḥ / ### [1.45.91\_2](https://indike.org/pramana/in.med.samhita.susruta.1.45.91_2) madhurau bṛṃhaṇau vṛṣyau tadvatpīyūṣamoraṭau // ### [1.45.92](https://indike.org/pramana/in.med.samhita.susruta.1.45.92) navanītaṃ punaḥ sadyaskaṃ laghu sukumāraṃ madhuraṃ kaṣāyamīṣadamlaṃ śītalaṃ medhyaṃ dīpanaṃ hṛdyaṃ saṃgrāhi pittānilaharaṃ vṛṣyamavidāhi kṣayakāsavraṇaśoṣārśo+arditāpahaṃ cirotthitaṃ guru kaphamedovivardhanaṃ balakaraṃ bṛṃhaṇaṃ śoṣaghnaṃ viśeṣeṇa bālānāṃ praśasyate // ### [1.45.93](https://indike.org/pramana/in.med.samhita.susruta.1.45.93) kṣīrotthaṃ punarnavanītamutkṛṣṭasnehamādhuryamatiśītaṃ saukumāryakaraṃ cakṣuṣyaṃ saṃgrāhi raktapittanetrarogaharaṃ prasādanaṃ ca // ### [1.45.94](https://indike.org/pramana/in.med.samhita.susruta.1.45.94) santānikā punarvātaghnī tarpaṇī balyā vṛṣyā snegdhā rucyā madhurā madhuravipākā raktapittaprasādanī gurvī ca // ### [1.45.95](https://indike.org/pramana/in.med.samhita.susruta.1.45.95) vikalpa eṣa dadhyādiḥ śreṣṭho gavyo+abhivarṇitaḥ / ### [1.45.95\_2](https://indike.org/pramana/in.med.samhita.susruta.1.45.95_2) vikalpānavaśiṣṭāṃstu kṣīravīryātsamādiśet // ### [1.45.96](https://indike.org/pramana/in.med.samhita.susruta.1.45.96) atha ghṛtam / ### [1.45.96\_2](https://indike.org/pramana/in.med.samhita.susruta.1.45.96_2) ghṛtaṃ tu madhuraṃ saumyaṃ mrḍuśītavīryamalpābhiṣyandi snehanamudāvartonmādāpasmāraśūlajvarānāhavātapittapraśamanamagnidīpanaṃ smṛtimatimedhākāntisvaralāvaṇyasaukumāryaujastesjobalakaramāyuṣyaṃ vṛṣyaṃ medhyaṃ vayaḥsthāpanaṃ guru cakṣuṣyaṃ śleṣmābhivardhanaṃ pāpmālakṣmīpraśamanaṃ viṣaharaṃ rakṣoghnaṃ ca // ### [1.45.97](https://indike.org/pramana/in.med.samhita.susruta.1.45.97) vipāke madhuraṃ śītaṃ vātapittaviṣāpaham / ### [1.45.97\_2](https://indike.org/pramana/in.med.samhita.susruta.1.45.97_2) cakṣuṣyamagryaṃ balyaṃ ca gavyaṃ sarpirguṇottaram // ### [1.45.98](https://indike.org/pramana/in.med.samhita.susruta.1.45.98) ājaṃ ghṛtaṃ dīpanīyaṃ cakṣuṣyaṃ balavardhanam / ### [1.45.98\_2](https://indike.org/pramana/in.med.samhita.susruta.1.45.98_2) kāse śvāse kṣaye cāpi pathyaṃ pāke ca tallaghu // ### [1.45.99](https://indike.org/pramana/in.med.samhita.susruta.1.45.99) madhuraṃ raktapittaghnaṃ guru pāke kaphāvaham / ### [1.45.99\_2](https://indike.org/pramana/in.med.samhita.susruta.1.45.99_2) vātapittapraśamanaṃ suśītaṃ māhiṣaṃ ghṛtam // ### [1.45.100](https://indike.org/pramana/in.med.samhita.susruta.1.45.100) auṣṭraṃ kaṭu ghṛtaṃ pāke śophakrimiviṣāpaham / ### [1.45.100\_2](https://indike.org/pramana/in.med.samhita.susruta.1.45.100_2) dīpanaṃ kaphavātaghnaṃ kuṣṭhagulmodarāpaham // ### [1.45.101](https://indike.org/pramana/in.med.samhita.susruta.1.45.101) pāke laghvāvikaṃ sarpirna ca pittaprakopaṇam / ### [1.45.101\_2](https://indike.org/pramana/in.med.samhita.susruta.1.45.101_2) kaphe+anile yonidoṣe śoṣe kampe ca taddhitam // ### [1.45.102](https://indike.org/pramana/in.med.samhita.susruta.1.45.102) pāke laghūṣṇavīryaṃ ca kaṣāyaṃ kaphanāśanam / ### [1.45.102\_2](https://indike.org/pramana/in.med.samhita.susruta.1.45.102_2) dīpanaṃ baddhamūtraṃ ca vidyādaikaśaphaṃ ghṛtam // ### [1.45.103](https://indike.org/pramana/in.med.samhita.susruta.1.45.103) cakṣuṣyamagryaṃ strīṇāṃ tu sarpiḥ syādamṛtopamam / ### [1.45.103\_2](https://indike.org/pramana/in.med.samhita.susruta.1.45.103_2) vṛddhiṃ karoti dehāgnyorlaghupākaṃ viṣāpaham // ### [1.45.104](https://indike.org/pramana/in.med.samhita.susruta.1.45.104) kaṣāyaṃ baddhaviṇmūtram tiktamagnikaraṃ laghu / ### [1.45.104\_2](https://indike.org/pramana/in.med.samhita.susruta.1.45.104_2) hanti kāreṇavaṃ sarpiḥ kaphakuṣṭhaviṣakrimīn // ### [1.45.105](https://indike.org/pramana/in.med.samhita.susruta.1.45.105) kṣīraghṛtaṃ punaḥ saṃgrāhi raktrapittabhramamūrcchāpraśamanaṃ netrarogahitaṃ ca // ### [1.45.106](https://indike.org/pramana/in.med.samhita.susruta.1.45.106) sarpirmaṇḍastu madhuraḥ saro yoniśrotrākṣiśirasāṃ śūlaghno bastinasyākṣipūraṇeṣūpadiśyate // ### [1.45.107](https://indike.org/pramana/in.med.samhita.susruta.1.45.107) sarpiḥ purāṇaṃ saraṃ kaṭuvipākaṃ tridoṣāpahaṃ mūrcchāmadonmādosarajvaragaraśoṣāpasmārayoniśrotrākṣiśiraḥśūlaghnaṃ dīpanaṃ bastinasyākṣipūraṇeṣūpadiśyate // ### [1.45.108](https://indike.org/pramana/in.med.samhita.susruta.1.45.108) bhavati cātra / ### [1.45.108\_2](https://indike.org/pramana/in.med.samhita.susruta.1.45.108_2) purāṇaṃ timiraśvāsapīnasajvarakāsanut / ### [1.45.108\_3](https://indike.org/pramana/in.med.samhita.susruta.1.45.108_3) mūrcchākuṣṭhaviṣonmādagrahāpasmāranāśanam // ### [1.45.109](https://indike.org/pramana/in.med.samhita.susruta.1.45.109) ekādaśaśataṃ caiva vatsarānuṣitaṃ ghṛtam / ### [1.45.109\_2](https://indike.org/pramana/in.med.samhita.susruta.1.45.109_2) rakṣoghnaṃ kumbhasarpiḥ syāt paratastu mahāghṛtam // ### [1.45.110](https://indike.org/pramana/in.med.samhita.susruta.1.45.110) peyaṃ mahāghṛtaṃ bhūtaiḥ kaphaghnaṃ pavanādhikaiḥ / _First 200 of 426 passages. [Read on](https://indike.org/pramana/in.med.samhita.susruta.1.45)_ ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.47.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.48.2) — Cakrapāṇidatta, Sanskrit ## Linked texts (11) - [Āyurvedamahodadhi (Annapānavidhi section)](https://indike.org/pramana/in.med.sangraha.ayurvedamahodadhi.44) — Suṣeṇa, Sanskrit - [Bhāvaprakāśanighaṇṭu](https://indike.org/pramana/in.med.nighantu.namaguna.bhavaprakasa.13.70) — Bhāvamiśra 1550, Sanskrit - [Rājanighaṇṭu (Nighaṇṭurāja, Abhidhānacūḍāmaṇi)](https://indike.org/pramana/in.med.nighantu.namaguna.rajanighantu.14.74) — Narahari Paṇḍita, Sanskrit - [Carakasaṃhitā](https://indike.org/pramana/in.med.samhita.caraka.1.27.227) — Agniveśa (Āyurveda) & Caraka, Sanskrit - [Bhāvasvabhāva](https://indike.org/pramana/in.med.nighantu.dravyaguna.bhavasvabhava.5.1) — Mādhavadeva, Sanskrit - [Dravyaguṇasaṃgraha](https://indike.org/pramana/in.med.nighantu.dravyaguna.dravyagunasamgraha.8.23) — Cakrapāṇidatta, Sanskrit - [Āyurvedasaukhya](https://indike.org/pramana/in.med.sangraha.ayurvedasaukhya.6.10) — Ṭoḍaramalla 1565, Sanskrit - [Annapānavidhi](https://indike.org/pramana/in.med.pathya.annapanavidhi.2.34) — Suṣeṇa, Sanskrit - [Madanapālanighaṇṭu (Madanavinoda)](https://indike.org/pramana/in.med.nighantu.namaguna.madanapala.8.157) — Madanapāla (Ṭāka), Sanskrit - [Bhojanakutūhala](https://indike.org/pramana/in.med.pathya.bhojanakutuhala.12.p45) — Raghunātha, Sanskrit - [Madanapālavinodanighaṇṭu](https://indike.org/pramana/in.med.nighantu.namaguna.madanapalavinodanighantu.10.1.9) — Madanapāla (Ṭāka), Sanskrit --- Source: [https://indike.org/pramana/in.med.samhita.susruta.1.45](https://indike.org/pramana/in.med.samhita.susruta.1.45) · Pramāṇa