[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.46 # The Compendium of Suśruta 1.46: ṣaṭcatvāriṃśattamo+adhyāyaḥ / Suśrutasaṃhitā 1.46 - **Language:** Sanskrit ### ṣaṭcatvāriṃśattamo+adhyāyaḥ / ### [1.46.1](https://indike.org/pramana/in.med.samhita.susruta.1.46.1) athāto+annapānavidhimadhyāyaṃ vyākhyāsyāmaḥ // ### [1.46.2](https://indike.org/pramana/in.med.samhita.susruta.1.46.2) yathovāca bhagavān dhanvantariḥ // ### [1.46.3](https://indike.org/pramana/in.med.samhita.susruta.1.46.3) dhanvantarimabhivādya suśruta uvāca prāgabhihitaḥ prāṇināṃ punarmūlamāhāro balavarṇaujasāṃ ca sa ṣaṭsu raseṣvāyattaḥ rasāḥ punardravyāśrayiṇaḥ dravyarasaguṇavīryavipākanimitte ca kṣayavṛddhī doṣāṇāṃ sāmyaṃ ca brahmāderapi ca lokasyāhāraḥ sthityutpattivināśahetuḥ āhārādevābhivṛddhirbalamārogyaṃ varṇendriyaprasādaśca tathā hyāhāravaiṣamyādasvāsthyaṃ tasyāśitapītalīḍhakhāditasya nānādravyātmakasyānekavidhavikalpasyānekavidhaprabhāvasya pṛthak pṛthagdravyarasaguṇavīryavipākaprabhāvakarmāṇīcchāmi jñātuṃ na hyanavabuddhasvabhāvā bhiṣajaḥ svasthānuvṛttiṃ roganigrahaṇaṃ ca kartuṃ samarthāḥ āhārāyattāśca sarvaprāṇino yasmāttasmādannapānavidhimupadiśatu me bhagavān ityuktaḥ provāca bhagavān dhanvantariḥ atha khalu vatsa suśruta yathāpraśnamucyamānamupadhārayasva // ### [1.46.4](https://indike.org/pramana/in.med.samhita.susruta.1.46.4) tatra lohitaśālikalamakardamakapāṇḍukasugandhakaśakunāhṛtapuṣpāṇḍakapuṇḍarīkamahāśāliśītabhīrukarodhrapuṣpakadīrghaśūkakāñcanakamahiṣamahāśūkahāyanakadūṣakamahādūṣakaprabhṛtayaḥ śālayaḥ // ### [1.46.5](https://indike.org/pramana/in.med.samhita.susruta.1.46.5) madhurā vīryataḥ śītā laghupākā balāvahāḥ / ### [1.46.5\_2](https://indike.org/pramana/in.med.samhita.susruta.1.46.5_2) pittaghnālpānilakaphāḥ snigdhā baddhālpavarcasaḥ // ### [1.46.6](https://indike.org/pramana/in.med.samhita.susruta.1.46.6) teṣāṃ lohitakaḥ śreṣṭho doṣaghnaḥ śukramūtralaḥ / ### [1.46.6\_2](https://indike.org/pramana/in.med.samhita.susruta.1.46.6_2) cakṣuṣyo varṇabalakṛt svaryo hṛdyastṛṣāpahaḥ // ### [1.46.7](https://indike.org/pramana/in.med.samhita.susruta.1.46.7) vraṇyo jvaraharaścaiva sarvadoṣaviṣāpahaḥ / ### [1.46.7\_2](https://indike.org/pramana/in.med.samhita.susruta.1.46.7_2) tasmādalpāntaraguṇāḥ kramaśaḥ śālayo+avarāḥ // ### [1.46.8](https://indike.org/pramana/in.med.samhita.susruta.1.46.8) ṣaṣṭikakāṅgukamukundakapītakapramodakakākalakāsanapuṣpakamahāṣaṣṭikacūrṇakakuravakakedāraprabhṛtayaḥ ṣaṣṭikāḥ // ### [1.46.9](https://indike.org/pramana/in.med.samhita.susruta.1.46.9) rase pāke ca madhurāḥ śamanā vātapittayoḥ / ### [1.46.9\_2](https://indike.org/pramana/in.med.samhita.susruta.1.46.9_2) śālīnāṃ ca guṇaistulyā bṛṃhaṇāḥ kaphaśukralāḥ // ### [1.46.10](https://indike.org/pramana/in.med.samhita.susruta.1.46.10) ṣadṣtikaḥ pravarsteṣāṃ kaṣāyānuraso laghuḥ / ### [1.46.10\_2](https://indike.org/pramana/in.med.samhita.susruta.1.46.10_2) mṛduḥ snigdhastridoṣaghnaḥ sthairyakṛdvalavardhanaḥ // ### [1.46.11](https://indike.org/pramana/in.med.samhita.susruta.1.46.11) vipāke madhuro grāhī tulyo lohitaśālibhiḥ / ### [1.46.11\_2](https://indike.org/pramana/in.med.samhita.susruta.1.46.11_2) śeṣāstvalpāntaraguṇāḥ ṣaṣṭikāḥ kramaśo guṇaiḥ // ### [1.46.12](https://indike.org/pramana/in.med.samhita.susruta.1.46.12) kṛṣṇavrīhiśālāmukhajatumukhanandīmukhalāvākṣakatvaritakakukkuṭāṇḍakapārāvatakapāṭakaprabhṛtayo vrīhayaḥ // ### [1.46.13](https://indike.org/pramana/in.med.samhita.susruta.1.46.13) kaṣāyamadhurāḥ pāke+amadhurā vīryato+ahimāḥ / ### [1.46.13\_2](https://indike.org/pramana/in.med.samhita.susruta.1.46.13_2) alpābhiṣyandinastulyāḥ ṣaṣṭikaribaddhavarcasaḥ // ### [1.46.14](https://indike.org/pramana/in.med.samhita.susruta.1.46.14) kṛṣṇavrīhirvarasteṣāṃ kaṣāyānuraso laghuḥ / ### [1.46.14\_2](https://indike.org/pramana/in.med.samhita.susruta.1.46.14_2) tasmādalpāntaraguṇāḥ kramaśo vrīhayo+apare // ### [1.46.15](https://indike.org/pramana/in.med.samhita.susruta.1.46.15) dagdhāyāmavanau jātāḥ śālayo laghupākinaḥ / ### [1.46.15\_2](https://indike.org/pramana/in.med.samhita.susruta.1.46.15_2) kaṣāyā baddhaviṇmūtrā rūkṣāḥ śleṣmāpakarṣaṇāḥ // ### [1.46.16](https://indike.org/pramana/in.med.samhita.susruta.1.46.16) sthalajāḥ kaphapittaghnāḥ kaṣāyāḥ kaṭukānvayāḥ / ### [1.46.16\_2](https://indike.org/pramana/in.med.samhita.susruta.1.46.16_2) kiṃcitsatiktamadhurāḥ pavanānalavardhanāḥ // ### [1.46.17](https://indike.org/pramana/in.med.samhita.susruta.1.46.17) kaidārā madhurā vṛṣyā balyāḥ pittanibarhaṇāḥ / ### [1.46.17\_2](https://indike.org/pramana/in.med.samhita.susruta.1.46.17_2) īṣatkaṣāyālpamalā guravaḥ kaphaśukralāḥ // ### [1.46.18](https://indike.org/pramana/in.med.samhita.susruta.1.46.18) ropyātiropyā laghavaḥ śīghrapākā guṇottarāḥ / ### [1.46.18\_2](https://indike.org/pramana/in.med.samhita.susruta.1.46.18_2) adāhino doṣaharā balyā mūtravivardhanāḥ // ### [1.46.19](https://indike.org/pramana/in.med.samhita.susruta.1.46.19) śālayaśchinnarūḍhā ye rūkṣāste baddhavarcasaḥ / ### [1.46.19\_2](https://indike.org/pramana/in.med.samhita.susruta.1.46.19_2) tiktāḥ kaṣāyāḥ pittaghnā laghupākāḥ kaphāpahāḥ // ### [1.46.20](https://indike.org/pramana/in.med.samhita.susruta.1.46.20) vistareṇāyamuddiṣṭaḥ śālivargo hitāhitaḥ / ### [1.46.20\_2](https://indike.org/pramana/in.med.samhita.susruta.1.46.20_2) tadvat kudhānyamudgādimāṣādīnāṃ ca vakṣyate // ### [1.46.21](https://indike.org/pramana/in.med.samhita.susruta.1.46.21) atha kudhānyavargaḥ / koradūṣakaśyāmākanīvāraśāntanuvarakoddālakapriyaṅgumadhūlikānāndīmukhīkuruvindagavedhukasarabarukatoda(?ya)parṇīmukundakaveṇuyavaprabhṛtayaḥ kudhānyaviśeṣāḥ // ### [1.46.22](https://indike.org/pramana/in.med.samhita.susruta.1.46.22) uṣṇāḥ kaṣāyamadhurā rūkṣāḥ kaṭuvipākinaḥ / ### [1.46.22\_2](https://indike.org/pramana/in.med.samhita.susruta.1.46.22_2) śleṣamaghnā baddhanisyandā vātapittaprakopaṇāḥ // ### [1.46.23](https://indike.org/pramana/in.med.samhita.susruta.1.46.23) kāṣayamadhurasteṣāṃ śītaḥ pittāpahaḥ smṛtaḥ / ### [1.46.23\_2](https://indike.org/pramana/in.med.samhita.susruta.1.46.23_2) kodravaśca sanīvāraḥ śyāmākaśca saśāntanuḥ // ### [1.46.24](https://indike.org/pramana/in.med.samhita.susruta.1.46.24) kṛṣṇā raktāśca pītāśca śvetāścaiva priyaṅgavaḥ / ### [1.46.24\_2](https://indike.org/pramana/in.med.samhita.susruta.1.46.24_2) yathottaram pradhānāḥ syū rūkṣāḥ kaphaharāḥ smṛtāḥ // ### [1.46.25](https://indike.org/pramana/in.med.samhita.susruta.1.46.25) madhūlī madhurā śītā snigdhā nandīmukhī tathā / ### [1.46.25\_2](https://indike.org/pramana/in.med.samhita.susruta.1.46.25_2) viśoṣī tatra bhūyiṣṭhaṃ varukaḥ samukundakaḥ // ### [1.46.26](https://indike.org/pramana/in.med.samhita.susruta.1.46.26) rūkṣā veṇuyavā jñeyā vīryoṣṇāḥ kaṭupākinaḥ / ### [1.46.26\_2](https://indike.org/pramana/in.med.samhita.susruta.1.46.26_2) baddhamūtrāḥ kaphaharāḥ kaṣāyā vātakopanāḥ // ### [1.46.27](https://indike.org/pramana/in.med.samhita.susruta.1.46.27) mudgavanamudgakalāyamakuṣṭhamasūramaṅgalyacaṇakasatīnatripuṭakahareṇvāḍhakīprabhṛtayo vaidalāḥ // ### [1.46.28](https://indike.org/pramana/in.med.samhita.susruta.1.46.28) kaṣāyamadhurāḥ śītāḥ kaṭupākā marutkarāḥ / ### [1.46.28\_2](https://indike.org/pramana/in.med.samhita.susruta.1.46.28_2) baddhamūtrapurīṣāśca pittaśleṣmaharāstathā // ### [1.46.29](https://indike.org/pramana/in.med.samhita.susruta.1.46.29) nātyarthaṃ vātalāsteṣu mudgā dṛṣṭiprasādanaḥ / ### [1.46.29\_2](https://indike.org/pramana/in.med.samhita.susruta.1.46.29_2) pradhānā haritāstatra vanyā mudgasamāḥ smṛtāḥ // ### [1.46.30](https://indike.org/pramana/in.med.samhita.susruta.1.46.30) vipāke madhurāḥ proktā masūrā baddhavarcasaḥ / ### [1.46.30\_2](https://indike.org/pramana/in.med.samhita.susruta.1.46.30_2) makuṣṭhakāḥ kṛmikarāḥ kalāyāḥ pracurānilāḥ // ### [1.46.31](https://indike.org/pramana/in.med.samhita.susruta.1.46.31) āḍhakī kaphapittaghnī nātivātaprakopaṇī / ### [1.46.31\_2](https://indike.org/pramana/in.med.samhita.susruta.1.46.31_2) vātalāḥ śītamadhurāḥ sakaṣāyā virūkṣaṇāḥ // ### [1.46.32](https://indike.org/pramana/in.med.samhita.susruta.1.46.32) kaphaśoṇitapittaghnāścaṇakāḥ puṃstvanāśanāḥ / ### [1.46.32\_2](https://indike.org/pramana/in.med.samhita.susruta.1.46.32_2) ta eva ghṛtasaṃyuktāstridoṣaśamanāḥ param // ### [1.46.33](https://indike.org/pramana/in.med.samhita.susruta.1.46.33) hareṇavaḥ satīnāśca vijñeyā baddhavarcasaḥ / ### [1.46.33\_2](https://indike.org/pramana/in.med.samhita.susruta.1.46.33_2) ṛte mudgamasūrābhyāmanye tvādhmānakārakāḥ // ### [1.46.34](https://indike.org/pramana/in.med.samhita.susruta.1.46.34) māṣo gururbhinnapurīṣamūtraḥ snigdhoṣṇavṛṣyo madhuro+anilaghnaḥ / ### [1.46.34\_2](https://indike.org/pramana/in.med.samhita.susruta.1.46.34_2) santarpaṇaḥ stnayakaro viśeṣādbalapradaḥ śukrakaphāvahaśca // ### [1.46.35](https://indike.org/pramana/in.med.samhita.susruta.1.46.35) kaṣāyabhāvānna purīṣabhedī na mūtralo naiva kaphasya kartā / ### [1.46.35\_2](https://indike.org/pramana/in.med.samhita.susruta.1.46.35_2) svādurvipāke madhuro+alasāndraḥ santarpaṇaḥ stanyarucipradaśca // ### [1.46.36](https://indike.org/pramana/in.med.samhita.susruta.1.46.36) māṣaiḥ samānaṃ phalamātmaguptamuktaṃ ca kākāṇḍaphalaṃ tathaiva / ### [1.46.36\_2](https://indike.org/pramana/in.med.samhita.susruta.1.46.36_2) āraṇyamāṣā guṇataḥ pradiṣṭā rūkṣāḥ kaṣāyā avidāhinaśca // ### [1.46.37](https://indike.org/pramana/in.med.samhita.susruta.1.46.37) uṣṇaḥ kulattho rasataḥ kaṣāyaḥ kaṭurvipāke kaphamārutaghnaḥ / ### [1.46.37\_2](https://indike.org/pramana/in.med.samhita.susruta.1.46.37_2) śukrāśmarīgulmaniṣūdanaśca sāṃgrāhikaḥ pīnasakāsahārī // ### [1.46.38](https://indike.org/pramana/in.med.samhita.susruta.1.46.38) ānāhamedogudakīlahikkāśvāsāpahaḥ śoṇitapittakṛcca / ### [1.46.38\_2](https://indike.org/pramana/in.med.samhita.susruta.1.46.38_2) kaphasya hantā nayanāmayaghno viśeṣato vanyakulattha uktaḥ // ### [1.46.39](https://indike.org/pramana/in.med.samhita.susruta.1.46.39) īṣatkaṣāyo madhuraḥ satiktaḥ sāṃgrāhikaḥ pittarakarastathoṣṇaḥ / ### [1.46.39\_2](https://indike.org/pramana/in.med.samhita.susruta.1.46.39_2) tilo vipāke madhuro baliṣṭhaḥ snigdho vraṇālepana eva pathyaḥ // ### [1.46.40](https://indike.org/pramana/in.med.samhita.susruta.1.46.40) dantyo+agnimedhājanano+alpamūtrastvacyo+atha keśyo+anilahā guruśca / ### [1.46.40\_2](https://indike.org/pramana/in.med.samhita.susruta.1.46.40_2) tileṣu sarveṣvasitaḥ pradhāno madhyaḥ sito hīnatarāstathā+anye // ### [1.46.41](https://indike.org/pramana/in.med.samhita.susruta.1.46.41) yavaḥ kaṣāyo madhuro himaśca kaṭurvipāke kaphapittahārī / ### [1.46.41\_2](https://indike.org/pramana/in.med.samhita.susruta.1.46.41_2) vraṇeṣu pathyastilavacca nityaṃ prabaddhamūtro bahuvātavarcāḥ // ### [1.46.42](https://indike.org/pramana/in.med.samhita.susruta.1.46.42) sthairyāgnimedhāsvaravarṇakṛcca sapicchilaḥ sthūlavilekhanaśca / ### [1.46.42\_2](https://indike.org/pramana/in.med.samhita.susruta.1.46.42_2) medomaruttṛḍ{ṃ.-}haraṇo+atirūkṣaḥ prasādanaḥ śoṇitapittayośca // ### [1.46.43](https://indike.org/pramana/in.med.samhita.susruta.1.46.43) ebhirguṇairhīnataraistu kiṃcidvidyādyavebhyo+atiyavānaśeṣaiḥ / ### [1.46.43\_2](https://indike.org/pramana/in.med.samhita.susruta.1.46.43_2) godhūma ukto madhuro guruśca balyaḥ sthiraḥ śukrarucipradaśca // ### [1.46.44](https://indike.org/pramana/in.med.samhita.susruta.1.46.44) snigdho+atiśīto+anilapittahantā sandhānakṛt śleṣmakaraḥ saraśca / ### [1.46.44\_2](https://indike.org/pramana/in.med.samhita.susruta.1.46.44_2) rūkṣaḥ kaṣāyo viṣaśoṣaśukrabalāsadṛṣṭikṣayakṛdvidāhī // ### [1.46.45](https://indike.org/pramana/in.med.samhita.susruta.1.46.45) kaṭurvipāke madhurastu śimbaḥ prabandhaviṇmārutapittalaśca / ### [1.46.45\_2](https://indike.org/pramana/in.med.samhita.susruta.1.46.45_2) sitāsitāḥ pītakaraktavarṇā bhavanti ye+anekavidhāstu śimbāḥ // ### [1.46.46](https://indike.org/pramana/in.med.samhita.susruta.1.46.46) yathoditāste guṇataḥ pradhānā jñeyāḥ kaṭūṣṇā rasapākayośca / ### [1.46.46\_2](https://indike.org/pramana/in.med.samhita.susruta.1.46.46_2) sahādvayaṃ mūlakajāśca śimbāḥ kuśimbivallīprabhavāstu śimbāḥ // ### [1.46.47](https://indike.org/pramana/in.med.samhita.susruta.1.46.47) jñeyā vipāke madhurā rase ca balapradāḥ pittanibarhaṇāśca / ### [1.46.47\_2](https://indike.org/pramana/in.med.samhita.susruta.1.46.47_2) vidāhavantaśca bhṛśaṃ virūkṣā viṣṭabhya jīryantyanilapradāśca // ### [1.46.48](https://indike.org/pramana/in.med.samhita.susruta.1.46.48) rucipradāścaiva sudurjarāśca sarve smṛtā vaidalikāstu śimbāḥ / ### [1.46.48\_2](https://indike.org/pramana/in.med.samhita.susruta.1.46.48_2) kaṭurvipāke kaṭukaḥ kaphaghno vidāhibhāvādahitaḥ kusumbaḥ // ### [1.46.49](https://indike.org/pramana/in.med.samhita.susruta.1.46.49) uṣṇā+atasī svādurasā+anilaghnī pittolbaṇā syāt kaṭukā vipāke / ### [1.46.49\_2](https://indike.org/pramana/in.med.samhita.susruta.1.46.49_2) pāke rase cāpi kaṭuḥ pradiṣṭaḥ siddhārthakaḥ śoṇitapittakopī / ### [1.46.49\_3](https://indike.org/pramana/in.med.samhita.susruta.1.46.49_3) tīkṣṇoṣṇarūkṣaḥ kaphamārutaghnastathāguṇaścāsitasarṣapo+api // ### [1.46.50](https://indike.org/pramana/in.med.samhita.susruta.1.46.50) anārtavaṃ vyādhihatamaparyāgatameva ca / ### [1.46.50\_2](https://indike.org/pramana/in.med.samhita.susruta.1.46.50_2) abhūmijaṃ navaṃ cāpi na dhānyaṃ guṇavat smṛtam // ### [1.46.51](https://indike.org/pramana/in.med.samhita.susruta.1.46.51) navaṃ dhānyamabhiṣyandi laghu saṃvatsaroṣitam / ### [1.46.51\_2](https://indike.org/pramana/in.med.samhita.susruta.1.46.51_2) vidāhi guru viṣṭambhi virūḍhaṃ dṛṣṭidūṣaṇam // ### [1.46.52](https://indike.org/pramana/in.med.samhita.susruta.1.46.52) śālyādeḥ sarṣapāntasya vividhasyāsya bhāgaśaḥ / ### [1.46.52\_2](https://indike.org/pramana/in.med.samhita.susruta.1.46.52_2) kālapramāṇasaṃskāramātrāḥ saṃparikīrtitāḥ // ### [1.46.53](https://indike.org/pramana/in.med.samhita.susruta.1.46.53) athordhvaṃ māṃsavargānupadekṣyāmaḥ // ### [1.46.53\_2](https://indike.org/pramana/in.med.samhita.susruta.1.46.53_2) tadyathā jaleśayā ānūpā grāmyāḥ kravyabhuja ekaśaphā jāṅgalāśceti ṣaṇmāṃsavargāḥ / eteṣāṃ vargāṇāmuttarottaraṃ pradhānatamāḥ / te punardvividhājāṅgalā ānūpāśceti / tatra jāṅgalavargo+aṣṭavidhaḥ / tadyathā jaṅghālā viṣkirāḥ pratudā guhāśayāḥ prasahāḥ parṇamṛgā bileśayā grāmyāśceti / teṣaṃ jaṅghālaviṣkirau pradhānatamau // ### [1.46.54](https://indike.org/pramana/in.med.samhita.susruta.1.46.54) tāveṇahariṇarkṣakuraṅgakarālakṛtamālaśarabhaśvadaṃṣṭrāpṛṣatacāruṣkaramṛgamātṛkāprabhṛtayo jaṅghālā mṛgāḥ kaṣāyā madhurā laghavo vātapittaharāstīkṣṇā hṛdyā bastiśodhanāśca // ### [1.46.55](https://indike.org/pramana/in.med.samhita.susruta.1.46.55) kaṣāyo madhuro hṛdyaḥ pittāsṛkkapharogahā / ### [1.46.55\_2](https://indike.org/pramana/in.med.samhita.susruta.1.46.55_2) saṃgrāhī rocano balyasteṣāmeṇo jvarāpahaḥ // ### [1.46.56](https://indike.org/pramana/in.med.samhita.susruta.1.46.56) madhuro madhuraḥ pāke doṣaghno+analadīpanaḥ / ### [1.46.56\_2](https://indike.org/pramana/in.med.samhita.susruta.1.46.56_2) śītalo baddhaviṇmūtraḥ sugandhirhariṇo laghuḥ // ### [1.46.57](https://indike.org/pramana/in.med.samhita.susruta.1.46.57) eṇaḥ kṛṣṇastayorjñeyo hariṇastāmra ucyate / ### [1.46.57\_2](https://indike.org/pramana/in.med.samhita.susruta.1.46.57_2) yo na kṛṣṇo na tāmraśca kuraṅgaḥ so+abhidhīyate // ### [1.46.58](https://indike.org/pramana/in.med.samhita.susruta.1.46.58) śītā+asṛkpittaśamanī vijñeyā mṛgamātṛkā / ### [1.46.58\_2](https://indike.org/pramana/in.med.samhita.susruta.1.46.58_2) sannipātakṣayaśvāsakāsahikkārucipraṇut // ### [1.46.59](https://indike.org/pramana/in.med.samhita.susruta.1.46.59) lāvatittirikapiñjalavartīravartikāvartakanaptṛkāvārtīkacakorakalaviṅkamayūrakrakaropacakrakukkuṭasāraṅgaśatapatrakutittirikuruvāhakayavālakaprabhṛtayastryāhalā viṣkirāḥ // ### [1.46.60](https://indike.org/pramana/in.med.samhita.susruta.1.46.60) laghavaḥ śītamadhurāḥ kaṣāyā doṣanāśanāḥ / ### [1.46.60\_2](https://indike.org/pramana/in.med.samhita.susruta.1.46.60_2) saṃgrāhī dīpanaścaiva kaṣāyamadhuro laghuḥ / ### [1.46.60\_3](https://indike.org/pramana/in.med.samhita.susruta.1.46.60_3) lāvaḥ kaṭuvipākaśca sannipāte ca pūjitaḥ // ### [1.46.61](https://indike.org/pramana/in.med.samhita.susruta.1.46.61) īṣadgurūṣṇamadhuro vṛṣyo medhāgnivardhanaḥ / ### [1.46.61\_2](https://indike.org/pramana/in.med.samhita.susruta.1.46.61_2) tittiriḥ sarvadoṣaghno grāhī varṇaprasādanaḥ // ### [1.46.62](https://indike.org/pramana/in.med.samhita.susruta.1.46.62) raktapittaharaḥ śīto laghuścāpi kapiñjalaḥ / ### [1.46.62\_2](https://indike.org/pramana/in.med.samhita.susruta.1.46.62_2) kaphottheṣu ca rogeṣu mandavāte ca śasyate // ### [1.46.63](https://indike.org/pramana/in.med.samhita.susruta.1.46.63) hikkāśvāsānilaharo viśeṣādgauratittiriḥ / ### [1.46.63\_2](https://indike.org/pramana/in.med.samhita.susruta.1.46.63_2) vātapittaharā vṛṣyā medhāgnibalavardhanāḥ // ### [1.46.64](https://indike.org/pramana/in.med.samhita.susruta.1.46.64) laghavaḥ krakarā hṛdyāstathā caivopacakrakāḥ / ### [1.46.64\_2](https://indike.org/pramana/in.med.samhita.susruta.1.46.64_2) kaṣāyaḥ svādulavaṇastvacyaḥ keśyo+arucau hitaḥ // ### [1.46.65](https://indike.org/pramana/in.med.samhita.susruta.1.46.65) mayūraḥ svaramedhāgnidṛkśrotrendiryadārḍhyakṛt / ### [1.46.65\_2](https://indike.org/pramana/in.med.samhita.susruta.1.46.65_2) snigdhoṣṇo+anilahā vṛṣyaḥ svedasvarabalāvahaḥ // ### [1.46.66](https://indike.org/pramana/in.med.samhita.susruta.1.46.66) bṛṃhaṇaḥ kukkuṭo vanyastadvadgrāmyo gurustu saḥ / ### [1.46.66\_2](https://indike.org/pramana/in.med.samhita.susruta.1.46.66_2) vātarogakṣayavamīviṣamajvaranāśanaḥ // ### [1.46.67](https://indike.org/pramana/in.med.samhita.susruta.1.46.67) kapotapārāvatabhṛṅgarājaparabhṛtakoyaṣṭikakuliṅgagṛhakuliṅgagokṣveḍakaḍiṇḍimāṇavakaśatapatrakamātṛnindakabhedāśiśukasārikāvalgulīgiriśālaṭvālaṭṭūṣakasugṛhākhañjarīṭahārītadātyūhaprabhṛtayaḥ pratudāḥ // ### [1.46.68](https://indike.org/pramana/in.med.samhita.susruta.1.46.68) kaṣāyamadhurā rūkṣāḥ phalāhārā marutkarāḥ / ### [1.46.68\_2](https://indike.org/pramana/in.med.samhita.susruta.1.46.68_2) pittaśleṣmaharāḥ śītā baddhamūtrālpavarcasaḥ // ### [1.46.69](https://indike.org/pramana/in.med.samhita.susruta.1.46.69) sarvadoṣakarasteṣāṃ bhedāśī maladūṣakaḥ / ### [1.46.69\_2](https://indike.org/pramana/in.med.samhita.susruta.1.46.69_2) kaṣāyasvādulavaṇo guruḥ kāṇakapotakaḥ // ### [1.46.70](https://indike.org/pramana/in.med.samhita.susruta.1.46.70) raktapittapraśamanaḥ kaṣāyaviśado+api ca / ### [1.46.70\_2](https://indike.org/pramana/in.med.samhita.susruta.1.46.70_2) vipāke madhuraścāpi guruḥ pārāvataḥ smṛtaḥ // ### [1.46.71](https://indike.org/pramana/in.med.samhita.susruta.1.46.71) kuliṅgo madhuraḥ snigdhaḥ kaphaśukravivardhanaḥ / ### [1.46.71\_2](https://indike.org/pramana/in.med.samhita.susruta.1.46.71_2) raktapittaharo veśmakuliṅgastvatiśukralaḥ // ### [1.46.72](https://indike.org/pramana/in.med.samhita.susruta.1.46.72) siṃhavyāghravṛkatarakṣvṛkṣadvīpimārjāraśṛgālamṛgervārukaprabhṛtayo guhāśayāḥ // ### [1.46.73](https://indike.org/pramana/in.med.samhita.susruta.1.46.73) madhurā guravaḥ snigdhā balyā mārutanāśanāḥ / ### [1.46.73\_2](https://indike.org/pramana/in.med.samhita.susruta.1.46.73_2) uṣṇavīryā hitā nityaṃ netraguhyavikāriṇām // ### [1.46.74](https://indike.org/pramana/in.med.samhita.susruta.1.46.74) kākakaṅkakuraracāṣabhāsaśaśaghātyulūkacilliśyenagṛdhraprabhṛtayaḥ prasahāḥ // ### [1.46.75](https://indike.org/pramana/in.med.samhita.susruta.1.46.75) ete siṃhādibhiḥ sarve samānā vāyasādayaḥ / ### [1.46.75\_2](https://indike.org/pramana/in.med.samhita.susruta.1.46.75_2) rasavīryavipākeṣu viśeṣācchoṣiṇe hitāḥ // ### [1.46.76](https://indike.org/pramana/in.med.samhita.susruta.1.46.76) madgumūṣikavṛkṣaśāyikāvakuśapūtighāsavānaraprabhṛtayaḥ parṇamṛgāḥ // ### [1.46.77](https://indike.org/pramana/in.med.samhita.susruta.1.46.77) madhurā guravo vṛṣyāścakṣuṣyāḥ śoṣiṇe hitāḥ / ### [1.46.77\_2](https://indike.org/pramana/in.med.samhita.susruta.1.46.77_2) sṛṣṭamūtrapurīṣāśca kāsārśaḥśvāsanāśanāḥ // ### [1.46.78](https://indike.org/pramana/in.med.samhita.susruta.1.46.78) śvāvicchalyakagodhāśaśavṛṣadaṃśalopākalomaśakarṇakadalīmṛgapriyakājagarasarpamūṣikanakulamahābabhruprabhṛtayo vileśayāḥ // ### [1.46.79](https://indike.org/pramana/in.med.samhita.susruta.1.46.79) varcomūtraṃ saṃhataṃ kuryurete vīrye coṣṇāḥ pūrvavat svādupākāḥ / ### [1.46.79\_2](https://indike.org/pramana/in.med.samhita.susruta.1.46.79_2) vātaṃ hanyuḥ śleṣmapitte ca kuryuḥ sngidhāḥ kāsaśvāsakārśyāpahāśca // ### [1.46.80](https://indike.org/pramana/in.med.samhita.susruta.1.46.80) kaṣāyamadhurasteṣāṃ śaśaḥ pittakaphāpahaḥ / ### [1.46.80\_2](https://indike.org/pramana/in.med.samhita.susruta.1.46.80_2) nātiśītalavīryatvādvātasādhāraṇo mataḥ // ### [1.46.81](https://indike.org/pramana/in.med.samhita.susruta.1.46.81) godhā vipāke madhurā kaṣāyakaṭukā smṛtā / ### [1.46.81\_2](https://indike.org/pramana/in.med.samhita.susruta.1.46.81_2) vātapittapraśamanī bṛṃhaṇī balavardhanī // ### [1.46.82](https://indike.org/pramana/in.med.samhita.susruta.1.46.82) śalyakaḥ svādupittaghno laghuḥ śīto viṣāpahaḥ / ### [1.46.82\_2](https://indike.org/pramana/in.med.samhita.susruta.1.46.82_2) priyako mārute pathyo+ajagarastvarśasāṃ hitaḥ // ### [1.46.83](https://indike.org/pramana/in.med.samhita.susruta.1.46.83) durnāmāniladoṣaghnāḥ kṛmidūṣīviṣāpahāḥ / ### [1.46.83\_2](https://indike.org/pramana/in.med.samhita.susruta.1.46.83_2) cakṣuṣyā madhurāḥ pāke sarpā medhāgnivardhanāḥ // ### [1.46.84](https://indike.org/pramana/in.med.samhita.susruta.1.46.84) darvīkarā dīpakāśca teṣūktāḥ kaṭupākinaḥ / ### [1.46.84\_2](https://indike.org/pramana/in.med.samhita.susruta.1.46.84_2) madhurāścāticakṣuṣyāḥ sṛṣṭaviṇmūtramārutāḥ // ### [1.46.85](https://indike.org/pramana/in.med.samhita.susruta.1.46.85) aśvāśvataragokharoṣṭrabastorabhramedaḥpucchakaprabhṛtayo grāmyāḥ // ### [1.46.86](https://indike.org/pramana/in.med.samhita.susruta.1.46.86) grāmyā vātaharāḥ sarve bṛṃhaṇāḥ kaphapittalāḥ / ### [1.46.86\_2](https://indike.org/pramana/in.med.samhita.susruta.1.46.86_2) madhurā rasapākābhyāṃ dīpanā balavardhanāḥ // ### [1.46.87](https://indike.org/pramana/in.med.samhita.susruta.1.46.87) nātiśīto guruḥ snigdho mandapittakaphaḥ smṛtaḥ / ### [1.46.87\_2](https://indike.org/pramana/in.med.samhita.susruta.1.46.87_2) chagalastvanabhiṣyandī teṣāṃ pīnasanāśanaḥ // ### [1.46.88](https://indike.org/pramana/in.med.samhita.susruta.1.46.88) bṛṃhaṇaṃ māṃsamaurabhraṃ pittaśleṣmāvahaṃ guru / ### [1.46.88\_2](https://indike.org/pramana/in.med.samhita.susruta.1.46.88_2) medaḥpucchodbhavaṃ vṛṣyamaurabhrasadṛśaṃ guṇaiḥ // ### [1.46.89](https://indike.org/pramana/in.med.samhita.susruta.1.46.89) śvāsakāsapratiśyāyaviṣamajvaranāśanam / ### [1.46.89\_2](https://indike.org/pramana/in.med.samhita.susruta.1.46.89_2) śramātyagnihitaṃ gavyaṃ pavitramanilāpaham // ### [1.46.90](https://indike.org/pramana/in.med.samhita.susruta.1.46.90) aurabhravatsalavaṇaṃ māṃsamekaśaphodbhavam / ### [1.46.90\_2](https://indike.org/pramana/in.med.samhita.susruta.1.46.90_2) alpābhiṣyandyayaṃ vargo jāṅgalaḥ samudāhṛtaḥ // ### [1.46.91](https://indike.org/pramana/in.med.samhita.susruta.1.46.91) dūre janāntanilayā dūre pānīyagocarāḥ / ### [1.46.91\_2](https://indike.org/pramana/in.med.samhita.susruta.1.46.91_2) ye mṛgāśca vihaṅgāśca te+alpābhiṣyandino matāḥ // ### [1.46.92](https://indike.org/pramana/in.med.samhita.susruta.1.46.92) atīvāsannanilayāḥ samīpodakagocarāḥ / ### [1.46.92\_2](https://indike.org/pramana/in.med.samhita.susruta.1.46.92_2) ye mṛgāśca vihaṅgāśca mahābhiṣyandinastu te // ### [1.46.93](https://indike.org/pramana/in.med.samhita.susruta.1.46.93) ānūpavargastu pañcavidhaḥ / tadyathā kūlacarāḥ plavāḥ koṣasthāḥ pādino matsyāśceti // ### [1.46.94](https://indike.org/pramana/in.med.samhita.susruta.1.46.94) tatra gajagavayamahiṣarurucamarasṛmararohitavarāhakhaṅgigokarṇakālapucchakodranyaṅkvaraṇyagavayaprabhṛtayaḥ kūlacarāḥ paśavaḥ // ### [1.46.95](https://indike.org/pramana/in.med.samhita.susruta.1.46.95) vātapittaharā vṛṣyā madhurā rasapākayoḥ / ### [1.46.95\_2](https://indike.org/pramana/in.med.samhita.susruta.1.46.95_2) śītalā balinaḥ snigdhā mūtralāḥ kaphavardhanāḥ // ### [1.46.96](https://indike.org/pramana/in.med.samhita.susruta.1.46.96) virūkṣaṇo lekhanaśca vīryoṣṇaḥ pittadūṣaṇaḥ / ### [1.46.96\_2](https://indike.org/pramana/in.med.samhita.susruta.1.46.96_2) svādvamlalavaṇasteṣāṃ gajaḥ śleṣmānilāpahaḥ // ### [1.46.97](https://indike.org/pramana/in.med.samhita.susruta.1.46.97) gavayasya tu māṃsaṃ hi snigdhaṃ madhurakāsajit / ### [1.46.97\_2](https://indike.org/pramana/in.med.samhita.susruta.1.46.97_2) vipāke madhuraṃ cāpi vayavāyasya tu vardhanam // ### [1.46.98](https://indike.org/pramana/in.med.samhita.susruta.1.46.98) snigdhoṣṇamadhuro vṛṣyo mahiṣastarpaṇo guruḥ / ### [1.46.98\_2](https://indike.org/pramana/in.med.samhita.susruta.1.46.98_2) nidrāpuṃstvabalastanyavardhano māṃsadārḍhyakṛt // ### [1.46.99](https://indike.org/pramana/in.med.samhita.susruta.1.46.99) rurormāṃsaṃ samadhuraṃ kaṣāyānurasaṃ smṛtam / ### [1.46.99\_2](https://indike.org/pramana/in.med.samhita.susruta.1.46.99_2) vātapittopaśamanaṃ guru śukravivardhanam // ### [1.46.100](https://indike.org/pramana/in.med.samhita.susruta.1.46.100) tathā camaramāṃsaṃ tu snigdhaṃ madhurakāsajit / ### [1.46.100\_2](https://indike.org/pramana/in.med.samhita.susruta.1.46.100_2) vipāke madhuraṃ cāpi vātapittapraṇāśanam // ### [1.46.101](https://indike.org/pramana/in.med.samhita.susruta.1.46.101) sṛmarasya tu māṃsaṃ ca kaṣāyānurasaṃ smṛtam / ### [1.46.101\_2](https://indike.org/pramana/in.med.samhita.susruta.1.46.101_2) vātapittopaśamanaṃ guru śukravivardhanam // ### [1.46.102](https://indike.org/pramana/in.med.samhita.susruta.1.46.102) svedanaṃ bṛṃhaṇaṃ vṛṣyaṃ śītalaṃ tarpaṇaṃ guru / ### [1.46.102\_2](https://indike.org/pramana/in.med.samhita.susruta.1.46.102_2) śramānilaharaṃ snigdhaṃ vārāhaṃ balavardhanam // ### [1.46.103](https://indike.org/pramana/in.med.samhita.susruta.1.46.103) kaphaghnam khaṅgipiśitaṃ kaṣāyamanilāpaham / ### [1.46.103\_2](https://indike.org/pramana/in.med.samhita.susruta.1.46.103_2) pitryaṃ pavitramāyuṣyaṃ baddhamūtraṃ virūkṣaṇam // ### [1.46.104](https://indike.org/pramana/in.med.samhita.susruta.1.46.104) gokarṇamāṃsaṃ madhuraṃ snigdhaṃ mṛdu kaphāvaham / ### [1.46.104\_2](https://indike.org/pramana/in.med.samhita.susruta.1.46.104_2) vipāke madhuraṃ cāpi raktapittavināśanam // ### [1.46.105](https://indike.org/pramana/in.med.samhita.susruta.1.46.105) haṃsasārasakrauñcacakravākakurarakādambakāraṇḍavajīvañjīvakabakabalākāpuṇḍarīkaplavaśarārīmukhanandīmukhamadgūtkrośakācākṣamallikākṣaśuklākṣapuṣkaraśāyikākonālakāmbukukkuṭikāmegharāvaśvetavāralaprabhṛtayaḥ plavāḥ saṃghātacāriṇaḥ // ### [1.46.106](https://indike.org/pramana/in.med.samhita.susruta.1.46.106) raktapittaharāḥ śītāḥ snigdhā vṛṣyā marujjitaḥ / ### [1.46.106\_2](https://indike.org/pramana/in.med.samhita.susruta.1.46.106_2) sṛṣṭamūtrapurīṣāśca madhurā rasapākayoḥ // ### [1.46.107](https://indike.org/pramana/in.med.samhita.susruta.1.46.107) gurūṣṇamadhuraḥ snigdhaḥ svaravarṇabalapradaḥ / ### [1.46.107\_2](https://indike.org/pramana/in.med.samhita.susruta.1.46.107_2) bṛṃhaṇaḥ śukralasteṣāṃ haṃso vātavikāranut // ### [1.46.108](https://indike.org/pramana/in.med.samhita.susruta.1.46.108) śaṅkhaśaṅkhanakhaśuktiśambūkabhallūkaprabhṛtayaḥ kośasthāḥ // ### [1.46.109](https://indike.org/pramana/in.med.samhita.susruta.1.46.109) kūrmakumbhīrakarkaṭakakṛṣṇakarkaṭakaśiśumāraprabhṛtayaḥ pādinaḥ // ### [1.46.110](https://indike.org/pramana/in.med.samhita.susruta.1.46.110) śaṅkakūrmādayaḥ svādurasapākā marunnudaḥ / _First 200 of 1,035 passages. [Read on](https://indike.org/pramana/in.med.samhita.susruta.1.46)_ ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.53.3) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.58.11) — Cakrapāṇidatta, Sanskrit ## Linked texts (11) - [Āyurvedamahodadhi (Annapānavidhi section)](https://indike.org/pramana/in.med.sangraha.ayurvedamahodadhi.463) — Suṣeṇa, Sanskrit - [Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing)](https://indike.org/pramana/in.med.samhita.caraka!cakrapani*jadavji.1.27.10.1) — Sanskrit - [Carakasaṃhitā](https://indike.org/pramana/in.med.samhita.caraka.1.27.331) — Agniveśa (Āyurveda) & Caraka, Sanskrit - [Rājanighaṇṭu (Nighaṇṭurāja, Abhidhānacūḍāmaṇi)](https://indike.org/pramana/in.med.nighantu.namaguna.rajanighantu.16.58) — Narahari Paṇḍita, Sanskrit - [Bhāvasvabhāva](https://indike.org/pramana/in.med.nighantu.dravyaguna.bhavasvabhava.16.6) — Mādhavadeva, Sanskrit - [Āyurvedasaukhya](https://indike.org/pramana/in.med.sangraha.ayurvedasaukhya.16.8) — Ṭoḍaramalla 1565, Sanskrit - [Annapānavidhi](https://indike.org/pramana/in.med.pathya.annapanavidhi.24.1-2) — Suṣeṇa, Sanskrit - [Vaidyāvataṃsa](https://indike.org/pramana/in.med.vaidyavatamsa.2.11) — Lolimbarāja, Sanskrit - [Kaiyadevanighaṇṭu (Pathyāpathyavibodhaka)](https://indike.org/pramana/in.med.nighantu.namaguna.kaiyadeva.4.224) — Kaiyadeva, Sanskrit - [Madanapālanighaṇṭu (Madanavinoda)](https://indike.org/pramana/in.med.nighantu.namaguna.madanapala.10.86-3) — Madanapāla (Ṭāka), Sanskrit - [Madanapālavinodanighaṇṭu](https://indike.org/pramana/in.med.nighantu.namaguna.madanapalavinodanighantu.11.1-2.5) — Madanapāla (Ṭāka), Sanskrit --- Source: [https://indike.org/pramana/in.med.samhita.susruta.1.46](https://indike.org/pramana/in.med.samhita.susruta.1.46) · Pramāṇa