[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.4 # The Compendium of Suśruta 1.4: caturtho+adhyāyaḥ / Suśrutasaṃhitā 1.4 - **Language:** Sanskrit ### caturtho+adhyāyaḥ / ### [1.4.1](https://indike.org/pramana/in.med.samhita.susruta.1.4.1) athātaḥ prabhāṣaṇīyamadhyāyaṃ vyākhyāsyāmaḥ // ### [1.4.2](https://indike.org/pramana/in.med.samhita.susruta.1.4.2) yāthovāca bhagavān dhanvantariḥ // ### [1.4.3](https://indike.org/pramana/in.med.samhita.susruta.1.4.3) adhigatamapyadhyayanamaprabhāṣitamarthataḥ kharasya candanabhāra iva kevalaṃ pariśramakaraṃ bhavati // ### [1.4.4](https://indike.org/pramana/in.med.samhita.susruta.1.4.4) bhavati cātra / ### [1.4.4\_2](https://indike.org/pramana/in.med.samhita.susruta.1.4.4_2) yathā kharaścandanabhāravāhī bhārasya vettā na tu candanasya / ### [1.4.4\_3](https://indike.org/pramana/in.med.samhita.susruta.1.4.4_3) evaṃ hi śāstrāṇi baḥūnyadhītya cārtheṣu mūḍhāḥ kharavadvahanti // ### [1.4.5](https://indike.org/pramana/in.med.samhita.susruta.1.4.5) tasmāt saviṃśamadhyāyaśatamanupadapādaślokamanuvarṇayitavyamanuśrotavyaṃ ca kasmāt sūkṣmā hi dravyarasaguṇavīryavipākadoṣadhātumalāśayamarmasirāsnāyusandhyasthigarbhasaṃbhavadravyasamūhavibhāgāstathā pranaṣṭaśalyoddharaṇavraṇaviniścayabhagnavikalpāḥ sādhyayāpyapratyākhyeyatā ca vikārāṇāmevamādayaścānye sahasraśo viśeṣā ye vicintyamānā vimalavipulabuddherapi buddhimākulīkuryuḥ kiṃ punaralpabuddheḥ tasmādavaśyamanupadapādaślokamanuvarṇayitavyamanuśrotavyaṃ ca // ### [1.4.6](https://indike.org/pramana/in.med.samhita.susruta.1.4.6) anyaśāstropapannānāṃ cārthānāmihopanītānāmarthavaśātteṣāṃ tadvidyebhya eva vyākhyānamanuśrotavyaṃ kasmāt nahyekasmin śāstre śakyaḥ sarvaśāstrāṇāmavarodhaḥ kartum // ### [1.4.7](https://indike.org/pramana/in.med.samhita.susruta.1.4.7) bhavanti cātra / ### [1.4.7\_2](https://indike.org/pramana/in.med.samhita.susruta.1.4.7_2) ekaṃ śāstramadhīyāno na vidyācchāstraniścayam / ### [1.4.7\_3](https://indike.org/pramana/in.med.samhita.susruta.1.4.7_3) tasmādbahuśrutaḥ śāstraṃ vijānīyāccikitsakaḥ // ### [1.4.8](https://indike.org/pramana/in.med.samhita.susruta.1.4.8) śāstraṃ gurumukhodbīrṇamādāyopāsya cāsakṛt / ### [1.4.8\_2](https://indike.org/pramana/in.med.samhita.susruta.1.4.8_2) yaḥ karmakurute vaiyaḥ sa vaidyo+anye tu taskarāḥ // ### [1.4.9](https://indike.org/pramana/in.med.samhita.susruta.1.4.9) aupadhenavamaurabhraṃ sauśrutaṃ pauṣkalāvatam / ### [1.4.9\_2](https://indike.org/pramana/in.med.samhita.susruta.1.4.9_2) śeṣāṇāṃ śalyatantrāṇāṃ mūlānyetāni nirdiśet // ### [1.4.9\_1](https://indike.org/pramana/in.med.samhita.susruta.1.4.9_1) iti suśrutasaṃhitāyāṃ sūtrasthāne prabhāṣanīyo nāma caturtho+adhyāyaḥ // ## Commentaries (2) - [Bhānumatī](https://indike.org/pramana/in.med.samhita.susruta!cakrapani.4.2) — Cakrapāṇidatta, Sanskrit - [Nibandhasaṅgraha](https://indike.org/pramana/in.med.samhita.susruta!dalhana.5.2) — Ḍalhaṇa, Sanskrit ## Linked texts (1) - [Bhaiṣajyaratnāvalī (ed. Rājeśvaradatta Śāstrī)](https://indike.org/pramana/in.med.cikitsa.gauda.bhaisajyaratnavali*sastri1978.4.39) — Sanskrit --- Source: [https://indike.org/pramana/in.med.samhita.susruta.1.4](https://indike.org/pramana/in.med.samhita.susruta.1.4) · Pramāṇa