[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.5 # The Compendium of Suśruta 1.5: pañcamo+adhyāyaḥ / Suśrutasaṃhitā 1.5 - **Language:** Sanskrit ### pañcamo+adhyāyaḥ / ### [1.5.1](https://indike.org/pramana/in.med.samhita.susruta.1.5.1) athāto+agropaharaṇīyamadhyāyaṃ vyākhyāsyāmaḥ // ### [1.5.2](https://indike.org/pramana/in.med.samhita.susruta.1.5.2) yathovāca bhagavān dhanvantariḥ // ### [1.5.3](https://indike.org/pramana/in.med.samhita.susruta.1.5.3) trividhaṃ karma pūrvakarma pradhānakarma paścātkarmeti tadvyādhīṃ prati pratyupadekṣyāmaḥ // ### [1.5.4](https://indike.org/pramana/in.med.samhita.susruta.1.5.4) asmin śāstre śāstrakarmaprākhānyācchastrakarmaiva tāvat pūrvamupadekṣyāmastatsambhārāṃśca // ### [1.5.5](https://indike.org/pramana/in.med.samhita.susruta.1.5.5) tacca śastrakarmā+aṣṭavidhaṃ tadyathā chedyaṃ bhedyaṃ lekhyaṃ vedhyaṃ eṣyaṃ āhāryaṃ visrāvyaṃ sīvyamiti // ### [1.5.6](https://indike.org/pramana/in.med.samhita.susruta.1.5.6) ato+anyataṃ karma cikīrśatā vaidyena pūrvamevopakalpayitavyāni yantraśastrakṣārāgniśalākāśṛṅgajalaukālābūjāmbavauṣṭhapicuprotasūtrapatrapaṭṭamadhughṛtavasāpayastailatarpaṇakaṣāyālepanakalkavyajanaśītoṣṇodakakaṭāhādīni parikarmiṇaśca snigdhāḥ sthirā balavantaḥ // ### [1.5.7](https://indike.org/pramana/in.med.samhita.susruta.1.5.7) tataḥ praśasteṣu tithikaraṇamuhūrtanakṣatreṣu dadhyakṣatānnapānaratnairagniṃ viprān miṣajaścārcayitvā kṛtabalimaṅgalasvastivācanaṃ laghubhuktavantaṃ prāṅnukhamāturamupaveśya yantrayitvā pratyṅnukho vaidyo marmasirāsnāyusandhyasthidhamanīḥ pariharan anulomaṃ śastraṃ nidadhyādāpūyadarśanāt sakṛdevāpaharecchastramāśu ca mahatsvapi ca pākeṣu dvyaṅgulāntaraṃ tryaṅgulāntaraṃ vā śastrapadamuktam // ### [1.5.8](https://indike.org/pramana/in.med.samhita.susruta.1.5.8) tatrāyato viṣālaḥ samaḥ suvibhakto nirāśraya iti vraṇaguṇāḥ ### [1.5.9](https://indike.org/pramana/in.med.samhita.susruta.1.5.9) bhavatścātra / ### [1.5.9\_2](https://indike.org/pramana/in.med.samhita.susruta.1.5.9_2) āyataśca viśālaśca suvibhakto nirāśrayaḥ / ### [1.5.9\_3](https://indike.org/pramana/in.med.samhita.susruta.1.5.9_3) prāptakālakṛtaścāpi vraṇaḥ karmaṇi śasyate // ### [1.5.10](https://indike.org/pramana/in.med.samhita.susruta.1.5.10) śauryamāśukriyā śastrataikṣṇyamasvedavepathu / ### [1.5.10\_2](https://indike.org/pramana/in.med.samhita.susruta.1.5.10_2) asaṃmohaśca vaidyasya śastrakarmaṇi śasyate // ### [1.5.11](https://indike.org/pramana/in.med.samhita.susruta.1.5.11) ekena vā vraṇenā+aṣudhyamāne nā+antarā buddhyā+avekṣyāparān vraṇān kuryāt // ### [1.5.12](https://indike.org/pramana/in.med.samhita.susruta.1.5.12) bhavati cātra / ### [1.5.12\_2](https://indike.org/pramana/in.med.samhita.susruta.1.5.12_2) yato yato gatiṃ vidyādutsaṅgo yatra yatra ca / ### [1.5.12\_3](https://indike.org/pramana/in.med.samhita.susruta.1.5.12_3) tatra tatra vraṇaṃ kuryādyathā doṣo na niṣṭhati // ### [1.5.13](https://indike.org/pramana/in.med.samhita.susruta.1.5.13) tatra bhrūgaṇḍaśaṅkhalalāṭākṣipuṭauṣṭhadantaveṣṭakakṣākukṣivaṅkṣaṇeṣu tiyak cheda uktaḥ // (? ### [1.5.14](https://indike.org/pramana/in.med.samhita.susruta.1.5.14) candramaṇḍalavacchedān pāṇipādeṣu kārayet / ### [1.5.14\_2](https://indike.org/pramana/in.med.samhita.susruta.1.5.14_2) ardhacandrākṛtīṃścāpi gude meḍhre ca buddhimān //) ### [1.5.15](https://indike.org/pramana/in.med.samhita.susruta.1.5.15) anyathā tu sirāsnāyucchedanaṃ atimātraṃ vedanā cirādvraṇasaṃroho māṃsakandīprādurbhāvaśceti // ### [1.5.16](https://indike.org/pramana/in.med.samhita.susruta.1.5.16) mūḍhagarbhodarārśo+aśmarībhagandaramukharogeṣvabhuktavataḥ karma kurvīta // ### [1.5.17](https://indike.org/pramana/in.med.samhita.susruta.1.5.17) tataḥ śastramavacārya śītābhiradbhirāturamāśvāsya samantāt paripīḍyāṅgulyā vraṇamabhimṛdya(ā.jya) prakṣālya kaṣāyeṇa protenodakamādāya tilakalkamadhusarpiḥpragāḍhāmauṣadhayuktāṃ nātisnigdhāṃ nātirūkṣāṃ vartiṃ praṇidadhyāt tataḥ kalkenācchādya ghanāṃ kavalikāṃ dattvā vastrapaṭṭena badhnīyāt vedanārakṣoghnairdhūpairdhūpayet rakṣoghnaiśca mantnrai rakṣāṃ kurvīta // ### [1.5.18](https://indike.org/pramana/in.med.samhita.susruta.1.5.18) tato guggulvagurusarjarasavacāgaurasarṣapacūrṇairlavaṇanimbapatravimiśrairājyayuktairdhūpayet ājyaśeṣeṇa cāsya prāṇān samālabheta // ### [1.5.19](https://indike.org/pramana/in.med.samhita.susruta.1.5.19) udakumbhāccāpo gṛhītvāprokṣayan rakṣākarma kuyāt //tadvakṣyāmaḥ ### [1.5.20](https://indike.org/pramana/in.med.samhita.susruta.1.5.20) kṛtyānāṃpratighātārthaṃ tathā rakṣobhayasya ca / ### [1.5.20\_2](https://indike.org/pramana/in.med.samhita.susruta.1.5.20_2) rakṣākarma kariṣyāmi brahmā tadanumanyatām // ### [1.5.21](https://indike.org/pramana/in.med.samhita.susruta.1.5.21) nāgāḥ piśācā gandharvāḥ pitaro yakṣarākṣasāḥ / ### [1.5.21\_2](https://indike.org/pramana/in.med.samhita.susruta.1.5.21_2) abhidravanti ye ye tvāṃ brahmādyā ghnantu tān sadā // ### [1.5.22](https://indike.org/pramana/in.med.samhita.susruta.1.5.22) pṛthivyāmantarīkṣe ca ye caranti niśācarāḥ / ### [1.5.22\_2](https://indike.org/pramana/in.med.samhita.susruta.1.5.22_2) dikṣu vāstunivāsāśca pāntu tvāṃ te namaskṛtāḥ // ### [1.5.23](https://indike.org/pramana/in.med.samhita.susruta.1.5.23) pāntu tvāṃ munayo brāhayā divyā rājarṣayastathā / ### [1.5.23\_2](https://indike.org/pramana/in.med.samhita.susruta.1.5.23_2) parvatāścaiva nadyaśca sarvāḥ sarve ca sāgarāḥ // ### [1.5.24](https://indike.org/pramana/in.med.samhita.susruta.1.5.24) sgnī rakṣatu te jihvāṃ prāṇān vāyustathaiva ca / ### [1.5.24\_2](https://indike.org/pramana/in.med.samhita.susruta.1.5.24_2) somo vyānamapāna te parjanyaḥ parirakṣatu // ### [1.5.25](https://indike.org/pramana/in.med.samhita.susruta.1.5.25) udānaṃ vidyutaḥ pāntu samānaṃ stanayitnavaḥ / ### [1.5.25\_2](https://indike.org/pramana/in.med.samhita.susruta.1.5.25_2) balamindro balapatirmanurmanye matiṃ tathā // ### [1.5.26](https://indike.org/pramana/in.med.samhita.susruta.1.5.26) kāmāṃste pāntu gandharvāḥ sattvamindro+abhirakṣatu / ### [1.5.26\_2](https://indike.org/pramana/in.med.samhita.susruta.1.5.26_2) prajñāṃ te varuṇo rājā samudro nābhimaṇḍalam // ### [1.5.27](https://indike.org/pramana/in.med.samhita.susruta.1.5.27) cakṣuḥ sūryo diśaḥ śrotre candramāḥ pātu te manaḥ / ### [1.5.27\_2](https://indike.org/pramana/in.med.samhita.susruta.1.5.27_2) nakṣatrāṇi sadā rūpaṃ chāyāṃ pāntu niśāstava // ### [1.5.28](https://indike.org/pramana/in.med.samhita.susruta.1.5.28) retastvāpyāyayantvāpo romāṇyoṣadhayastathā / ### [1.5.28\_2](https://indike.org/pramana/in.med.samhita.susruta.1.5.28_2) ākāśaṃ khāni te pātu dehāṃ tava vasundharā // ### [1.5.29](https://indike.org/pramana/in.med.samhita.susruta.1.5.29) vaiṣvānaraḥ śiraḥ pātu viṣṇustava parākramam / ### [1.5.29\_2](https://indike.org/pramana/in.med.samhita.susruta.1.5.29_2) pauruśaṃ puruṣaśreṣṭho brahmā+ātmānaṃ dhruvo bhruvau // ### [1.5.30](https://indike.org/pramana/in.med.samhita.susruta.1.5.30) etā dehe viśeṣeṇa tava nityā hi devatāḥ / ### [1.5.30\_2](https://indike.org/pramana/in.med.samhita.susruta.1.5.30_2) etāstvāṃ satataṃ pāntu dīrghamāyuravāpnuhi // ### [1.5.31](https://indike.org/pramana/in.med.samhita.susruta.1.5.31) svasti te bhagavān brahmā svasti devāśca kurvatām / \[ ### [1.5.31\_2](https://indike.org/pramana/in.med.samhita.susruta.1.5.31_2) svasti te candrasūryau ca svasti nāradaparvatau /\] ### [1.5.31\_3](https://indike.org/pramana/in.med.samhita.susruta.1.5.31_3) svastyagniścaiva vāyuśca svasti devāḥ sahendragāḥ // ### [1.5.32](https://indike.org/pramana/in.med.samhita.susruta.1.5.32) pitāmahakṛtā rakṣā svastyāyurvardhatāṃ tava / ### [1.5.32\_2](https://indike.org/pramana/in.med.samhita.susruta.1.5.32_2) ītayaste praśāmyantu sadā bhava gatavyathaḥ // ### [1.5.33](https://indike.org/pramana/in.med.samhita.susruta.1.5.33) iti svāhā // ### [1.5.33\_2](https://indike.org/pramana/in.med.samhita.susruta.1.5.33_2) etairvedātmakairmantraiḥ iṛtyāvyādhivināśanaiḥ / ### [1.5.33\_3](https://indike.org/pramana/in.med.samhita.susruta.1.5.33_3) mayaivaṃ kṛtarakṣastvaṃ dīrghamāyuravāpnuhi // ### [1.5.34](https://indike.org/pramana/in.med.samhita.susruta.1.5.34) tataḥ kṛtarakṣamāturamāgāraṃ praveśya ācārikamādiśet // ### [1.5.35](https://indike.org/pramana/in.med.samhita.susruta.1.5.35) tatastṛtīye+ahani vimucyaivameva badhnīyādvastrapaṭṭena na cainaṃ tvaramāṇo+aparedyurmokṣayet // ### [1.5.36](https://indike.org/pramana/in.med.samhita.susruta.1.5.36) dvitīyadivasaparimokṣaṇādvigrathito vraṇaścirādupasaṃrohati tīvrarujaśca bhavati // ### [1.5.37](https://indike.org/pramana/in.med.samhita.susruta.1.5.37) ata ūrdhvaṃ doṣakālabalādīnavekṣya kaṣāyālepanabandhāhārācārān vedadhyāt // ### [1.5.38](https://indike.org/pramana/in.med.samhita.susruta.1.5.38) na cainaṃ tvaramāṇaḥ sāntardoṣaṃ ropayet sa hyalpenāpyapacāreṇābhyantaramutsaṅgaṃ kṛtvā bhūyo+api vikaroti / ### [1.5.39](https://indike.org/pramana/in.med.samhita.susruta.1.5.39) bhavanti cātra // ### [1.5.39\_2](https://indike.org/pramana/in.med.samhita.susruta.1.5.39_2) tasmādantarbahiścaiva suśuddhaṃ ropayedvraṇam / ### [1.5.39\_3](https://indike.org/pramana/in.med.samhita.susruta.1.5.39_3) rūḍhe+apyajīrṇavyāyāmavyavāyādīn vivarjayet / ### [1.5.39\_4](https://indike.org/pramana/in.med.samhita.susruta.1.5.39_4) harṣaṃ krodhaṃ bhayaṃ cāpi yāvat sthairyopasaṃbhavāt // ### [1.5.40](https://indike.org/pramana/in.med.samhita.susruta.1.5.40) hemante śiśire caiva vasante cāpi mokṣayet / ### [1.5.40\_2](https://indike.org/pramana/in.med.samhita.susruta.1.5.40_2) tryahāddvyahāccharadgrīṣmavarṣāsvapi ca buddhimān // ### [1.5.41](https://indike.org/pramana/in.med.samhita.susruta.1.5.41) atipātiṣu rogeṣu necchedvidhimimaṃ bhiṣak / ### [1.5.41\_2](https://indike.org/pramana/in.med.samhita.susruta.1.5.41_2) pradīptāgāravacchīghraṃ tatra kuryāt pratikriyām // ### [1.5.42](https://indike.org/pramana/in.med.samhita.susruta.1.5.42) yāvedanā śastranipātajātā tīvrā śarīraṃ pradunoti jantoḥ / ### [1.5.42\_2](https://indike.org/pramana/in.med.samhita.susruta.1.5.42_2) ghṛtena sā śāntimupaiti siktā koṣṇena yaṣṭīmadhukānvitena // ### [1.5.42\_1](https://indike.org/pramana/in.med.samhita.susruta.1.5.42_1) iti suśrutasaṃhitāyāṃ sūtrsthāne+agropaharaṇīyo nāma pañcamo+adhyāyaḥ // ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.6.2) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani.5.2) — Cakrapāṇidatta, Sanskrit --- Source: [https://indike.org/pramana/in.med.samhita.susruta.1.5](https://indike.org/pramana/in.med.samhita.susruta.1.5) · Pramāṇa