[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 1.8 # The Compendium of Suśruta 1.8: aṣṭamo+adhyāyaḥ / Suśrutasaṃhitā 1.8 - **Language:** Sanskrit ### aṣṭamo+adhyāyaḥ / ### [1.8.1](https://indike.org/pramana/in.med.samhita.susruta.1.8.1) athātaḥ śastrāvacāraṇīyamadhyāyaṃ vyākhyāsyāmaḥ // ### [1.8.2](https://indike.org/pramana/in.med.samhita.susruta.1.8.2) yathovāca bhagavān dhanvantariḥ // ### [1.8.3](https://indike.org/pramana/in.med.samhita.susruta.1.8.3) viṃśatiḥ śāstrāṇi tadyathā maṇḍalāgrakarapatravṛddhipatranakhaśastramudrikotpalapatrakārdhadhārasūcīkuśapatrāṭīmukhaśarārimaukhāntarmukhatrikūrcakakuṭhārikāvrīhimukhārāvetasapatrakabaḍiśadantaśaṅkveṣaṇya iti // ### [1.8.4](https://indike.org/pramana/in.med.samhita.susruta.1.8.4) tatra maṇḍalāgrakarapatre syātāṃ chedane lekhane ca vṛddhipatranakhaśastramudrikotpalapatrakārdhadhārāṇi chedane bhedane ca sūcīkuśapatrāṭīmukhaśarārimukhāntarmukhatrikūrcakāni visrāvaṇe kuṭhārikāvrīhimukhārāvetasapatrakāṇi vyadhane sūcī ca baḍiśaṃ dantaśaṅkuścāharaṇe eṣaṇyeṣaṇe ānulobhye ca sūcyaḥ sīvane ityaṣṭavidhe karmaṇyupayogaḥ śastrāṇāṃ vyākkhyātaḥ // ### [1.8.5](https://indike.org/pramana/in.med.samhita.susruta.1.8.5) teṣamatha yathāyogaṃ grahaṇasamāsopāyaḥ karmasuvakṣyate tatra vṛddhipatraṃ vṛntaphalasādhāraṇe bhāge gṛhṇīyādbhedanānyevaṃ sarvāṇi vṛddhipatraṃ maṇḍalāgraṃ ca kiṃciduttānena pāṇinā lekhane bahuśo+avacāryaṃ vṛntāgre visrāvaṇāni viśeṣeṇa tu bālavṛddhasukumārabhīrunārīṇāṃ rājñāṃ rājaputrāṇāṃ ca trikūrcakena visrāvayet talapracchāditavṛntamaṅguṣṭhapradeśinībhyāṃ vrīhimukhaṃ kuṭhārikāṃ vāmahastanyastāmitarahastamadhyamāṅgulyā+aṅguṣṭhaviṣṭabdhayā+abhihanyāt ārākarapatraiṣaṇyo mūle śeṣāṇi tu yathāyogaṃ kṛhṇīyāt // ### [1.8.6](https://indike.org/pramana/in.med.samhita.susruta.1.8.6) teṣāṃ nāmabhirevākṛtayaḥ prāyeṇa vyākhyātāḥ // ### [1.8.7](https://indike.org/pramana/in.med.samhita.susruta.1.8.7) tatra nakhaśastraiṣaṇyāvaṣṭāṅgule sūcyo vakṣyante (? pradeśinyagraparvapradeśapramāṇā mudrikā daśāṅgulā śarārimukhī sā ca kartarīti kathyate /) śeṣāṇi tu ṣaḍaṅgulāni // ### [1.8.8](https://indike.org/pramana/in.med.samhita.susruta.1.8.8) tāni sugrahāṇi sulohāni sudhārāṇi surūpāṇi susamāhitamukhāgrāṇi akarālāni ceti śastrasaṃpat // ### [1.8.9](https://indike.org/pramana/in.med.samhita.susruta.1.8.9) tatra vakraṃ kuṇṭhaṃ khaṇḍaṃ kharadhāraṃ atisthūlaṃ atitucchaṃ atidīrghaṃ atihrasvaṃ ityaṣṭau śastradoṣāḥ / ato viparītaguṇamādadīta anyatra karapatrāt taddhi kharadhāramasthicchedanārtham// ### [1.8.10](https://indike.org/pramana/in.med.samhita.susruta.1.8.10) tatra dhārā bhedanānāṃ māsūrī lekhanānāmardhamāsūrī vyadhanānāṃ visrāvaṇānāṃ ca kaiśikī chedanānāmardhakaiśikīti // ### [1.8.11](https://indike.org/pramana/in.med.samhita.susruta.1.8.11) baḍiśaṃ dantaśaṅkuścānatāgre / tīkṣṇakaṇṭakaprathamayavapatramukhyeṣaṇī (? gaṇḍūpadākāramukhī ca ) // ### [1.8.12](https://indike.org/pramana/in.med.samhita.susruta.1.8.12) teṣāṃ pāyanā trividhā kśārodakataileṣu / tatra kṣārapāyitaṃ śaraśalyāsthicchedaneṣu udakapāyitaṃ māṃsacchedanabhedanapāṭaneṣu tailapāyitaṃ sirāvyadhanasnāyucchedaneṣu // ### [1.8.13](https://indike.org/pramana/in.med.samhita.susruta.1.8.13) teṣāṃ niśānārthaṃ ślakṣṇaśilā māṣavarṇā dhārāsaṃsthāpanārthaṃ śālmalīphalakamiti // ### [1.8.14](https://indike.org/pramana/in.med.samhita.susruta.1.8.14) bhavati cātra / ### [1.8.14\_2](https://indike.org/pramana/in.med.samhita.susruta.1.8.14_2) yadā suniśitaṃ śastraṃ romacchedi susaṃsthitam / ### [1.8.14\_3](https://indike.org/pramana/in.med.samhita.susruta.1.8.14_3) sugṛhītaṃ pramāṇena tadā karmasu yojayet // ### [1.8.15](https://indike.org/pramana/in.med.samhita.susruta.1.8.15) anuśastrāṇi tu tvaksārasphaṭikakācakuruvindajalaukognikṣāranakhagojīśephālikāśākapatrakarīrabālāṅgulaya iti // ### [1.8.16](https://indike.org/pramana/in.med.samhita.susruta.1.8.16) śiṣūnāṃ śastrabhīrūṇāṃ śastrābhāve ca yojayet / ### [1.8.16\_2](https://indike.org/pramana/in.med.samhita.susruta.1.8.16_2) tvaksārādicaturvargaṃ chedye ca buddhimān // ### [1.8.17](https://indike.org/pramana/in.med.samhita.susruta.1.8.17) āhāryacchedyabhedyeṣu nakhaṃ śakyeṣu yojayet / ### [1.8.17\_2](https://indike.org/pramana/in.med.samhita.susruta.1.8.17_2) vidhiḥ pravakṣyate paścāt kṣāravahnijalaukasām // ### [1.8.18](https://indike.org/pramana/in.med.samhita.susruta.1.8.18) ye syurmukhagatā rogā netravartmagatāśca ye / ### [1.8.18\_2](https://indike.org/pramana/in.med.samhita.susruta.1.8.18_2) gojīśephālikāśākapatrairvisrāvayettu tān // ### [1.8.19](https://indike.org/pramana/in.med.samhita.susruta.1.8.19) eṣyeṣveṣaṇyalābhe tu bālāṅgulyaṅkurā hitāḥ / ### [1.8.19\_2](https://indike.org/pramana/in.med.samhita.susruta.1.8.19_2) śastrāṇyetāni matimān śuddhaśaikyāyasāni tu / ### [1.8.19\_3](https://indike.org/pramana/in.med.samhita.susruta.1.8.19_3) kārayet karaṇaprāptaṃ karmāraṃ karmakovidam // ### [1.8.20](https://indike.org/pramana/in.med.samhita.susruta.1.8.20) prayogajñasya vaidyasya siddhirbhavati nityaśaḥ / ### [1.8.20\_2](https://indike.org/pramana/in.med.samhita.susruta.1.8.20_2) tasmāt paricayaṃ kuryācchastrāṇāṃ grahaṇe sadā // ### [1.8.20\_1](https://indike.org/pramana/in.med.samhita.susruta.1.8.20_1) iti suśrutasaṃhitāyāṃ sūtrasthāne śastrāvacāraṇīyo nāmāṣṭamo+adhyāyaḥ // ## Commentaries (2) - [Bhānumatī](https://indike.org/pramana/in.med.samhita.susruta!cakrapani.8.2) — Cakrapāṇidatta, Sanskrit - [Nibandhasaṅgraha](https://indike.org/pramana/in.med.samhita.susruta!dalhana.10.2.1) — Ḍalhaṇa, Sanskrit ## Linked texts (1) - [Aṣṭāṅgasaṃgraha](https://indike.org/pramana/in.med.samhita.astangasamgraha.38.38) — Vāgbhaṭa, Sanskrit --- Source: [https://indike.org/pramana/in.med.samhita.susruta.1.8](https://indike.org/pramana/in.med.samhita.susruta.1.8) · Pramāṇa