[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 2.11 # The Compendium of Suśruta 2.11: ekādaśo+adhyāyaḥ// Suśrutasaṃhitā 2.11 - **Language:** Sanskrit ### ekādaśo+adhyāyaḥ// ### [2.11.1](https://indike.org/pramana/in.med.samhita.susruta.2.11.1) athāto granthapacyarbudagalagaṇḍānāṁ nidānaṁ vyākhyāsyāmaḥ// ### [2.11.2](https://indike.org/pramana/in.med.samhita.susruta.2.11.2) yathovāca bhagavān dhanvantariḥ// ### [2.11.3](https://indike.org/pramana/in.med.samhita.susruta.2.11.3) vātādayo māṁsamasṛk ca duṣṭāḥ saṁdūṣya medaśca kaphānuviddham†/ vṛttonnataṁ vigrathitaṁ tu śophaṁ kurvantyato granthiriti pradiṣṭaḥ// ### [2.11.4](https://indike.org/pramana/in.med.samhita.susruta.2.11.4) āyamyate vyathyata† eti todaṁ pratyasyate †kṛtyata eti bhedam/ kṛṣṇo+amṛdurbastirivātataśca binnaḥ sraveccānilajo+asramaccham// ### [2.11.5](https://indike.org/pramana/in.med.samhita.susruta.2.11.5) dandahyate dhūpyati †cūṣyate ca pāpacyate prajvalatīva cāpi/ raktaḥ sapīto+apyathavā+api pittādbhinnaḥ sraveduṣṇamatīva cāsram// ### [2.11.6](https://indike.org/pramana/in.med.samhita.susruta.2.11.6) śīto+avivarṇo+alparujo+atikaṇḍūḥ pāṣāṇavat saṁhananopapannaḥ/ cirābhivṛddhiśca kaphaprakopādbhinnaḥ sravecchuklaghanaṁ ca pūyam// ### [2.11.7](https://indike.org/pramana/in.med.samhita.susruta.2.11.7) śarīravṛddhikṣayavṛddhihāniḥ snigdho mahānalparujo+atikaṇḍūḥ/ medaḥkṛto gacchati cātra bhinne piṇyākasarpiḥpratimaṁ tu medaḥ// ### [2.11.8](https://indike.org/pramana/in.med.samhita.susruta.2.11.8) vyāyāmajātairabalasya taistairākṣipya vāyurhi sirāpratānam/ saṁpīḍya saṅkocya viśoṣya cāpi granthiṁ karotyunnatamāśu vṛttam// ### [2.11.9](https://indike.org/pramana/in.med.samhita.susruta.2.11.9) granthiḥ sirājaḥ sa tu kṛcchrasādhyo bhavedyadi syāt sarujaścalaśca/ aruk sa †evāpyacalo mahāṁśca marmotthitaścāpi vivarjanīyaḥ// ### [2.11.10](https://indike.org/pramana/in.med.samhita.susruta.2.11.10) hanvasthikakṣākṣakabāhusandhimanyāgaleṣūpacitaṁ tu medaḥ/ granthiṁ sthiraṁ vṛttamathāyataṁ vā snigdhaṁ kaphaścālparujaṁ karoti// ### [2.11.11](https://indike.org/pramana/in.med.samhita.susruta.2.11.11) taṁ granthibhistvāmalakāsthimātrairmatsyāṇḍajālapratimaistathā†+anyaiḥ/ ananyavarṇairupacīyamānaṁ cayaprakarṣādapacīṁ vadanti// ### [2.11.12](https://indike.org/pramana/in.med.samhita.susruta.2.11.12) kaṇḍūyutāste+alparujaḥ prabhinnāḥ sravanti naśyanti bhavanti cānye/ medaḥkaphābhyāṁ khalu roga eṣa sudustaro varṣagaṇānubandhī// ### [2.11.13](https://indike.org/pramana/in.med.samhita.susruta.2.11.13) gātrapradeśe kvacideva doṣāḥ saṁmūrcchitā māṁsamabhipradūṣya/ vṛttaṁ sthiraṁ mandarujaṁ mahāntamanalpamūlaṁ ciravṛddhyapākam// ### [2.11.14](https://indike.org/pramana/in.med.samhita.susruta.2.11.14) kurvanti māṁsopacayaṁ tu śophaṁ tamarbudaṁ śāstravido vadanti/ vātena pittena kaphena cāpi raktena māṁsena ca medasā ca// ### [2.11.15](https://indike.org/pramana/in.med.samhita.susruta.2.11.15) tajjāyate tasya ca lakṣaṇāni grantheḥ samānāni sadā bhavanti/ doṣaḥ praduṣṭo rudhiraṁ sirāstu saṁpīḍya saṅkocya gatastvapākam// ### [2.11.16](https://indike.org/pramana/in.med.samhita.susruta.2.11.16) sāsrāvamunnahyati māṁsapiṇḍaṁ māṁsāṅkurairācitamāśuvṛddhim/ sravatyajasraṁ rudhiraṁ praduṣṭamasādhyametadrudhirātmakaṁ syāt// ### [2.11.17](https://indike.org/pramana/in.med.samhita.susruta.2.11.17) raktakṣayopadravapīḍitatvāt pāṇḍurbhavet so+arbudapīḍitastu/ muṣṭiprahārādibhirardite+aṅge māṁsaṁ praduṣṭaṁ prakaroti śopham// ### [2.11.18](https://indike.org/pramana/in.med.samhita.susruta.2.11.18) avedanaṁ snigdhamananyavarṇamapākamaśmopamamapracālyam/ praduṣṭamāṁsasya narasya bāḍhametadbhavenmāṁsaparāyaṇasya// ### [2.11.19](https://indike.org/pramana/in.med.samhita.susruta.2.11.19) māṁsārbudaṁ tvetadasādhyamuktaṁ sādhyeṣvapīmāni vivarjayettu/ saṁprasrutaṁ marmaṇi yacca jātaṁ srotaḥsu vā yacca bhavedacālyam// ### [2.11.20](https://indike.org/pramana/in.med.samhita.susruta.2.11.20) †yajjāyate+anyat khalu pūrvajāte jñeyaṁ tadadhyarbudamarbudajñaiḥ/ yaddvandvajātaṁ yugapat kramādvā dvirarbudaṁ tacca bhavedasādhyam// ### [2.11.21](https://indike.org/pramana/in.med.samhita.susruta.2.11.21) na pākamāyānti kaphādhikatvānmedobahutvācca viśeṣatastu/ doṣasthiratvādgrathanācca teṣāṁ sarvārbudānyeva nisargatastu// ### [2.11.22](https://indike.org/pramana/in.med.samhita.susruta.2.11.22) vātaḥ kaphaścaiva †gale pravṛddhau manye tu saṁsṛtya tathaiva medaḥ/ kurvanti gaṇḍaṁ kramaśaḥ svaliṅgaiḥ samanvitaṁ taṁ galagaṇḍamāhuḥ// ### [2.11.23](https://indike.org/pramana/in.med.samhita.susruta.2.11.23) todānvitaḥ kṛṣṇasirāvanaddhaḥ kṛṣṇo+aruṇo vā pavanātmakastu/ medonvitaścopacitaśca kālādbhavedatisnigdhataro†+arujaśca// ### [2.11.24](https://indike.org/pramana/in.med.samhita.susruta.2.11.24) pāruṣyayuktaściravṛddhyapāko yadṛcchayā pākamiyāt kadācit vairasyamāsyasya ca tasya jantorbhavettathā tālugalapraśoṣaḥ// ### [2.11.25](https://indike.org/pramana/in.med.samhita.susruta.2.11.25) sthiraḥ savarṇo+alparugugrakaṇḍūḥ† śīto mahāṁścāpi kaphātmakastu/ cirābhivṛddhiṁ kurute cirācca prapacyate mandarujaḥ kadācit// ### [2.11.26](https://indike.org/pramana/in.med.samhita.susruta.2.11.26) mādhuryamāsyasya ca tasya jantorbhavettathā tālugalapralepaḥ/ snigdho mṛduḥ pāṇḍuraniṣṭagandho †medaḥkṛto nīrugathātikaṇḍūḥ// ### [2.11.27](https://indike.org/pramana/in.med.samhita.susruta.2.11.27) pralambate+alābuvadalpamūlo †dehānurūpakṣayavṛddhiyuktaḥ/ snigdhāsyatā tasya bhavecca jantorgale+†anuśabdaṁ kurute ca nityam// ### [2.11.28](https://indike.org/pramana/in.med.samhita.susruta.2.11.28) kṛcchrācchvasantaṁ mṛdusarvagātraṁ saṁvatsarātītamarocakārtam/ kṣīṇaṁ ca vaidyo galagaṇḍinaṁ tu bhinnasvaraṁ caiva vivarjayettu// ### [2.11.29](https://indike.org/pramana/in.med.samhita.susruta.2.11.29) nibaddhaḥ śvayathuryasya muṣkavallambate gale/ mahān vā yadi vā hrasvo †galagaṇḍaṁ tamādiśet// ### [2.11.29\_1](https://indike.org/pramana/in.med.samhita.susruta.2.11.29_1) iti suśrutasaṁhitāyāṁ nidānasthāne galagaṇḍagaṇḍamālāpacyarbudanidānaṁ nāmaikādaśo+adhyāyaḥ //11// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.69.3) — Ḍalhaṇa, Sanskrit ## Linked texts (2) - [Mādhavacikitsā](https://indike.org/pramana/in.med.nidana.madhavacikitsa.48.1-2) — Mādhava Bhaṭṭa, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.55.1) — Vaṅgasena, Sanskrit --- Source: [https://indike.org/pramana/in.med.samhita.susruta.2.11](https://indike.org/pramana/in.med.samhita.susruta.2.11) · Pramāṇa