[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 2.14 # The Compendium of Suśruta 2.14: caturdaśo+adhyāyaḥ/ Suśrutasaṃhitā 2.14 - **Language:** Sanskrit ### caturdaśo+adhyāyaḥ/ ### [2.14.1](https://indike.org/pramana/in.med.samhita.susruta.2.14.1) athātaḥ śūkadoṣanidānaṁ vyākhyāsyāmaḥ// ### [2.14.2](https://indike.org/pramana/in.med.samhita.susruta.2.14.2) yathovāca bhagavān dhanvantariḥ// ### [2.14.3](https://indike.org/pramana/in.med.samhita.susruta.2.14.3) liṅgavṛddhimicchatāmakramapravṛttānāṁ śūkadoṣanimittā daśa cāṣṭau ca vyādhayo jāyante/ tadyathā sarṣapikā aṣṭhīlikā grathitaṁ kumbhīkā alajī mṛditaṁ saṁmūḍhapiḍakā avamanthaḥ puṣkarikā sparśahāniḥ uttamā śataponakaḥ tvakpākaḥ śoṇitārbudaṁ māṁsārbudaṁ māṁsapākaḥ vidradhiḥ tilakālakaśceti// ### [2.14.4](https://indike.org/pramana/in.med.samhita.susruta.2.14.4) gaurasarṣapatulyā tu śūkadurbhagnahetukā/ piḍakā kapharaktābhyāṁ jñeyā sarṣapikā budhaiḥ// ### [2.14.5](https://indike.org/pramana/in.med.samhita.susruta.2.14.5) kaṭhinā viṣamairantairmārutasya prakopataḥ/ śūkaistu †viṣasaṁbhugnaiḥ piḍakā+aṣṭhīlikā bhavet†// ### [2.14.6](https://indike.org/pramana/in.med.samhita.susruta.2.14.6) śūkairyat pūritaṁ śaśvadgrathitaṁ †tat kaphotthitam/ kumbhīkā raktapittotthā jāmbavāsthinibhā+aśubhā// ### [2.14.7](https://indike.org/pramana/in.med.samhita.susruta.2.14.7) †alajīlakṣaṇairyuktāmalajīṁ ca vitarkayet/ mṛditaṁ pīḍitaṁ yattu saṁrabdhaṁ vāyukopataḥ// ### [2.14.8](https://indike.org/pramana/in.med.samhita.susruta.2.14.8) pāṇibhyāṁ bhṛśasaṁmūḍhe saṁmūḍhapiḍakā bhavet/ dīrghā bahvyaśca piḍakā dīryante madhyatastu yāḥ// ### [2.14.9](https://indike.org/pramana/in.med.samhita.susruta.2.14.9) so+avamanthaḥ kaphāsṛgbhyāṁ vedanāromaharṣakṛt/ pittaśoṇitasaṁbhūtā piḍakā piḍakācitā// ### [2.14.10](https://indike.org/pramana/in.med.samhita.susruta.2.14.10) †padmapuṣkarasṁsthānā jñeyā puṣkariketi sā/ janayet sparśahāniṁ tu śoṇitaṁ śūkadūpitam// ### [2.14.11](https://indike.org/pramana/in.med.samhita.susruta.2.14.11) mudgamāṣopamā raktā piḍakā raktapittajā/ †uttamaiṣā tu vijñeyā śūkājīrṇanimittajā// ### [2.14.12](https://indike.org/pramana/in.med.samhita.susruta.2.14.12) †chidrairaṇumukhairvastu citaṁ yasya samantataḥ/ vātaśoṇitajo vyādhirvijñeyaḥ śataponakaḥ// ### [2.14.13](https://indike.org/pramana/in.med.samhita.susruta.2.14.13) pittaraktakṛto† jñeyastvakpāko jvaradāhavān/ kṛṣṇaiḥ sphoṭaiḥ saraktaiśca piḍakābhiśca pīḍitam†/ yasya vastu rujaścogrā jñeyaṁ tacchoṇitārbudam// ### [2.14.14](https://indike.org/pramana/in.med.samhita.susruta.2.14.14) māṁsadoṣeṇa jānīyādarbudaṁ māṁsasaṁbhavam/ śīryante yasya māṁsāni yatra sarvāśca vedanāḥ// ### [2.14.15](https://indike.org/pramana/in.med.samhita.susruta.2.14.15) vidyāttaṁ māṁsapākaṁ tu sarvadoṣakṛtaṁ bhiṣak/ vidradhiṁ sannipātena yathoktamabhinirdiśet// ### [2.14.16](https://indike.org/pramana/in.med.samhita.susruta.2.14.16) kṛṣṇāni citrāṇyathavā śūkāni saviṣāṇi ca/ pātitāni pacantyāśu meḍhraṁ niravaśeṣataḥ// ### [2.14.17](https://indike.org/pramana/in.med.samhita.susruta.2.14.17) kālāni bhūtvā māṁsāni śīryante yasya dehinaḥ/ sannipātasamutthānaṁ taṁ vidyāttilakālakam// ### [2.14.18](https://indike.org/pramana/in.med.samhita.susruta.2.14.18) tatra māṁsārbudaḥ yacca māṁsapākaśca yaḥ smṛtaḥ/ vidradhiśca na sidhyanti ye ca syustilakālakāḥ// ### [2.14.18\_1](https://indike.org/pramana/in.med.samhita.susruta.2.14.18_1) iti suśrutasaṁhitāyāṁ nidānasthāne śūkadoṣanidānaṁ nāma caturdaśo+adhyāyaḥ//14// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.72.2) — Ḍalhaṇa, Sanskrit ## Linked texts (2) - [Yogaratnākara (Mayūrapāda Bhikṣu)](https://indike.org/pramana/in.med.yoga.yogaratnakara-mayurapada-bhiksu.160.1-9) — Mayūrapāda Bhikṣu 1700, Sanskrit - [Basavarājīya](https://indike.org/pramana/in.med.cikitsa.daksina.basavarajiya.p1680) — Nīlakaṇṭhakoṭṭūru Basavarāja 1500, Sanskrit --- Source: [https://indike.org/pramana/in.med.samhita.susruta.2.14](https://indike.org/pramana/in.med.samhita.susruta.2.14) · Pramāṇa