[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 2.16 # The Compendium of Suśruta 2.16: ṣoḍaśo+adhyāyaḥ/ Suśrutasaṃhitā 2.16 - **Language:** Sanskrit ### ṣoḍaśo+adhyāyaḥ/ ### [2.16.1](https://indike.org/pramana/in.med.samhita.susruta.2.16.1) athāto mukharogāṇāṁ nidānaṁ vyākhyāsyāmaḥ// ### [2.16.2](https://indike.org/pramana/in.med.samhita.susruta.2.16.2) yathovāca bhagavān dhanvantariḥ// ### [2.16.3](https://indike.org/pramana/in.med.samhita.susruta.2.16.3) mukharogāḥ pañcaṣaṣṭirbhavanti saptasvāyataneṣu/ tatrāyatanāni oṣṭhau, dantamūlāni, dantāḥ, jihvā, tālu, kaṇṭhaḥ, sarvāṇi ceti/ tatrāṣṭāvoṣṭhayoḥ, pañcadaśa dantamūleṣu, aṣṭau danteṣu, pañca jihvāyāṁ, nava tāluni, saptadaśa kaṇṭhe, trayaḥ sarveṣvāyataneṣu// ### [2.16.4](https://indike.org/pramana/in.med.samhita.susruta.2.16.4) tatrauṣṭhaprakopā vātapittaśleṣmasannipātaraktamāṁsamedobhighātanimittāḥ// ### [2.16.5](https://indike.org/pramana/in.med.samhita.susruta.2.16.5) karkaśau paruṣau stabdhau kṛṣṇau tīvraruganvitau†/ dālyete paripāṭhyete hyoṣṭhau mārutakopataḥ// ### [2.16.6](https://indike.org/pramana/in.med.samhita.susruta.2.16.6) †ācitau piḍākābhistu sarṣapākṛtibhirbhṛśam/ sadāhapākasaṁsrāvau† nīlau pītau ca pittataḥ// ### [2.16.7](https://indike.org/pramana/in.med.samhita.susruta.2.16.7) savarṇābhistu cīyete piḍakābhiravedanau/ †kaṇḍūmantau kaphācchūnau picchilau śītalau gurū// ### [2.16.8](https://indike.org/pramana/in.med.samhita.susruta.2.16.8) sakṛt kṛṣṇau sakṛt pītau sakṛcchvetau tathaiva ca/ sannipātena vijñeyāvanekapiḍikācitau// ### [2.16.9](https://indike.org/pramana/in.med.samhita.susruta.2.16.9) kharjūraphalavarṇābhiḥ †piḍakābhiḥ samācitau/ raktopasṛṣṭau rudhiraṁ sravataḥ śoṇitaprabhau// ### [2.16.10](https://indike.org/pramana/in.med.samhita.susruta.2.16.10) māsaduṣṭau gurū sthūlau māṁsapiṇḍavadudgatau/ jantavaścātra mūrcchanti †sṛkkasyobhayato mukhāt// ### [2.16.11](https://indike.org/pramana/in.med.samhita.susruta.2.16.11) †medasā ghṛtamaṇḍābhau kaṇḍūmantau sthirau mṛdū// acchaṁ sphaṭikasaṅkāśamāsrāvaṁ sravayo †gurū// ### [2.16.12](https://indike.org/pramana/in.med.samhita.susruta.2.16.12) †kṣatajābhau vidīryete pāṭhyete cābhighātataḥ/ †grathitau ca samākhyātāvoṣṭhau kaṇḍūsamanvitau// ### [2.16.13](https://indike.org/pramana/in.med.samhita.susruta.2.16.13) dantamūlagatāstu śītādo, dantapuppuṭako, dantaveṣṭakaḥ, śauṣiro, mahāśauṣiraḥ, paridara, upakuśo, dantavaidarbho, vardhanaḥ, adhimāṁso, nāḍyaḥ pañceti// ### [2.16.14](https://indike.org/pramana/in.med.samhita.susruta.2.16.14) śoṇitaṁ dantaveṣṭebhyo yasyākasmāt pravartate/ durgandhīni sakṛṣṇāni prakledīni mṛdūni ca// ### [2.16.15](https://indike.org/pramana/in.med.samhita.susruta.2.16.15) dantamāṁsāni śīryante pacanti ca parasparam/ śītādo nāma sa vyādhiḥ kaphaśoṇitasaṁbhavaḥ// ### [2.16.16](https://indike.org/pramana/in.med.samhita.susruta.2.16.16) dantayostriṣu vā yasya śvayathuḥ †sarujo mahān/ dantapuppuṭako jñeyaḥ kapharaktanimittajaḥ// ### [2.16.17](https://indike.org/pramana/in.med.samhita.susruta.2.16.17) sravanti pūyarudhiraṁ calā dantā bhavanti ca/ dantaveṣṭaḥ sa vijñeyo duṣṭaśoṇitasaṁbhavaḥ// ### [2.16.18](https://indike.org/pramana/in.med.samhita.susruta.2.16.18) śvayathurdantamūleṣu rujāvān kapharaktajaḥ†/ lālāsrāvī sa vijñeyaḥ kaṇḍūmāñ† śauṣiro gadaḥ// ### [2.16.19](https://indike.org/pramana/in.med.samhita.susruta.2.16.19) dantāścalanti veṣṭebhyastālu cāpyavadīryate/ dantamāṁsāni pacyante mukhaṁ ca paripīḍyate// ### [2.16.20](https://indike.org/pramana/in.med.samhita.susruta.2.16.20) yasmin sa sarvajo vyādhirmahāśauṣirasaṁjñakaḥ/ dantamāṁsāni śīryante yasmin ṣṭhīvati cāpyasṛk†// ### [2.16.21](https://indike.org/pramana/in.med.samhita.susruta.2.16.21) pittāsṛkkaphajo vyādhirjñeyaḥ paridaro hi saḥ/ ceṣṭeṣu dāhaḥ pākaśca tebhyo dantāścalanti †ca// ### [2.16.22](https://indike.org/pramana/in.med.samhita.susruta.2.16.22) āghaṭṭitāḥ prasravanti śoṇitaṁ mandavedanāḥ/ ādhmāyante srute rakte mukhaṁ pūti ca jāyate// ### [2.16.23](https://indike.org/pramana/in.med.samhita.susruta.2.16.23) yasminnupakuśaḥ sa †syāt pittaraktakṛto gadaḥ/ ghṛṣṭeṣu dantamūleṣu saṁrambho jāyate mahān// ### [2.16.24](https://indike.org/pramana/in.med.samhita.susruta.2.16.24) bhavanti ca calā dantāḥ sa vaidarbho+abhighātajaḥ/ mārutenādhiko danto jāyate tīvravedanaḥ// ### [2.16.25](https://indike.org/pramana/in.med.samhita.susruta.2.16.25) vardhanaḥ sa mato †vyādhirjāte ruk ca praśāmyati/ hānavye paścime dante mahāñchotho mahārujaḥ// ### [2.16.26](https://indike.org/pramana/in.med.samhita.susruta.2.16.26) lālāsrāvī kaphakṛto vijñeyaḥ so+adhimāṁsakaḥ/ dantamūlagatā nāḍyaḥ pañca jñeyā yatheritāḥ// ### [2.16.27](https://indike.org/pramana/in.med.samhita.susruta.2.16.27) dantagatāstu dālanaḥ, krimidantako, dantaharṣo, bhañjanakaḥ, dantaśarkarā, kapālikā, śyāvadantako, hanumokṣaśceti// ### [2.16.28](https://indike.org/pramana/in.med.samhita.susruta.2.16.28) †dālyante bahudhā dantā yasmiṁstīvraruganvitāḥ/ dālanaḥ sa iti jñeyaḥ sadāgatinimittajaḥ// ### [2.16.29](https://indike.org/pramana/in.med.samhita.susruta.2.16.29) kṛṣṇaścchidrī calaḥ srāvī sasṁrambho mahārujaḥ/ animittarujo vātādvijñeyaḥ kṛmidantakaḥ// ### [2.16.30](https://indike.org/pramana/in.med.samhita.susruta.2.16.30) śītamuṣṇaṁ ca †daśanāḥ sahante sparśanaṁ na ca/ yasya taṁ dantaharṣaṁ tu vyādhiṁ vidyāt samīraṇāt// ### [2.16.31](https://indike.org/pramana/in.med.samhita.susruta.2.16.31) vaktraṁ vakraṁ †bhavedyasmin dantabhaṅgaśca tīvraruk/ kaphavātakṛto vyādhiḥ sa bhañjanakasaṁjñitaḥ// ### [2.16.32](https://indike.org/pramana/in.med.samhita.susruta.2.16.32) †śarkareva sthirībhūto malo dnateṣu yasya vai/ sā dantānāṁ guṇaharī vijñeyā dantaśarkarā// ### [2.16.33](https://indike.org/pramana/in.med.samhita.susruta.2.16.33) dalanti dantavalkāni yadā śarkarayā saha/ jñeyā kapālikā saiva daśanānāṁ †vināśinī// ### [2.16.34](https://indike.org/pramana/in.med.samhita.susruta.2.16.34) yo+asṛṅniśreṇa pittena dagdho dantastvaśeṣataḥ/ śyāvatāṁ nīlatāṁ vā+api gataḥ sa śyāvadantakaḥ// ### [2.16.35](https://indike.org/pramana/in.med.samhita.susruta.2.16.35) vātena taistairbhāvaistu hanusandhirvidaṁhataḥ†/ hanumokṣa iti jñeyo vyādhirarditalakṣaṇaḥ// ### [2.16.36](https://indike.org/pramana/in.med.samhita.susruta.2.16.36) jihvāgatāstu kaṇṭakāstrividhāstribhirdoṣaiḥ, alāsa, upajihvikā ceti// ### [2.16.37](https://indike.org/pramana/in.med.samhita.susruta.2.16.37) jihvā+anilena sphuṭitā prasuptā bhavecca śākacchadanaprakāśā/ pittena† pītā paridahyate ca citā saraktairapi kaṇṭakaiśca/ kaphena gurvī bahalā citā ca māṁsodgamaiḥ śālmalikaṇṭakābhaiḥ// ### [2.16.38](https://indike.org/pramana/in.med.samhita.susruta.2.16.38) jihvātale† yaḥ śvayathuḥ pragāḍhaḥ so+alāsasaṁjñaḥ kapharaktamūrtiḥ/ jihvāṁ sa tu stambhayati pravṛddho mūle tu jihvā bhṛśameti pākam// ### [2.16.39](https://indike.org/pramana/in.med.samhita.susruta.2.16.39) jihvāgrarūpaḥ śvayathurhi jihvāmunnamya jātaḥ kapharaktayoniḥ†/ prasekakaṇḍūparidāhayuktā prakathyate+asāvupajihviketi// ### [2.16.40](https://indike.org/pramana/in.med.samhita.susruta.2.16.40) tālugatāstu galaśuṇḍikā, tuṇḍikerī, adhruṣaḥ, kacchapaḥ, arbudaṁ, māṁsasaṅghātaḥ, tālupuppuṭaḥ, tāluśoṣaḥ, tālupāka iti// ### [2.16.41](https://indike.org/pramana/in.med.samhita.susruta.2.16.41) śleṣmāsṛgbhyāṁ tālumūlāt pravṛddho dīrghaḥ śopho dhmātabastiprakāśaḥ/ tṛṣṇākāsaśvāsakṛt saṁpradiṣṭo vyādhirvaidyaiḥ kaṇṭhaśuṇḍīti nāmnā// ### [2.16.42](https://indike.org/pramana/in.med.samhita.susruta.2.16.42) śophaḥ† stabdho lohiṁtastāludeśe raktājñeyaḥ so+adhruṣo rugjvarāḍhyaḥ// ### [2.16.43](https://indike.org/pramana/in.med.samhita.susruta.2.16.43) kūrmotsanno†+avedano+aśīghrajanmā+arakto jñeyaḥ kacchapaḥ śleṣmaṇā syāt/ padmākāraṁ tālumadhye tu śophaṁ vidyādraktādarbudaṁ proktaliṅgam// ### [2.16.44](https://indike.org/pramana/in.med.samhita.susruta.2.16.44) duṣṭaṁ māṁsaṁ śleṣmaṇā nīrujaṁ ca tālvantaḥsthaṁ māṁsasaṅghātamāhuḥ/ †nīruk sthāyī kolamātraḥ kaphāt syānmedoyuktāt† puppuṭastāludeśe// ### [2.16.45](https://indike.org/pramana/in.med.samhita.susruta.2.16.45) śoso+†atyarthaṁ dīryate cāpi tāluḥ †śvāso vātāttāluśoṣaḥ sapittāt/ pittaṁ kuryāt pākamatyarthaghoraṁ tālunyenaṁ tālupākaṁ vadanti// ### [2.16.46](https://indike.org/pramana/in.med.samhita.susruta.2.16.46) kaṇṭhagatāstu rohiṇyaḥ pañca, kaṇṭhaśālūkam, adhijihvo, balayo, balāsa†, ekavṛndo, vṛndaḥ, śataghnī, gilāyuḥ, galavidradhiḥ, galaughaḥ, svaraghno, māṁsatāno, vidārī ceti// ### [2.16.47](https://indike.org/pramana/in.med.samhita.susruta.2.16.47) gale+anilaḥ pittakaphau ca mūrcchitau pṛthak samastāśca tathaiva śoṇitam†/ pradūṣya māṁsaṁ galarodhino+aṅkurān sṛjanti yān sā+asuharā hi rohiṇī// ### [2.16.48](https://indike.org/pramana/in.med.samhita.susruta.2.16.48) jihvāṁ samantādbhṛśavedanā ye māṁsāṅkurāḥ kaṇṭhanirodhinaḥ syuḥ/ tāṁ rohiṇīṁ vātakṛtāṁ vadanti vātātmakopadravagāḍhayuktām†// ### [2.16.49](https://indike.org/pramana/in.med.samhita.susruta.2.16.49) kṣiprodgamā kṣipravidāhapākā tīvrajvarā pittanimittajā syāt/ srotonirodhinyapi† mandapākā gurvī sthirā sā kaphasaṁbhavā vai// ### [2.16.50](https://indike.org/pramana/in.med.samhita.susruta.2.16.50) gambhīrapākā+aprativāravīryā tridoṣaliṅgā trayasaṁbhavā syāt/ sphoṭācitā pittasamānaliṅgā+asādhyā pradiṣṭā rudhirātmikeyam// ### [2.16.51](https://indike.org/pramana/in.med.samhita.susruta.2.16.51) kolāsthimātraḥ kaphasṁbhavo yo granthirgale kaṇṭakaśūkabhūtaḥ/ kharaḥ sthiraḥ śastranipātasādhyastaṁ kaṇṭhaśālūkamiti bruvanti// ### [2.16.52](https://indike.org/pramana/in.med.samhita.susruta.2.16.52) jihvāgrarūpaḥ śvayathuḥ kaphāttu †jihvāprabandhopari raktamiśrāt/ jñeyo+adhijihvaḥ khalu roga eṣa vivarjayedāgatapākamenam// ### [2.16.53](https://indike.org/pramana/in.med.samhita.susruta.2.16.53) balāsa evāyatamunnataṁ ca śophaṁ karotyannagatiṁ nivārya/ taṁ sarvathaivāprativāravīryaṁ vivarjanīyaṁ valayaṁ vadanti// ### [2.16.54](https://indike.org/pramana/in.med.samhita.susruta.2.16.54) gale tu śophaṁ kurutaḥ pravṛddhau śleṣmānilau śvāsarujopapannam/ marmacchidaṁ dustarametadāhurbalāsasṁjñaṁ† nipuṇā vikāram// ### [2.16.55](https://indike.org/pramana/in.med.samhita.susruta.2.16.55) vṛttonnato yaḥ śvayathuḥ sadāhaḥ kaṇḍvanvito+apākyamṛdurguruśca/ nāmnaikavṛndaḥ parikīrtito+asau vyādhirbalāsakṣatajaprasūtaḥ// ### [2.16.56](https://indike.org/pramana/in.med.samhita.susruta.2.16.56) samunnataṁ vṛttamamandadāhaṁ tīvrajvaraṁ vṛndamudāharanti/ taṁ cāpi pittakṣatajaprakopādvidyāt satodaṁ pavanāsrajaṁ† tu// ### [2.16.57](https://indike.org/pramana/in.med.samhita.susruta.2.16.57) vartirghanā kaṇṭhanirodhinī yā citā+atimātraṁ piśitaprarohaiḥ/ †nānārujocchrāyakarī tridoṣājjñeyā śataghnīva śataghnyasādhyā// ### [2.16.58](https://indike.org/pramana/in.med.samhita.susruta.2.16.58) granthirgale tvāmalakāsthimātraḥ sthiro+alparuk syāt kapharaktamūrtiḥ†/ saṁlakṣyate saktamivāśanaṁ ca sa śastrasādhyastu gilāyusaṁjñaḥ// ### [2.16.59](https://indike.org/pramana/in.med.samhita.susruta.2.16.59) sarvaṁ galaṁ vyāpya samutthito yaḥ śopho rujo yatra ca santi sarvāḥ/ sa sarvadoṣo galavidradhistu tasyaiva tulyaḥ khalu sarvajasya// ### [2.16.60](https://indike.org/pramana/in.med.samhita.susruta.2.16.60) śopho mahānannajalāvarodhī tīvrajvaro vātagaternihantā/ kaphena jāto rudhirānvitena gale galaughaḥ parikīrtyate+asau// ### [2.16.61](https://indike.org/pramana/in.med.samhita.susruta.2.16.61) yo+atipratāmyan śvasiti prasaktaṁ bhinnasvaraḥ śuṣkavimuktakaṇṭhaḥ/ kaphopadigdheṣvanilāyaneṣu jñeyaḥ sa rogaḥ śvasanāt svaraghnaḥ// ### [2.16.62](https://indike.org/pramana/in.med.samhita.susruta.2.16.62) pratānavān yaḥ śvayathuḥ sukaṣṭo galoparodhaṁ kurute krameṇa/ sa māṁsatānaḥ kathito+avalambī prāṇapraṇut sarvakṛto vikāraḥ// ### [2.16.63](https://indike.org/pramana/in.med.samhita.susruta.2.16.63) sadāhatodaṁ śvayathuṁ saraktamantargale pūtiviśīrṇamāṁsam/ pittena vidyādvadane vidārīṁ pārśve viśeṣāt sa tu yena śete// ### [2.16.64](https://indike.org/pramana/in.med.samhita.susruta.2.16.64) sarvasarāstu vātapittakaphaśoṇitanimittāḥ// ### [2.16.65](https://indike.org/pramana/in.med.samhita.susruta.2.16.65) sphoṭaiḥ satodairvadanaṁ samantādyasyācitaṁ sarvasaraḥ sa vātāt/ raktaiḥ sadāhaistanubhiḥ sapītairyasyācitaṁ cāpi sa pittakopāt// ### [2.16.66](https://indike.org/pramana/in.med.samhita.susruta.2.16.66) †kaṇḍūyutairalparujaiḥ sarvaṇairyasyācitaṁ cāpi sa vai kaphena/ raktena pittodita eka eva kaiścit pradiṣṭo mukhapākasṁjñaḥ†// ### [2.16.66\_1](https://indike.org/pramana/in.med.samhita.susruta.2.16.66_1) iti suśrutasaṁhitāyāṁ nidānasthāne mukharoganidānaṁ nāma ṣoḍaśo+adhyāyaḥ//16// ## Linked texts (3) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.60.5) — Mādhavakara, Sanskrit - [Gadanigraha](https://indike.org/pramana/in.med.sangraha.gadanigraha.64.2) — Soḍhala, Sanskrit - [Mādhavacikitsā](https://indike.org/pramana/in.med.nidana.madhavacikitsa.68.6) — Mādhava Bhaṭṭa, Sanskrit --- Source: [https://indike.org/pramana/in.med.samhita.susruta.2.16](https://indike.org/pramana/in.med.samhita.susruta.2.16) · Pramāṇa