[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 2.7 # The Compendium of Suśruta 2.7: saptamo+adhyāyaḥ/ Suśrutasaṃhitā 2.7 - **Language:** Sanskrit ### saptamo+adhyāyaḥ/ ### [2.7.1](https://indike.org/pramana/in.med.samhita.susruta.2.7.1) athāta udarāṇāṁ nidānaṁ vyākhyāsyāmaḥ// ### [2.7.2](https://indike.org/pramana/in.med.samhita.susruta.2.7.2) yathovāca bhagavān dhanvantariḥ// ### [2.7.3](https://indike.org/pramana/in.med.samhita.susruta.2.7.3) dhanvantarirdharmabhṛtāṁ variṣṭho rājarṣirindrapratimo+abhavadyaḥ†/ brahmarṣiputraṁ vinayopapannaṁ śiṣyaṁ śubhaṁ suśrutamanvaśāt saḥ// ### [2.7.4](https://indike.org/pramana/in.med.samhita.susruta.2.7.4) pṛthak samastairapi ceha doṣaiḥ plīhodaraṁ baddhagudaṁ tathaiva/ āgantukaṁ saptamamaṣṭamaṁ ca dakodaraṁ ceti vadanti tāni// ### [2.7.5](https://indike.org/pramana/in.med.samhita.susruta.2.7.5) sudurbalāgnerahitāśanasya saṁśuṣkapūtyannaniṣevaṇādvā/ snehādimithyācaraṇācca jantorvṛddhiṁ gatāḥ koṣṭhamabhiprapannāḥ// ### [2.7.6](https://indike.org/pramana/in.med.samhita.susruta.2.7.6) gulmākṛtivyañjitalakṣaṇāni kurvanti ghorāṇyudarāṇi doṣāḥ/ koṣṭhādupasnehavadannasāro niḥsṛtya duṣṭo+anilaveganunnaḥ// ### [2.7.7](https://indike.org/pramana/in.med.samhita.susruta.2.7.7) tvacaḥ samunnamya śanaiḥ samantādvivardhamāno jaṭharaṁ karoti/ tatpūrvarūpaṁ balavarṇakāṅkṣāvalīvināśo jaṭhare hi rājyaḥ// ### [2.7.8](https://indike.org/pramana/in.med.samhita.susruta.2.7.8) jīrṇāparijñānavidāhavatyo bastau rujaḥ pādagataśca śophaḥ/ saṁgṛhya pārśvodarapṛṣṭhanābhīryadvardhate kṛṣṇasirāvanaddham// ### [2.7.9](https://indike.org/pramana/in.med.samhita.susruta.2.7.9) saśūlamānāhavadugraśabdaṁ satodabhedaṁ pavanātmakaṁ tat/ yaccoṣatṛṣṇājvaradāhayuktaṁ pītaṁ sirā bhānti ca yatra pītāḥ// ### [2.7.10](https://indike.org/pramana/in.med.samhita.susruta.2.7.10) pītākṣiviṇmūtranakhānanasya pittodaraṁ tattvacirābhivṛddhi/ yacchītalaṁ śuklasirāvanaddhaṁ guru sthiraṁ śuklanakhānanasya// ### [2.7.11](https://indike.org/pramana/in.med.samhita.susruta.2.7.11) snigdhaṁ mahacchophayutaṁ sasādaṁ kaphodaraṁ tattu cirābhivṛddhi/ striyo+annapānaṁ nakharomamūtraviḍārtavairyuktamasādhuvṛttāḥ// ### [2.7.12](https://indike.org/pramana/in.med.samhita.susruta.2.7.12) yasmai prayacchantyarayo garāṁśca duṣṭāmbudūṣīviṣasevanādvā/ tenāśu raktaṁ kupitāśca doṣāḥ kurvanti ghoraṁ jaṭharaṁ triliṅgam// ### [2.7.13](https://indike.org/pramana/in.med.samhita.susruta.2.7.13) viśeṣataḥ kupyati dahyate ca sa cāturo mūrcchati saṁprasaktaṁ pāṇḍuḥ kṛśaḥ śuṣyati tṛṣṇayā ca// ### [2.7.14](https://indike.org/pramana/in.med.samhita.susruta.2.7.14) †prakīrtitaṁ dūṣyudaraṁ tu ghoraṁ plīhodaraṁ kīrtayato nibodha/ vidāhyabhiṣyandiratasya jantoḥ praduṣṭamatyarthamasṛk kaphaśca// ### [2.7.15](https://indike.org/pramana/in.med.samhita.susruta.2.7.15) plīhābhivṛddhiṁ satataṁ karoti plīhodaraṁ tat pravadanti tajjñāḥ/ vāme ca pārśve parivṛddhimeti viśeṣataḥ sīdati cāturo+atra// ### [2.7.16](https://indike.org/pramana/in.med.samhita.susruta.2.7.16) mandajvarāgniḥ kaphapittaliṅgairupadrutaḥ kṣīṇabalo+atipāṇḍuḥ/ savyetarasmin yakṛti praduṣṭe jñeyaṁ yakṛddālyudaraṁ tadeva// ### [2.7.17](https://indike.org/pramana/in.med.samhita.susruta.2.7.17) yasyāntramannairupalepibhirvā bālāśmabhirvā †sahitaiḥ pṛthagvā/ saṁcīyate tatra malaḥ sadoṣaḥ krameṇa nāḍyāmiva saṁkaro hi// ### [2.7.18](https://indike.org/pramana/in.med.samhita.susruta.2.7.18) nirudhyate cāsya gude purīṣaṁ nireti kṛcchrādapi cālpamalpam/ hṛnnābhimadhye parivṛddhimeti ta(ya)ccodaraṁ viṭsamagandhikaṁ ca// ### [2.7.19](https://indike.org/pramana/in.med.samhita.susruta.2.7.19) pracchardayan baddhagudī vibhāvyaḥ tataḥ parisrāvyudaraṁ nibodha/ śalyaṁ yadannopahitaṁ tadantraṁ bhinatti yasyāgatamanyathā vā// ### [2.7.20](https://indike.org/pramana/in.med.samhita.susruta.2.7.20) tasmāt sruto+antrāt salilaprakāśaḥ srāvaḥ sravedvai gudatastu bhūyaḥ/nābheradhaścodarameti vṛddhiṁ nistudyate+atīva vidahyate ca// ### [2.7.21](https://indike.org/pramana/in.med.samhita.susruta.2.7.21) etat parisrāvyudaraṁ pradiṣṭaṁ dakodaraṁ kīrtayato nibodha/ yaḥ snehapīto+apyanuvāsito vā vānto virikto+apyathavā nirūḍhaḥ// ### [2.7.22](https://indike.org/pramana/in.med.samhita.susruta.2.7.22) pibejjalaṁ śītalamāśu tasya srotāṁsi duṣyanti hi tadvahāni/ snehopalipteṣvathavā+api teṣu dakodaraṁ pūrvavadabhyupaiti// ### [2.7.23](https://indike.org/pramana/in.med.samhita.susruta.2.7.23) snigdhaṁ mahat saṁparivṛttanābhi bhṛśonnataṁ pūrṇamivāmbunā ca/ yathā dṛtiḥ kṣubhyati kampate ca śabdāyate cāpi †dakodaraṁ tat// ### [2.7.24](https://indike.org/pramana/in.med.samhita.susruta.2.7.24) ādhmānaṁ gamane+aśaktirdaurbalyaṁ durbalāgnitā/ śophaḥ sadanamaṅgānāṁ saṅgo vātapurīṣayoḥ/ dāhastṛṣṇā ca sarveṣu jaṭhareṣu bhavanti hi// ### [2.7.25](https://indike.org/pramana/in.med.samhita.susruta.2.7.25) ante salilabhāvaṁ hi bhajante jaṭharāṇi tu/ sarvāṇyeva parīpākāttadā †tāni vivarjayet// ### [2.7.25\_1](https://indike.org/pramana/in.med.samhita.susruta.2.7.25_1) iti suśrutasaṁhitāyāṁ nidānasthāne udaranidānaṁ nāma saptamo+adhyāyaḥ //7// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.65.3) — Ḍalhaṇa, Sanskrit ## Linked texts (7) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.3-13.13) — Sanskrit - [Mādhavanidāna (Rugviniścaya)](https://indike.org/pramana/in.med.sangraha.madhavanidana.39.13) — Mādhavakara, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.49.3) — Vaṅgasena, Sanskrit - [Gadanigraha](https://indike.org/pramana/in.med.sangraha.gadanigraha.46.3) — Soḍhala, Sanskrit - [Mādhavacikitsā](https://indike.org/pramana/in.med.nidana.madhavacikitsa.44.13) — Mādhava Bhaṭṭa, Sanskrit - [Basavarājīya](https://indike.org/pramana/in.med.cikitsa.daksina.basavarajiya.p1324) — Nīlakaṇṭhakoṭṭūru Basavarāja 1500, Sanskrit - [Siddhisāra](https://indike.org/pramana/in.med.sangraha.siddhisara.10.6) — Sanskrit --- Source: [https://indike.org/pramana/in.med.samhita.susruta.2.7](https://indike.org/pramana/in.med.samhita.susruta.2.7) · Pramāṇa