[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 2.8 # The Compendium of Suśruta 2.8: aṣṭamo+adhyāyaḥ/ Suśrutasaṃhitā 2.8 - **Language:** Sanskrit ### aṣṭamo+adhyāyaḥ/ ### [2.8.1](https://indike.org/pramana/in.med.samhita.susruta.2.8.1) athāto mūḍhagarbhanidānaṁ vyākhyāsyāmaḥ// ### [2.8.2](https://indike.org/pramana/in.med.samhita.susruta.2.8.2) yathovāca bhagavān dhanvantariḥ// ### [2.8.3](https://indike.org/pramana/in.med.samhita.susruta.2.8.3) grāmyadharmayānavāhanādhvagamanapraskhalanaprapatanaprapīḍānadhāvanābhighātaviṣamaśayanāsanopavāsavegābhighātātirūkṣakaṭutiktabhojanaśokātikṣārasevanātisāravamanavirecanapreṅkholanājīrṇagarbhaśātanaprabhṛtibhirviśeṣairbandhānānmucyate garbhaḥ, phalamiva vṛntabandhanādabhighātaviśeṣaiḥ; sa vimuktabandhano garbhāśayamatikramya yakṛtplīhāntravivarairavasraṁsamānaḥ koṣṭhasaṁkṣobhamāpādayati, tasyā jaṭharasaṁkṣomādvāyurapāno mūḍhaḥ pārśvabastiśīrṣodarayoniśūlānāhamūtrasaṅgānāmanyatamamāpādya garbhaṁ †cyāvayati taruṇaṁ śoṇitasrāveṇa; tameva kadācidvivṛddhamasamyagāgatamapatyapathamanuprāptamanirasyamānaṁ viguṇāpānasaṁmohitaṁ garbhaṁ mūḍhagarbhamityācakṣate// ### [2.8.4](https://indike.org/pramana/in.med.samhita.susruta.2.8.4) tataḥ kīlaḥ† pratikhuro bījakaḥ parigha iti/ tatra ūrdhvabāhuśiraḥpādo yo yonimukhaṁ niruṇaddhi kīla iva sa kīlaḥ; niḥsṛtahastapādaśirāḥ kāyasaṅgī pratikhuraḥ; yo nirgacchatyekaśirobhujaḥ sa bījakaḥ; yastu parigha iva yonimukhamāvṛtya tiṣṭhati sa parighaḥ; iti caturvidho bhavatītyeke bhāṣante/ tattu na samyak; kasmāt sa yadā viguṇānilaprapīḍito+apatyapathamanekadhā prapadyate tadā saṅkhyā hīyate// ### [2.8.5](https://indike.org/pramana/in.med.samhita.susruta.2.8.5) tatra kaściddvābhyāṁ sakthibhyāṁ yonimukhaṁ pratipadyate; kaścidābhugnaikasakthirekena; kaścidābhugnasakthiśarīraḥ sphigdeśena tiryagāgataḥ; kaściduraḥpārśvapṛṣṭhānāmanyatamena yonidvāraṁ pidhāyāvatiṣṭhate; antaḥpārśvāpavṛttaśirāḥ kaścidekena bāhunā; kaścidābhugnaśirā bāhudvayena; kaścidābhugnamadhyo hastapādaśirobhiḥ; kaścidekena sakthnā yonimukhaṁ pratipadyate+apareṇa pāyum; ityaṣṭavidhā mūḍhagarbhagatiruddiṣṭā samāsena// ### [2.8.6](https://indike.org/pramana/in.med.samhita.susruta.2.8.6) tatra dvāvantyāvasādhyau mūḍhagarbhau, śeṣānapi †viparītendriyārthākṣepakayonibhraṁśasṁvaraṇamakkallaśvāsakāsabhramanipīḍitān pariharet// ### [2.8.7](https://indike.org/pramana/in.med.samhita.susruta.2.8.7) †bhavanti cātra kālasya pariṇāmena muktaṁ vṛntādyathā paham/ prapadyate svabhāvena nānyathā patituṁ dhruvam// ### [2.8.8](https://indike.org/pramana/in.med.samhita.susruta.2.8.8) evaṁ kālaprakarṣeṇa mukto nāḍīnibandhanāt/ garbhāśayastho yo garbho jananāya prapadyate// ### [2.8.9](https://indike.org/pramana/in.med.samhita.susruta.2.8.9) kṛmivātābhighātaistu tadevopadrutaṁ phalam/ patatyakāle+api yathā tathā syādgarbhavicyutiḥ// ### [2.8.10](https://indike.org/pramana/in.med.samhita.susruta.2.8.10) ācaturthāttato māsāt prasravedgarbhavicyutiḥ†/ tataḥ sthiraśarīrasya pātaḥ pañcamaṣaṣṭhayoḥ// ### [2.8.11](https://indike.org/pramana/in.med.samhita.susruta.2.8.11) pravidhyati śiro yā tu śītāṅgī nirapatrapā/ nīloddhatasirā hanti sā garbhaṁ sa ca tāṁ tathā// ### [2.8.12](https://indike.org/pramana/in.med.samhita.susruta.2.8.12) garbhāspandanamāvīnāṁ praṇāśaḥ śyāvapāṇḍutā/ bhavatyucchvāsapūtitvaṁ †śūlaṁ cāntarbhṛte śiśau// ### [2.8.13](https://indike.org/pramana/in.med.samhita.susruta.2.8.13) mānasāgantubhirmāturupatāpaiḥ prapīḍitaḥ/ garbho vyāpadyate kukṣau vyādhibhiśca prapīḍitaḥ// ### [2.8.14](https://indike.org/pramana/in.med.samhita.susruta.2.8.14) †bastamāravipannāyāḥ kukṣiḥ praspandate yadi/ tatkṣaṇājjanmakāle taṁ pāṭayitvoddharedbhiṣak// ### [2.8.14\_1](https://indike.org/pramana/in.med.samhita.susruta.2.8.14_1) iti suśrutasaṁhitāyāṁ nidānasthāne mūḍhagarbhanidānaṁ nāmāṣṭamo+adhyāyaḥ //8// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.66.3) — Ḍalhaṇa, Sanskrit --- Source: [https://indike.org/pramana/in.med.samhita.susruta.2.8](https://indike.org/pramana/in.med.samhita.susruta.2.8) · Pramāṇa