[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 2.9 # The Compendium of Suśruta 2.9: navamo+adhyāyaḥ/ Suśrutasaṃhitā 2.9 - **Language:** Sanskrit ### navamo+adhyāyaḥ/ ### [2.9.1](https://indike.org/pramana/in.med.samhita.susruta.2.9.1) athāto vidradhīnāṁ nidānaṁ vyākhyāsyāmaḥ// ### [2.9.2](https://indike.org/pramana/in.med.samhita.susruta.2.9.2) yathovāca bhagavān dhanvantariḥ// ### [2.9.3](https://indike.org/pramana/in.med.samhita.susruta.2.9.3) sarvāmaraguruḥ śrīmānnimittāntarabhūmipaḥ/ śiṣyāyovāca nikhilamidaṁ vidradhilakṣaṇam// ### [2.9.4](https://indike.org/pramana/in.med.samhita.susruta.2.9.4) tvagraktamāṁsamedāṁsi pradūṣyāsthisamāśritāḥ/ doṣāḥ śophaṁ śanairghoraṁ janayantyucchritā bhṛśam// ### [2.9.5](https://indike.org/pramana/in.med.samhita.susruta.2.9.5) mahāmūlaṁ rujāvantaṁ vṛttaṁ cā (vā)+apyathavā++āyatam/ tamāhurvidradhiṁ dhīrā vijñeyaḥ sa ca ṣaṅvidhaḥ// ### [2.9.6](https://indike.org/pramana/in.med.samhita.susruta.2.9.6) pṛthagdoṣaiḥ samastaiśca kṣatenāpyasṛjā tathā/ ṣaṇṇāmapi hi teṣāṁ tu lakṣaṇaṁ saṁpravakṣyate// ### [2.9.7](https://indike.org/pramana/in.med.samhita.susruta.2.9.7) kṛṣṇo+aruṇo vā paruṣo bhṛśamatyarthavedanaḥ/ citrotthānaprapākaśca vidradhirvātasaṁbhavaḥ// ### [2.9.8](https://indike.org/pramana/in.med.samhita.susruta.2.9.8) pakvodumbarasaṅkāśaḥ śyāvo vā jvaradāhavān/ kṣiprotthānaprapākaśca vidradhiḥ pittasaṁbhavaḥ// ### [2.9.9](https://indike.org/pramana/in.med.samhita.susruta.2.9.9) śaravasadṛśaḥ pāṇḍuḥ śītaḥ stabdho+alpavedanaḥ/ cirotthānaprapākaśca sakaṇḍuśca kaphotthitaḥ// ### [2.9.10](https://indike.org/pramana/in.med.samhita.susruta.2.9.10) tanupītasitāścaiṣāmāsrāvāḥ kramaśaḥ smṛtāḥ/ nānāvarṇarujāsrāvo ghāṭālo viṣamo mahān// ### [2.9.11](https://indike.org/pramana/in.med.samhita.susruta.2.9.11) viṣamaṁ pacyate cāpi vidradhiḥ sānnipātikaḥ/ taistairbhāvairabhihate kṣate vā+apathyasevinaḥ// ### [2.9.12](https://indike.org/pramana/in.med.samhita.susruta.2.9.12) kṣatoṣmā vāyuvisṛtaḥ saraktaṁ pittamīrayet/ jvarastṛṣṇā ca dāhaśca jāyate tasya dehinaḥ// ### [2.9.13](https://indike.org/pramana/in.med.samhita.susruta.2.9.13) eṣa vidradhirāgantuḥ pittavidradhilakṣaṇaḥ/ kṛṣṇasphoṭāvṛtaḥ śyāvastīvradāharujājvaraḥ†// ### [2.9.14](https://indike.org/pramana/in.med.samhita.susruta.2.9.14) pittavidradhiliṅgastu raktavidradhirucyate/ uktā vidradhayo hyete teṣvasādhyastu sarvajaḥ// ### [2.9.15](https://indike.org/pramana/in.med.samhita.susruta.2.9.15) ābhyantarānatastūrdhvaṁ vidradhīn paricakṣate/ gurvasātmyaviruddhānnaśuṣkasaṁsṛṣṭabhojanāt†// ### [2.9.16](https://indike.org/pramana/in.med.samhita.susruta.2.9.16) ativyavāyavyāyāmavegāghātavidāhibhiḥ/ pṛthak saṁbhūya vā doṣāḥ kupitā gulmarūpiṇam// ### [2.9.17](https://indike.org/pramana/in.med.samhita.susruta.2.9.17) valmīkavatsamunnaddhamantaḥ kurvanti vidradhim/ gude bastimukhe nābhyāṁ kukṣau vaṅkṣaṇayostathā// ### [2.9.18](https://indike.org/pramana/in.med.samhita.susruta.2.9.18) vṛkkayoryakṛti plīhni hṛdaye klomni vā tathā/ teṣāṁ liṅgāni jānīyādbāhyavidradhilakṣaṇaiḥ// ### [2.9.19](https://indike.org/pramana/in.med.samhita.susruta.2.9.19) †āmapakvaiṣaṇīyācca pakvāpakvaṁ vinirdiśet/ adhiṣṭhānaviśeṣeṇa liṅgaṁ śṛṇu viśeṣataḥ// ### [2.9.20](https://indike.org/pramana/in.med.samhita.susruta.2.9.20) gude vātanirodhastu bastau kṛcchrālpamūtratā/ nābhyāṁ hikkā tathā++āṭopaḥ kukṣau mārutakopanam// ### [2.9.21](https://indike.org/pramana/in.med.samhita.susruta.2.9.21) kaṭīpṛṣṭhagrahastīvro vaṅkṣaṇotthe tu vidradhau/ vṛkkayoḥ pārśvasaṅkocaḥ plīhnyucchvāsāvarodhanam// ### [2.9.22](https://indike.org/pramana/in.med.samhita.susruta.2.9.22) sarvāṅgapragrahastīvro hṛdi śūlaśca dāruṇaḥ/ śvāso yakṛti tṛṣṇā ca pipāsā klomaje+adhikā// ### [2.9.23](https://indike.org/pramana/in.med.samhita.susruta.2.9.23) āmo vā yadi vā pakvo mahān vā yadi vetaraḥ/ sarvo marmotthitaścāpi† vidradhiḥ kaṣṭa ucyate// ### [2.9.24](https://indike.org/pramana/in.med.samhita.susruta.2.9.24) nābheruparijāḥ pakvā yāntyūrdhvamitare tvadhaḥ/ jīvatyadho niḥsruteṣu sruteṣūrdhvaṁ na jīvati// ### [2.9.25](https://indike.org/pramana/in.med.samhita.susruta.2.9.25) hṛnnābhibastivarjyā ye teṣu bhinneṣu bāhyataḥ/ jīvet kadācit puruṣo netareṣu kadācana// ### [2.9.26](https://indike.org/pramana/in.med.samhita.susruta.2.9.26) strīṇāmapaprajātānāṁ prajātānāṁ tathā+ahitaiḥ/ dāhajvarakaro ghoro jāyate raktavidradhiḥ// ### [2.9.27](https://indike.org/pramana/in.med.samhita.susruta.2.9.27) api samyakprajātānāmasṛk kāyādaniḥsṛtam/ raktajaṁ vidradhiṁ kuryāt kuksau makkallasaṁjñitam// ### [2.9.28](https://indike.org/pramana/in.med.samhita.susruta.2.9.28) saptāhānnopaśāntaścettato+asau saṁprapacyate/ viśeṣamatha vakṣyāmi spaṣṭaṁ vidradhigulmayoḥ// ### [2.9.29](https://indike.org/pramana/in.med.samhita.susruta.2.9.29) gulmadoṣasamutthānadvidradhergulmakasya ca/ kasmānna pacyate gulmo vidradhiḥ pākameti ca// ### [2.9.30](https://indike.org/pramana/in.med.samhita.susruta.2.9.30) na nibandho+asti gulmānāṁ vidradhiḥ sanibandhanaḥ/ gulmākārāḥ svayaṁ doṣā vidradhirmāṁsaśoṇite// ### [2.9.31](https://indike.org/pramana/in.med.samhita.susruta.2.9.31) vivarānucaro granthirapsu budbudako yathā/ evaṁprakāro gulmastu tasmāt pākaṁ na gacchati// ### [2.9.32](https://indike.org/pramana/in.med.samhita.susruta.2.9.32) māṁsaśoṇitavāhulyāt pākaṁ gacchati vidradhiḥ/ māṁsaśoṇitahīnatvādgulmaḥ pākaṁ na gacchati// ### [2.9.33](https://indike.org/pramana/in.med.samhita.susruta.2.9.33) gulmastiṣṭhati doṣe sve vidradhirmāṁsaśoṇite/ vidradhiḥ pacyate tasmād gulmaścāpi na pacyate// ### [2.9.34](https://indike.org/pramana/in.med.samhita.susruta.2.9.34) hṛnnābhibastijaḥ pakvo varjyo yaśca tridoṣajaḥ/ atha majjaparīpāko ghoraḥ samupajāyate// ### [2.9.35](https://indike.org/pramana/in.med.samhita.susruta.2.9.35) so+asthimāṁsanirodhena dvāraṁ na labhate yadā/ tataḥ sa vyādhinā tena jvalaneneva dahyate// ### [2.9.36](https://indike.org/pramana/in.med.samhita.susruta.2.9.36) asthi(tha) majjoṣmaṇā tena śīryate dahyamānavat/ vikāraḥ śalyabhūto+ayaṁ kleśayedāturaṁ ciram// ### [2.9.37](https://indike.org/pramana/in.med.samhita.susruta.2.9.37) athāsya karmaṇā vyādhirdvāraṁ tu labhate yadā/ tato medaḥpramaṁ snigdhaṁ śuklaṁ śītamatho guru// ### [2.9.38](https://indike.org/pramana/in.med.samhita.susruta.2.9.38) bhinne+asthni niḥsravet† pūyametadasthigataṁ viduḥ/ vidradhiṁ śāstrakuśalāḥ sarvadoṣarujāvaham// ### [2.9.38\_1](https://indike.org/pramana/in.med.samhita.susruta.2.9.38_1) iti suśrutasaṁhitāyāṁ nidānasthāne vidradhinidānaṁ nāma navamo+adhyāyaḥ //9// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.67.3) — Ḍalhaṇa, Sanskrit ## Linked texts (4) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.3-18.1) — Sanskrit - [Mādhavanidāna (Rugviniścaya)](https://indike.org/pramana/in.med.sangraha.madhavanidana.44.1) — Mādhavakara, Sanskrit - [Gadanigraha](https://indike.org/pramana/in.med.sangraha.gadanigraha.48.1) — Soḍhala, Sanskrit - [Basavarājīya](https://indike.org/pramana/in.med.cikitsa.daksina.basavarajiya.p1362) — Nīlakaṇṭhakoṭṭūru Basavarāja 1500, Sanskrit --- Source: [https://indike.org/pramana/in.med.samhita.susruta.2.9](https://indike.org/pramana/in.med.samhita.susruta.2.9) · Pramāṇa