[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 4.20 # The Compendium of Suśruta 4.20: viṃśatitamo+adhyāyaḥ/ Suśrutasaṃhitā 4.20 - **Language:** Sanskrit ### viṃśatitamo+adhyāyaḥ/ ### [4.20.1](https://indike.org/pramana/in.med.samhita.susruta.4.20.1) athātaḥ kṣudrarogacikitsitaṃ vyākhyāsyāmaḥ// ### [4.20.2](https://indike.org/pramana/in.med.samhita.susruta.4.20.2) yathovāca bhagavān dhanvantariḥ// ### [4.20.3](https://indike.org/pramana/in.med.samhita.susruta.4.20.3) tatrājagallikāmāmāṃ jalaukobhirupācaret/ śuktiśrughnīyavakṣārakalkaiścālepayedbhiṣak// ### [4.20.4](https://indike.org/pramana/in.med.samhita.susruta.4.20.4) śyāmālāṅgalakipāṭhākalkairvā+api vicakṣaṇaḥ/ pakvāṃ vraṇavidhānena yathoktena prasādhayet// ### [4.20.5](https://indike.org/pramana/in.med.samhita.susruta.4.20.5) andhālajīṃ yavaprakhyāṃ panasīṃ kacchapīṃ tathā/ pāṣāṇagardabhaṃ caiva pūrvaṃ svedena yojayet// ### [4.20.6](https://indike.org/pramana/in.med.samhita.susruta.4.20.6) manaḥśilātālakuṣṭhadārukalkaiḥ pralepayet/ paripākagatān bhittvā vraṇavat samupācaret// ### [4.20.7](https://indike.org/pramana/in.med.samhita.susruta.4.20.7) vivṛtāmindravṛddhāṃ ca gardabhīṃ jālagardabham/ irivellīṃ gandhanāmnīṃ kakṣāṃ visphoṭakāṃstathā// ### [4.20.8](https://indike.org/pramana/in.med.samhita.susruta.4.20.8) pittajasya visarpasya kriyayā sādhayedbhiṣak/ ropayet sarpiṣā pakvān siddhena madhurauṣadhaiḥ// ### [4.20.9](https://indike.org/pramana/in.med.samhita.susruta.4.20.9) cipya(ppa)muṣṇāmbunā siktamutkṛtya srāvayedbhiṣak/ cakratailena cābhyajya sarjacūrṇena cūrṇayet// ### [4.20.10](https://indike.org/pramana/in.med.samhita.susruta.4.20.10) bandhenopacareccainamaśakyaṃ cāgninā dahet/ madhurauṣadhasiddhena tatastailena ropayet// ### [4.20.11](https://indike.org/pramana/in.med.samhita.susruta.4.20.11) kunakhe vidhirapyeṣa kāryo hi bhiṣajā bhavet/ upācaredanuśayīṃ śleṣmavidradhivadbhiṣak// ### [4.20.12](https://indike.org/pramana/in.med.samhita.susruta.4.20.12) vidārikāṃ samabhyajya svinnāṃ vimlāpya lepayet/ nagavṛttikavarṣābhūbilvamūlaiḥ supeṣitaiḥ// ### [4.20.13](https://indike.org/pramana/in.med.samhita.susruta.4.20.13) vraṇabhāvagatāyāṃ vā kṛtvā saṃśodhanakriyām†/ ropaṇārthaṃ hitaṃ tailaṃ kaṣāyamadhuraiḥ śṛtam// ### [4.20.14](https://indike.org/pramana/in.med.samhita.susruta.4.20.14) pracchānairvā jalaukobhiḥ srāvyā+apakvā vidārikā/ ajakarṇaiḥ sapālāśamūlakalkaiḥ pralepayet// ### [4.20.15](https://indike.org/pramana/in.med.samhita.susruta.4.20.15) pakvāṃ vidārya śastreṇa paṭolapicumardayoḥ/ kalkena tilayuktena sarpirmiśreṇa lepayet// ### [4.20.16](https://indike.org/pramana/in.med.samhita.susruta.4.20.16) vaddhvā ca kṣīravṛkṣasya kaṣāyaiḥ khadirasya ca/ vraṇaṃ prakṣālayecchuddhāṃ tatastāṃ ropayet punaḥ// ### [4.20.17](https://indike.org/pramana/in.med.samhita.susruta.4.20.17) medo+arbudavidhānena sādhayeccharkarārbudam/ kacchūṃ vicarcikāṃ pāmāṃ kuṣṭhavat samupācaret// ### [4.20.18](https://indike.org/pramana/in.med.samhita.susruta.4.20.18) lepaśca śasyate sikthaśatāhvāgaurasarṣapaiḥ/ vacādārvīsarṣapairvā tailaṃ vā naktamālajam// ### [4.20.19](https://indike.org/pramana/in.med.samhita.susruta.4.20.19) sāratailamathābhyaṅge kurvīta kaṭukaiḥ śṛtam/ pādadāryāṃ sirāṃ viddhvā svedābhyaṅgau prayojayet// ### [4.20.20](https://indike.org/pramana/in.med.samhita.susruta.4.20.20) madhūcchiṣṭavasāmajjasarjacūrṇaghṛtaiḥ kṛtaḥ/ yavāhvagairikonmiśraiḥ pādalepaḥ praśasyate// ### [4.20.21](https://indike.org/pramana/in.med.samhita.susruta.4.20.21) pādau siktvā++āranālena lepanaṃ hyalase hitam/ kalkīkṛtairnimbatilakāsīsālaiḥ sasaindhavaiḥ// ### [4.20.22](https://indike.org/pramana/in.med.samhita.susruta.4.20.22) lākṣāraso+abhayā vā+api kāryaṃ syādraktamokṣaṇam/ siddhaṃ rase kaṇṭakāryāstailaṃ vā sārṣapaṃ hitam// ### [4.20.23](https://indike.org/pramana/in.med.samhita.susruta.4.20.23) kāsīsarocanaśilācūrṇairvā pratisāraṇam/ utkṛtya† dagdhvā snehena jayet kadarasaṃjñakam// ### [4.20.24](https://indike.org/pramana/in.med.samhita.susruta.4.20.24) indralupte sirāṃ mūrdhni snigdhasvinnasya mokṣayet/ kalkaiḥ samaricairdihyācchilākāsīsatutthakaiḥ// ### [4.20.25](https://indike.org/pramana/in.med.samhita.susruta.4.20.25) kaṭannaṭadārukalkairlepanaṃ vā praśasyate/ pracchayitvā+avagāḍhaṃ vā guñjākalkairmuhurmuhuḥ// ### [4.20.26](https://indike.org/pramana/in.med.samhita.susruta.4.20.26) lepayedupaśāntyarthaṃ kuryādvā+api rasāyanam/ mālatīkaravīrāgninaktamālavipācitam// ### [4.20.27](https://indike.org/pramana/in.med.samhita.susruta.4.20.27) tailamabhyañjane śastamindraluptāpahaṃ param/ arūṃṣikāṃ hṛte rakte secayennimbavāriṇā// ### [4.20.28](https://indike.org/pramana/in.med.samhita.susruta.4.20.28) dihyāt saindhavayuktena vājiviṣṭhārasena tu/ haritālaniśānimbakalkairvā sapaṭolajaiḥ// ### [4.20.29](https://indike.org/pramana/in.med.samhita.susruta.4.20.29) yaṣṭīnīlotpalairaṇḍamārkavairvā pralepayet/ indraluptāpahaṃ tailamabhyaṅge ca praśasyate/ sirāṃ dāruṇake viddhvā snigdhasvinnasya mūrdhani// ### [4.20.30](https://indike.org/pramana/in.med.samhita.susruta.4.20.30) avapīḍaṃ śirobastimabhyaṅgaṃ ca prayojayet/ kṣālane kodravatṛṇakṣāratoyaṃ praśasyate// ### [4.20.31](https://indike.org/pramana/in.med.samhita.susruta.4.20.31) upariṣṭāt rpavakṣyāmi vidhiṃ palitanāśanam/ masūrikāyāṃ kuṣṭhaghnalepanādikriyā hitā// ### [4.20.32](https://indike.org/pramana/in.med.samhita.susruta.4.20.32) pittaśleṣmavisarpoktā kriyā vā saṃpraśasyate/ jatumaṇiṃ samutkṛtya maṣakaṃ tilakālakam// ### [4.20.33](https://indike.org/pramana/in.med.samhita.susruta.4.20.33) kṣāreṇa pradahedyuktyā vahninā vā śanaiḥ †śanaiḥ/ nyacche vyaṅge sirāmokṣo nīlikāyāṃ ca śasyate// ### [4.20.34](https://indike.org/pramana/in.med.samhita.susruta.4.20.34) yathānyāyaṃ yathābhyāsaṃ lālāṭyādisirāvyadhaḥ/ ghṛṣṭvā dihyāttvacaṃ piṣṭvā kṣīriṇāṃ kṣīrasaṃyutām// ### [4.20.35](https://indike.org/pramana/in.med.samhita.susruta.4.20.35) balatibalayaṣṭyāhvarajanīrvā pralepanam/ payasyāgurukālīyalepanaṃ vā sagairikam// ### [4.20.36](https://indike.org/pramana/in.med.samhita.susruta.4.20.36) kṣaudrājyayuktayā limpeddaṃṣṭrayā śūkarasya ca/ kapittharājādanayoḥ kalkaṃ vā hitamucyate// ### [4.20.37](https://indike.org/pramana/in.med.samhita.susruta.4.20.37) yauvane piḍakāsveṣa viśeṣācchardanaṃ hitam/ lepanaṃ ca vacārodhrasaindhavaiḥ sarṣapānvitaiḥ// ### [4.20.38](https://indike.org/pramana/in.med.samhita.susruta.4.20.38) kustumburuvacālodhrakuṣṭharvā lepanaṃ hitam/ padminīkaṇṭake roge chardayennimbavāriṇā// ### [4.20.39](https://indike.org/pramana/in.med.samhita.susruta.4.20.39) tenaiva siddhaṃ sakṣaudraṃ sarpiḥpānaṃ pradāpayet/ nimbāragvadhayoḥ kalko hita utsādane bhavet// ### [4.20.40](https://indike.org/pramana/in.med.samhita.susruta.4.20.40) parivṛttiṃ ghṛtābhyaktāṃ susvinnāmupanāhayet/ tato+abhyajya śanaiścarma cānayet pīḍayenmaṇim// ### [4.20.41](https://indike.org/pramana/in.med.samhita.susruta.4.20.41) praviṣṭe ca maṇau carma svedayedupanāhanaiḥ/ trirātraṃ pañcarātraṃ vā vātaghnaiḥ sālvaṇādibhiḥ// ### [4.20.42](https://indike.org/pramana/in.med.samhita.susruta.4.20.42) dadyādvātaharān bastīn snigdhānyannāni bhojayet/ vapāṭikāṃ jayedevaṃ yathādoṣaṃ cikitsakaḥ// ### [4.20.43](https://indike.org/pramana/in.med.samhita.susruta.4.20.43) niruddhaprakaśe nāḍīṃ lauhīmubhayatomukhīm/ dāravīṃ vā jatukṛtāṃ ghṛtābhyaktāṃ praveśayet// ### [4.20.44](https://indike.org/pramana/in.med.samhita.susruta.4.20.44) pariṣeke vasāmajjaśiśumāravarāhayoḥ/ cakratailaṃ tathā yojyaṃ vātaghnadravyasaṃyutam// ### [4.20.45](https://indike.org/pramana/in.med.samhita.susruta.4.20.45) tryahāttryahāt sthūlatarāṃ samyaṅnāḍīṃ praveśayet/ sroto vivardhayedevaṃ snigdhamannaṃ ca bhojayet// ### [4.20.46](https://indike.org/pramana/in.med.samhita.susruta.4.20.46) bhittvā vā sevanīṃ muktvā sadyaḥkṣatavadācaret/ sanniruddhagudaṃ rogaṃ valmīkaṃ vahnirohiṇīm// ### [4.20.47](https://indike.org/pramana/in.med.samhita.susruta.4.20.47) pratyākhyāya yathāyogaṃ cikitsitamathācaret/ visarpoktena vidhinā sādhayedagnirohiṇīm// ### [4.20.48](https://indike.org/pramana/in.med.samhita.susruta.4.20.48) sanniruddhagude yojyā niruddhaprakaśakriyā/ śastreṇotkṛtya valmīkaṃ kṣārāgnibhyāṃ prasādhayet// ### [4.20.49](https://indike.org/pramana/in.med.samhita.susruta.4.20.49) vidhānenārbudoktena śodhayitvā ca ropayet/ valmīkaṃ tu bhavedyasya nātivṛddhamamarmajam// ### [4.20.50](https://indike.org/pramana/in.med.samhita.susruta.4.20.50) tatra saṃśodhanaṃ kṛtvā śoṇitaṃ mokṣayedbhiṣak/ kulatthikāyā mūlaiśca guḍūcyā lavaṇena ca// ### [4.20.51](https://indike.org/pramana/in.med.samhita.susruta.4.20.51) ārevatasya mūlaiśca dantīmūlaistathaiva ca/ śyāmāmūlaiḥ sapalalaiḥ śaktumiśraiḥ pralepayet// ### [4.20.52](https://indike.org/pramana/in.med.samhita.susruta.4.20.52) susnigdhaiśca sukhoṣṇaiśca bhiṣak tamupanāhayet/ pakvaṃ †vā tadvijānīyādgatīḥ sarvā yathākramam// ### [4.20.53](https://indike.org/pramana/in.med.samhita.susruta.4.20.53) abhijñāya tataśchittvā pradahenmatimān bhiṣak/ saṃśodhya duṣṭamāṃsāni kṣāreṇa pratisārayet// ### [4.20.54](https://indike.org/pramana/in.med.samhita.susruta.4.20.54) vraṇaṃ viśuddhaṃ vijñāya ropayenmatimān bhiṣak/ sumanā granthayaścaiva bhallātakamanaḥśile// ### [4.20.55](https://indike.org/pramana/in.med.samhita.susruta.4.20.55) kālānusārī sūkṣmailā candanāguruṇī tathā/ etaiḥ siddhaṃ nimbatailaṃ valmīke ropaṇaṃ hitam// ### [4.20.56](https://indike.org/pramana/in.med.samhita.susruta.4.20.56) pāṇipādopariṣṭāttu chidrairbahubhirāvṛtam/ valmīkaṃ yat saśophaṃ syādvarjyaṃ tattu vijānatā// ### [4.20.57](https://indike.org/pramana/in.med.samhita.susruta.4.20.57) dhātryāḥ stanyaṃ śodhayitvā bāle sādhyā+ahipūtanā/ paṭolapatratriphalārasāñjanavipācitam// ### [4.20.58](https://indike.org/pramana/in.med.samhita.susruta.4.20.58) pītaṃ ghṛtaṃ nāśayati kṛcchrāmapyahipūtanām/ triphalākolakhadirakaṣāyaṃ vraṇaropaṇam// ### [4.20.59](https://indike.org/pramana/in.med.samhita.susruta.4.20.59) kāsīsarocanātutthaharitālarasāñjanaiḥ/ lepo+amlapiṣṭo badarītvagvā saindhavasaṃyutā// ### [4.20.60](https://indike.org/pramana/in.med.samhita.susruta.4.20.60) kapālatutthajaṃ cūrṇaṃ cūrṇakāle prayojayet/ cikitsenmuṣkakacchūṃ cāpyahipūtanapāmavat// ### [4.20.61](https://indike.org/pramana/in.med.samhita.susruta.4.20.61) gudabhraṃśe gudaṃ svinnaṃ snehābhyaktaṃ praveśayet/ kārayedgophaṇābandhaṃ madhyacchidreṇa carmaṇā// ### [4.20.62](https://indike.org/pramana/in.med.samhita.susruta.4.20.62) vinirgamārthaṃ vāyośca svedayecca muhurmuhuḥ/ kṣīre mahatpañcamūlaṃ mūṣikāṃ cāntravarjitām// ### [4.20.63](https://indike.org/pramana/in.med.samhita.susruta.4.20.63) paktvā tasmin pacetailaṃ vātaghnauṣadhasaṃyutam/ gudabhraṃśamidaṃ kṛcchraṃ pānābhyaṅgāt prasādhayet// ### [4.20.63\_1](https://indike.org/pramana/in.med.samhita.susruta.4.20.63_1) iti suśrutasaṃhitāyāṃ cikitsāsthāne kṣudrarogacikitsitaṃ nāma viṃśo+adhyāyaḥ //20// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.104.18) — Ḍalhaṇa, Sanskrit ## Linked texts (9) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.18.55) — Sanskrit - [Siddhayoga (Vṛndamādhava)](https://indike.org/pramana/in.med.sangraha.siddhayoga.57.1) — Vṛnda, Sanskrit - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.54.1) — Cakrapāṇidatta, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.75.3) — Vaṅgasena, Sanskrit - [Vīrasiṃha](https://indike.org/pramana/in.med.sangraha.karmavipaka.virasimha.25.p1.1) — Bhoja, Sanskrit - [Vīrasiṃhāvaloka](https://indike.org/pramana/in.med.sangraha.karmavipaka.virasimhavaloka.24.p1.1) — Vīrasiṃha, Sanskrit - [Yogaratnasamuccaya (Anantakumāra)](https://indike.org/pramana/in.med.yoga.yogaratnasamuccaya-anantakumara.13.34) — Anantakumāra, Sanskrit - [Siddhisāra](https://indike.org/pramana/in.med.sangraha.siddhisara.13.48) — Sanskrit - [Parahitasaṃhitā](https://indike.org/pramana/in.med.sangraha.samhitasara.parahitasamhita.3.560) — Śrīnātha Paṇḍita, Sanskrit --- Source: [https://indike.org/pramana/in.med.samhita.susruta.4.20](https://indike.org/pramana/in.med.samhita.susruta.4.20) · Pramāṇa