[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 4.22 # The Compendium of Suśruta 4.22: dvāviṃśatitamo+adhyāyaḥ/ Suśrutasaṃhitā 4.22 - **Language:** Sanskrit ### dvāviṃśatitamo+adhyāyaḥ/ ### [4.22.1](https://indike.org/pramana/in.med.samhita.susruta.4.22.1) athāto mukharogacikitsitaṃ vyākhyāsyāmaḥ// ### [4.22.2](https://indike.org/pramana/in.med.samhita.susruta.4.22.2) yathovaca bhagavān dhanvantariḥ// ### [4.22.3](https://indike.org/pramana/in.med.samhita.susruta.4.22.3) caturvidhena snehena madhūcchiṣṭayutena ca/ vātaje+abhyañjanaṃ †kuryānnāḍīsvedaṃ ca buddhimān// ### [4.22.4](https://indike.org/pramana/in.med.samhita.susruta.4.22.4) vidadhyādoṣṭhakope tu sālvaṇaṃ copanāhane/ mastiṣke caiva nasye ca tailaṃ vātaharaṃ hitam// ### [4.22.5](https://indike.org/pramana/in.med.samhita.susruta.4.22.5) śrīveṣṭakaṃ sarjarasaṃ suradāru saguggulu/ yaṣṭīmadhukacūrṇaṃ tu vidadhyāt pratisāraṇam// ### [4.22.6](https://indike.org/pramana/in.med.samhita.susruta.4.22.6) pittaraktābhighātotthaṃ jalaukobhirupācaret/ pittavidradhivaccāpi kriyāṃ kuryādaśeṣataḥ// ### [4.22.7](https://indike.org/pramana/in.med.samhita.susruta.4.22.7) śirovirecanaṃ dhūmaḥ svedaḥ kavala eva ca/ hṛte rakte prayoktavyamoṣṭhakope kaphātmake// ### [4.22.8](https://indike.org/pramana/in.med.samhita.susruta.4.22.8) tryūṣaṇaṃ svarjikākṣāro yavakṣāro viḍaṃ tathā/ kṣaudrayuktaṃ vidhātavyametacca pratisāraṇam// ### [4.22.9](https://indike.org/pramana/in.med.samhita.susruta.4.22.9) medoje svedite bhinne śodhite jvalano hitaḥ/ priyaṅgutriphalālodhraṃ sakṣaudraṃ pratisāraṇam// ### [4.22.10](https://indike.org/pramana/in.med.samhita.susruta.4.22.10) etadoṣṭhaprakopānāṃ sādhyānāṃ karma kīrtitam/ dantamūlagatānāṃ tu rogāṇāṃ† karma vakṣyate// ### [4.22.11](https://indike.org/pramana/in.med.samhita.susruta.4.22.11) śītāde hṛtarakte tu toye nāgarasarṣapān/ niṣkvāthya triphalāṃ mustaṃ gaṇḍūṣaḥ sarasāñjanaḥ// ### [4.22.12](https://indike.org/pramana/in.med.samhita.susruta.4.22.12) priyaṅgavaśca mustaṃ ca triphalā ca pralepanam/ nasyaṃ ca triphalāsiddhaṃ madhukotpalapadmakaiḥ// ### [4.22.13](https://indike.org/pramana/in.med.samhita.susruta.4.22.13) dantapuppuṭake kāryaṃ taruṇe raktamokṣaṇam/ sapañcalavaṇaḥ kṣāraḥ sakṣaudraḥ pratisāraṇam// ### [4.22.14](https://indike.org/pramana/in.med.samhita.susruta.4.22.14) hitaḥ śirovirekaśca nasyaṃ snigdhaṃ ca bhojanam/ visrāvite dantaveṣṭe vraṇāṃstu pratisārayet// ### [4.22.15](https://indike.org/pramana/in.med.samhita.susruta.4.22.15) rodhrapattaṅgayaṣṭyāhvalākṣācūrṇairmadhūttaraiḥ/ gaṇḍūṣe kṣīriṇo yojyāḥ sakṣaudraghṛtaśarkarāḥ// ### [4.22.16](https://indike.org/pramana/in.med.samhita.susruta.4.22.16) kākolyādau daśakṣīrasiddhaṃ sarpiśca nasyataḥ/ śauṣire hṛtarakte tu rodhramustarasāñjanaiḥ// ### [4.22.17](https://indike.org/pramana/in.med.samhita.susruta.4.22.17) sakṣaudraiḥ śasyate lepo gaṇḍūṣe kṣīriṇo hitāḥ/ †sārivotpalayaṣṭyāhvasāvarāgurucandanaiḥ// ### [4.22.18](https://indike.org/pramana/in.med.samhita.susruta.4.22.18) kṣīre daśaguṇe siddhaṃ sarpirnasye ca pūjitam/ kriyāṃ paridare kuyācchītākoktāṃ vicakṣaṇaḥ// ### [4.22.19](https://indike.org/pramana/in.med.samhita.susruta.4.22.19) saṃśodhyobhayataḥ kāryaṃ śiraścopakuśe tathā/ kākodumbarikāgojīpatrairvisrāvayedasṛk// ### [4.22.20](https://indike.org/pramana/in.med.samhita.susruta.4.22.20) kṣaudrayuktaiśca lavaṇaiḥ savyoṣaiḥ pratisārayet/ pippalīḥ sarṣapāñ śvetānnāgaraṃ naiculaṃ phalam// ### [4.22.21](https://indike.org/pramana/in.med.samhita.susruta.4.22.21) sukhodakena saṃsṛjya kavalaṃ cāpi dhārayet/ ghṛtaṃ madhurakaiḥ siddhaṃ hitaṃ kavalanasyayoḥ// ### [4.22.22](https://indike.org/pramana/in.med.samhita.susruta.4.22.22) śastreṇa† dantavaidarbhe dantamūlāni śodhayet/ tataḥ ksāraṃ prayuñjīta kriyāḥ sarvāśca śītalāḥ// ### [4.22.23](https://indike.org/pramana/in.med.samhita.susruta.4.22.23) uddhṛtyādhikadantaṃ tu tato+agnimavacārayet/ kṛmidantakavaccāpi vidhiḥ kāryo vijānatā// ### [4.22.24](https://indike.org/pramana/in.med.samhita.susruta.4.22.24) chittvā+adhimāṃsaṃ sakṣaudrairebhiścūrṇairupācaret/ vacātejovatīpāṭhāsvarjikāyāvaśūkajaiḥ// ### [4.22.25](https://indike.org/pramana/in.med.samhita.susruta.4.22.25) kṣaudradvitīyāḥ pippalyaḥ kavalaścātra kīrtitaḥ/ paṭolatriphalānimbakaṣāyaścātra dhāvane/ hitaḥ śirovirekaśca dhūmo vairecanaśca yaḥ// ### [4.22.26](https://indike.org/pramana/in.med.samhita.susruta.4.22.26) sāmānyaṃ karma nāḍīnāṃ viśeṣaṃ cātra me śṛṇu/ nāḍīvraṇaharaṃ karma dantanāḍīṣu kārayet// ### [4.22.27](https://indike.org/pramana/in.med.samhita.susruta.4.22.27) yaṃ †dantamabhijāyeta nāḍī taṃ dantamuddharet/ chittvā māṃsāni śastreṇa yadi noparijo bhavet// ### [4.22.28](https://indike.org/pramana/in.med.samhita.susruta.4.22.28) śodhayitvā daheccāpi kṣāreṇa jvalanena vā/ bhinattyupekṣite dante hanukāsthi gatirdhruvam// ### [4.22.29](https://indike.org/pramana/in.med.samhita.susruta.4.22.29) samūlaṃ daśanaṃ tasmāduddharedbhagnamasthiram/ uddhṛte tūttare dante †samūle sthirabandhane// ### [4.22.30](https://indike.org/pramana/in.med.samhita.susruta.4.22.30) raktātiyogāt pūrvektā rogā ghorā bhavanti hi/ kāṇaḥ saṃjāyate janturarditaṃ cāsya jāyate// ### [4.22.31](https://indike.org/pramana/in.med.samhita.susruta.4.22.31) calamapyuttaraṃ dantamato nāpaharedbhiṣak/ dhāvane jātimadanasvādukaṇṭakakhādiram// ### [4.22.32](https://indike.org/pramana/in.med.samhita.susruta.4.22.32) kaṣāyaṃ jātimadanakaṭukasvādukaṇṭakaiḥ/ yaṣṭyāhvarodhramañjiṣṭhākhadiraiścāpi yat kṛtam// ### [4.22.33](https://indike.org/pramana/in.med.samhita.susruta.4.22.33) tailaṃ saṃśodhanaṃ taddhi hanyāddantagatāṃ gatim/ kīrtitā dantamūle tu kriyā danteṣu vakṣyate// ### [4.22.34](https://indike.org/pramana/in.med.samhita.susruta.4.22.34) snehānāṃ kavalāḥ koṣṇāḥ sarpiṣastraivṛtasya vā/ niryūhāścānilaghnānāṃ dantaharṣapramardanāḥ// ### [4.22.35](https://indike.org/pramana/in.med.samhita.susruta.4.22.35) snaihikaśca hito dhūmo nasyaṃ snigdhaṃ ca bhojanam/ raso rasayavāgvaśca kṣīraṃ santānikā ghṛtam// ### [4.22.36](https://indike.org/pramana/in.med.samhita.susruta.4.22.36) śirobastirhitaścāpi kramo yaścānilāpahaḥ/ ahiṃsan dantamūlāni śarkarāmuddharedbhiṣak// ### [4.22.37](https://indike.org/pramana/in.med.samhita.susruta.4.22.37) lākṣācūrṇairmadhuyutaistatastāḥ pratisārayet/ dantaharṣakriyāṃ cāpi kuryānniravaśeṣataḥ// ### [4.22.38](https://indike.org/pramana/in.med.samhita.susruta.4.22.38) kapālikā kṛcchratamā tatrāpyeṣā kriyā hitā/ jayedvisrāvaṇaiḥ svinnamacalaṃ kṛmidantakam// ### [4.22.39](https://indike.org/pramana/in.med.samhita.susruta.4.22.39) tathā+avapīḍairvātaghnaiḥ snehagaṇḍūṣadhāraṇaiḥ/ bhadradārvādivarṣābhūlepaiḥ snigdhaiśca bhojanaiḥ// ### [4.22.40](https://indike.org/pramana/in.med.samhita.susruta.4.22.40) calamuddhṛtya† ca sthānaṃ vidahet suṣirasya ca/ tato vidārīyaṣṭyāhvaśṛṅgāṭakakaserukaiḥ// ### [4.22.41](https://indike.org/pramana/in.med.samhita.susruta.4.22.41) tailaṃ daśaguṇe kṣīre siddhaṃ nasye hitaṃ bhavet/ hanomokṣe samuddiṣṭāṃ kuryāccārditavat kriyām// ### [4.22.42](https://indike.org/pramana/in.med.samhita.susruta.4.22.42) phalānyamlāni śītāmbu rūkṣānnaṃ dantadhāvanam/ tathā+atikaṭhinān bhakṣyān dantarogī vivarjayet// ### [4.22.43](https://indike.org/pramana/in.med.samhita.susruta.4.22.43) sādhyānāṃ dantarogāṇāṃ cikitsitamudīritam/ jihvāgatānāṃ sādhyānāṃ karma vakṣyāmi siddhaye// ### [4.22.44](https://indike.org/pramana/in.med.samhita.susruta.4.22.44) auṣṭhaprakope+anilaje yaduktaṃ prāk cikitsitam/ kaṇṭakeṣvanilottheṣu tat kāryaṃ bhiṣajā bhavet// ### [4.22.45](https://indike.org/pramana/in.med.samhita.susruta.4.22.45) pittajeṣu vighṛṣṭeṣu niḥsṛte duṣṭaśoṇite/ pratisāraṇagaṇḍūṣaṃ nasyaṃ ca madhuraṃ hitam// ### [4.22.46](https://indike.org/pramana/in.med.samhita.susruta.4.22.46) kaṇṭakeṣu kaphottheṣu likhiteṣvasṛjaḥ kṣaye/ pippalyādirmadhuyutaḥ kāryastu pratisāraṇe// ### [4.22.47](https://indike.org/pramana/in.med.samhita.susruta.4.22.47) gṛhṇīyāt kavalāṃścāpi gaurasarṣapasaindhavaiḥ/ paṭolanimbavārtākukṣārayūṣaiśca bhojayet// ### [4.22.48](https://indike.org/pramana/in.med.samhita.susruta.4.22.48) upajihvāṃ tu saṃlikhya kṣāreṇa pratisārayet/ śirovirekagaṇḍūṣadhūmaiścainamupācaret// ### [4.22.49](https://indike.org/pramana/in.med.samhita.susruta.4.22.49) jihvāgatānāṃ karmoktaṃ tālavyānāṃ pravakṣyate/ aṅguṣṭhāṅgulisaṃdaṃśenākṛṣya galaśuṇḍikām// ### [4.22.50](https://indike.org/pramana/in.med.samhita.susruta.4.22.50) chedayenmaṇḍalāgreṇa jihvopari tu saṃsthitām/ notkṛṣṭaṃ caiva hīnaṃ ca tribhāgaṃ chedayedbhiṣak// ### [4.22.51](https://indike.org/pramana/in.med.samhita.susruta.4.22.51) atyādānāt sravedraktaṃ tannimittaṃ mriyeta ca/ hīnacchedādbhavecchopho lālā nidrā bhramastamaḥ// ### [4.22.52](https://indike.org/pramana/in.med.samhita.susruta.4.22.52) tasmādvaidyaḥ prayatnena dṛṣṭakarmā viśāradaḥ/ galaśuṇḍīṃ tu sañchidya kuryāt prāptamimaṃ kramam// ### [4.22.53](https://indike.org/pramana/in.med.samhita.susruta.4.22.53) maricātiviṣāpāṭhāvacākuṣṭhakuṭannaṭaiḥ/ kṣaudrayuktaiḥ salavaṇaistatastāṃ pratisārayet// ### [4.22.54](https://indike.org/pramana/in.med.samhita.susruta.4.22.54) vacāmativiṣāṃ pāṭhāṃ rāsnāṃ kaṭukarohiṇīm/ niṣkvāthya picumandaṃ ca kavalaṃ tatra yojayet// ### [4.22.55](https://indike.org/pramana/in.med.samhita.susruta.4.22.55) iṅgudīkiṇihīdantīsaralāsuradārubhiḥ/ pañcāṅgīṃ kārayet piṣṭairvartiṃ gandhottarāṃ śubhām// ### [4.22.56](https://indike.org/pramana/in.med.samhita.susruta.4.22.56) tato dhūmaṃ pibejjanturdvirahnaḥ kaphanāśanam/ kṣārasiddheṣu mudgeṣu yūṣaścāpyaśane hitaḥ// ### [4.22.57](https://indike.org/pramana/in.med.samhita.susruta.4.22.57) tuṇḍikeryadhruṣe kūrme saṅghāte tālupuppuṭe/ eṣa eva vidhiḥ kāryo viśeṣaḥ śastrakarmaṇi // ### [4.22.58](https://indike.org/pramana/in.med.samhita.susruta.4.22.58) tālupāke tu kartavyaṃ vidhānaṃ pittanāśanam/ snehasvedau tāluśoṣe vidhiścānilanāśanaḥ// ### [4.22.59](https://indike.org/pramana/in.med.samhita.susruta.4.22.59) kīrtitaṃ tālujānāṃ tu kaṇṭhyānāṃ karma vakṣyate/ sādhyānāṃ rohiṇīnāṃ tu hitaṃ śoṇitamokṣaṇam// ### [4.22.60](https://indike.org/pramana/in.med.samhita.susruta.4.22.60) chardanaṃ dhūmapānaṃ ca gaṇḍūṣo nasyakarma ca/ vātikīṃ tu hṛte rakte lavaṇaiḥ pratisārayet// ### [4.22.61](https://indike.org/pramana/in.med.samhita.susruta.4.22.61) sukhoṣṇān snehagaṇḍūṣān dhārayeccāpyabhīkṣṇaśaḥ/ pataṅgaśarkarākṣaudraiḥ paittikīṃ pratisārayet// ### [4.22.62](https://indike.org/pramana/in.med.samhita.susruta.4.22.62) drākṣāparūṣakakvātho hitaśca kavalagrahe/ agāradhūmakaṭukaiḥ ślaiṣmikīṃ pratisārayet// ### [4.22.63](https://indike.org/pramana/in.med.samhita.susruta.4.22.63) śvetāviḍaṅgadantīṣu tailaṃ siddhaṃ sasaindhavam/ nasyakarmaṇi yoktavyaṃ tathā kavaladhāraṇe// ### [4.22.64](https://indike.org/pramana/in.med.samhita.susruta.4.22.64) pittavat sādhayedvaidyo rohiṇīṃ raktasaṃbhavām/ visrāvya kaṇṭhaśālūkaṃ sādhayettuṇḍikerivat// ### [4.22.65](https://indike.org/pramana/in.med.samhita.susruta.4.22.65) ekakālaṃ yavānnaṃ ca bhuñjīta snigdhamalpaśaḥ/ upajihvikavaccāpi sādhayedadhijihvikām// ### [4.22.66](https://indike.org/pramana/in.med.samhita.susruta.4.22.66) ekavṛndaṃ tu visrāvya vidhiṃ śodhanamācaret/ gilāyuścāpi yo vyādhistaṃ ca śastreṇa sādhayet// ### [4.22.67](https://indike.org/pramana/in.med.samhita.susruta.4.22.67) amarmasthaṃ supakvaṃ ca bhedayedgalavidradhim/ vātāt sarvasaraṃ cūrṇairlavaṇaiḥ pratisārayet// ### [4.22.68](https://indike.org/pramana/in.med.samhita.susruta.4.22.68) tailaṃ vātaharaiḥ siddhaṃ hitaṃ kavalanasyayoḥ/ tato+asmai snaihikaṃ dhūmamimaṃ dadyādvicakṣaṇaḥ// ### [4.22.69](https://indike.org/pramana/in.med.samhita.susruta.4.22.69) śālarājādanairaṇḍasāraiṅgudamadhūkajāḥ/ majjāno gugguludhyāmamāṃsīkālānusārivāḥ/ śrīsarjarasaśaileyamadhūcchiṣṭāni cāharet// ### [4.22.70](https://indike.org/pramana/in.med.samhita.susruta.4.22.70) tatsarvaṃ sukṛtaṃ cūrṇaṃ snehenāloḍya yuktitaḥ/ ṭiṇḍūkavṛntaṃ sakṣaudraṃ matimāṃstena lepayet// ### [4.22.71](https://indike.org/pramana/in.med.samhita.susruta.4.22.71) eṣa sarvasare dhūmaḥ praśastaḥ snaihiko mataḥ/ kaphaghno mārutaghnaśca mukharogavināśanaḥ// ### [4.22.72](https://indike.org/pramana/in.med.samhita.susruta.4.22.72) pittātmake sarvasare śuddhakāyasya dehinaḥ/ sarvaḥ pittaharaḥ kāryo vidhirmadhuraśītalaḥ// ### [4.22.73](https://indike.org/pramana/in.med.samhita.susruta.4.22.73) pratisāraṇagaṇḍūṣau dhūmaḥ saṃśodhanāni ca/ kaphātmake sarvasare vidhiṃ kuryāt kaphāpaham// ### [4.22.74](https://indike.org/pramana/in.med.samhita.susruta.4.22.74) pibedativiṣāṃ pāṭhāṃ mustaṃ ca suradāru ca/ rohiṇīṃ kaṭukākhyāṃ ca kuṭajasya phalāni ca// ### [4.22.75](https://indike.org/pramana/in.med.samhita.susruta.4.22.75) gavāṃ mūtreṇa manujo bhāgairdharaṇasaṃmitaiḥ/ eṣa sarvān kaphakṛtān rogān yogo+apakarṣati// ### [4.22.76](https://indike.org/pramana/in.med.samhita.susruta.4.22.76) kṣīrekṣurasagomūtradadhimastvamlakāñjikaiḥ/ vidadhyāt kavalān vīkṣya doṣaṃ tailaghṛtairapi// ### [4.22.77](https://indike.org/pramana/in.med.samhita.susruta.4.22.77) rogāṇāṃ mukhajātānāṃ sādhyānāṃ karma kīrtitam/ asādhyā api vakṣyante rogā ye tatra kīrtitāḥ// ### [4.22.78](https://indike.org/pramana/in.med.samhita.susruta.4.22.78) auṣṭhaprakope varjyāḥ syurmāṃsaraktatridoṣajāḥ/ dantamūleṣu varjyau tu triliṅgagatisauṣirau// ### [4.22.79](https://indike.org/pramana/in.med.samhita.susruta.4.22.79) danteṣu ca na sidhyanti śyāvadālanabhañjanāḥ/ jihvāgateṣvalāsastu tālavyeṣvarbudaṃ tathā// ### [4.22.80](https://indike.org/pramana/in.med.samhita.susruta.4.22.80) svaraghno valayo vṛndo vidāryalasa eva ca/ galauṣṭho māṃsatānaśca śataghnī rohiṇī ca yā// ### [4.22.81](https://indike.org/pramana/in.med.samhita.susruta.4.22.81) asādhyāḥ kīrtitā hyete rogā nava daśaiva ca/ teṣāṃ cāpi kriyāṃ vaidyaḥ pratyākhyāya samācaret// ### [4.22.81\_1](https://indike.org/pramana/in.med.samhita.susruta.4.22.81_1) iti suśrutasaṃhitāyāṃ cikitsāsthāne mukharogacikitsitaṃ nāma dvāviṃśo+adhyāyaḥ //22// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.106.23) — Ḍalhaṇa, Sanskrit ## Linked texts (10) - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.55.4) — Cakrapāṇidatta, Sanskrit - [Siddhayoga (Vṛndamādhava)](https://indike.org/pramana/in.med.sangraha.siddhayoga.58.5) — Vṛnda, Sanskrit - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.23.38) — Sanskrit - [Mādhavanidāna (Rugviniścaya)](https://indike.org/pramana/in.med.sangraha.madhavanidana.60.56) — Mādhavakara, Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.13.111.70) — Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.76.14) — Vaṅgasena, Sanskrit - [Gadanigraha](https://indike.org/pramana/in.med.sangraha.gadanigraha.67.60) — Soḍhala, Sanskrit - [Mādhavacikitsā](https://indike.org/pramana/in.med.nidana.madhavacikitsa.68.61) — Mādhava Bhaṭṭa, Sanskrit - [Vīrasiṃha](https://indike.org/pramana/in.med.sangraha.karmavipaka.virasimha.26.p1.2) — Bhoja, Sanskrit - [Vīrasiṃhāvaloka](https://indike.org/pramana/in.med.sangraha.karmavipaka.virasimhavaloka.25.p1.2) — Vīrasiṃha, Sanskrit --- Source: [https://indike.org/pramana/in.med.samhita.susruta.4.22](https://indike.org/pramana/in.med.samhita.susruta.4.22) · Pramāṇa