[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 4.24 # The Compendium of Suśruta 4.24: caturviṃśatitamo+adhyāyaḥ/ Suśrutasaṃhitā 4.24 - **Language:** Sanskrit ### caturviṃśatitamo+adhyāyaḥ/ ### [4.24.1](https://indike.org/pramana/in.med.samhita.susruta.4.24.1) athāto+anāgatābādhāpratiṣedhaṃ vyākhyāsyāmaḥ// ### [4.24.2](https://indike.org/pramana/in.med.samhita.susruta.4.24.2) yathovāca bhagavān dhanvantariḥ// ### [4.24.3](https://indike.org/pramana/in.med.samhita.susruta.4.24.3) utthāyotthāya satataṃ svasthenārogyamicchatā/ dhīmatā yadanuṣṭheyaṃ tat sarvaṃ saṃpravakṣyate// ### [4.24.4](https://indike.org/pramana/in.med.samhita.susruta.4.24.4) tatrādau †dantapavanaṃ dvādaśāṅgulamāyatam/ kaniṣṭhikāparīṇāhamṛjvagranthitamavraṇam†// ### [4.24.5](https://indike.org/pramana/in.med.samhita.susruta.4.24.5) ayugmagranthi yaccāpi pratyagraṃ śastabhūmijam/ avekṣyartuṃ ca doṣaṃ ca rasaṃ vīryaṃ ca yojayet// ### [4.24.6](https://indike.org/pramana/in.med.samhita.susruta.4.24.6) kaṣāyaṃ madhuraṃ tiktaṃ kaṭukaṃ prātarutthitaḥ/ nimbaśca tiktake śreṣṭhaḥ kaṣāye khadirastathā// ### [4.24.7](https://indike.org/pramana/in.med.samhita.susruta.4.24.7) madhūko madhure śreṣṭhaḥ karañjaḥ kaṭuke tathā/ kṣaudravyoṣatrivargāktaṃ satailaṃ saindhavena ca// ### [4.24.8](https://indike.org/pramana/in.med.samhita.susruta.4.24.8) cūrṇena tejovatyāśca dantānnityaṃ viśodhayet/ ekaikaṃ ghrṣayeddantaṃ mṛdunā kūrcakena ca// ### [4.24.9](https://indike.org/pramana/in.med.samhita.susruta.4.24.9) dantaśodhanacūrṇena dantamāṃsānyabādhayan/ taddaurgandhyopadehau tu śleṣmāṇaṃ cāpakarṣati// ### [4.24.10](https://indike.org/pramana/in.med.samhita.susruta.4.24.10) †vaiśadyamannābhiruciṃ saumanasyaṃ karoti ca/ na khādedgalatālvoṣṭhajihvārogasamudbhave// ### [4.24.11](https://indike.org/pramana/in.med.samhita.susruta.4.24.11) †athāsyapāke śvāse ca kāsahikkāvamīṣu ca/ durbalo+ajīrṇabhaktaśca mūrcchārto madapīṣitaḥ// ### [4.24.12](https://indike.org/pramana/in.med.samhita.susruta.4.24.12) śirorujārtastṛṣitaḥ śrāntaḥ pānaklamānvitaḥ/ arditī karṇaśūlī ca dantarogī ca mānavaḥ// ### [4.24.13](https://indike.org/pramana/in.med.samhita.susruta.4.24.13) jihvānirlekhanaṃ raupyaṃ sauvarṇaṃ vārkṣameva ca/ tanmalāpaharaṃ śastaṃ mṛdu ślakṣṇaṃ daśāṅgulam// ### [4.24.14](https://indike.org/pramana/in.med.samhita.susruta.4.24.14) mukhavairasyadaurgandhyaśophajāḍyaharaṃ sukham/ dantadārḍhyakaraṃ rucyaṃ snehagaṇḍūṣadhāraṇam// ### [4.24.15](https://indike.org/pramana/in.med.samhita.susruta.4.24.15) kṣīravṛkṣakaṣāyairvā kṣīreṇa ca vimiśritaiḥ/ †bhilloṭakakaṣāyeṇa tathaivāmalakasya vā// ### [4.24.16](https://indike.org/pramana/in.med.samhita.susruta.4.24.16) prakṣālayenmukhaṃ nentre svasthaḥ śītodakena vā/ nīlikāṃ mukhaśoṣaṃ ca piḍakāṃ vyaṅgameva ca// ### [4.24.17](https://indike.org/pramana/in.med.samhita.susruta.4.24.17) raktapittakṛtān rogān sadya eva vināśayet/ sukhaṃ laghu nirīkṣeta dṛḍhaṃ paśyati cakṣuṣā// ### [4.24.18](https://indike.org/pramana/in.med.samhita.susruta.4.24.18) mataṃ srotoñjanaṃ śreṣṭhaṃ viśuddhaṃ sindhusaṃbhavam/ dāhakaṇḍūmalaghnaṃ ca dṛṣṭikledarujāpaham// ### [4.24.19](https://indike.org/pramana/in.med.samhita.susruta.4.24.19) tejorūpāvahaṃ caiva sahate mārutātapau/ na netrarogā jāyante tasmādañjanamācaret// ### [4.24.20](https://indike.org/pramana/in.med.samhita.susruta.4.24.20) bhuktavāñchirasā snātaḥ śrāntaśchardanavāhanaiḥ/ rātrau jāgaritaścāpi nāñjyājjvarita eva ca// ### [4.24.21](https://indike.org/pramana/in.med.samhita.susruta.4.24.21) karpūrajātīkakkolalavaṅgakaṭukāhvayaiḥ/ sacūrṇapūgaiḥ sahitaṃ patraṃ tāmbulajaṃ †śubham// ### [4.24.22](https://indike.org/pramana/in.med.samhita.susruta.4.24.22) mukhavaiśadyasaugandhyakāntisauṣṭhavakārakam/ hanudantasvaramalajihvendriyaviśodhanam// ### [4.24.23](https://indike.org/pramana/in.med.samhita.susruta.4.24.23) prasekaśamanaṃ hṛdyaṃ galāmayavināśanam/ pathyaṃ suptotthite bhukte snāte vānte ca mānave// ### [4.24.24](https://indike.org/pramana/in.med.samhita.susruta.4.24.24) raktapittakṣatakṣīṇatṛṣṇāmūrcchāparītinām/ rūkṣadurbalamartyānāṃ na hitaṃ cāsyaśoṣiṇām// ### [4.24.25](https://indike.org/pramana/in.med.samhita.susruta.4.24.25) śirogatāṃstathā rogāñchirobhaṅgo+apakarṣati/ keśānāṃ mārdavaṃ dairghyaṃ bahutvaṃ snigdhakṛṣṇatām// ### [4.24.26](https://indike.org/pramana/in.med.samhita.susruta.4.24.26) karoti śirasastṛptiṃ sutvakkamapi cānanam/ santarpaṇaṃ cendriyāṇāṃ śirasaḥ pratipūraṇam// ### [4.24.27](https://indike.org/pramana/in.med.samhita.susruta.4.24.27) madhukaṃ kṣīraśuklā ca saralaṃ devadāru ca/ kṣudrakaṃ pañcanāmānaṃ samabhāgāni saṃharet// ### [4.24.28](https://indike.org/pramana/in.med.samhita.susruta.4.24.28) teṣāṃ kalkakaṣāyābhyāṃ cakrateilaṃ vipācayet/ sadaiva śītalaṃ jantormūrdhni tailaṃ pradāpayet// ### [4.24.29](https://indike.org/pramana/in.med.samhita.susruta.4.24.29) keśaprasādhanī keśyā rajojantumalāpahā/ hanumanyāśiraḥkarṇaśūlaghnaṃ karṇapūraṇam// ### [4.24.30](https://indike.org/pramana/in.med.samhita.susruta.4.24.30) abhyaṅgo mārdavakaraḥ kaphavātanirodhanaḥ/ dhātūnāṃ puṣṭijanano mṛjāvarṇabalapradaḥ// ### [4.24.31](https://indike.org/pramana/in.med.samhita.susruta.4.24.31) sekaḥ śramaghno+anilahṛdbhagnasandhiprasādhakaḥ/ kṣatāgnidagdhābhihatavighṛṣṭānāṃ rujāpahaḥ// ### [4.24.32](https://indike.org/pramana/in.med.samhita.susruta.4.24.32) jalasiktasya vardhante yathā mūle+aṅkurāstaroḥ/ tathā dhātuvivṛddhirhi snehasiktasya jāyate// ### [4.24.33](https://indike.org/pramana/in.med.samhita.susruta.4.24.33) sirāmukhai romakūpairdhamanībhiśca tarpayam/ śarīrabalamādhatte yuktaḥ sneho+avagāhane// ### [4.24.34](https://indike.org/pramana/in.med.samhita.susruta.4.24.34) tatra prakṛtisātmyartudeśadoṣavikāravit/ tailaṃ ghṛtaṃ vā matimān yuñjyādabhyaṅgasekayoḥ// ### [4.24.35](https://indike.org/pramana/in.med.samhita.susruta.4.24.35) kevalaṃ sāmadoṣeṣu na kathañcana yojayet/ taruṇajvaryajīrṇī ca nābhyaktavyau kathañcana// ### [4.24.36](https://indike.org/pramana/in.med.samhita.susruta.4.24.36) tathā virikto vāntaśca nirūḍho yaśca mānavaḥ/ pūrvayoḥ kṛcchratā vyādherasādhyatvamathāpi vā// ### [4.24.37](https://indike.org/pramana/in.med.samhita.susruta.4.24.37) śeṣāṇāṃ tadahaḥ proktā agnimāndyādayo gadāḥ/ santarpaṇasamutthānāṃ rogāṇāṃ naiva kārayet// ### [4.24.38](https://indike.org/pramana/in.med.samhita.susruta.4.24.38) śarīrāyāsajananaṃ karma vyāyāmasaṃjñitam/ tat †kṛtvā tu sukhaṃ dehaṃ vimṛdgīyāt samantataḥ// ### [4.24.39](https://indike.org/pramana/in.med.samhita.susruta.4.24.39) śarīropacayaḥ kāntirgātrāṇāṃ suvibhaktatā/ dīptāgnitvamanālasyaṃ sthiratvaṃ lāghavaṃ mṛjā// ### [4.24.40](https://indike.org/pramana/in.med.samhita.susruta.4.24.40) śramaklamapipāseṣṇaśītādīnāṃ sahiṣṇutā/ ārogyaṃ cāpi paramaṃ vyāyāmādupajāyate// ### [4.24.41](https://indike.org/pramana/in.med.samhita.susruta.4.24.41) na cāsti sadṛśaṃ tena kiñcit sthaulyāpakarṣaṇam/ na ca vyāyāminaṃ martyamardayantyarayo balāt†// ### [4.24.42](https://indike.org/pramana/in.med.samhita.susruta.4.24.42) na cainaṃ sahasā++ākramya jarā samadhirohati/ sthirībhavati māṃsaṃ ca vyāyāmābhiratasya ca// ### [4.24.43](https://indike.org/pramana/in.med.samhita.susruta.4.24.43) vyāyāmasvinnagātrasya† padbhyāmudvartitasya† ca/ vyādhayo nopasarpanti siṃhaṃ kṣudramṛgā eva// ### [4.24.44](https://indike.org/pramana/in.med.samhita.susruta.4.24.44) vayorūpaguṇairhīnamapi kuryāt sudarśanam/ vyāyāmaṃ kurvato nityaṃ viruddhamapi bhojanam// ### [4.24.45](https://indike.org/pramana/in.med.samhita.susruta.4.24.45) vidagdhamavidagdhaṃ vā nirdoṣaṃ paripacyate/ vyāyāmo hi sadā pathyo balināṃ snigdhabhojinām// ### [4.24.46](https://indike.org/pramana/in.med.samhita.susruta.4.24.46) sa ca śīte vasante ca teṣāṃ pathyatamaḥ smṛtaḥ/ sarveṣvṛtuṣvaharahaḥ pumbhirātmahitaiṣibhiḥ// ### [4.24.47](https://indike.org/pramana/in.med.samhita.susruta.4.24.47) balasyārdhena kartavyo vyāyāmo hantyato+anyathā/ hṛdi sthānasthito vāyuryadā vaktraṃ prapadyate// ### [4.24.48](https://indike.org/pramana/in.med.samhita.susruta.4.24.48) vyāyāmaṃ kurvato jantostadbalārdhasya lakṣaṇam/ vayobalaśarīrāṇi deśakālāśanāni ca// ### [4.24.49](https://indike.org/pramana/in.med.samhita.susruta.4.24.49) samīkṣya kuryādvyāyāmamanyathā rogamāpnuyāt/ kṣayatṛṣṇārucicchardiraktapittabhramaklamāḥ// ### [4.24.50](https://indike.org/pramana/in.med.samhita.susruta.4.24.50) kāsaśoṣajvaraśvāsā ativyāyāmasaṃbhavāḥ/ raktapittī kṛśaḥ śoṣī śvāsakāsakṣatāturaḥ// ### [4.24.51](https://indike.org/pramana/in.med.samhita.susruta.4.24.51) bhuktavān strīṣu ca kṣīṇastṛḍbhramārtaśca varjayet/ udvartanaṃ vātaharaṃ kaphamedovilāpanam// ### [4.24.52](https://indike.org/pramana/in.med.samhita.susruta.4.24.52) sthirīkaraṇamaṅgānāṃ tvakprasthādakaraṃ param/ sirāmukhaviviktatvaṃ tvaksthasyāgneśca tejanam// ### [4.24.53](https://indike.org/pramana/in.med.samhita.susruta.4.24.53) udgharṣaṇotsādanābhyāṃ jāyeyātāmasaṃśayam/ utsādanādbhavet strīṇāṃ viśeṣāt kāntimadvapuḥ// ### [4.24.54](https://indike.org/pramana/in.med.samhita.susruta.4.24.54) praharṣasaubhāgyamṛjālāghavādiguṇānvitam/ udgharṣaṇaṃ tu vijñeyaṃ kaṇḍūkoṣṭhānilāpaham// ### [4.24.55](https://indike.org/pramana/in.med.samhita.susruta.4.24.55) ūrvoḥ saṃjanayatyāśu phenakaḥ sthairyalāghave/ kaṇḍūkoṭhānilastambhamalarogāpahaśca saḥ// ### [4.24.56](https://indike.org/pramana/in.med.samhita.susruta.4.24.56) tejanaṃ tvaggatasyāgneḥ sirāmukhavivecanam/ udgharṣaṇaṃ tviṣṭikayā kaṇḍūkoṭhavināśanam// ### [4.24.57](https://indike.org/pramana/in.med.samhita.susruta.4.24.57) nidrādāhaśramaharaṃ svedakaṇḍūtṛṣāpaham/ hṛdyaṃ malaharaṃ śreṣṭhaṃ sarvendriyavibodhanam†// ### [4.24.58](https://indike.org/pramana/in.med.samhita.susruta.4.24.58) tandrāpāpmopaśamanaṃ tuṣṭidaṃ puṃstvavardhanam/ raktaprasādanaṃ cāpi snānamagneśca dīpanam// ### [4.24.59](https://indike.org/pramana/in.med.samhita.susruta.4.24.59) uṣṇena śirasaḥ snānamahitaṃ cakṣuṣaḥ sadā/ śītena śirasaḥ snānaṃ cakṣuṣyamiti nirdiśet// ### [4.24.60](https://indike.org/pramana/in.med.samhita.susruta.4.24.60) śleṣmamārutakope tu jñātvā vyādhibalābalam/ kāmamuṣṇaṃ śiraḥsnānaṃ bhaiṣajyārthaṃ† samācaret// ### [4.24.61](https://indike.org/pramana/in.med.samhita.susruta.4.24.61) atiśītāmbu śīte ca śleṣmamārutakopanam/ atyuṣṇamuṣṇakāle ca pittaśoṇitakopanam// ### [4.24.62](https://indike.org/pramana/in.med.samhita.susruta.4.24.62) taccātisārajvaritakarṇaśūlānilārtiṣu/ ādhmānārocakājīrṇabhuktavatsu ca garhitam// ### [4.24.63](https://indike.org/pramana/in.med.samhita.susruta.4.24.63) saubhāgyadaṃ varṇakaraṃ prītyojobalavardhanam/ svedadaurgandhyavaivarṇyaśramaghnamanulepanam// ### [4.24.64](https://indike.org/pramana/in.med.samhita.susruta.4.24.64) snānaṃ yeṣāṃ niṣiddhaṃ tu teṣāmapyanulepanam/ rakṣoghnamatha caujasyaṃ saubhāgyakaramuttamam// ### [4.24.65](https://indike.org/pramana/in.med.samhita.susruta.4.24.65) sumanombararatnānāṃ dhāraṇaṃ prītivardhanam/ mukhālepāddṛḍhaṃ cakṣuḥ pīnagaṇḍaṃ tathā++ānanam// ### [4.24.66](https://indike.org/pramana/in.med.samhita.susruta.4.24.66) avyaṅgapiḍakaṃ kāntaṃ bhavatyambujasannibham/ paksmalaṃ viśadaṃ kāntamamalojjvalamaṇḍalam// ### [4.24.67](https://indike.org/pramana/in.med.samhita.susruta.4.24.67) netramañjanasaṃyogādbhaveccāmalatārakam/ yaśasyaṃ svargyamāyuṣyaṃ dhanadhānyavivardhanam// ### [4.24.68](https://indike.org/pramana/in.med.samhita.susruta.4.24.68) devatātithiviprāṇāṃ pūjanaṃ gotravardhanam/ āhāraḥ prīṇanaḥ sadyo balakṛddehadhārakaḥ// ### [4.24.69](https://indike.org/pramana/in.med.samhita.susruta.4.24.69) āyustejaḥsamutsāhasmṛtyojognivivardhanaḥ/ pādaprakṣālanaṃ pādamalarogaśramāpaham// ### [4.24.70](https://indike.org/pramana/in.med.samhita.susruta.4.24.70) cakṣuḥprasādanaṃ vṛṣyaṃ rakṣoghnaṃ prītivardhanam/ nidrākaro dehasukhaścakṣuṣyaḥ śramasuptinut// ### [4.24.71](https://indike.org/pramana/in.med.samhita.susruta.4.24.71) pādatvaṅmṛdukārī ca pādābhyaṅgaḥ sadā hitaḥ/ pādarogaharaṃ †vṛṣyaṃ rakṣoghnaṃ prītivardhanam// ### [4.24.72](https://indike.org/pramana/in.med.samhita.susruta.4.24.72) sukhapracāramojasyaṃ sadā pādatradhāraṇam/ anārogyamanāyuṣyaṃ cakṣuṣorupaghātakṛt// ### [4.24.73](https://indike.org/pramana/in.med.samhita.susruta.4.24.73) pādābhyāmanupānadbhyāṃ sadā caṅkramaṇaṃ nṛṇām/ pāpmopaśamanaṃ keśanakharomāpamārjanam// ### [4.24.74](https://indike.org/pramana/in.med.samhita.susruta.4.24.74) harṣalāghavasaubhāgyakaramutsāhavardhanam/ †bāṇavāraṃ mṛjāvarṇatejobalavivardhanam// ### [4.24.75](https://indike.org/pramana/in.med.samhita.susruta.4.24.75) pavitraṃ keśyamuṣṇīṣaṃ vātātaparajopaham/ varṣānilarajogharmahimādīnāṃ nivāraṇam// ### [4.24.76](https://indike.org/pramana/in.med.samhita.susruta.4.24.76) varṇyaṃ cakṣuṣyamaujasyaṃ śaṅkaraṃ chatradhāraṇam/ śunaḥ sarīsṛpavyālaviṣāṇibhyo bhayāpaham// ### [4.24.77](https://indike.org/pramana/in.med.samhita.susruta.4.24.77) śramaskhalanadoṣaghnaṃ sthavire ca praśasyate/ sattvotsāhabalasthairyadhairyavīryavivardhanam// ### [4.24.78](https://indike.org/pramana/in.med.samhita.susruta.4.24.78) avaṣṭambhakaraṃ cāpi †bhayaghnaṃ daṇḍadhāraṇam/ āsyā varṇakaphasthaulyasaukumāryakarī sukhā// ### [4.24.79](https://indike.org/pramana/in.med.samhita.susruta.4.24.79) adhvā varṇakaphasthaulyasaukumāryavināśanaḥ/ atyadhvā viparīto+āsmājjarādaurbalyakṛcca saḥ// ### [4.24.80](https://indike.org/pramana/in.med.samhita.susruta.4.24.80) yattu caṅkramaṇaṃ nātidehapīḍākaraṃ bhavet/ tadāyurbalamedhāgnipradamindriyabodhanam// ### [4.24.81](https://indike.org/pramana/in.med.samhita.susruta.4.24.81) śramānilaharaṃ vṛṣyaṃ puṣṭinidrādhṛtipradam/ sukhaṃ śayyāsanaṃ duḥkhaṃ viparītaguṇaṃ matam// ### [4.24.82](https://indike.org/pramana/in.med.samhita.susruta.4.24.82) bālavyajanamaujasyaṃ makṣikādīnapohati/ śoṣadāhaśramasvedamūrcchāghno vyajanānilaḥ// ### [4.24.83](https://indike.org/pramana/in.med.samhita.susruta.4.24.83) prītinidrākaraṃ vṛṣyaṃ kaphavātaśramāpaham/ saṃvāhanaṃ māṃsaraktatvakprasādakaraṃ sukham// ### [4.24.84](https://indike.org/pramana/in.med.samhita.susruta.4.24.84) pravātaṃ raukṣyavaivarṇyastambhakṛddāhapaktinut/ svedamūrcchāpipāsāghnamapravātamato+anyathā// ### [4.24.85](https://indike.org/pramana/in.med.samhita.susruta.4.24.85) sukhaṃ vātaṃ praseveta grīṣme śaradi mānavaḥ/ nivātaṃ hyāyuṣe sevyamārogyāya ca sarvadā// ### [4.24.86](https://indike.org/pramana/in.med.samhita.susruta.4.24.86) ātapaḥ pittatṛṣṇāgnisvedamūrcchābhramāsrakṛt/ dāhavaivarṇyakārī ca chāyā caitānapohati// ### [4.24.87](https://indike.org/pramana/in.med.samhita.susruta.4.24.87) agnirvātakaphastambhaśītavepathunāśanaḥ/ āmābhiṣyandajaraśo raktapittapradūṣaṇaḥ// ### [4.24.88](https://indike.org/pramana/in.med.samhita.susruta.4.24.88) puṣṭivarṇabalotsāhamagnidīptimatandritām/ karoti dhātusāmyaṃ ca nidrā kāle niṣevitā// ### [4.24.89](https://indike.org/pramana/in.med.samhita.susruta.4.24.89) tatrādita eva nīcanakharomṇā śucinā śuklavāsasā laghūṣṇīṣacchatropānatkena daṇḍapāṇinā kāle hitamitamadhurapūrvābhibhāṣiṇā bandhubhūtena bhūtānāṃ guruvṛddhānumatena susahāyenānanyamanasā khalūpacaritavyaṃ, tadapi na rātrau, na keśāsthikaṇṭakāśmatuṣabhasmotkarakapālāṅgārāmedhyasnānabalibhūmiṣu, na viṣamendrakīlacatuṣpathaśvabhrāṇāmupariṣṭāt// ### [4.24.90](https://indike.org/pramana/in.med.samhita.susruta.4.24.90) na rājadviṣṭaparuṣapaiśunyānṛtāni vadet, na devabrāhmaṇapitṛparivādāṃśca; na narendradviṣṭonmattapatitakṣudranīcānupāsīta// ### [4.24.91](https://indike.org/pramana/in.med.samhita.susruta.4.24.91) vṛkṣaparvataprapātaviṣamavalmīkaduṣṭavājikuñjarādyadhirohaṇāni pariharet, pūrṇanadīsamudrāviditapalvalaśvabhrakūpāvataraṇāni, bhinnaśūnyāgāraśmaśānavijanāraṇyavāsāgnisaṃbhramavyālabhujaṅgakīṭasevāśca, grāmāghātakalahaśastrasannipātavyālasarīsṛpaśṛṅgisannikarṣāṃśca// ### [4.24.92](https://indike.org/pramana/in.med.samhita.susruta.4.24.92) nāgnigogurubrāhmaṇapreṅkhādampatyantareṇa yāyāt/ na śavamanuyāyāt/ devagobrāhmaṇacaityadhvajarogipatitapāpakāriṇāṃ ca chāyāṃ nākrameta/ nāstaṃ gacchantamudyantaṃ vā++ādityaṃ vīkṣeta/ gāṃ dhāpayantīṃ dhayantīṃ paraśasyaṃ vā carantīṃ na kasmaicidācakṣīta, na colkāpātotpātendradhanūṃṣi/ nāgniṃ mukhenopadhamet/ nāpo bhūmiṃ vā pāṇipādenābhihanyāt// ### [4.24.93](https://indike.org/pramana/in.med.samhita.susruta.4.24.93) na vegān dhārayed vātamūtrapurīṣādīnām/ na bahirvegān grāmanagaradevatāyatanaśmaśānacatuṣpathasalilāśayapathisannikṛṣṭāvutsṛjenna prakāśaṃ na vāyvagnisalilasomārkagogurupratimukham// ### [4.24.94](https://indike.org/pramana/in.med.samhita.susruta.4.24.94) na bhūmiṃ vilikhet, nāsaṃvṛtamukhaḥ sadasi jṛmbhodagārakāsaśvāsakṣavathūnutsṛjet, na paryaṅkikāvaṣṭambhapādaprasāraṇāni gurusannidhau kuryāt// ### [4.24.95](https://indike.org/pramana/in.med.samhita.susruta.4.24.95) na bālakarṇanāsāsrotodaśanākṣivivarāṇyabhikuṣṇīyāt†, na vījayet keśamukhanakhavastragātrāṇi, na gātranakhavaktravāditraṃ kuryāt, na kāṣṭhaloṣṭatṛṇādīnabhihanyācchindyādbhindyādvā// ### [4.24.96](https://indike.org/pramana/in.med.samhita.susruta.4.24.96) na prativātātapaṃ seveta, na bhuktamātro+agnimupāsīta, notkaṭakālpakāṣṭhāsanamadhyāsīta, na grīvāṃ viṣamaṃ dhārayet, na viṣamakāyaḥ kriyāṃ bhajeta bhuñjīta vā, na pratatamīkṣeta viśeṣājjyotirbhāskarasūkṣmacalabhrāntāni, na bhāraṃ śirasā vahet, na svapnajāgaraṇaśayanāsanasthānacaṅkramaṇayānavāhanapradhāvanalaṅghanaplavanaprataraṇahāsyabhāṣyavyavāyavyāyāmādīnucitānapyatiseveta// ### [4.24.97](https://indike.org/pramana/in.med.samhita.susruta.4.24.97) ucitādapyahitāt kramaśo viramet, hitamanucitamapyaseveta kramaśaḥ, na caikāntataḥ pādahīnāt// ### [4.24.98](https://indike.org/pramana/in.med.samhita.susruta.4.24.98) nāvākśirāḥ śayīta, na bhinnapātre bhuñjīta, na vinā pātreṇa, nāñjalipuṭenāpaḥ pibet, kāle hitamitasnigdhamadhuraprāyamāhāraṃ vaidyapratyavekṣitamaśnīyāt, grāmagaṇagaṇikāpaṇikaśatrusatraśaṭhapatitabhojanāni parikaret, śeṣāṇyapi cāniṣṭarūparasagandhasparśaśabdamānasāni, anyānyevaṃguṇānyapi saṃbhramadattāni, (tānyapi) †makṣikābālopahatāni, nāprakṣālitapādo bhuñjīta na mūtroccārapīḍito na sandhyayornānupāśrito nātītakālaṃ hīnamatimātraṃ (noddhṛtasnehaṃ) ceti// ### [4.24.99](https://indike.org/pramana/in.med.samhita.susruta.4.24.99) na bhuñjītoddhṛtasnehaṃ naṣṭaṃ paryuṣitaṃ payaḥ/ na naktaṃ dadhi bhuñjīta na cāpyaghṛtaśarkaram// ### [4.24.100](https://indike.org/pramana/in.med.samhita.susruta.4.24.100) nāmudgayūṣaṃ nākṣaudraṃ noṣṇaṃ nāmalakairvinā/ anyathā janayet kuṣṭhavisarpādīn gadān bahūn/ nātmānamudake paśyenna nagnaḥ praviśejjalam// ### [4.24.101](https://indike.org/pramana/in.med.samhita.susruta.4.24.101) dyūtamadyātisevāpratibhutvasākṣitvasamāhvānagoṣṭhīvāditrāṇi na seveta, srajaṃ chatropānakau kanakamatītavāsāṃsi na cānyairdhṛtāni dhārayet, brāhmaṇamagniṃ gāṃ ca nocchiṣṭaḥ spṛśet// ### [4.24.102](https://indike.org/pramana/in.med.samhita.susruta.4.24.102) bhavanti cātra yasmin yasminnṛtau ye ye doṣāḥ kupyanti dehinām/ teṣu teṣu pradātavyā rasāste te vijānatā// ### [4.24.103](https://indike.org/pramana/in.med.samhita.susruta.4.24.103) varṣāsu na pibettoyaṃ pibeccharadi mātrayā/ varṣasu caturo māsān mātrāvadudakaṃ pibet// ### [4.24.104](https://indike.org/pramana/in.med.samhita.susruta.4.24.104) uṣṇaṃ haime vasante ca kāmaṃ śrīṣme tu śītalam/ hemante ca vasante ca sīdhvariṣṭau pibennaraḥ// ### [4.24.105](https://indike.org/pramana/in.med.samhita.susruta.4.24.105) śṛtaśītaṃ payo grīṣme prāvṛṭkāle rasaṃ pibet/ yūṣaṃ varṣati, tasyānte prapicchītalaṃ jalam// ### [4.24.106](https://indike.org/pramana/in.med.samhita.susruta.4.24.106) svastha evamato+anyastu doṣāhāragatānugaḥ/ snehaṃ saindhavacūrṇena pippalībhiśca saṃyutam// ### [4.24.107](https://indike.org/pramana/in.med.samhita.susruta.4.24.107) pibedagnivivṛddhyarthaṃ na ca vegān vidhārayet/ agnidīptikaraṃ nṝṇāṃ rogāṇāṃ śamanaṃ prati// ### [4.24.108](https://indike.org/pramana/in.med.samhita.susruta.4.24.108) prāvṛṭśaradvasanteṣu samyak snehādimācaret/ kaphe pracchardanaṃ pitte vireko bastirīrane// ### [4.24.109](https://indike.org/pramana/in.med.samhita.susruta.4.24.109) śasyate triṣvapi sadā vyāyāmo doṣanāśanaḥ/ bhuktaṃ viruddhamapyannaṃ vyāyāmānna praduṣyati// ### [4.24.110](https://indike.org/pramana/in.med.samhita.susruta.4.24.110) utsargamaithunahāraśodhane syāttu tanmanāḥ/ neccheddoṣacayāt† prājñaḥ pīḍāṃ vā kāyamānasīm// ### [4.24.111](https://indike.org/pramana/in.med.samhita.susruta.4.24.111) atistrīsaṃprayogācca rakṣedātmānamātmavān/ śūlakāsajvaraśvāsakārśyapāṇḍvāmayakṣayāḥ†// ### [4.24.112](https://indike.org/pramana/in.med.samhita.susruta.4.24.112) ativyavājājjāyante rogāścākṣepakādayaḥ/ āyuṣmanto mandajarā vapurvarṇabalānvitāḥ// ### [4.24.113](https://indike.org/pramana/in.med.samhita.susruta.4.24.113) sthiropacitamāṃsāśca bhavanti strīṣu saṃyatāḥ/ tribhistribhirahobhirvā samīyāt pramadāṃ naraḥ// ### [4.24.114](https://indike.org/pramana/in.med.samhita.susruta.4.24.114) sarveṣvṛtuṣu, gharmeṣu pakṣāt pakṣādvrajedbudhaḥ/ rajasvalāmakāmāṃ ca malināmapriyāṃ tathā// ### [4.24.115](https://indike.org/pramana/in.med.samhita.susruta.4.24.115) varṇavṛddhāṃ vayovṛddhāṃ tathā vyādhiprapīḍitām/ hīnāṅgīṃ garbhiṇīṃ dveṣyāṃ yonidoṣasamanvitām// ### [4.24.116](https://indike.org/pramana/in.med.samhita.susruta.4.24.116) sagotrāṃ gurupatnīṃ ca tathā pravrajitāmapi/ sandhyāparvasvagamyāṃ ca nopeyāt pramadāṃ naraḥ// ### [4.24.117](https://indike.org/pramana/in.med.samhita.susruta.4.24.117) gosarge cārdharātre ca tathā madhyandineṣu ca/ lajjāsamāvahe deśe vivṛte+aśuddha eva ca// ### [4.24.118](https://indike.org/pramana/in.med.samhita.susruta.4.24.118) kṣudhito vyādhitaścaiva kṣubdhacittaśca mānavaḥ/ vātaviṇmūtravegī ca pipāsaratidurbalaḥ// ### [4.24.119](https://indike.org/pramana/in.med.samhita.susruta.4.24.119) tiryagyonāvayonau ca prāptaśukravidhāraṇam/ duṣṭayonau visargaṃ tu balavānapi varjayet// ### [4.24.120](https://indike.org/pramana/in.med.samhita.susruta.4.24.120) retasaścātimātraṃ tu mūrdhāvaraṇameva ca/ sthitāvuttānaśayane viśeṣeṇaiva garhitam// ### [4.24.121](https://indike.org/pramana/in.med.samhita.susruta.4.24.121) krīḍāyāmapi medhāvī hitārthī parivarjayet/ rajasvalāṃ prāptavato narasyāniyatātmanaḥ// ### [4.24.122](https://indike.org/pramana/in.med.samhita.susruta.4.24.122) dṛṣṭyāyustejasāṃ hāniradharmaśca tato bhavet/ liṅginīṃ gurupatnīṃ ca sagotrāmatha parvasu// ### [4.24.123](https://indike.org/pramana/in.med.samhita.susruta.4.24.123) vṛddhāṃ ca sandhyayoścāpi gacchato jīvitakṣayaḥ/ garbhiṇyā garbhapīḍā syād vyādhitāyāṃ balakṣayaḥ// ### [4.24.124](https://indike.org/pramana/in.med.samhita.susruta.4.24.124) hīnāṅgīṃ malināṃ dveṣyāṃ kāmaṃ vandhyāmasaṃvṛte/ deśe+aśuddhe ca śukrasya manasaśca kṣayo bhavet// ### [4.24.125](https://indike.org/pramana/in.med.samhita.susruta.4.24.125) kṣudhitaḥ kṣubdhacittaśca madhyāhne tṛṣito+abalaḥ/ sthitaśca hāniṃ śukrasya vāyoḥ kopaṃ ca vindati// ### [4.24.126](https://indike.org/pramana/in.med.samhita.susruta.4.24.126) atiprasaṅgādbhavati śoṣaḥ śukrakṣayāvahaḥ/ vyādhitasya rujā plīhni mṛtyurmūrcchā ca jāyate// ### [4.24.127](https://indike.org/pramana/in.med.samhita.susruta.4.24.127) prayūṣasyardharātre ca vātapitte prakupyataḥ/ tiryagyonāvayanau ca duṣṭayonau tathaiva ca// ### [4.24.128](https://indike.org/pramana/in.med.samhita.susruta.4.24.128) upadaṃśastathā vāyoḥ kopaḥ śukrasya ca kṣayaḥ/ uccārite mūtrite ca †retasaśca vidhāraṇe// ### [4.24.129](https://indike.org/pramana/in.med.samhita.susruta.4.24.129) uttāne ca bhavecchīghraṃ śukrāśmaryāstu saṃbhavaḥ/ sarvaṃ pariharettasmādetallokadvaye+ahitam// ### [4.24.130](https://indike.org/pramana/in.med.samhita.susruta.4.24.130) śukraṃ copasthitaṃ mohānna sandhāryaṃ kathaṃcana/ vayorūpaguṇopetāṃ tulyaśīlāṃ kulānvitām†// ### [4.24.131](https://indike.org/pramana/in.med.samhita.susruta.4.24.131) abhikāmo+abhikāmāṃ tu hṛṣṭo hṛṣṭāmalaṅkṛtām/ seveta pramadāṃ yuktyā vājīkaraṇabṛṃhitaḥ// ### [4.24.132](https://indike.org/pramana/in.med.samhita.susruta.4.24.132) bhakṣyāḥ saśarkarāḥ kṣīraṃ sasitaṃ rasa eva ca/ snānaṃ savyajanaṃ svapno vyavāyānte hitāni tu†// ### [4.24.133](https://indike.org/pramana/in.med.samhita.susruta.4.24.133) mukhamātraṃ samāsena sadvṛttasyaitadīritam/ ārogyamāyurartho vā gāsadbhiḥ prāpyate †nṛbhiḥ// ### [4.24.133\_1](https://indike.org/pramana/in.med.samhita.susruta.4.24.133_1) iti suśrutasaṃhitāyāṃ cikitsāsthāne+anāgatābādhacikitsitaṃ nāma caturviṃśo+adhyāyaḥ //24// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.108.50) — Ḍalhaṇa, Sanskrit ## Linked texts (6) - [Bhāvasvabhāva](https://indike.org/pramana/in.med.nighantu.dravyaguna.bhavasvabhava.29.53) — Mādhavadeva, Sanskrit - [Gadanigraha](https://indike.org/pramana/in.med.sangraha.gadanigraha.108.6) — Soḍhala, Sanskrit - [Caryācandrodaya](https://indike.org/pramana/in.med.pathya.caryacandrodaya.p650) — Dattarāma, Sanskrit - [Dravyaguṇasaṃgraha](https://indike.org/pramana/in.med.nighantu.dravyaguna.dravyagunasamgraha.17.16-2) — Cakrapāṇidatta, Sanskrit - [Madanapālavinodanighaṇṭu](https://indike.org/pramana/in.med.nighantu.namaguna.madanapalavinodanighantu.13.1-2.3) — Madanapāla (Ṭāka), Sanskrit - [Madanapālanighaṇṭu (Madanavinoda)](https://indike.org/pramana/in.med.nighantu.namaguna.madanapala.13.44) — Madanapāla (Ṭāka), Sanskrit --- Source: [https://indike.org/pramana/in.med.samhita.susruta.4.24](https://indike.org/pramana/in.med.samhita.susruta.4.24) · Pramāṇa