[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 4.25 # The Compendium of Suśruta 4.25: pañcaviṃśatitamo+adhyāyaḥ/ Suśrutasaṃhitā 4.25 - **Language:** Sanskrit ### pañcaviṃśatitamo+adhyāyaḥ/ ### [4.25.1](https://indike.org/pramana/in.med.samhita.susruta.4.25.1) athāto miśrakacikitsitaṃ vyākhyāsyāmaḥ// ### [4.25.2](https://indike.org/pramana/in.med.samhita.susruta.4.25.2) yathovāca bhagavān dhanvantariḥ// ### [4.25.3](https://indike.org/pramana/in.med.samhita.susruta.4.25.3) pālyāmayāstu visrāvyā ityuktaṃ prāṅgibodha tān/ paripoṭastathotpāta unmantho duḥkhavardhanaḥ// ### [4.25.4](https://indike.org/pramana/in.med.samhita.susruta.4.25.4) pañcamaḥ parilehī ca karṇapālyāṃ gadāḥ smṛtāḥ/ saukumāryāccirotsṛṣṭe sahasā+abhipravardhite// ### [4.25.5](https://indike.org/pramana/in.med.samhita.susruta.4.25.5) karṇaśopho bhavet pālyāṃ sarujaḥ paripoṭavān/ kṛṣṇāruṇanibhaḥ stabdhaḥ sa vātāt paripoṭakaḥ// ### [4.25.6](https://indike.org/pramana/in.med.samhita.susruta.4.25.6) gurvābharaṇasaṃyogāttāḍanādgharṣaṇādapi/ śophaḥ pālyāṃ bhavecchyāvo dāhapākaruganvitaḥ// ### [4.25.7](https://indike.org/pramana/in.med.samhita.susruta.4.25.7) rakto vā raktapittābhyāmutpātaḥ sa gado mataḥ/ balādvardhayataḥ karṇaṃ pālyāṃ vāyuḥ prakupyati// ### [4.25.8](https://indike.org/pramana/in.med.samhita.susruta.4.25.8) gṛhītvā sakaphaṃ kuryācchophaṃ †tadvarṇavedanam/ unmanthakaḥ sakaṇḍūko vikāraḥ kaphavātajaḥ// ### [4.25.9](https://indike.org/pramana/in.med.samhita.susruta.4.25.9) vardhamāne yadā karṇe kaṇḍūdāharuganvitaḥ/ śopho bhavati pākaśca tvakstho+asau duḥkhavardhanaḥ// ### [4.25.10](https://indike.org/pramana/in.med.samhita.susruta.4.25.10) kaphāsṛkkṛmayaḥ kuryuḥ sarṣapābhā vikāriṇīḥ/ srāviṇīḥ piḍakāḥ pālyāṃ kaṇḍūdāharuganvitāḥ// ### [4.25.11](https://indike.org/pramana/in.med.samhita.susruta.4.25.11) kaphāsṛkkṛmisaṃbhūtaḥ sa visarpannitastataḥ/ lihyāt saśaṣkulīṃ pālīṃ parilehīti sa smṛtaḥ// ### [4.25.12](https://indike.org/pramana/in.med.samhita.susruta.4.25.12) pālyāmayā hyamī ghorā narasyāpratikāriṇaḥ/ mithyāhāravihārasya pāliṃ hiṃsyurupekṣitāḥ// ### [4.25.13](https://indike.org/pramana/in.med.samhita.susruta.4.25.13) tasmādāśu bhiṣak teṣu snehādikramamācaret/ tathā+abhyaṅgaparīṣekapradehāsṛgvimokṣaṇam// ### [4.25.14](https://indike.org/pramana/in.med.samhita.susruta.4.25.14) sāmānyato viśeṣācca vakṣyāmyabhyañjanaṃ prati/ kharamañjariyaṣṭyāhvasaindhavāmaradārubhiḥ// ### [4.25.15](https://indike.org/pramana/in.med.samhita.susruta.4.25.15) supiṣṭaiḥ sāśvagandhaiśca mūlakāvalgujaiḥ phalaiḥ/ sarpistailavasāmajjamadhūcchiṣṭāni pācayet// ### [4.25.16](https://indike.org/pramana/in.med.samhita.susruta.4.25.16) sakṣīrāṇyatha taiḥ pāliṃ pradihyāt paripoṭake/ mañjiṣṭhātilayaṣṭyāhvasārivotpalapadmakaiḥ// ### [4.25.17](https://indike.org/pramana/in.med.samhita.susruta.4.25.17) sarodhraiḥ sakadambaiśca balājambvāmrapallavaiḥ/ siddhaṃ dhānyāmlasaṃyuktaṃ tailamutpātanāśanam// ### [4.25.18](https://indike.org/pramana/in.med.samhita.susruta.4.25.18) tālapatryaśvagandhārkabākucīphalasaindhavaiḥ/ tailaṃ kulīragodhābhyāṃ vasayā saha pācitam// ### [4.25.19](https://indike.org/pramana/in.med.samhita.susruta.4.25.19) saralālāṅgalībhyāṃ ca hitamunmanthanāśanam/ tathā+aśmantakajambvāmrapatrakvāthena secanam// ### [4.25.20](https://indike.org/pramana/in.med.samhita.susruta.4.25.20) prapauṇḍarīkamadhukamañjiṣṭhārajanīdvayaiḥ/ cūrṇairudvartanaiḥ pālīṃ tailāktāmavacūṇayet// ### [4.25.21](https://indike.org/pramana/in.med.samhita.susruta.4.25.21) lākṣāviḍaṅgakalkena tailaṃ paktvā+avacārayet/ svinnāṃ gomayapiṇḍena pradihyāt parilehike// ### [4.25.22](https://indike.org/pramana/in.med.samhita.susruta.4.25.22) piṣṭairviḍaṅgairathavā trivṛcchyāmārkasaṃyutaiḥ/ karañjeṅgudibījairvā kuṭajāragvadhāyutaiḥ// ### [4.25.23](https://indike.org/pramana/in.med.samhita.susruta.4.25.23) sarvairvā sārṣapaṃ tailaṃ siddhaṃ maricasaṃyutam/ sanimbapatrairabhyaṅge madhūcchiṣṭānvitaṃ hitam// ### [4.25.24](https://indike.org/pramana/in.med.samhita.susruta.4.25.24) pālīṣu vyādhiyuktāsu tanvīṣu kaṭhināsu ca/ puṣṭyārthaṃ mārdavārthaṃ ca kuryādabhyañjanaṃ tvidam// ### [4.25.25](https://indike.org/pramana/in.med.samhita.susruta.4.25.25) lopākānūpamajjānaṃ vasāṃ tailaṃ navaṃ ghṛtam/ paceddaśaguṇaṃ kṣīramāvāpya madhuraṃ gaṇam// ### [4.25.26](https://indike.org/pramana/in.med.samhita.susruta.4.25.26) apāmārgāśvagandhe ca tathā lākṣārasaṃ śubham/ tatsiddhaṃ paripūtaṃ ca svanuguptaṃ nidhāpayet// ### [4.25.27](https://indike.org/pramana/in.med.samhita.susruta.4.25.27) tenābhyañjyāt sadā pālīṃ susvinnāmtimarditām/ etena pālyo vardhante nirujo nirupadravāḥ// ### [4.25.28](https://indike.org/pramana/in.med.samhita.susruta.4.25.28) mṛdvyaḥ puṣṭāḥ samāḥ snigdhā jāyante bhūṣaṇakṣamāḥ/ nīlīdalaṃ bhṛṅgarajo+arjunatvak piṇḍītakaṃ kṛṣṇamayorajaśca/ bījodbhavaṃ sāhacaraṃ ca puṣpaṃ pathyākṣadhātrīsahitaṃ vicūrṇya// ### [4.25.29](https://indike.org/pramana/in.med.samhita.susruta.4.25.29) ekīkṛtaṃ sarvamidaṃ pramāya paṅkena tulyaṃ nalinībhavena/ saṃyojya pakṣaṃ kalaśe nidhāya lauhe †ghaṭe sadmani sāpidhāne// ### [4.25.30](https://indike.org/pramana/in.med.samhita.susruta.4.25.30) anena tailaṃ †vipacedvimiśraṃ rasena bhṛṅgatriphalābhavena/ āsannapāke ca parīkṣaṇārthaṃ patraṃ balākābhavamākṣipecca// ### [4.25.31](https://indike.org/pramana/in.med.samhita.susruta.4.25.31) bhavedyadā tadbhramarāṅganīlaṃ tadā vipakvaṃ vinidhāya pātre/ kṛṣṇāyase māsamavasthitaṃ tadabhyaṅgayogāt palitāni hanyāt// ### [4.25.32](https://indike.org/pramana/in.med.samhita.susruta.4.25.32) sairīyajambvarjunakāśmarījaṃ puṣpaṃ tilānmārkavacūtabīje/ punarnave kardamakaṇṭakāryau kāsīsapiṇḍītakabījasāram// ### [4.25.33](https://indike.org/pramana/in.med.samhita.susruta.4.25.33) phalatrayaṃ loharajo+añjanaṃ ca yaṣṭyāhvayaṃ nīrajasārive ca/ piṣṭvā+atha sarvaṃ saha modayantyā sārāmbhasā bījakasaṃbhavena// ### [4.25.34](https://indike.org/pramana/in.med.samhita.susruta.4.25.34) sārāmbhasaḥ saptabhireva paścāt prasthaiḥ samāloḍya daśāhaguptam/ lauhe supātre vinidhāya tailamakṣodbhavaṃ tacca pacet prayatnāt// ### [4.25.35](https://indike.org/pramana/in.med.samhita.susruta.4.25.35) pakvaṃ ca lauhe+abhinave nidhāya nasyaṃ vidadhyāt pariśuddhakāyaḥ/ abhyaṅgayogaiśca niyujyamānaṃ bhuñjīta māṣān kṛśarāmatho vā// ### [4.25.36](https://indike.org/pramana/in.med.samhita.susruta.4.25.36) māsopariṣṭādghanakuñjitāgrāḥ keśā bhavanti bhramarāñjanābhāḥ/ keśāstathā+anye khalatau bhaveyurjarā na cainaṃ sahasā+abhyupaiti// ### [4.25.37](https://indike.org/pramana/in.med.samhita.susruta.4.25.37) balaṃ paraṃ saṃbhavatīndiryāṇāṃ bhavecca vaktraṃ valibhirvimuktam/ nākāmine+anārthini nākṛtāya naivāraye tailamidaṃ pradeyam// ### [4.25.38](https://indike.org/pramana/in.med.samhita.susruta.4.25.38) lākṣā† rodhraṃ dve haridre śilāle kuṣṭhaṃ nāgaṃ gairikā varṇakāśca/ mañjiṣṭhogrā syāt surāṣṭrodbhavā ca pattaṅgaṃ vai rocanā cāñjanaṃ ca// ### [4.25.39](https://indike.org/pramana/in.med.samhita.susruta.4.25.39) hemāṅgatvak pāṇḍupatraṃ vaṭasya kālīyaṃ syāt padmakaṃ padmamadhyam/ raktaṃ śvetaṃ candanaṃ pāradaṃ ca kākolyādiḥ kṣīrapiṣṭaśca vargaḥ// ### [4.25.40](https://indike.org/pramana/in.med.samhita.susruta.4.25.40) medo majjā sikthakaṃ goghṛtaṃ ca dugdhaṃ kvāthaḥ kṣīriṇāṃ ca drumāṇām/ etat sarvaṃ pakvamaikadhyatastu vaktrābhyaṅge sarpiruktaṃ pradhānam// ### [4.25.41](https://indike.org/pramana/in.med.samhita.susruta.4.25.41) hanyād vyaṅgaṃ nīlikāṃ cātivṛddhāṃ vaktre jātāḥ sphoṭikāścāpi kāścit/ padmākāraṃ nirvalīkaṃ ca vaktraṃ kuryādetat pīnagaṇḍaṃ manojñam// ### [4.25.42](https://indike.org/pramana/in.med.samhita.susruta.4.25.42) rājñāmetadyoṣitāṃ cāpi nityaṃ kuryādvaidyastatsamānāṃ nṛṇāṃ ca/ kuṣṭhaghnaṃ vai sarpiretat pradhānaṃ yeṣāṃ pāde santi vaipādikāśca// ### [4.25.43](https://indike.org/pramana/in.med.samhita.susruta.4.25.43) harīkakīcūrṇamariṣṭapatraṃ cūtatvacaṃ dāḍimapuṣpavṛntam/ patraṃ ca dadyānmadayantikāyā lepo+aṅgarāgo naradevayogyaḥ// ### [4.25.43\_1](https://indike.org/pramana/in.med.samhita.susruta.4.25.43_1) iti suśrutasaṃhitāyāṃ cikitsāsthāne miśrakacikitsitaṃ nāma pañcaviṃśo+adhyāyaḥ //25// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.109.31) — Ḍalhaṇa, Sanskrit ## Linked texts (2) - [Mādhavanidāna (Rugviniścaya)](https://indike.org/pramana/in.med.sangraha.madhavanidana.61.16) — Mādhavakara, Sanskrit - [Mādhavacikitsā](https://indike.org/pramana/in.med.nidana.madhavacikitsa.69.16) — Mādhava Bhaṭṭa, Sanskrit --- Source: [https://indike.org/pramana/in.med.samhita.susruta.4.25](https://indike.org/pramana/in.med.samhita.susruta.4.25) · Pramāṇa