[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 4.26 # The Compendium of Suśruta 4.26: ṣaḍviṃśatitamo+adhyāyaḥ/ Suśrutasaṃhitā 4.26 - **Language:** Sanskrit ### ṣaḍviṃśatitamo+adhyāyaḥ/ ### [4.26.1](https://indike.org/pramana/in.med.samhita.susruta.4.26.1) athātaḥ kṣīṇabalīyaṃ vājīkaraṇacikitsitaṃ vyākhyāsyāmaḥ// ### [4.26.2](https://indike.org/pramana/in.med.samhita.susruta.4.26.2) yathovāca bhagavān dhanvantariḥ// ### [4.26.3](https://indike.org/pramana/in.med.samhita.susruta.4.26.3) kalyasyodagravayaso vājīkaraṇasevinaḥ/ sarveṣvṛtuṣvaharaharvyavāyo na nivāritaḥ// ### [4.26.4](https://indike.org/pramana/in.med.samhita.susruta.4.26.4) sthavirāṇāṃ riraṃsūnāṃ strīṇāṃ vāllabhyamicchatām/ yoṣitprasaṅgāt kṣīṇānāṃ klībānāmalparetasām// ### [4.26.5](https://indike.org/pramana/in.med.samhita.susruta.4.26.5) vilāsināmarthavatāṃ rūpayauvanaśālinām/ nṛṇāṃ ca bahubhāryāṇāṃ yogā vājīkarā hitāḥ// ### [4.26.6](https://indike.org/pramana/in.med.samhita.susruta.4.26.6) sevamāno yadaucityādvājīvātyarhtavegavān/ nārīstarpayate tena vājīkaraṇamucyate// ### [4.26.7](https://indike.org/pramana/in.med.samhita.susruta.4.26.7) bhojanāni vicitrāṇi pānāni vividhāni ca/ vācaḥ śrotrānugāminyastvacaḥ sparśasukhāstathā// ### [4.26.8](https://indike.org/pramana/in.med.samhita.susruta.4.26.8) yāminī sendutilakā kāminī navayauvanā/ gītaṃ śrotramanohāri tāmbūlaṃ madirāḥ srajaḥ// ### [4.26.9](https://indike.org/pramana/in.med.samhita.susruta.4.26.9) gandhā manojñā rūpāṇi citrāṇyupavanāni ca/ manasaścāpratīghāto vājīkurvanti mānavam/ taistairbhāvairahṛdyaistu riraṃsormanasi kṣate// ### [4.26.10](https://indike.org/pramana/in.med.samhita.susruta.4.26.10) dveṣyastrīsaṃprayogācca klaibyaṃ tanmānasaṃ smṛtam/ kaṭukāmloṣṇalavaṇairatimātropasevitaiḥ// ### [4.26.11](https://indike.org/pramana/in.med.samhita.susruta.4.26.11) saumyadhātukṣayo dṛṣṭaḥ klaibyaṃ tadaparaṃ smṛtam/ ativyavāyaśīlo yo na ca vājīkriyārataḥ// ### [4.26.12](https://indike.org/pramana/in.med.samhita.susruta.4.26.12) dhvajabhaṅgamavāpnoti tacchukrakṣayahetukam/ mahatā meḍhrarogeṇa marmacchedena vā punaḥ// ### [4.26.13](https://indike.org/pramana/in.med.samhita.susruta.4.26.13) klaibyametaccaturthaṃ syānnṝṇāṃ puṃstvopaghātajam/ janmaprabhṛti yaḥ klībaḥ klaibyaṃ tat sahajaṃ smṛtam// ### [4.26.14](https://indike.org/pramana/in.med.samhita.susruta.4.26.14) balinaḥ kṣubdhamanaso nirodhād brahmacaryataḥ/ ṣaṣṭhaṃ klaibyaṃ mataṃ tattu kharaśukranimittajam†// ### [4.26.15](https://indike.org/pramana/in.med.samhita.susruta.4.26.15) asādhyaṃ sahajaṃ klaibyaṃ marmacchedācca yadbhavet/ sādhyānāmitareṣāṃ tu kāryo hetuviparyayaḥ// ### [4.26.16](https://indike.org/pramana/in.med.samhita.susruta.4.26.16) vidhirvājīkaro yastu taṃ pravakṣyāmyataḥ param/ tilamāṣavidārīṇāṃ śālīnāṃ cūrṇameva vā// ### [4.26.17](https://indike.org/pramana/in.med.samhita.susruta.4.26.17) pauṇḍrakekṣurasairārdraṃ marditaṃ saindhavānvitam/ varāhamedasā yuktāṃ ghṛtenotkārikāṃ pacet// ### [4.26.18](https://indike.org/pramana/in.med.samhita.susruta.4.26.18) tāṃ bhakṣayitvā †puruṣo gacchettu pramadāśatam/ bastāṇḍasiddhe payasi bhāvitānasakṛttilān// ### [4.26.19](https://indike.org/pramana/in.med.samhita.susruta.4.26.19) śiśumāravasāpakvāḥ śaṣkulyastistailaiḥ kṛtāḥ/ yaḥ svādet sa pumān gacchet strīṇāṃ śatamapūrvavat// ### [4.26.20](https://indike.org/pramana/in.med.samhita.susruta.4.26.20) pippalīlavaṇopete bastāṇḍe kṣīrasarpiṣi/ sādhite bhakṣayedyastu sa gacchet pramadāśatam// ### [4.26.21](https://indike.org/pramana/in.med.samhita.susruta.4.26.21) pippalīmāṣaśālīnāṃ yavagodhūmayostathā/ cūrṇabhāgaiḥ samaistaistu ghṛte pūpalikāṃ pacet// ### [4.26.22](https://indike.org/pramana/in.med.samhita.susruta.4.26.22) tāṃ bhakṣayitvā pītvā tu śarkarāmadhuraṃ payaḥ/ naraścaṭakavadgaccheddaśavārānnirantaram// ### [4.26.23](https://indike.org/pramana/in.med.samhita.susruta.4.26.23) vidāryāḥ sukṛtaṃ cūrṇaṃ svarasenaiva bhāvitam/ sarpirmadhuyutaṃ līḍhvā daśa strīradhigacchati†// ### [4.26.24](https://indike.org/pramana/in.med.samhita.susruta.4.26.24) evamāmalakaṃ cūrṇaṃ svarasenaiva bhāvitam/ śarkarāmadhusarpibhiryuktaṃ līḍhvā payaḥ pibet// ### [4.26.25](https://indike.org/pramana/in.med.samhita.susruta.4.26.25) etenāśītivarṣo+api yuveva parihṛṣyati/ pippalīlavaṇopete bastāṇḍe ghṛtasādhite// ### [4.26.26](https://indike.org/pramana/in.med.samhita.susruta.4.26.26) śiśumārasya vā khādette tu vājīkare bhṛśam/ kulīrakūrmanakrāṇāmaṇḍānyevaṃ tu bhakṣayet// ### [4.26.27](https://indike.org/pramana/in.med.samhita.susruta.4.26.27) mahiṣarṣabhabastānāṃ pibecchukrāṇi vā naraḥ/ aśvatthaphalamūlatvakśuṅgāsiddhaṃ payo naraḥ// ### [4.26.28](https://indike.org/pramana/in.med.samhita.susruta.4.26.28) pītvā saśarkarākṣaudraṃ kuliṅga iva hṛṣyati/ vidārimūlakalkaṃ tu śṛtena† payasā naraḥ// ### [4.26.29](https://indike.org/pramana/in.med.samhita.susruta.4.26.29) uḍumbarasamaṃ pītvā vṛddho+api taruṇāyate/ māṣāṇāṃ palamekaṃ tu saṃyuktaṃ kṣaudrasarpiṣā// ### [4.26.30](https://indike.org/pramana/in.med.samhita.susruta.4.26.30) avalihya payaḥ pītvā tena vājī bhavennaraḥ/ kṣīrapakvāṃstu godhūmānātmaguptāphalaiḥ saha// ### [4.26.31](https://indike.org/pramana/in.med.samhita.susruta.4.26.31) śītān ghṛtayutān khādettataḥ paścāt payaḥ pibet/ nakramūṣikamaṇḍūkacaṭakāṇḍakṛtaṃ ghṛtam// ### [4.26.32](https://indike.org/pramana/in.med.samhita.susruta.4.26.32) pādābhyaṅgena kurute balaṃ bhūmiṃ tu na spṛśet/ yāvat spṛśati no bhūmiṃ tāvadgacchennirantaram// ### [4.26.33](https://indike.org/pramana/in.med.samhita.susruta.4.26.33) svayṃguptekṣurakayoḥ phalacūrṇaṃ saśarkaram/ dhāroṣṇena naraḥ pītvā payasā na kṣayaṃ vrajet// ### [4.26.34](https://indike.org/pramana/in.med.samhita.susruta.4.26.34) uccaṭācūrṇaṃ peyamevaṃ balārthinā/ svayaṃguptāphalairyuktaṃ māṣasūpaṃ† pibennaraḥ// ### [4.26.35](https://indike.org/pramana/in.med.samhita.susruta.4.26.35) guptāphalaṃ gokṣurakācca bījaṃ tathoccaṭāṃ gopayasā vipācya/ khajāhataṃ śarkarayā ca yuktaṃ pītvā naro hṛṣyati sarvarātram// ### [4.26.36](https://indike.org/pramana/in.med.samhita.susruta.4.26.36) māṣān vidārīmapi soccaṭāṃ ca kṣīre gavāṃ kṣaudraghṛtopapannām/ pītvā naraḥ śarkarayā suyuktāṃ kuliṅgavaddhṛṣyati sarvarātram// ### [4.26.37](https://indike.org/pramana/in.med.samhita.susruta.4.26.37) gṛṣṭīnāṃ vṛddhavatsānāṃ māṣaparṇabhṛtāṃ gavām/ yat kṣīraṃ tat praśaṃsanti balakāmeṣu jantuṣu// ### [4.26.38](https://indike.org/pramana/in.med.samhita.susruta.4.26.38) kṣīramāṃsagaṇāḥ sarve kākolyādiśca pūjitaḥ/ vājīkaraṇahetorhi tasmāttuttu prayojayet// ### [4.26.39](https://indike.org/pramana/in.med.samhita.susruta.4.26.39) ete vājīkarā yogāḥ prītyapatyabalapradāḥ/ sevyā viśuddhopacitadehaiḥ kālādyapekṣayā// ### [4.26.39\_1](https://indike.org/pramana/in.med.samhita.susruta.4.26.39_1) iti suśrutasaṃhitāyāṃ kṣīṇabalīyavājīkaraṇacikitsitaṃ nāma ṣaḍviṃśo+adhyāyaḥ //26// ## Linked texts (3) - [Siddhayoga (Vṛndamādhava)](https://indike.org/pramana/in.med.sangraha.siddhayoga.70.1) — Vṛnda, Sanskrit - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.66.4) — Cakrapāṇidatta, Sanskrit - [Gadanigraha](https://indike.org/pramana/in.med.sangraha.gadanigraha.110.7) — Soḍhala, Sanskrit --- Source: [https://indike.org/pramana/in.med.samhita.susruta.4.26](https://indike.org/pramana/in.med.samhita.susruta.4.26) · Pramāṇa