[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 4.5 # The Compendium of Suśruta 4.5: pañcamo+adhyāyaḥ/ Suśrutasaṃhitā 4.5 - **Language:** Sanskrit ### pañcamo+adhyāyaḥ/ ### [4.5.1](https://indike.org/pramana/in.med.samhita.susruta.4.5.1) athāto mahāvātavyādhicikitsitaṃ vyākhyāsyāmaḥ// ### [4.5.2](https://indike.org/pramana/in.med.samhita.susruta.4.5.2) yathovāca bhagavān dhanvantariḥ// ### [4.5.3](https://indike.org/pramana/in.med.samhita.susruta.4.5.3) dvividhaṃ vātaśoṇitamuttānamavagāḍhaṃ cetyeke bhāṣante; tattu na samyak, taddhi kuṣṭhavaduttānaṃ bhūtvā kālāntareṇāvagāḍhībhavati, tasmānna dvividham// ### [4.5.4](https://indike.org/pramana/in.med.samhita.susruta.4.5.4) tatra balavadvigrahādibhiḥ prakupitasya vāyorgurūṣṇādhyaśanaśīlasya praduṣṭaṃ śoṇitaṃ mārgamāvṛtya vātena sahaikībhūtaṃ yugapadvātaraktanimittāṃ vedanāṃ janayatīti vātaraktam/ tattu pūrvaṃ hastapādayoravasthānaṃ kṛtvā paścāddehaṃ vyāpnoti/ tasya pūrvarūpāṇitodadāhakaṇḍūśophastambhatvakpāruṣyasirāsnāyudhamanīspandanasakthidaurbalyāni śyāvāruṇamaṇḍalotpattiścākasmāt pāṇipādatalāṅguligulphamaṇibandhaprabhṛtiṣu, tatrāpratikāriṇo+apacāriṇaśca rogo vyaktataraḥ, tasya lakṣaṇamuktaṃ; tatrāpratikāriṇo vaikalyaṃ bhavati// ### [4.5.5](https://indike.org/pramana/in.med.samhita.susruta.4.5.5) bhavati cātra prayaśaḥ sukumārāṇāṃ mithyāhāravihāriṇām/ sthūlānāṃ sukhināṃ cāpi vātaraktaṃ prakupyati// ### [4.5.6](https://indike.org/pramana/in.med.samhita.susruta.4.5.6) tatra prāṇamāṃsakṣayapipāsājvaramūrcchāśvāsakāsastambhārocakāvipākavisaraṇasaṃkocanairanupadrutaṃ balavantamātmavantamupakaraṇavantaṃ copakramet// ### [4.5.7](https://indike.org/pramana/in.med.samhita.susruta.4.5.7) tatra ādāveva bahuvātarūkṣamlānāṅgādṛte mārgāvaraṇādduṣṭaśoṇitamasakṛdalpālpamavasiñcedvātakopabhayāt/ tato vamanādibhirupakramairupapādya pratisaṃsṛṣṭabhaktaṃ vātaprabale purāṇaghṛtaṃ pāyayet/ ajākṣīraṃ vā+ardhatailaṃ madhukākṣayayuktaṃ, śṛgālavinnāsiddhaṃ vā śarkarāmadhumadhuraṃ, śuṇṭhīśṛṅgāṭakakaśerukasiddhaṃ vā, śyāmārāsnāsuṣavīśṛgālavinnāpīluśatāvarīśvadaṃṣṭrādvipañcamūlīsiddhaṃ vā/ dvipañcamūlīkvāthāṣṭaguṇasiddhena payasā madhukameṣaśṛṅgīśvadaṃṣṭrāsaralabhadradāruvacāsurabhikalkapratīvāpaṃ tailaṃ pācayitvā pānādiṣūpayuñjīta, śatāvarīmayūrakakiṇihyajamodāmadhukakṣīravidārībalātibalātṛṇapañcamūlīkvāthasiddhaṃ vā kākolyādiprativāpaṃ, balātailaṃ śatapākaṃ veti/ vātaharamūlasiddhena ca payasā pariṣecanamamlairvā kurvīta/ yavamadhukairaṇḍatilavarṣābhūbhirvā pradehaḥ kāryaḥ/ tatra cūrṇiteṣu yavagodhūmatilamudgamāṣeṣu pratyekaśaḥ kākolīkṣīrakākolījīvakarṣabhakabalātibalābisamṛṇālaśṛgālavinnāmeṣaśṛṅgīpriyālaśarkarākaśerukasurabhivacākalkamiśreṣūpanāhārthaṃ sarpistailavasāmajjadugdhasiddhāḥ pañca pāyasā vyākhyātāḥ, snaihikaphalasārotkārikā vā, cūrṇiteṣu yavagodhūmatilamudgamāṣeṣu matsyapiśitaveśavāro vā, balvapeśikātagaradevadārusaralārāsnāhareṇukuṣṭhaśatapuṣpailāsurādadhimastuyukta upanāhaḥ, mātuluṅgāmlasaindhavaghṛtamiśraṃ madhuśigrumūlamālepastilakalko veti vātaprabale// ### [4.5.8](https://indike.org/pramana/in.med.samhita.susruta.4.5.8) pittaprabale drākṣārevatakaṭphalapayasyāmadhukacandanakāśmaryakaṣāyaṃ śarkarāmadhumadhuraṃ pāyayet, śatāvarīmadhukapaṭolatriphalākaṭurohiṇīkaṣāyaṃ†, guḍūcīkaṣāyaṃ vā, pittajvaraharaṃ vā candanādikaṣāyaṃ śarkarāmadhumadhuraṃ, madhuratiktakaṣāyasiddhaṃ vā sarpiḥ; bisamṛṇālabhadraśriyapadmakakaṣāyeṇārdhakṣīreṇa pariṣekaḥ, kṣīrekṣurasairmadhukaśarkarātaṇḍulodakairvā drākṣekṣukaṣāyamiśrairvā mastumadyadhānyāmlaiḥ; jīvanīyasiddhena vā sarpiṣā+abhyaṅgaḥ, śatadhautaghṛtena vā, kākolyādikalkakaṣāyavipakvena vā sarpiṣā; śāliṣaṣṭikanalavañjulatālīsaśṛṅgāṭakagaloḍyagaurīgairikaśaivalapadmakapadmapatraprabhṛtibhirdhānyāmlapiṣṭaiḥ pradeho ghṛtamiśraḥ, vātaprabale+apyeṣa sukhoṣṇaḥ pradehaḥ kāryaḥ// ### [4.5.9](https://indike.org/pramana/in.med.samhita.susruta.4.5.9) raktaprabale+apyevaṃ, bahuśaśca śoṇitamavasecayet, śītatamāśca pradehāḥ kāryā iti// ### [4.5.10](https://indike.org/pramana/in.med.samhita.susruta.4.5.10) śleṣmaprabale tvāmalakaharidrākaṣāyaṃ madhumadhuraṃ pāyayet, triphalākaṣāyaṃ †vā; madhukaśṛṅgaveraharītakītiktarohiṇīkalkaṃ vā sakṣaudraṃ, mūtratoyayoranyatareṇa guḍaharītakīṃ vā bhakṣayet; tailamūtrakṣārodakasurāśuktakaphaghnauṣadhaniḥkvāthaiśca pariṣekaḥ, āragvadhādikaṣāyairvoṣṇaiḥ; mastumūtrasurāśuktamadhukasārivāpadmakasiddhaṃ vā ghṛtamabhyaṅgaḥ; tilasarṣapātasīyavacūrṇāni śleṣmātakakapitthamudhuśigrumiśrāṇi kṣāramūtrapiṣṭāni pradehaḥ; śvetasarṣapakalkaḥ, tilāśvagandhākalkaḥ, priyālaselukapitthakalkaḥ, madhuśigrupunarnavākalkaḥ, vyoṣatiktāpṛthakparṇībṛhatīkalka ityeteṣāṃ pañca pradehāḥ sukhoṣṇāḥ kṣārodakapiṣṭāḥ, śāliparṇī pṛśniparṇī bṛhatyau vā kṣīrapiṣṭāstarpaṇamiśrāḥ// ### [4.5.11](https://indike.org/pramana/in.med.samhita.susruta.4.5.11) saṃsarge sannipāte ca kriyāpathamuktaṃ miśraṃ kuryāt// ### [4.5.12](https://indike.org/pramana/in.med.samhita.susruta.4.5.12) sarveṣu ca guḍaharītakīmāseveta; pippalīrvā kṣīrapiṣṭā vāripiṣṭā vā pañcābhivṛddhyā daśābhivṛddhyā vā pibet kṣīraudanāhāro daśarātraṃ, bhūyaścāpakarṣayet, evaṃ yāvat pañca daśa veti; tadetat pippalīvardhamānakaṃ vātaśoṇitaviṣamajvarārocakapāṇḍurogaplīhodarārśaḥkāsaśvāsaśophaśoṣāgnisādahṛdrogodarāṇyapahanti; jīvanīyapratīvāpaṃ sarpiḥ payasā pācayitvā+abhyajyāt; sahāsahadevācandanamūrvāmustāpriyālaśatāvarīkaśerupadmakamadhukaśatapuṣpāvidārīkuṣṭhāni kṣīrapiṣṭaḥ pradeho ghṛtamaṇḍayuktaḥ, saireyakāṭarūṣakabalātibalājīvantīsuṣavīkalko vā cchāgakṣīrapiṣṭaḥ, gokṣīrapiṣṭaḥ kāśmaryamadhukatarpaṇakalko vā; madhūcchiṣṭamañjiṣṭhāsarjarasasārivākṣīrasiddhaṃ piṇḍatailamabhyaṅgaḥ; sarveṣu ca purāṇaghṛtamāmalakarasavipakvaṃ vā pānārthe; jīvanīyasiddhaṃ pariṣekārthe, kākolyādikvāthakalkasiddhaṃ vā; suṣavīkvāthakalkasiddhaṃ vā, kāravellakakvathamātrasiddhaṃ vā; balātailaṃ vā pariṣekāvagāhabastibhojaneṣu; śāliṣaṣṭikayavagodhūmānnamanavaṃ bhuñjīta payasā jāṅgalarasena vā mudgayūṣeṇa vā+anamlena; śoṇitamokṣaṃ cābhīkṣṇaṃ kurvīta; ucchitadoṣe ca vamanavirecanāsthāpanānuvāsanakarma kartavyam// ### [4.5.13](https://indike.org/pramana/in.med.samhita.susruta.4.5.13) (/ paṭolatriphalābhīruguḍūcīkaṭukākṛtam/ kvāthaṃ pītvā jayatyāśu vātaśoṇitajāṃ rujam†//) ### [4.5.14](https://indike.org/pramana/in.med.samhita.susruta.4.5.14) bhavanti cātra evamādyaiḥ kriyāyogairacirotpatitaṃ sukham/ vātāsṛk sādhyate vaidyairyāpyate tu cirotthitam// ### [4.5.15](https://indike.org/pramana/in.med.samhita.susruta.4.5.15) upanāhaparīṣekapradehābhyañjanāni ca/ śaraṇānyapravātāni manojñāni mahānti ca// ### [4.5.16](https://indike.org/pramana/in.med.samhita.susruta.4.5.16) mṛdugaṇḍopadhānāni śayanāni sukhāni ca/ vātarakte praśasyante mṛdusaṃvāhanāni ca// ### [4.5.17](https://indike.org/pramana/in.med.samhita.susruta.4.5.17) vyāyāmaṃ maithunaṃ kopamuṣṇāmlalavaṇāśanam/ divāsvapnamabhiṣyandi guru cānnaṃ vivarjayet// ### [4.5.18](https://indike.org/pramana/in.med.samhita.susruta.4.5.18) apatānakinamasrastākṣamavakrabhruvamastabdhameḍhramasvedanamavepanamapralāpinamakhaṭvāpātinamabahirāyāminaṃ copakramet/ tatra prāgeva snehābhyaktaṃ svinnaśarīramavapīḍanena tīkṣṇenopakrameta śiraḥśuddhyarthaṃ; anantaraṃ vidārigandhādikvāthamāṃsarasakṣīradadhipakvaṃ sarpiracchaṃ pāyayet, tathā hi nātimātraṃ vāyuḥ prasarati; tato bhadradārvādivātaghnagaṇamāhṛtya sayavakolakulatthaṃ sānūpaudakamāṃsaṃ pañcavargamekataḥ prakvāthya tamādāya kaṣāyamamlakṣīraiḥ sahonmiśraca sarpistailavasāmajjabhiḥ saha vipacenmadhurakapratīvāpaṃ, tadetattraivṛtamapatānakināṃ pariṣekāvagāhābhyaṅgapānabhojanānuvāsananasyeṣu vidadhyāt; yathoktaiśca svedavidhānaiḥ svedayet, balīyasi vāte sukhoṣṇatuṣabusakarīṣapūrṇe kūpe nidadhyādāmukhāt, taptāyāṃ vā †rathakāracullyāṃ taptāyāṃ vā śilāyāṃ surāpariṣiktāyāṃ palāśadalacchannāyāṃ śāyayet, kṛśarāveśavārapāyasairvā svedayet/ mūlakorubūsphūrjārjakārkasaptalāśaṅkhinīsvarasasiddhaṃ tailamapatānakināṃ pariṣekādiṣūpayojyam/ abhuktavatā pītamamlaṃ dadhi maricavacāyuktamapatānakaṃ hanti; tailasarpirvasākṣaudrāṇi vā/ etacchuddhāvātāpatānakavidhānamuktaṃ, saṃsṛṣṭe saṃsṛṣṭaṃ kartavyam/ vegāntareṣu cāvapīḍaṃ dadyāt; tāmracūḍakarkaṭakṛṣṇamatsyaśiśumāravarāhavasāścāseveta, kṣīrāṇi vā vātaharasiddhāni, yavakolakulatthamūlakadadhighṛtatailasiddhā vā yavāgūḥ; snehavirecanāsthāpanānuvāsanaiścainaṃ †daśarātrāhṛtavegamupakrameta; vātavyādhicikitsitaṃ cāvekṣeta; rakṣākarma ca kuryāditi// ### [4.5.19](https://indike.org/pramana/in.med.samhita.susruta.4.5.19) pakṣāghātopadrutamamlānagātraṃ sarujamātmavantamupakaraṇavantaṃ copakramet/ tatra prāgeva snehasvedopapannaṃ mṛdunā śodhanena saṃśodhyānuvāsyāsthāpya ca yathākālamākṣepakavidhānenopacaret; vaiśeṣikaścātra †mastiṣkyaḥ śirobastiḥ, aṇutailamabhyaṅgārthe, sālvaṇamupanāhārthe, balātialamanuvāsanārthe; evamatandritastrīṃścaturo vā māsān kriyāpathamupaseveta// ### [4.5.20](https://indike.org/pramana/in.med.samhita.susruta.4.5.20) manyāstambhe+apyetadeva vidhānaṃ, viśeṣato vātaśleṣmaharairnasyai rūkṣasvedaiścopacaret// ### [4.5.21](https://indike.org/pramana/in.med.samhita.susruta.4.5.21) apatantrakāturaṃ nāpatarpayet, vamanānuvāsanāsthāpanāni na niṣeveta, vātaśleṣmoparuddhocchvāsaṃ tīkṣṇaiḥ pradhmāpanairmokṣayet, tumburupuṣkarāhvahiṅgvamlavetasapathyālavaṇatrayaṃ yavakvāthena pātuṃ prayacchet, pathyāśatārdhe sauvarcaladvipale caturguṇe payasi sarpiḥprasthaṃ siddhaṃ; vātaśleṣmāpanucca karma kuryāt// ### [4.5.22](https://indike.org/pramana/in.med.samhita.susruta.4.5.22) arditāturaṃ balavantamātmavantamupakaraṇavantaṃ ca vātavyādhividhānenopacaret, vaiśeṣikaiśca mastiṣkyaśirobastinasyadhūmopanāhasnehanāḍīsvedādibhiḥ; tataḥ satṛṇaṃ mahāpañcamūlaṃ kākolyādiṃ vidārigandhādimaudakānūpamāṃsaṃ tathaivaudakakandāṃścāhṛtya dviguṇodake kṣīradroṇe niḥkvāthya †kṣīrāvaśiṣṭamavatārya parisrāvya tailaprasthenonmiśrya punaragnāvadhiśraget, tatastailaṃ kṣīrānugatamavatārya śītībhūtamabhimathnīyāt, tatra yaḥ sneha uttiṣṭhettamādāya madhurauṣadhasahākṣīrayuktaṃ vipacet, etat kṣīratailamarditāturāṇāṃ pānābhyaṅgādiṣūpayojyaṃ; tailahīnaṃ vā kṣīrasarpirakṣitarpaṇamiti// ### [4.5.23](https://indike.org/pramana/in.med.samhita.susruta.4.5.23) ghṛdhrasīviśvācīkroṣṭukaśiraḥkhañjapaṅgulavātakaṇṭākapādadāhapādaharṣavabāhukabādhiryadhamanīgatavātarogeṣu† yathoktaṃ yathoddeśaṃ ca sirāvyadhaṃ kuryāt, anyatrāvabāhukāt; vātavyādhicikitsitaṃ cāvekṣeta// ### [4.5.24](https://indike.org/pramana/in.med.samhita.susruta.4.5.24) karṇaśūle tu śṛṅgaverarasaṃ tailamdhusaṃsṛṣṭaṃ saidhavopahitaṃ sukhoṣṇaṃ karṇe dadyāt, ajāmūtramadhutailāni vā, mātuluṅgadāḍimatintiḍīkasvarasamūtrasiddhaṃ tailaṃ, śuktasurātakramūtralavaṇasiddhaṃ vā; nāḍīsvedaiśdca svedayet, vātavyādhicikitsāṃ cāvekṣeta; bhūyaścottare vakṣyāmaḥ// ### [4.5.25](https://indike.org/pramana/in.med.samhita.susruta.4.5.25) tūnīpratūnyoḥ snehalavaṇamuṣṇodakena pāyayet, pippalyādicūrṇaṃ vā, hiṅguyavakṣārapragāḍhaṃ vā sarpiḥ, bastibhiścainamupakramet// ### [4.5.26](https://indike.org/pramana/in.med.samhita.susruta.4.5.26) ādhmāne tvaparpaṇapāṇitāpa(†dīpanacūrṇa)phalavartikriyāpācanīyadīpanīyabastibhirupācaret; laṅghanānantaraṃ cānnakāle dhānyakajīrakādidīpanasiddhānyannāni/ pratyādhmāne chardanāpatarpaṇadīpanāni kuryāt// ### [4.5.27](https://indike.org/pramana/in.med.samhita.susruta.4.5.27) aṣṭhīlāpratyaṣṭhīlayorgulmābhyantaravidradhivat kriyāvibhāga iti// ### [4.5.28](https://indike.org/pramana/in.med.samhita.susruta.4.5.28) hiṅgutrikaṭuvacājamodādhānyājagandhādāḍimatintiḍīkapāṭhācitrakayavakṣārasaindhavaviḍasaurvacalasvarjikāpippalīmūlāmlavetasaśaṭīpuṣkaramūlahapuṣācavyājājīpathyāścūrṇayitvā mātuluṅgālena bahuśaḥ paribhāvyākṣamātrā guṭikāḥ kārayet; tataḥ prātarekaikāṃ vātavikārī bhakṣayet, eṣa yogaḥ kāsaśvāsagulmodarārocakahṛdrogādhmānapārśvodarabastiśūlānāhamūtrakṛcchraplīhārśastūnīpratūnīrapahanti// ### [4.5.29](https://indike.org/pramana/in.med.samhita.susruta.4.5.29) bhavanti cātra kevalo doṣayukto vā dhātubhirvā++āvṛto+anilaḥ/ vijñeyo lakṣaṇohābhyāṃ cikitsyaścāvirodhataḥ// ### [4.5.30](https://indike.org/pramana/in.med.samhita.susruta.4.5.30) rujāvantaṃ ghanaṃ śītaṃ śophaṃ medoyuto+anilaḥ/ karoti yasya taṃ vaidyaḥ śothavat samupācaret// ### [4.5.31](https://indike.org/pramana/in.med.samhita.susruta.4.5.31) kaphamedovṛto vāyuryadorū pratipadyate/ tadā+aṅgamardastaimityaromaharṣarujājvaraiḥ†// ### [4.5.32](https://indike.org/pramana/in.med.samhita.susruta.4.5.32) nidrayā cārditau stabdhau† śītalāvapracetanau/ gurukāvasthirāvūrū na svāviva ca manyate// ### [4.5.33](https://indike.org/pramana/in.med.samhita.susruta.4.5.33) tamūrustambhamityāhurāḍhyavātamathāpare/ snehavarjaṃ pibettatra cūrṇaṃ ṣaḍdharaṇaṃ naraḥ// ### [4.5.34](https://indike.org/pramana/in.med.samhita.susruta.4.5.34) hitamuṣṇāmbunā tadvat pippalyādigaṇaiḥ kṛtam/ lihyādvā traiphalaṃ cūrṇaṃ kṣaudreṇa kaṭukānvitam// ### [4.5.35](https://indike.org/pramana/in.med.samhita.susruta.4.5.35) mūtrairvā guggulaṃ śreṣṭhaṃ pibedvā+api śilājatu/ tato hanti kaphākrāntaṃ samedaskaṃ prabhañjanam// ### [4.5.36](https://indike.org/pramana/in.med.samhita.susruta.4.5.36) hṛdrogamaruciṃ gulmaṃ tathā+abhyantaravidradhim/ sakṣāramūtrasvedāṃśca rūkṣāṇyutsādanāni ca// ### [4.5.37](https://indike.org/pramana/in.med.samhita.susruta.4.5.37) kuryāddihyācca mūtrāḍhyaiḥ karañjaphalasarṣapaiḥ/ bhojyāḥ purāṇaśyāmākakodravohālaśālayaḥ// ### [4.5.38](https://indike.org/pramana/in.med.samhita.susruta.4.5.38) śuṣkamūlakayūṣeṇa paṭolasya rasena vā/ jāṅgalairaghṛtairmāṃsaiḥ śākaiścālavaṇairhitaiḥ// ### [4.5.39](https://indike.org/pramana/in.med.samhita.susruta.4.5.39) yadā syātāṃ parikṣīṇe bhūyiṣṭhe kaphamedasī/ tadā snehādikaṃ karma punaratrāvacārayet// ### [4.5.40](https://indike.org/pramana/in.med.samhita.susruta.4.5.40) sugandhiḥ sulaghuḥ sūkṣmastīkṣṇoṣṇaḥ kaṭuko rase/ kaṭupākaḥ saro hṛdyo gugguluḥ snigdhapicchilaḥ// ### [4.5.41](https://indike.org/pramana/in.med.samhita.susruta.4.5.41) sa navo bṛṃhaṇo vṛṣyaḥ purāṇastvapakarṣaṇaḥ/ taikṣṇyauṣṇyātkaphavātaghnaḥ saratvānmalapittanut// ### [4.5.42](https://indike.org/pramana/in.med.samhita.susruta.4.5.42) saugandhyāt pūtikoṣṭhaghnaḥ saukṣmyāccānaladīpanaḥ/ taṃ prātastriphalādārvīpaṭolakuśavāribhiḥ// ### [4.5.43](https://indike.org/pramana/in.med.samhita.susruta.4.5.43) pibedāvāpya vā mūtraiḥ kṣārairuṣṇodakena vā/ jīrṇe yūṣarasaiḥ kṣīrairbhuñjāno hanti †māsataḥ// ### [4.5.44](https://indike.org/pramana/in.med.samhita.susruta.4.5.44) gulmaṃ mehamudāvartamudaraṃ sabhagandaram/ kṛmikṇḍvaruciśvitrāṇyarbudaṃ granthimeva ca// ### [4.5.45](https://indike.org/pramana/in.med.samhita.susruta.4.5.45) nāḍyāḍhyavātaśvayathūn kuṣṭhaduṣṭavraṇāṃśca saḥ/ koṣṭhasandhyasthigaṃ vāyuṃ vṛkṣamindrāśaniryathā// ### [4.5.45\_1](https://indike.org/pramana/in.med.samhita.susruta.4.5.45_1) iti śrīsuśrutasaṃhitāyāṃ cikitsāsthāne mahāvātavyādhicikitsitaṃ nāma pañcamo+adhyāyaḥ //5// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.89.4) — Ḍalhaṇa, Sanskrit --- Source: [https://indike.org/pramana/in.med.samhita.susruta.4.5](https://indike.org/pramana/in.med.samhita.susruta.4.5) · Pramāṇa