[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 5.3 # The Compendium of Suśruta 5.3: tṛtīyo+adhyāyaḥ/ Suśrutasaṃhitā 5.3 - **Language:** Sanskrit ### tṛtīyo+adhyāyaḥ/ ### [5.3.1](https://indike.org/pramana/in.med.samhita.susruta.5.3.1) athāto †jaṅgamaviṣavijñānīyaṃ kalpaṃ vyākhyāsyāmaḥ// ### [5.3.2](https://indike.org/pramana/in.med.samhita.susruta.5.3.2) yathovāca bhagavān dhanvantariḥ// ### [5.3.3](https://indike.org/pramana/in.med.samhita.susruta.5.3.3) jaṅgamasya viṣasyoktānyadhiṣṭhānāni ṣoḍaśa/ samāsena mayā yāni vistarasteṣu vakṣyate// ### [5.3.4](https://indike.org/pramana/in.med.samhita.susruta.5.3.4) tatra dṛṣṭiniḥśvāsadaṃṣṭrānakhamūtrapurīṣaśukralālārtavamukhasandaṃśaviśardhitatuṇḍāsthipittaśūkaśavānīti†// ### [5.3.5](https://indike.org/pramana/in.med.samhita.susruta.5.3.5) tatra dṛṣṭiniḥśvāsaviṣā divyāḥ sarpāḥ, bhaumāstu daṃṣṭrāviṣāḥ, mārjāraśvavānaramakaramaṇḍūkapākamatsyagodhāśambūkapracalākagṛhagodhikācatuṣpādakīṭāstathā+anye daṃṣṭrānakhaviṣāḥ, cipiṭapicciṭakakaṣāyavāsikasarṣapakatoṭakavarcaḥkīṭakauṇḍinyakāḥ śakṛnmūtraviṣāḥ, mūṣikāḥ śukraviṣāḥ, lūtā †lālāmūtrapurīṣamukhasandaṃśanakhaśukrārtavaviṣāḥ, vṛścikaviśvambharavaraṭīrājīvamatsyocciṭiṅgāḥ samudravṛścikāścāla(ra)viṣāḥ, citraśiraḥsarāvakurdiśatadārukārimedakasārikāmukhā mukhasandaṃśaviśardhitamūtrapurīṣaviṣāḥ, makṣikākaṇabhajalāyukā mukhasandaṃśaviṣāḥ, viṣahatāsthi sarpakaṇṭakavaraṭīmatsyāsthi cetyasthiviṣāṇi, śakulīmatsyaraktarājivarakī(ṭī)matsyāśca pittaviṣāḥ, sūkṣmatuṇḍocciṭiṅgavaraṭīśatapadīśūkavalabhikāśṛṅgibhramarāḥ śūkatuṇḍaviṣāḥ, kīṭasarpadehā gatāsavaḥ śavaviṣāḥ; śeṣāstvanuktā mukhasandaṃśaviṣeṣveva gaṇayitavyāḥ// ### [5.3.6](https://indike.org/pramana/in.med.samhita.susruta.5.3.6) bhavanti cātra rājño+arideśe ripavastṛṇāmbumārgānnadhūmaśvasanān viṣeṇa/ saṃdūṣayantyebhiratipraduṣṭān vijñāya liṅgairabhiśodhayettān// ### [5.3.7](https://indike.org/pramana/in.med.samhita.susruta.5.3.7) duṣṭaṃ jalaṃ picchilamugragandhi phenānvitaṃ rājibhirāvṛtaṃ ca/ maṇḍūkamatsyaṃ mriyate vihaṅgā mattāśca sānūpacarā bhramanti// ### [5.3.8](https://indike.org/pramana/in.med.samhita.susruta.5.3.8) majjanti ye cātra narāśvanāgāste chardimohajvaradāhaśophān/ ṛcchanti(gacchanti) teṣāmapahṛtya †doṣān duṣṭaṃ jalaṃ śodhayituṃ yateta// ### [5.3.9](https://indike.org/pramana/in.med.samhita.susruta.5.3.9) dhavāśvakarṇāsanapāribhadrān sapāṭalān siddhakamokṣakau ca/ dagdhvā sarājadrumasomavalkāṃstadbhasma śītaṃ vitaret saraḥsu// ### [5.3.10](https://indike.org/pramana/in.med.samhita.susruta.5.3.10) bhasmāñjaliṃ cāpi ghaṭe nidhāya viśodhayedīpsitamevamambhaḥ/ kṣitipradeśaṃ viṣadūṣitaṃ tu †śilātalaṃ tīrthamatheriṇaṃ vā// ### [5.3.11](https://indike.org/pramana/in.med.samhita.susruta.5.3.11) spṛśanti gātreṇa tu yena yena govājināgoṣṭrakharā narā vā/ tacchūnatāṃ yāstyatha dahyate ca viśīryate romanakhaṃ tathaiva// ### [5.3.12](https://indike.org/pramana/in.med.samhita.susruta.5.3.12) tatrāpyanantāṃ saha sarvagandhaiḥ piṣṭvā surābhirviniyojya mārgam/ siñcet payobhiḥ sumṛdanvitaistaṃ viḍaṅgapāṭhākaṭabhījalairvā// ### [5.3.13](https://indike.org/pramana/in.med.samhita.susruta.5.3.13) tṛṇeṣu bhakteṣu ca dūṣiteṣu sīdanti mūrcchanti vamanti cānye/ viḍbhedamṛcchantyathavā mriyante teṣāṃ cikitsāṃ praṇayedyathoktām// ### [5.3.14](https://indike.org/pramana/in.med.samhita.susruta.5.3.14) viṣāpahairvā+apyagadairvilipya vādyāni citrāṇyapi vādayeta/ tāraḥ sutāraḥ sasurendragopaḥ sarvaiśca tulyaḥ kuruvindabhāgaḥ// ### [5.3.15](https://indike.org/pramana/in.med.samhita.susruta.5.3.15) pittena yuktaḥ kapilānvayena vādyapralepo vihitaḥ praśastaḥ/ vādyasya śabdena hi yānti nāśaṃ viṣāṇi ghorāṇyapi yāni †santi// ### [5.3.16](https://indike.org/pramana/in.med.samhita.susruta.5.3.16) dhūme+anile vā viṣasaṃprayukte khagāḥ śramārtāḥ prapatanti bhūmau/ kāsapratiśyāyaśirorujaśca bhavanti tīvrā nayanāmayāśca// ### [5.3.17](https://indike.org/pramana/in.med.samhita.susruta.5.3.17) lākṣāharidrātiviṣābhayābdahareṇukailādalavakrakuṣṭham/ priyaṅgukāṃ cāpyanale nidhāya dhūmānilau cāpi viśodhayeta// ### [5.3.18](https://indike.org/pramana/in.med.samhita.susruta.5.3.18) prajāmimāmātmayonerbrahmaṇaḥ sṛjataḥ kila/ akarodasuro vighnaṃ kaiṭabho nāma darpitaḥ// ### [5.3.19](https://indike.org/pramana/in.med.samhita.susruta.5.3.19) tasya kruddhasya vai vaktrādbrahmaṇastejaso nidheḥ/ krodho vigrahavān bhūtvā nipapātātidāruṇaḥ// ### [5.3.20](https://indike.org/pramana/in.med.samhita.susruta.5.3.20) sa taṃ dadāha garjantamantakābhaṃ mahābalam/ tato+asuraṃ ghātayitvā tattejo+avardhatādbhutam// ### [5.3.21](https://indike.org/pramana/in.med.samhita.susruta.5.3.21) tato viṣādo devānāmabhavattaṃ nirīkṣya vai/ viṣādajananatvācca viṣamityabhidhīyate// ### [5.3.22](https://indike.org/pramana/in.med.samhita.susruta.5.3.22) tataḥ sṛṣṭvā prajāḥ śeṣaṃ tadā taṃ krodhamīśvaraḥ/ vinyastavān sa bhūtesu sthāvareṣu careṣu ca// ### [5.3.23](https://indike.org/pramana/in.med.samhita.susruta.5.3.23) yathā+avyaktarasaṃ toyamantarīkṣānmahīgatam/ teṣu teṣu pradeśeṣu rasaṃ taṃ taṃ niyacchati// ### [5.3.24](https://indike.org/pramana/in.med.samhita.susruta.5.3.24) evameva viṣaṃ yadyaddravyaṃ vyāpyāvatiṣṭhate/ svabhavādeva taṃ tasya rasaṃ samanuvartate// ### [5.3.25](https://indike.org/pramana/in.med.samhita.susruta.5.3.25) viṣe yasmādguṇāḥ sarve tīkṣṇāḥ prāyeṇa santi hi/ viṣaṃ sarvamato jñeyaṃ sarvadoṣaprakopaṇam// ### [5.3.26](https://indike.org/pramana/in.med.samhita.susruta.5.3.26) te tu vṛttiṃ prakupitā jahati svāṃ viṣārditāḥ/ nopayati viṣaṃ pākamataḥ prāṇān ruṇaddhi ca// ### [5.3.27](https://indike.org/pramana/in.med.samhita.susruta.5.3.27) śleṣmaṇā++āvṛtamārgatvāducchvāso+asya nirudhyate/ visaṃjñaḥ sati jīve+api tasmāttiṣṭhati mānavaḥ// ### [5.3.28](https://indike.org/pramana/in.med.samhita.susruta.5.3.28) śukravat sarvasarpāṇāṃ viṣaṃ sarvaśarīragam/ kruddhānāmeti cāṅgebhyaḥ śukraṃ nirmanthanādiva// ### [5.3.29](https://indike.org/pramana/in.med.samhita.susruta.5.3.29) teṣāṃ baḍiśavaddaṃṣṭrāstāsu sajjati cāgatam/ anudvṛttā viṣaṃ tasmānna muñcanti ca bhoginaḥ// ### [5.3.30](https://indike.org/pramana/in.med.samhita.susruta.5.3.30) yasmādatyarthamuṣṇaṃ ca tīkṣṇaṃ ca paṭhitaṃ viṣam/ ataḥ sarvaviṣeṣūktaḥ pariṣekastu śītalaḥ// ### [5.3.31](https://indike.org/pramana/in.med.samhita.susruta.5.3.31) mandaṃ kīṭeṣu nātyuṣṇaṃ bahuvātakaphaṃ viṣam/ ataḥ kīṭaviṣe cāpi svedo na pratiṣidhyate// ### [5.3.32](https://indike.org/pramana/in.med.samhita.susruta.5.3.32) kīṭairdaṣṭānugraviṣaiḥ sarpavat samupācaret/ svabhāvādeva tiṣṭhettu prahārādaṃśayorviṣam// ### [5.3.33](https://indike.org/pramana/in.med.samhita.susruta.5.3.33) vyāpya sāvayavaṃ dehaṃ digdhaviddhāhidaṣṭayoḥ/ laulyādviṣānvitaṃ māṃsaṃ yaḥ khādenmṛtamātrayoḥ// ### [5.3.34](https://indike.org/pramana/in.med.samhita.susruta.5.3.34) yathāviṣaṃ sa rogeṇa kliśyate mriyate+api vā/ ataścāpyanayormāṃsamabhakṣyaṃ mṛtamātrayoḥ// ### [5.3.35](https://indike.org/pramana/in.med.samhita.susruta.5.3.35) muhūrtāttadupādeyaṃ prahārādaṃśabarjitam/ savātaṃ gṛhadhūmābhaṃ purīṣaṃ yo+atisāryate// ### [5.3.36](https://indike.org/pramana/in.med.samhita.susruta.5.3.36) ādhmāto+atyarthamuṣṇāsro vivarṇaḥ sādapīḍitaḥ/ udvamatyatha phenaṃ ca viṣapītaṃ tamādiśet// ### [5.3.37](https://indike.org/pramana/in.med.samhita.susruta.5.3.37) na cāsya hṛdayaṃ vahnirviṣajuṣṭaṃ dahatyapi/ taddhi sthānaṃ cetanāyāḥ svabhavādvyāpya tiṣṭhiti// ### [5.3.38](https://indike.org/pramana/in.med.samhita.susruta.5.3.38) aśvatthadevāyatanaśmaśānavalmīkasandhyāsu catuṣpatheṣu/ yāmye sapitrye parivarjanīyā ṛkṣe narā marmasu ye ca daṣṭāḥ// ### [5.3.39](https://indike.org/pramana/in.med.samhita.susruta.5.3.39) darvīkarāṇāṃ viṣamāśughāti sarvāṇi coṣṇe dviguṇībhavanti/ ajīrṇapittātapapīḍiteṣu bālapramehiṣvatha garbhiṇīṣu// ### [5.3.40](https://indike.org/pramana/in.med.samhita.susruta.5.3.40) vṛddhāturakṣīṇabubhukṣiteṣu rūkṣeṣu bhīruṣvatha durdineṣu/ śastrakṣate yasya na raktameti rājyo latābhiśca na saṃbhavanti// ### [5.3.41](https://indike.org/pramana/in.med.samhita.susruta.5.3.41) śītābhiradbhiśca na romaharṣo viṣābhibhūtaṃ parivarjayettam/ jihvā sitā yasya ca keśaśāto nāsāvabhaṅgaśca sakaṇṭhabhaṅgaḥ// ### [5.3.42](https://indike.org/pramana/in.med.samhita.susruta.5.3.42) kṛṣṇaḥ saraktaḥ śvayathuśca daṃśe hanvoḥ sthiratvaṃ ca sa varjanīyaḥ/ vartirghanā yasya nireti vaktrādraktaṃ sravedūrdhvamadhaśca yasya// ### [5.3.43](https://indike.org/pramana/in.med.samhita.susruta.5.3.43) daṃṣṭrānipātāḥ sakalāśca yasya taṃ cāpi vaidyaḥ parivarjayettu/ unmattamatyarthamupadrutaṃ vā hīnasvaraṃ vā+apyathavā vivarṇam// ### [5.3.44](https://indike.org/pramana/in.med.samhita.susruta.5.3.44) sāriṣṭamatyarthamaveginaṃ ca jahyānnaraṃ tatra na karma kuryāt// ### [5.3.44\_1](https://indike.org/pramana/in.med.samhita.susruta.5.3.44_1) iti suśrutasaṃhitāyāṃ kalpasthāne jaṅgamaviṣavijñānīyo nāma tṛtīyo+adhyāyaḥ //3// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.126.24) — Ḍalhaṇa, Sanskrit ## Linked texts (1) - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.3.24.30) — Sanskrit --- Source: [https://indike.org/pramana/in.med.samhita.susruta.5.3](https://indike.org/pramana/in.med.samhita.susruta.5.3) · Pramāṇa