[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 5.5 # The Compendium of Suśruta 5.5: pañcamo+adhyāyaḥ/ Suśrutasaṃhitā 5.5 - **Language:** Sanskrit ### pañcamo+adhyāyaḥ/ ### [5.5.1](https://indike.org/pramana/in.med.samhita.susruta.5.5.1) athātaḥ sarpadaṣṭaviṣacikitsitaṃ kalpaṃ vyākhyāsyāmaḥ// ### [5.5.2](https://indike.org/pramana/in.med.samhita.susruta.5.5.2) yathovāca bhagavān dhanvantariḥ// ### [5.5.3](https://indike.org/pramana/in.med.samhita.susruta.5.5.3) sarvairevāditaḥ sarpaiḥ śākhādaṣṭasya dehinaḥ/ daṃśasyopati badhnīyādariṣṭāścaturaṅgule// ### [5.5.4](https://indike.org/pramana/in.med.samhita.susruta.5.5.4) plotacarmāntavalkānāṃ mṛdunā+anyatamena vai/ na gacchati viṣaṃ dehamariṣṭābhirnivāritam// ### [5.5.5](https://indike.org/pramana/in.med.samhita.susruta.5.5.5) daheddaṃśamathotkṛtya yatra bandho na jāyate/ ācūṣaṇacchedadāhāḥ sarvatraiva tu pūjitāḥ// ### [5.5.6](https://indike.org/pramana/in.med.samhita.susruta.5.5.6) pratipūrya mukhaṃ vastrairhitamācūṣaṇaṃ bhavet/ sa †daṣṭavyo+athavā sarpo loṣṭo vā+api hi tatkṣaṇam// ### [5.5.7](https://indike.org/pramana/in.med.samhita.susruta.5.5.7) atha maṇḍalinā daṣṭaṃ na kathaṃcana dāhayet/ sa pittabāhulyaviṣāddaṃśo dāhādvisarpate// ### [5.5.8](https://indike.org/pramana/in.med.samhita.susruta.5.5.8) ariṣṭāmapi mantraiśca badhnīyānmantrakovidaḥ/ sā tu rajjvādibhirbaddhā viṣapratikarī matā// ### [5.5.9](https://indike.org/pramana/in.med.samhita.susruta.5.5.9) devabrahmarṣibhiḥ proktā mantrāḥ satyatapomayāḥ/ bhavanti nānyathā kṣipraṃ viṣaṃ hanyuḥ sudustaram// ### [5.5.10](https://indike.org/pramana/in.med.samhita.susruta.5.5.10) viṣaṃ tejomayairmantraiḥ satyabrahmatapomayaiḥ/ yathā nivāryate kṣipraṃ prayuktairna tathauṣadhaiḥ// ### [5.5.11](https://indike.org/pramana/in.med.samhita.susruta.5.5.11) mantrāṇāṃ grahaṇaṃ kāryaṃ strīmāṃsamadhuvarjinā/ †mitāhāreṇa śucinā kuśāstaraṇaśāyinā// ### [5.5.12](https://indike.org/pramana/in.med.samhita.susruta.5.5.12) gandhamālyopahāraiśca balibhiścāpi devatāḥ/ pūjayenmantrasiddhyarthaṃ japahomaiśca yatnataḥ// ### [5.5.13](https://indike.org/pramana/in.med.samhita.susruta.5.5.13) mantrāstvavidhinā proktā hīnā vā svaravarṇataḥ/ yasmānna siddhimāyānti tasmādyojyo+agadakramaḥ// ### [5.5.14](https://indike.org/pramana/in.med.samhita.susruta.5.5.14) samantataḥ sirā daṃśādvidhyettu kuśalo bhiṣak/ śākhāgre vā lalāṭe vā vyadhyāstā viṛte viṣe// ### [5.5.15](https://indike.org/pramana/in.med.samhita.susruta.5.5.15) rakte nirhriyamāṇe tu kṛtsnaṃ nirhriyate viṣam/ tasmādvisrāvayedraktaṃ sā hyasya paramā kriyā// ### [5.5.16](https://indike.org/pramana/in.med.samhita.susruta.5.5.16) samantādagadairdaṃśaṃ pracchayitvā pralepayet/ candanośīrayuktena vāriṇā pariṣecayet// ### [5.5.17](https://indike.org/pramana/in.med.samhita.susruta.5.5.17) pāyayetāgadāṃstāṃstān kṣīrakṣaudraghṛtādibhiḥ/ tadalābhe hitā vā syāt kṛṣṇā valmīkamṛttikā// ### [5.5.18](https://indike.org/pramana/in.med.samhita.susruta.5.5.18) kovidāraśirīṣārkakaṭabhīrvā+api bhakṣayet/ na pibettailakaulatthamadyasauvīrakāṇi ca// ### [5.5.19](https://indike.org/pramana/in.med.samhita.susruta.5.5.19) dravamanyattu yatkiñcit pītvā pītvā tadudvamet/ prāyo hi vamanenaiva mukhaṃ nirhriyate viṣam// ### [5.5.20](https://indike.org/pramana/in.med.samhita.susruta.5.5.20) phaṇināṃ viṣavege tu prathame śoṇitaṃ haret/ dvitīye madhusarpirbhyāṃ pāyayetāgadaṃ bhisak// ### [5.5.21](https://indike.org/pramana/in.med.samhita.susruta.5.5.21) nasyakarmāñjane yuñjyāttṛtīye viṣanāśane/ vāntaṃ caturthe pūrvoktāṃ yavāgūmatha dāpayet// ### [5.5.22](https://indike.org/pramana/in.med.samhita.susruta.5.5.22) śītopacāraṃ kṛtvā++ādau bhiṣak pañcamaṣaṣṭhayoḥ/ †pāyayecchodhanaṃ tīkṣṇaṃ yavāgūṃ cāpi kīrtitām// ### [5.5.23](https://indike.org/pramana/in.med.samhita.susruta.5.5.23) saptame tvavapīḍena śirastīkṣṇena śodhayet/ tīkṣṇamevāñjanaṃ dadyāt tīkṣṇaśastreṇa mūrdhni ca// ### [5.5.24](https://indike.org/pramana/in.med.samhita.susruta.5.5.24) kṛtvā kākapadaṃ carma sāsṛgvā piśitaṃ† kṣipet/ pūrve maṇḍalināṃ vege darvīkaravadācaret// ### [5.5.25](https://indike.org/pramana/in.med.samhita.susruta.5.5.25) agadaṃ madhusarpirbhyāṃ dvitīye pāyayeta ca/ vāmayitvā yavāgūṃ ca pūrvoktāmatha dāpayet// ### [5.5.26](https://indike.org/pramana/in.med.samhita.susruta.5.5.26) tṛtīye śodhitaṃ tīkṣṇairvāgūṃ pāyayeddhitām/ caturthe pañcame cāpi darvīkaravadācaret// ### [5.5.27](https://indike.org/pramana/in.med.samhita.susruta.5.5.27) kākolyādirhitaḥ ṣaṣṭhe peyaśca †madhuro+agadaḥ/ hito+avapīḍe tvagadaḥ saptame viṣanāśanaḥ// ### [5.5.28](https://indike.org/pramana/in.med.samhita.susruta.5.5.28) pūrve rājimatāṃ vege+alābudhiḥ śoṇitaṃ haret†/ agadaṃ madhusarpirbhyāṃ saṃyuktaṃ pāyayeta ca// ### [5.5.29](https://indike.org/pramana/in.med.samhita.susruta.5.5.29) vāntaṃ dvitīye tvagadaṃ pāyayedviṣanāśanam/ tṛtīyādiṣu triṣvevaṃ vidhirdārvīkaro hitaḥ// ### [5.5.30](https://indike.org/pramana/in.med.samhita.susruta.5.5.30) ṣaṣṭhe+añjanaṃ tīkṣṇatamamavapīḍaśca saptame/ garbhiṇībālavṛddhānāṃ sirāvyadhanavarjitam// ### [5.5.31](https://indike.org/pramana/in.med.samhita.susruta.5.5.31) viṣārtānāṃ yathoddiṣṭaṃ vidhānaṃ śasyate mṛdu/ raktāvasekāñjanāni naratulyānyajāvike// ### [5.5.32](https://indike.org/pramana/in.med.samhita.susruta.5.5.32) triguṇaṃ mahiṣe soṣṭre gavāśve dviguṇaṃ tu tat†/ caturguṇaṃ tu nāgānāṃ kevalaṃ sarvapakṣiṇām// ### [5.5.33](https://indike.org/pramana/in.med.samhita.susruta.5.5.33) pariṣekān pradehāṃśca suśītānavacārayet/ māṣakaṃ tvañjanasyeṣṭaṃ dviguṇaṃ nasyato hitam/ pāne caturguṇaṃ pathyaṃ vamane+aṣṭaguṇaṃ punaḥ// ### [5.5.34](https://indike.org/pramana/in.med.samhita.susruta.5.5.34) deśaprakṛtisātmyartuviṣavegabalābalam/ pradhārya nipuṇaṃ buddhyā tataḥ karma samācaret// ### [5.5.35](https://indike.org/pramana/in.med.samhita.susruta.5.5.35) vegānupūrvyā karmoktamidaṃ viṣavināśanam†/ karmāvasthāviśeṣeṇa viṣayorubhayoḥ śṛṇu// ### [5.5.36](https://indike.org/pramana/in.med.samhita.susruta.5.5.36) vivarṇe kaṭhine śūne saruje+aṅge †viṣānvite/ tūrṇaṃ visravaṇaṃ kāryamuktena vidhinā tataḥ// ### [5.5.37](https://indike.org/pramana/in.med.samhita.susruta.5.5.37) kṣudhārtamanilaprāyaṃ tadviṣārtaṃ† samāhitaḥ/ pāyayeta rasaṃ sarpiḥ †śuktaṃ kṣaudraṃ tathā dadhi// ### [5.5.38](https://indike.org/pramana/in.med.samhita.susruta.5.5.38) tṛḍdāhadharmasaṃmohe paittaṃ paittaviṣāturam†/ śītaiḥ saṃvāhanasnānapradehaiḥ samupācaret// ### [5.5.39](https://indike.org/pramana/in.med.samhita.susruta.5.5.39) śīte śītaprasekārtaṃ ślaiṣmikaṃ kaphakṛdviṣam/ vāmayedvamanaistīkṣṇaistathā mūrcchāmadānvitam// ### [5.5.40](https://indike.org/pramana/in.med.samhita.susruta.5.5.40) koṣṭhadāharujādhmānamūtrasaṅgaruganvitam/ virecayecchakṛdvāyusaṅgapittāturaṃ naram// ### [5.5.41](https://indike.org/pramana/in.med.samhita.susruta.5.5.41) śūnākṣikūṭaṃ nidrārtaṃ vivarṇāvilalocanam/ vivarṇaṃ cāpi paśyantamañjanaiḥ samupācaret// ### [5.5.42](https://indike.org/pramana/in.med.samhita.susruta.5.5.42) śiroruggauravālasyahanustambhagalagrahe/ śiro virecayet kṣipraṃ manyāstambhe ca dāruṇe// ### [5.5.43](https://indike.org/pramana/in.med.samhita.susruta.5.5.43) naṣṭasaṃjñaṃ vivṛttākṣaṃ bhagnagrīvaṃ virecanaiḥ/ cūrṇaiḥ pradhamanaistīkṣṇairviṣārtaṃ samupācaret// ### [5.5.44](https://indike.org/pramana/in.med.samhita.susruta.5.5.44) tāḍayecca sirāḥ kṣipraṃ tasya śākhālalāṭajāḥ/ tāsvaprasicyamānāsu mūrdhni śastreṇa śastravit// ### [5.5.45](https://indike.org/pramana/in.med.samhita.susruta.5.5.45) kuryāt kākapadākāraṃ vraṇamevaṃ sravanti tāḥ/ saraktaṃ carma māṃsaṃ vā nikṣipeccāsya mūrdhani// ### [5.5.46](https://indike.org/pramana/in.med.samhita.susruta.5.5.46) carmavṛkṣakaṣāyaṃ vā †kalkaṃ vā kuśalo bhiṣak/ vādayeccāgadairliptvā dundubhīṃstasya pārśvayoḥ// ### [5.5.47](https://indike.org/pramana/in.med.samhita.susruta.5.5.47) labdhasaṃjñaṃ punaścainamūrdhvaṃ cādhaśca śodhayet/ niḥśeṣaṃ nirhareccaivaṃ viṣaṃ paramadurjayam// ### [5.5.48](https://indike.org/pramana/in.med.samhita.susruta.5.5.48) alpamapyavaśiṣṭaṃ hi bhūyo vegāya kalpate/ kuryādvā sādavaivarṇyajvarakāsaśirorujaḥ// ### [5.5.49](https://indike.org/pramana/in.med.samhita.susruta.5.5.49) śophaśoṣapratiśyāyatimirārucipīnasān/ teṣu cāpi yathādoṣaṃ pratikarma prayojayet// ### [5.5.50](https://indike.org/pramana/in.med.samhita.susruta.5.5.50) viṣārtopadravāṃścāpi yathāsvaṃ samupācaret/ athāriṣṭāṃ vimucyāśu† pracchayitvā+aṅkitaṃ tayā†// ### [5.5.51](https://indike.org/pramana/in.med.samhita.susruta.5.5.51) dahyāttatra viṣaṃ skannaṃ bhūyo vegāya kalpate/ evamauṣadhibhirmantraiḥ kriyāyogaiśca yatnataḥ// ### [5.5.52](https://indike.org/pramana/in.med.samhita.susruta.5.5.52) viṣe hṛtaguṇe dehādyadā doṣaḥ prakupyati/ tadā pavanamudvṛttaṃ snehādyaiḥ samupācaret// ### [5.5.53](https://indike.org/pramana/in.med.samhita.susruta.5.5.53) tailamatsyakulatthāmlavarjyairviṣaharāyutaiḥ†/ pittajvraharaiḥ pittaṃ kaṣāyasnehabastibhiḥ// ### [5.5.54](https://indike.org/pramana/in.med.samhita.susruta.5.5.54) kaphamāragvadhādyena sakṣaudreṇa gaṇena tu/ śleṣmaghnairagadaiścaiva tiktai rūkṣaiśca bhojanaiḥ// ### [5.5.55](https://indike.org/pramana/in.med.samhita.susruta.5.5.55) vṛkṣaprapātaviṣamapatitaṃ mṛtamambhasi/ udbaddhaṃ ca mṛtaṃ sadyaścikitsennaṣṭasaṃjñavat// ### [5.5.56](https://indike.org/pramana/in.med.samhita.susruta.5.5.56) gāḍhaṃ baddhe+ariṣṭayā pracchite vā tīkṣṇairlepaistadvidhairvā+†avaśiṣṭaiḥ/ śūne gātre klinnamatyarthapūti jñeyaṃ māṃsaṃ tadviṣāt pūti kaṣṭam// ### [5.5.57](https://indike.org/pramana/in.med.samhita.susruta.5.5.57) sadyo viddhaṃ nisravet kṛṣṇaraktaṃ pākaṃ yāyāddahyate cāpyabhīkṣṇam/ kṛṣṇībhūtaṃ klinnamatyarthapūti śīrṇaṃ māṃsaṃ yātyajasraṃ kṣatācca// ### [5.5.58](https://indike.org/pramana/in.med.samhita.susruta.5.5.58) tṛṣṇā mūrcchā bhrāntidāhau jvaraśca yasya syustaṃ digdhaviddhaṃ vyavasyet/ pūrvoddiṣṭaṃ lakṣaṇaṃ sarvametajjuṣṭaṃ yasyālaṃ viṣeṇa vraṇāḥ syuḥ// ### [5.5.59](https://indike.org/pramana/in.med.samhita.susruta.5.5.59) lūtādaṣṭā digdhaviddhā viṣairvā juṣṭā prāyaste vraṇāḥ pūtimāṃsāḥ†/ teṣāṃ yuktyā pūtimāṃsānyapohya vāryokobhiḥ śoṇitaṃ cāpahṛtya// ### [5.5.60](https://indike.org/pramana/in.med.samhita.susruta.5.5.60) hṛtvā doṣān kṣipramūrdhvaṃ tvadhaśca samyak siñcet kṣīriṇāṃ tvakkaṣāyaiḥ/ antarvastraṃ dāpayecca pradehān śītairdravyairājyayuktairviṣaghnaiḥ// ### [5.5.61](https://indike.org/pramana/in.med.samhita.susruta.5.5.61) bhinne tvasthnā duṣṭajātena kāryaḥ pūrvo mārgaḥ paittike yo viṣe ca/ trivṛdviśalye madhukaṃ haridre raktā narendro lavaṇaśca vargaḥ// ### [5.5.62](https://indike.org/pramana/in.med.samhita.susruta.5.5.62) kaṭutrikaṃ caiva sucūrṇitāni śṛṅge nidadhyānmadhusaṃyutāni/ eṣo+agado hanti viṣaṃ prayuktaḥ pānāñjanābhyañjananasyayogaiḥ// ### [5.5.63](https://indike.org/pramana/in.med.samhita.susruta.5.5.63) avāryavīryo viṣavegahantā† mahāgado nāma mahāprabhāvaḥ/ viḍaṅgapāṭhātriphalājamodāhiṅgūni vakraṃ trikaṭūni caiva// ### [5.5.64](https://indike.org/pramana/in.med.samhita.susruta.5.5.64) sarvaśca vargo lavaṇaḥ susūkṣmaḥ sacitrakaḥ kṣaudrayuto nidheyaḥ/ śṛṅge gavāṃ śṛṅgamayena caiva pracchāditaḥ pakṣamupekṣitaśca// ### [5.5.65](https://indike.org/pramana/in.med.samhita.susruta.5.5.65) eṣo+agadaḥ sthāvarajaṅgamānāṃ jetā† viṣāṇāmajito hi nāmnā/ prapauṇḍarīkaṃ suradāru mustā kālānusāryā kaṭurohiṇī ca// ### [5.5.66](https://indike.org/pramana/in.med.samhita.susruta.5.5.66) sthauṇeyakadhyāmakaguggulūni† punnāgatālīśasuvarcikāśca/ kuṭannaṭailāsitasindhuvārāḥ śaileyakuṣṭhe tagaraṃ priyaṅguḥ// ### [5.5.67](https://indike.org/pramana/in.med.samhita.susruta.5.5.67) rodhraṃ jalaṃ kāñcanagairikaṃ ca samāgadhaṃ candanasaindhavaṃ ca/ sūkṣmāṇi cūrṇāni samāni kṛtvā śṛṅge nidadhyānmadhusaṃyutāni// ### [5.5.68](https://indike.org/pramana/in.med.samhita.susruta.5.5.68) eṣo+agadastārkṣya iti pradiṣṭo viṣaṃ nihanyādapi takṣakasya/ māṃsīhareṇutriphalāmuraṅgīraktālatāyaṣṭikapadmakāni// ### [5.5.69](https://indike.org/pramana/in.med.samhita.susruta.5.5.69) viḍaṅgatālīśasugandhikailātvakkuṣṭhapatrāṇi sacandanāni/ bhārgī paṭolaṃ kiṇihī sapāṭhā mṛgādanī karkaṭikā puraśca// ### [5.5.70](https://indike.org/pramana/in.med.samhita.susruta.5.5.70) pālindyaśokau kramukaṃ surasyāḥ prasūnamāruṣkarajaṃ ca puṣpam/ sūkṣmāni cūrṇāni samāni śṛṅge nyaset sapittāni samākṣikāṇi†// ### [5.5.71](https://indike.org/pramana/in.med.samhita.susruta.5.5.71) varāhagodhāśikhiśallakīnāṃ† mārjārajaṃ pārṣatanākule ca/ yasyāgado+ayaṃ sukṛto gṛhe syānnamnarṣabho nāma nararṣabhasya// ### [5.5.72](https://indike.org/pramana/in.med.samhita.susruta.5.5.72) na tatra sarpāḥ kuta eva kīṭāstyajanti vīryāṇi viṣāṇi caiva/ etena bheryaḥ paṭahāśca digdhā nānadyamānā viṣamāśu hanyuḥ// ### [5.5.73](https://indike.org/pramana/in.med.samhita.susruta.5.5.73) digdhāḥ patākāśca nirīkṣya sadyo viṣābhibhūtā hyaviṣā bhavanti/ lākṣā hareṇurnaladaṃ priyaṅguḥ śigrudvayaṃ yaṣṭikapṛthvikāśca// ### [5.5.74](https://indike.org/pramana/in.med.samhita.susruta.5.5.74) cūrṇīkṛto+ayaṃ rajanīvimiśro †sarpirmadhubhyāṃ sahito nidheyaḥ/ śṛṅge gavāṃ pūrvavadāpidhānastataḥ prayojyo+añjananasyapānaiḥ// ### [5.5.75](https://indike.org/pramana/in.med.samhita.susruta.5.5.75) saṃjīvano nāma gatāsukalpāneṣo+agado jīvayatīha martyān/ śleṣmātakīkaṭphalamātuluṅgyaḥ śvetā girihvā kiṇihī sitā ca// ### [5.5.76](https://indike.org/pramana/in.med.samhita.susruta.5.5.76) sataṇḍulīyo+agada eṣa mukhyo viṣeṣu darvīkararājilānām/ drākṣā sugandhā nagavṛttikā ca śvetā †samaṅgā samabhāgayuktā// ### [5.5.77](https://indike.org/pramana/in.med.samhita.susruta.5.5.77) deyo dvibhāgaḥ surasācchadasya kapitthabilvādapi dāḍimācca/ †tathā+ardhabhāgaḥ sitasindhuvārādaṅkoṭhamūlādapi gairikācca// ### [5.5.78](https://indike.org/pramana/in.med.samhita.susruta.5.5.78) eṣo+agadaḥ kṣaudrayuto nihanti viśeṣato maṇḍalināṃ viṣāṇi/ vaṃśatvagārdrā++āmalakaṃ kapitthaṃ kaṭutrikaṃ haimavatī sakuṣṭhā// ### [5.5.79](https://indike.org/pramana/in.med.samhita.susruta.5.5.79) karañjabījaṃ tagaraṃ śirīṣapuṣpaṃ ca gopittayutaṃ nihanti/ viṣāṇi lūtondurapannagānāṃ kaiṭaṃ ca lepāñjananasyapānaiḥ// ### [5.5.80](https://indike.org/pramana/in.med.samhita.susruta.5.5.80) pūrīṣamūtrānilagarbhasaṅgānnihanti vartyañjananābhilepaiḥ/ kācārmakothān paṭalāṃśca ghorān puṣpaṃ ca hantyañjananasyayogaiḥ// ### [5.5.81](https://indike.org/pramana/in.med.samhita.susruta.5.5.81) samūlapuṣpāṅkuravalkabījāt kvāthaḥ śirīṣāt trikaṭupragāḍhaḥ/ salāvaṇaḥ kṣaudrayuto+atha pīto viśeṣataḥ kīṭaviṣaṃ nihanti// ### [5.5.82](https://indike.org/pramana/in.med.samhita.susruta.5.5.82) kuṣṭhaṃ trikaṭukaṃ dārvī madhukaṃ lavaṇadvayam/ mālatī nāgapuṣpaṃ ca sarvāṇi madhurāṇi ca// ### [5.5.83](https://indike.org/pramana/in.med.samhita.susruta.5.5.83) kapittharasapiṣṭo+ayaṃ śarkarākṣaudrasaṃyutaḥ/ viṣaṃ hantyagadaḥ sarvaṃ mūṣikāṇāṃ viśeṣataḥ// ### [5.5.84](https://indike.org/pramana/in.med.samhita.susruta.5.5.84) †somarājīphalaṃ puṣpaṃ kaṭabhī sindhuvārakaḥ/ corako varuṇaḥ kuṣṭhaṃ sarpagandhā sasaptalā// ### [5.5.85](https://indike.org/pramana/in.med.samhita.susruta.5.5.85) punarnavā śirīṣasya puṣpamāragvadhārkajam/ śyāmā+ambaṣṭhā viḍaṅgāni tathā+amrāśmantakāni ca// ### [5.5.86](https://indike.org/pramana/in.med.samhita.susruta.5.5.86) bhūmī kurabakaścaiva gaṇa ekasaraḥ smṛtaḥ/ ekaśo dvitriśo vā+api prayoktavyo viṣāpahaḥ// ### [5.5.86\_1](https://indike.org/pramana/in.med.samhita.susruta.5.5.86_1) iti suśrutasaṃhitāyāṃ kalpasthāne sarpadaṣṭaviṣacikitsitaṃ nāma pañcamo+adhyāyaḥ //5// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.128.7) — Ḍalhaṇa, Sanskrit ## Linked texts (3) - [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya.7508) — Vāgbhaṭa, Sanskrit - [Aṣṭāṅgasaṃgraha](https://indike.org/pramana/in.med.samhita.astangasamgraha.42.69) — Vāgbhaṭa, Sanskrit - [Hastyāyurveda](https://indike.org/pramana/in.med.pasu.gaja.hastyayurveda.137.p1.7) — Pālakāpya, Sanskrit --- Source: [https://indike.org/pramana/in.med.samhita.susruta.5.5](https://indike.org/pramana/in.med.samhita.susruta.5.5) · Pramāṇa