[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 5.6 # The Compendium of Suśruta 5.6: ṣaṣṭho+adhyāyaḥ/ Suśrutasaṃhitā 5.6 - **Language:** Sanskrit ### ṣaṣṭho+adhyāyaḥ/ ### [5.6.1](https://indike.org/pramana/in.med.samhita.susruta.5.6.1) athāto dundubhisvanīyaṃ †kalpaṃ vyākhyāsyāmaḥ// ### [5.6.2](https://indike.org/pramana/in.med.samhita.susruta.5.6.2) yathovāca bhagavān dhanvantariḥ// ### [5.6.3](https://indike.org/pramana/in.med.samhita.susruta.5.6.3) dhavāśvakarṇaśirīṣatiniśapalāśapicumardapāṭalipāribhadrakāmrodumbarakarahāṭakārjunakakubhasarjakapītanaśleṣmātakāṅkoṭhāmalakapragrahakuṭajaśamīkapitthāśmantakārkacirabilvamahāvṛkṣāruṣkarāralumadhukamadhuśigruśākagojīmūrvābhūrjatilvakekṣurakagopaghoṇṭārimedānāṃ bhasmānyāhṛtya gavāṃ mūtreṇa kṣārakalpena parisrāvya vipacet, dadyāccātra pippalīmūlataṇḍulīyakavarāṅgacocamañjiṣṭhākarañjikāhastipippalīmaricaviḍaṅgagṛhadhūmānantāsomasaralābāhlīkaguhākośāmraśvetasarṣapavaruṇalavaṇaplakṣaniculakavañjulavakrālavardhamānaputraśreṇīsaptaparṇaṭuṇṭukailavālukanāgadantyativiṣābhayābhadradārukuṣṭhaharidrāvacācūrṇāni lohānāṃ ca samabhāgāni, tataḥ kṣāravadāgatapākamavatārya lohakumbhe nidadhyāt// ### [5.6.4](https://indike.org/pramana/in.med.samhita.susruta.5.6.4) anena dundubhiṃ limpet patākāṃ toraṇāni ca/ śravaṇāddarśanāt sparśāt †viṣāt saṃpratimucyate// ### [5.6.5](https://indike.org/pramana/in.med.samhita.susruta.5.6.5) eṣa kṣārāgado nāma śarkarāsvaśmarīṣu ca/ arśaḥsu †vātagulmeṣu kāsaśūlodareṣu ca// ### [5.6.6](https://indike.org/pramana/in.med.samhita.susruta.5.6.6) ajīrṇe grahaṇīdoṣe bhaktadveṣe† ca dāruṇe/ †śophe sarvasare cāpi deyaḥ śvāse ca dāruṇe// ### [5.6.7](https://indike.org/pramana/in.med.samhita.susruta.5.6.7) sadā sarvaviṣārtānāṃ sarvayaivopayujyate/ eṣa takṣakamukhyānāmapi daryāṅkuśo+agadaḥ// ### [5.6.8](https://indike.org/pramana/in.med.samhita.susruta.5.6.8) viḍaṅgatriphalādantībhadradāruhareṇavaḥ/ tālīśapatramañjiṣṭhākeśarotpalapadmakam// ### [5.6.9](https://indike.org/pramana/in.med.samhita.susruta.5.6.9) dāḍimaṃ mālatīpuṣpaṃ rajanyau sārive sthire/ priyaṅgustagaraṃ kuṣṭhaṃ bṛhatyau cailavālukam// ### [5.6.10](https://indike.org/pramana/in.med.samhita.susruta.5.6.10) sacandanagavākṣībhiretaiḥ siddhaṃ viṣāpaham/ sarpiḥ kalpāṇakaṃ hyetadgrahāpasmāranāśanam// ### [5.6.11](https://indike.org/pramana/in.med.samhita.susruta.5.6.11) pāṇḍvāmayagaraśvāsamandāgnijvarakāsanut/ śoṣiṇāmalpaśukrāṇāṃ vandhyānāṃ ca praśasyate// ### [5.6.12](https://indike.org/pramana/in.med.samhita.susruta.5.6.12) apāmārgasya bījāni śirīṣasya ca māṣakān/ śvete dve kākamācīṃ ca gavāṃ mūtreṇa peṣayet// ### [5.6.13](https://indike.org/pramana/in.med.samhita.susruta.5.6.13) sarpiretaistu saṃsiddhaṃ viṣasaṃśamanaṃ param/ amṛtaṃ nāma vikhyātamapi saṃjīvayenmṛtam// ### [5.6.14](https://indike.org/pramana/in.med.samhita.susruta.5.6.14) candanāguruṇī kuṣṭhaṃ tagaraṃ tilaparṇikam/ †prapauṇḍarīkaṃ naladaṃ saralaṃ devadāru ca// ### [5.6.15](https://indike.org/pramana/in.med.samhita.susruta.5.6.15) bhadraśriyaṃ yavaphalāṃ bhārgīṃ nīlīṃ sugandhikām/ kāleyakaṃ padmakaṃ ca madhukaṃ †nāgaraṃ jaṭām// ### [5.6.16](https://indike.org/pramana/in.med.samhita.susruta.5.6.16) punnāgailailavālūni gairikaṃ dhyāmakaṃ balām/ toyaṃ sarjarasaṃ māṃsīṃ śatapuṣpāṃ hareṇukām// ### [5.6.17](https://indike.org/pramana/in.med.samhita.susruta.5.6.17) tālīśapatraṃ kṣudrailāṃ priyaṅguṃ sakuṭannaṭam/ śilāpuṣpaṃ saśaileyaṃ patraṃ kālānusārivām// ### [5.6.18](https://indike.org/pramana/in.med.samhita.susruta.5.6.18) †kaṭutrikaṃ śītaśivaṃ kāśmaryaṃ kaṭurohiṇīm/ somarājīmativiṣāṃ pṛthvikāmindravāruṇīm†// ### [5.6.19](https://indike.org/pramana/in.med.samhita.susruta.5.6.19) uśīraṃ varuṇaṃ mustaṃ kustumburu nakhaṃ tathā/ śvete haridre sthauṇeyaṃ lākṣāṃ ca lavaṇāni ca// ### [5.6.20](https://indike.org/pramana/in.med.samhita.susruta.5.6.20) kumudotpalapadmāni puṣpaṃ cāpi tathā+arkajam/ campakāśokasumanastilvakaprasavāni ca// ### [5.6.21](https://indike.org/pramana/in.med.samhita.susruta.5.6.21) pāṭalīśālmalīśailuśirīṣāṇāṃ tathaiva ca/ kusumaṃ tṛṇamūlyāśca surabhīsindhuvārajam†// ### [5.6.22](https://indike.org/pramana/in.med.samhita.susruta.5.6.22) dhavāśvakarṇapārthānāṃ puṣpāṇi tiniśasya ca/ gugguluṃ kuṅkumaṃ bimbīṃ sarpākṣīṃ gandhanākulīm// ### [5.6.23](https://indike.org/pramana/in.med.samhita.susruta.5.6.23) etat saṃbhṛtya saṃbhāraṃ sūkṣmacūrṇāni† kārayet/ gopittamadhusarpirbhiryuktaṃ śṛṅge nidhāpayet// ### [5.6.24](https://indike.org/pramana/in.med.samhita.susruta.5.6.24) bhagnaskandhaṃ vivṛtākṣaṃ mṛtyordaṃṣṭrāntaraṃ gatam/ anenāgadamukhyena †manuṣyaṃ punarāharet// ### [5.6.25](https://indike.org/pramana/in.med.samhita.susruta.5.6.25) eṣo+agnikalpaṃ durvāraṃ kruddhasyāmitatejasaḥ/ viṣaṃ nāgapaterhanyāt prasabhaṃ vāsukerapi// ### [5.6.26](https://indike.org/pramana/in.med.samhita.susruta.5.6.26) mahāsugandhināmā+ayaṃ pañcāśītyaṅgasaṃyutaḥ/ rājā+agadānāṃ sarveṣāṃ rājño haste bhavet sadā// ### [5.6.27](https://indike.org/pramana/in.med.samhita.susruta.5.6.27) †snātānuliptastu nṛpo bhavet sarvajanapriyaḥ/ bhrājiṣṇutāṃ ca †labhate śatrumadhyagato+api san// ### [5.6.28](https://indike.org/pramana/in.med.samhita.susruta.5.6.28) uṣṇavarjyo vidhiḥ kāryo viṣārtānāṃ vijānatā/ muktvā kīṭaviṣaṃ taddhi śītenābhipravardhate// ### [5.6.29](https://indike.org/pramana/in.med.samhita.susruta.5.6.29) annapānavidhāvuktamupadhārya śubhāśubham/ śubhaṃ deyaṃ viṣārtebhyo viruddhebhyaśca vārayet// ### [5.6.30](https://indike.org/pramana/in.med.samhita.susruta.5.6.30) phāṇitaṃ śugrusauvīramajīrṇādhyaśanaṃ tathā/ varjayecca samāsena navadhānyādikaṃ gaṇam// ### [5.6.31](https://indike.org/pramana/in.med.samhita.susruta.5.6.31) divāsvapnaṃ vyavāyaṃ ca vyāyāmaṃ krodhamātapam/ surātilakulatthāṃśca varjayeddhi viṣāturaḥ// ### [5.6.32](https://indike.org/pramana/in.med.samhita.susruta.5.6.32) prasannadoṣaṃ prakṛtisthadhātumannābhikāṅkṣaṃ† samasūtrajihvam/ †prasannavarṇendriyacittaceṣṭaṃ vaidyo+avagacchedaviṣaṃ manuṣyam// ### [5.6.32\_1](https://indike.org/pramana/in.med.samhita.susruta.5.6.32_1) iti suśrutasaṃhitāyāṃ kalpasthāne dundubhisvanīyakalpo nāma ṣaṣṭho+adhyāyaḥ //6// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.129.2) — Ḍalhaṇa, Sanskrit ## Linked texts (2) - [Yogaratnasamuccaya (Anantakumāra)](https://indike.org/pramana/in.med.yoga.yogaratnasamuccaya-anantakumara.15.408) — Anantakumāra, Sanskrit - [Bhaiṣajyaratnāvalī (ed. Rājeśvaradatta Śāstrī)](https://indike.org/pramana/in.med.cikitsa.gauda.bhaisajyaratnavali*sastri1978.5.6-2) — Sanskrit --- Source: [https://indike.org/pramana/in.med.samhita.susruta.5.6](https://indike.org/pramana/in.med.samhita.susruta.5.6) · Pramāṇa