[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 5.7 # The Compendium of Suśruta 5.7: saptamo+adhyāyaḥ/ Suśrutasaṃhitā 5.7 - **Language:** Sanskrit ### saptamo+adhyāyaḥ/ ### [5.7.1](https://indike.org/pramana/in.med.samhita.susruta.5.7.1) athāto mūṣikakalpaṃ vyākhyāsyāmaḥ// ### [5.7.2](https://indike.org/pramana/in.med.samhita.susruta.5.7.2) yathovāca bhagavān dhanvantariḥ// ### [5.7.3](https://indike.org/pramana/in.med.samhita.susruta.5.7.3) pūrvaṃ śukraviṣā uktā bhūṣikā ye samāsataḥ/ nāmalakṣaṇabhaiṣajyairaṣṭādaśa nibodha me†// ### [5.7.4](https://indike.org/pramana/in.med.samhita.susruta.5.7.4) lālanaḥ putrakaḥ kṛṣṇo haṃsiraścikviras(haṃsiraścikkiras) tathā/ chucchundaro+alasaścaiva kaṣāyadaśano+api ca// ### [5.7.5](https://indike.org/pramana/in.med.samhita.susruta.5.7.5) kuliṅgaścājitaścaiva capalaḥ kapilastathā/ kokilo+aruṇasaṃjñaśca mahākṛṣṇastathonduraḥ// ### [5.7.6](https://indike.org/pramana/in.med.samhita.susruta.5.7.6) śvetena mahatā sārdhaṃ kapilenākhunā tathā/ mūṣikaśca kapotābhastathaivāṣṭādaśa smṛtāḥ// ### [5.7.7](https://indike.org/pramana/in.med.samhita.susruta.5.7.7) śukraṃ patati yatraiṣāṃ śukraspṛṣṭaiḥ† spṛśanti vā/ nakhadantādibhistasmin gātre raktaṃ praduṣyati// ### [5.7.8](https://indike.org/pramana/in.med.samhita.susruta.5.7.8) jāyante granthayaḥ śophāḥ karṇikā maṇḍalāni ca/ pīḍakopacayaścogro visarpāḥ kiṭibhāni ca// ### [5.7.9](https://indike.org/pramana/in.med.samhita.susruta.5.7.9) parvabhedo rujastīvrā †mūrcchā+aṅgasadanaṃ jvaraḥ/ daurbalyamaruciḥ śvāso vamathurlomaharṣaṇam// ### [5.7.10](https://indike.org/pramana/in.med.samhita.susruta.5.7.10) daṣṭarūpaṃ samāsoktametadvyāsamataḥ† śṛṇu/ lālāsrāvo lālanena hikkā chardiśca jāyate// ### [5.7.11](https://indike.org/pramana/in.med.samhita.susruta.5.7.11) taṇḍulīyakakalkaṃ tu lihyāttatra samākṣikam/ putrakeṇāṅgasādaśca pāṇḍuvarṇaśca jāyate// ### [5.7.12](https://indike.org/pramana/in.med.samhita.susruta.5.7.12) cīyate granthibhiścāṅgamākhuśāvakasannibhaiḥ/ śirīṣeṅgudakalkaṃ tu lihyāttatra samākṣikam// ### [5.7.13](https://indike.org/pramana/in.med.samhita.susruta.5.7.13) †kṛṣṇena daṃśe śopho+asṛkchardiḥ prāyaśca durdine/ śirīṣaphalakuṣṭhaṃ tu pibet kiṃśukabhasmanā// ### [5.7.14](https://indike.org/pramana/in.med.samhita.susruta.5.7.14) haṃsireṇānnavidveṣo jṛmbhā romṇāṃ ca harṣaṇam/ pibedāragvadhādiṃ tu suvāntastatra mānavaḥ// ### [5.7.15](https://indike.org/pramana/in.med.samhita.susruta.5.7.15) cikvireṇa(cikkireṇa) śiroduḥkhaṃ śopho hikkā vamistathā/ jālinīmadanāṅkoṭhakaṣāyairvāmayettu tam// ### [5.7.16](https://indike.org/pramana/in.med.samhita.susruta.5.7.16) yavanālarṣabhīkṣāraṃ bṛhatyoścātra dāpayet/ †chucchundareṇa taṭ chardirjvaro daurbalyameva ca// ### [5.7.17](https://indike.org/pramana/in.med.samhita.susruta.5.7.17) grīvāstambhaḥ pṛṣṭhaśopho gandhājñānaṃ visūcikā/ cavyaṃ harītakī śuṇṭhī viḍaṅgaṃ pippalī madhu// ### [5.7.18](https://indike.org/pramana/in.med.samhita.susruta.5.7.18) aṅkoṭhabījaṃ ca tathā pibedatra viṣāpaham/ grīvāstambho+alasenordhvavāyurdaṃśe rujā jvaraḥ// ### [5.7.19](https://indike.org/pramana/in.med.samhita.susruta.5.7.19) mahāgadaṃ sasarpiṣkaṃ lihyāttatra samākṣikam/ nidrā kaṣāyadantena hṛcchoṣaḥ kārśyameva ca// ### [5.7.20](https://indike.org/pramana/in.med.samhita.susruta.5.7.20) kṣaudropetāḥ śirīṣasya lihyāt sāraphalatvacaḥ/ kuliṅgena rujaḥ† śopho rājyaśca daṃśamaṇḍale// ### [5.7.21](https://indike.org/pramana/in.med.samhita.susruta.5.7.21) sahe sasindhuvāre ca lihyāttatra samākṣike/ †ajitenāṅgakṛṣṇatvaṃ chardirmūrcchā ca hṛdgrahaḥ// ### [5.7.22](https://indike.org/pramana/in.med.samhita.susruta.5.7.22) snukkṣīrapiṣṭāṃ pālindīṃ mañjiṣṭhāṃ madhunā lihet/ capalena bhavecchardirmūrcchā ca saha tṛṣṇayā// ### [5.7.23](https://indike.org/pramana/in.med.samhita.susruta.5.7.23) †kṣaudreṇa triphalāṃ lihyādbhadrakāṣṭhajaṭānvitām/ kapilena vraṇe kotho jvaro granthyudgamaḥ satṛṭ// ### [5.7.24](https://indike.org/pramana/in.med.samhita.susruta.5.7.24) lihyānmadhuyutāṃ śvetāṃ śvetāṃ cāpi punarnavām/ granthayaḥ kokilenogrā jvaro dāhaśca dāruṇaḥ†// ### [5.7.25](https://indike.org/pramana/in.med.samhita.susruta.5.7.25) varṣābhūnīlinīkvāthakalkasiddhaṃ ghṛtaṃ pibet/ aruṇenānilaḥ kruddho vātajān kurute gadān// ### [5.7.26](https://indike.org/pramana/in.med.samhita.susruta.5.7.26) mahākṛṣṇena pittaṃ ca śvetena kapha eva ca/ mahatā kapilenāsṛk †kapotena catuṣṭayam// ### [5.7.27](https://indike.org/pramana/in.med.samhita.susruta.5.7.27) bhavanti caiṣāṃ daṃśeṣu granthimaṇḍalakarṇikāḥ/ piḍakopacayaścograḥ śophaśca bhṛśadāruṇaḥ// ### [5.7.28](https://indike.org/pramana/in.med.samhita.susruta.5.7.28) dadhikṣīraghṛtaprasthāstrayaḥ pratyekaśo matāḥ/ karañjāragvadhavyoṣabṛhatyaṃśumatīsthirāḥ// ### [5.7.29](https://indike.org/pramana/in.med.samhita.susruta.5.7.29) niṣkvāthya caiṣāṃ kvāthasya caturtho+aṃśaḥ punarbhavet/ †trivṛdgojyamṛtāvakrasarpagandhāḥ samṛttikāḥ// ### [5.7.30](https://indike.org/pramana/in.med.samhita.susruta.5.7.30) kapitthadāḍimatvak ca ślakṣṇapiṣṭāḥ† pradāpayet/ tat sarvamekataḥ kṛtvā śanairmṛdvagninā pacet// ### [5.7.31](https://indike.org/pramana/in.med.samhita.susruta.5.7.31) pañcānāmaruṇādīnāṃ viṣametadvyapohati/ kākādanīkākamācyoḥ svaraseṣvathavā kṛtam// ### [5.7.32](https://indike.org/pramana/in.med.samhita.susruta.5.7.32) sirāśca †srāvayet prāptāḥ kuryāt saṃśodhanāni ca/ sarveṣāṃ ca vidhiḥ kāryo mūṣikāṇāṃ viṣeṣvayam// ### [5.7.33](https://indike.org/pramana/in.med.samhita.susruta.5.7.33) dagdhvā visrāvayeddaṃśaṃ pracchitaṃ ca pralepayet/ śirīṣarajanīkuṣṭhakuṅkumairamṛtāyutaiḥ// ### [5.7.34](https://indike.org/pramana/in.med.samhita.susruta.5.7.34) chardanaṃ jālinīkvāthaiḥ śukākhyāṅkoṭhayorapi/ śukākhyākoṣavatyośca mūlaṃ madana eva ca// ### [5.7.35](https://indike.org/pramana/in.med.samhita.susruta.5.7.35) devadālīphalaṃ caiva dadhnā pītvā viṣaṃ vamet/ sarvamūṣikadaṣṭānāmeṣa yogaḥ sukhāvahaḥ// ### [5.7.36](https://indike.org/pramana/in.med.samhita.susruta.5.7.36) phalaṃ vacā devadālī kuṣṭhaṃ gomūtrapeṣitam/ pūrvakalpena yojyāḥ† syuḥ sarvonduruviṣacchidaḥ// ### [5.7.37](https://indike.org/pramana/in.med.samhita.susruta.5.7.37) virecane trivṛddantītriphalākalka iṣyate/ śirovirecane sāraḥ śirīṣasya phalāni ca// ### [5.7.38](https://indike.org/pramana/in.med.samhita.susruta.5.7.38) hitastrikaṭukāḍhyaśca gomayasvaraso+añjane/ †kapitthagomayarasau lihyānmākṣikasaṃyutau// ### [5.7.39](https://indike.org/pramana/in.med.samhita.susruta.5.7.39) rasāñjanaharidrendrayavakaṭvīṣu vā kṛtam/ prātaḥ sātiviṣaṃ kalkaṃ lihyānmākṣikasaṃyutam// ### [5.7.40](https://indike.org/pramana/in.med.samhita.susruta.5.7.40) taṇḍulīyakamūleṣu sarpiḥ siddhaṃ pibennaraḥ/ āsphotamūlasiddhaṃ vā pañcakāpitthameva vā// ### [5.7.41](https://indike.org/pramana/in.med.samhita.susruta.5.7.41) mūṣikāṇāṃ viṣaṃ prāyaḥ kupyatyabhreṣvanirhṛtam†/ tatrāpyeṣa vidhiḥ kāryo yaśca dūṣiviṣāpahaḥ// ### [5.7.42](https://indike.org/pramana/in.med.samhita.susruta.5.7.42) sthirāṇāṃ rujatāṃ vā+api vraṇānāṃ karṇikāṃ bhiṣak/ pāṭayitvā yathādoṣaṃ vraṇavaccāpi śodhayet// ### [5.7.43](https://indike.org/pramana/in.med.samhita.susruta.5.7.43) śvaśṛgālatarakṣvṛkṣavyāghrādīnāṃ yadā+anilaḥ/ śleṣmapraduṣṭo muṣṇāti saṃjñāṃ saṃjñāvahāśritaḥ// ### [5.7.44](https://indike.org/pramana/in.med.samhita.susruta.5.7.44) tadā prasrastalāṅgūlahanuskandho+atilālavān/ †atyarthabadhiro+andhaśca so+anyonyamabhidhāvati// ### [5.7.45](https://indike.org/pramana/in.med.samhita.susruta.5.7.45) tenonmattena daṣṭasya daṃṣṭriṇā saviṣeṇa tu/ suptatā jāyate daṃśe kṛṣṇaṃ cātisravatyasṛk// ### [5.7.46](https://indike.org/pramana/in.med.samhita.susruta.5.7.46) digdhaviddhasya liṅgena prāyaśaścopalakṣitaḥ/ yena cāpi bhaveddaṣṭastasya ceṣṭāṃ rutaṃ naraḥ// ### [5.7.47](https://indike.org/pramana/in.med.samhita.susruta.5.7.47) bahuśaḥ pratikurvāṇaḥ kriyāhīno vinaśyati/ daṃṣṭriṇā yena daṣṭaśca tadrūpaṃ yastu paśyati// ### [5.7.48](https://indike.org/pramana/in.med.samhita.susruta.5.7.48) †apsu vā yadi vā++ādarśo+ariṣṭaṃ tasya vinirdiśet/ trasyatyakasmādyo+abhīkṣṇaṃ †dṛṣṭvā spṛṣṭvā+api vā jalam// ### [5.7.49](https://indike.org/pramana/in.med.samhita.susruta.5.7.49) jalatrāsaṃ tu vidyāttaṃ riṣṭaṃ †tadapi kīrtitam/ adaṣṭo vā jalatrāsī na kathañcana sidhyati// ### [5.7.50](https://indike.org/pramana/in.med.samhita.susruta.5.7.50) prasupto+athotthito vā+api svasthastrasto na sidhyati/ daṃśaṃ visrāvya tairdaṣṭe sarpiṣā paridāhitam// ### [5.7.51](https://indike.org/pramana/in.med.samhita.susruta.5.7.51) pradihyādagadaiḥ sarpiḥ purāṇaṃ pāyayeta ca/ arkakṣīrayutaṃ †hyasya dadyāccāpi viśodhanam// ### [5.7.52](https://indike.org/pramana/in.med.samhita.susruta.5.7.52) śvetāṃ punarnavāṃ cāsya dadyāddhattūrakāyutām/ palalaṃ tilatailaṃ ca rūpikāyāḥ payo guḍaḥ// ### [5.7.53](https://indike.org/pramana/in.med.samhita.susruta.5.7.53) nihanti viṣamālarkaṃ meghavṛndamivānilaḥ/ mūlasya śarapuṅkhāyāḥ karṣaṃ dhattūrakārdhikam// ### [5.7.54](https://indike.org/pramana/in.med.samhita.susruta.5.7.54) taṇḍulodakamādāya peṣayettaṇḍulaiḥ saha/ unmattakasya patraistu saṃveṣṭyāpūpakaṃ pacet// ### [5.7.55](https://indike.org/pramana/in.med.samhita.susruta.5.7.55) khādedauṣadhakāle tamalarkaviṣadūṣitaḥ/ karoti †śvavikārāṃstu tasmiñjīryati cauṣadhe// ### [5.7.56](https://indike.org/pramana/in.med.samhita.susruta.5.7.56) vikārāḥ śiśire yāpyā gṛhe vārivivarjite/ tataḥ śāntavikārastu snātvā caivāpare+ahani// ### [5.7.57](https://indike.org/pramana/in.med.samhita.susruta.5.7.57) śāliṣāṣṭikayorbhaktaṃ kṣīreṇoṣṇena bhojayet/ dinatraye pañcame vā vidhireṣo+ardhamātrayā// ### [5.7.58](https://indike.org/pramana/in.med.samhita.susruta.5.7.58) kartavyo bhiṣajā+avaśyamalarkaviṣanāśanaḥ/ kupyet svayaṃ viṣaṃ yasya na sa jīvati mānavaḥ// ### [5.7.59](https://indike.org/pramana/in.med.samhita.susruta.5.7.59) tasmāt prakopayedāśu svayaṃ yāvat† prakupyati/ †bījaratnauṣadhīgarbhaiḥ kumbhaiḥ śītāmbupūritaiḥ// ### [5.7.60](https://indike.org/pramana/in.med.samhita.susruta.5.7.60) snāpayettaṃ nadītīre samantrairvā catuṣpathe/ baliṃ nivedya tatrāpi piṇyākaṃ palalaṃ dadhi// ### [5.7.61](https://indike.org/pramana/in.med.samhita.susruta.5.7.61) mālyāni ca vicitrāṇi māṃsaṃ pakvāmakaṃ tathā/ alakādhipate yakṣa sārameyagaṇādhipa// ### [5.7.62](https://indike.org/pramana/in.med.samhita.susruta.5.7.62) alarkajuṣṭametanme nirviṣaṃ kuru mācirāt/ dadyāt saṃśodhanaṃ tīkṣṇamevaṃ †snātasya dehinaḥ// ### [5.7.63](https://indike.org/pramana/in.med.samhita.susruta.5.7.63) aśuddhasya surūḍhe+api vraṇe kupyati tadviṣam/ śvādayo+abhihitā vyālā ye+atra† daṃṣṭrāviṣā mayā// ### [5.7.64](https://indike.org/pramana/in.med.samhita.susruta.5.7.64) ataḥ karoti daṣṭastu teṣāṃ ceṣṭāṃ rutaṃ naraḥ/ bahuśaḥ pratikurvāṇo na cirānmriyate ca saḥ// ### [5.7.65](https://indike.org/pramana/in.med.samhita.susruta.5.7.65) nakhadantakṣataṃ vyālairyatkṛtaṃ taddhimardayet/ siñcettailena koṣṇena te hi vātaprakopakāḥ// ### [5.7.65\_1](https://indike.org/pramana/in.med.samhita.susruta.5.7.65_1) iti suśrutasaṃhitāyāṃ kalpasthāne mūṣikakalpo nāma saptamo+adhyāyaḥ //7// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.130.7) — Ḍalhaṇa, Sanskrit --- Source: [https://indike.org/pramana/in.med.samhita.susruta.5.7](https://indike.org/pramana/in.med.samhita.susruta.5.7) · Pramāṇa