[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.10 # The Compendium of Suśruta 6.10: daśamo+adhyāyaḥ/ Suśrutasaṃhitā 6.10 - **Language:** Sanskrit ### daśamo+adhyāyaḥ/ ### [6.10.1](https://indike.org/pramana/in.med.samhita.susruta.6.10.1) athātaḥ pittābhiṣyandapratiṣedhaṃ vyākhyāsyāmaḥ// ### [6.10.2](https://indike.org/pramana/in.med.samhita.susruta.6.10.2) yathovāca bhagavān dhanvantariḥ// ### [6.10.3](https://indike.org/pramana/in.med.samhita.susruta.6.10.3) pittasyande paittike cādhimanthe raktāsrāvaḥ sraṃsanaṃ cāpi kāryam/ akṣṇoḥ sekālepanasyāñjanāni paitte ca syādyadvisarpe vidhānam// ### [6.10.4](https://indike.org/pramana/in.med.samhita.susruta.6.10.4) gundrāṃ śāliṃ śaivalaṃ śailabhedaṃ dārvīmelāmutpalaṃ rodhramabhram/ padmātpatraṃ śarkarā darbhamikṣuṃ tālaṃ rodhraṃ vetasaṃ padmakaṃ ca// ### [6.10.5](https://indike.org/pramana/in.med.samhita.susruta.6.10.5) drākṣāṃ kṣaudraṃ candanaṃ yaṣṭikāhvaṃ yoṣitkṣīraṃ rātryanante ca piṣṭvā/ sarpiḥsiddhaṃ tarpaṇe sekanasye† śastaṃ kṣīraṃ siddhameteṣu cājam// ### [6.10.6](https://indike.org/pramana/in.med.samhita.susruta.6.10.6) yojyo vargo vyasta eṣo+anyathā vā samyaṅnasye+aṣṭārdhasaṃkhye+api nityam/ kriyāḥ sarvāḥ pittaharyaḥ praśastāstryahāccordhvaṃ kṣīrasarpiśca †nasyam// ### [6.10.7](https://indike.org/pramana/in.med.samhita.susruta.6.10.7) pālāśaṃ syācchoṇitaṃ cāñjanārthe śallakyā vā śarkarākṣaudrayuktam/ rasakriyāṃ śarkarākṣaudrayuktāṃ pālindyāṃ vā madhuke vā+api kuryāt// ### [6.10.8](https://indike.org/pramana/in.med.samhita.susruta.6.10.8) mustā phenaḥ sāgarasyotpalaṃ ca kṛmighnailādhātribījādrasaśca/ tālīśailāgairikośīraśaṅkhairevaṃ yuñjyādañjanaṃ stanyapiṣṭaiḥ// ### [6.10.9](https://indike.org/pramana/in.med.samhita.susruta.6.10.9) cūrṇaṃ kuryādañjanārthe raso vā stanyopeto dhātakīsyandanābhyām/ yoṣitstanyaṃ śātakumbhaṃ vighṛṣṭaṃ kṣaudropetaṃ kaiśukaṃ cāpi puṣpam// ### [6.10.10](https://indike.org/pramana/in.med.samhita.susruta.6.10.10) rodhraṃ drākṣāṃ śarkarāmutpalaṃ ca nāryāḥ kṣīre yaṣṭikāhvaṃ vacāṃ ca/ piṣṭvā kṣīre varṇakasya tvacaṃ ca toyonmiśre candanodumbare ca// ### [6.10.11](https://indike.org/pramana/in.med.samhita.susruta.6.10.11) kāryaḥ phenaḥ sāgarasyāñjanārthe nārīstanye mākṣike cāpi ghṛṣṭaḥ/ yoṣitstanye sthāpitaṃ yaṣṭikāhvaṃ rodhraṃ drākṣāṃ śarkarāmutpalaṃ ca// ### [6.10.12](https://indike.org/pramana/in.med.samhita.susruta.6.10.12) kṣaumābaddhaṃ pathyamāścyotane vā †sarpirghṛṣṭaṃ yaṣṭikāhvaṃ sarodhram/ toyonmiśrāḥ kāśmarīdhātripathyāstadvaccāhuḥ kaṭphalaṃ cāmbunaiva// ### [6.10.13](https://indike.org/pramana/in.med.samhita.susruta.6.10.13) eṣo+amlākhye+anukramaścāpi śuktau kāryaḥ sarvaḥ syātsirāmokṣavarjyaḥ// ### [6.10.14](https://indike.org/pramana/in.med.samhita.susruta.6.10.14) sarpiḥ peyaṃ traiphalaṃ tailvakaṃ vā peyaṃ vā syāt kevalaṃ yat purāṇam/ doṣe+adhastācchuktikāyāmapāste śītairdravyairañjanaṃ kāryamāśu// ### [6.10.15](https://indike.org/pramana/in.med.samhita.susruta.6.10.15) vaidūryaṃ yat sphāṭikaṃ vaidrumaṃ ca mauktaṃ śāṅkhaṃ rājataṃ śātakumbham/ cūrṇaṃ sūkṣmaṃ śarkarākṣaudrayuktaṃ śuktiṃ hanyādañjanaṃ caitadāśu// ### [6.10.16](https://indike.org/pramana/in.med.samhita.susruta.6.10.16) yuñjyāt sarpirdhūmadarśī narastu śeṣaṃ kuryādraktapitte vidhānam/ yaccaivānyat pittahṛccāpi sarvaṃ yadvīsarpe paittike vai vidhānam// ### [6.10.16\_1](https://indike.org/pramana/in.med.samhita.susruta.6.10.16_1) iti śrīsuśrutasaṃhitāyāmuttaratantrāntargate śālākyatantre pittābhiṣyandapratiṣedho nāma daśamo+adhyāyaḥ //10// ## Commentaries (2) - [Nibandhasaṅgraha](https://indike.org/pramana/in.med.samhita.susruta!dalhana.141.25) — Ḍalhaṇa, Sanskrit - [Bhānumatī](https://indike.org/pramana/in.med.samhita.susruta!cakrapani) — Cakrapāṇidatta, Sanskrit --- Source: [https://indike.org/pramana/in.med.samhita.susruta.6.10](https://indike.org/pramana/in.med.samhita.susruta.6.10) · Pramāṇa