[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.14 # The Compendium of Suśruta 6.14: caturdaśo+adhyāyaḥ/ Suśrutasaṃhitā 6.14 - **Language:** Sanskrit ### caturdaśo+adhyāyaḥ/ ### [6.14.1](https://indike.org/pramana/in.med.samhita.susruta.6.14.1) athāto bhedyarogapratiṣedhaṃ vyākhyāsyāmaḥ// ### [6.14.2](https://indike.org/pramana/in.med.samhita.susruta.6.14.2) yathovāca bhagavān dhanvantariḥ// ### [6.14.3](https://indike.org/pramana/in.med.samhita.susruta.6.14.3) svedayitvā bisagranthiṃ chidrāṇyasya nirāśayam†/ pakvaṃ bhittvā tu śastreṇa sindhavenāvacūrṇayet// ### [6.14.4](https://indike.org/pramana/in.med.samhita.susruta.6.14.4) kāsīsamāgadhīpuṣpanepālyelāyutena tu/ tataḥ kṣaudraghṛtaṃ dattvā samyagbandhamathācaret// ### [6.14.5](https://indike.org/pramana/in.med.samhita.susruta.6.14.5) rocanākṣāratutthāni pippalyaḥ kṣaudrameva ca/ pratisāraṇamekaikaṃ bhinne lagaṇa iṣyate// ### [6.14.6](https://indike.org/pramana/in.med.samhita.susruta.6.14.6) mahatyapi ca yuñjīta kṣārāgnī vidhikovidaḥ/ svinnāṃ bhinnāṃ viniṣpīḍya bhiṣagañjananāmikām// ### [6.14.7](https://indike.org/pramana/in.med.samhita.susruta.6.14.7) śilailānatasindhūtthaiḥ sakṣaudraiḥ pratisārayet/ rasāñjanamadhubhyāṃ tu bhittvā vā śastrakarmavit// ### [6.14.8](https://indike.org/pramana/in.med.samhita.susruta.6.14.8) pratisāryāñjanairyuñjyāduṣṇairdīpaśikhodbhavaiḥ/ samyaksvinne kṛmigranthau bhinne syāt pratisāraṇam// ### [6.14.9](https://indike.org/pramana/in.med.samhita.susruta.6.14.9) triphalātutthakāsīsasaindhavaiśca rasakriyā†/ bhittvopanāhaṃ kaphajaṃ pippalīmadhusaindhavaiḥ// ### [6.14.10](https://indike.org/pramana/in.med.samhita.susruta.6.14.10) lekhayenmaṇḍalāgreṇa samantāt pracchayedapi/ saṃsnehya patrabhaṅgaiśca svedayitvā yathāsukham// ### [6.14.11](https://indike.org/pramana/in.med.samhita.susruta.6.14.11) sarveṣveteṣu vihitaṃ vidhānaṃ snehapūrvakam/ saṃpakve prayato bhūtvā kurvīta vraṇaropaṇam// ### [6.14.11\_1](https://indike.org/pramana/in.med.samhita.susruta.6.14.11_1) iti suśrutasaṃhitāyāmuttaratantrāntargate śālākyatantre bhedyarogapratiṣedho nāma caturdaśo+adhyāyaḥ //14// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.146.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.14](https://indike.org/pramana/in.med.samhita.susruta.6.14) · Pramāṇa