[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [The Compendium of Suśruta](https://indike.org/pramana/in.med.samhita.susruta) › 6.15 # The Compendium of Suśruta 6.15: pañcadaśo+adhyāyaḥ/ Suśrutasaṃhitā 6.15 - **Language:** Sanskrit ### pañcadaśo+adhyāyaḥ/ ### [6.15.1](https://indike.org/pramana/in.med.samhita.susruta.6.15.1) athātaśchedyarogapratiṣedhaṃ vyākhyāsyāmaḥ// ### [6.15.2](https://indike.org/pramana/in.med.samhita.susruta.6.15.2) yathovāca bhagavān dhanvantariḥ// ### [6.15.3](https://indike.org/pramana/in.med.samhita.susruta.6.15.3) snigdhaṃ bhuktavato hyannamupaviṣṭasya yatnataḥ/ saṃroṣayettu nayanaṃ bhiṣak cūrṇaistu lāvaṇaiḥ// ### [6.15.4](https://indike.org/pramana/in.med.samhita.susruta.6.15.4) tataḥ saṃroṣitaṃ tūrṇaṃ susvinnaṃ paridhaṭṭitam/ arma yatra valījātaṃ tatraitallagayedbhiṣak// ### [6.15.5](https://indike.org/pramana/in.med.samhita.susruta.6.15.5) apāṅgaṃ prekṣamāṇasya baḍiśena samāhitaḥ/ mucuṇḍyā++ādāya medhāvī sūcīsūtreṇa vā punaḥ// ### [6.15.6](https://indike.org/pramana/in.med.samhita.susruta.6.15.6) na cotthāpayatā kṣipraṃ kāryamabhyunnataṃ† tu tat/ †śastrābādhabhayāccāsya vartmanī grāhayeddṛḍham// ### [6.15.7](https://indike.org/pramana/in.med.samhita.susruta.6.15.7) tataḥ praśithilībhūtaṃ tribhireva vilambitam/ ullikhanmaṇḍalāgreṇa tīkṣṇena pariśodhayet// ### [6.15.8](https://indike.org/pramana/in.med.samhita.susruta.6.15.8) vimuktaṃ sarvataścāpi kṛṣṇācchuklācca maṇḍalāt/ nītvā kanīnakopāntaṃ chindyānnātikanīnakam// ### [6.15.9](https://indike.org/pramana/in.med.samhita.susruta.6.15.9) caturbhāgasthite māṃse nākṣi vyāpattimṛcchati/ kanīnakavadhādasraṃ nāḍī vā+apyupajāyate// ### [6.15.10](https://indike.org/pramana/in.med.samhita.susruta.6.15.10) hīnacchedāt punarvṛddhiṃ śīgramevādhigacchati/ arma yajjālavadvyāpi tadapyunmārjya† lambitam// ### [6.15.11](https://indike.org/pramana/in.med.samhita.susruta.6.15.11) chindyādvakreṇa śastreṇa vartmaśuklāntamāthitam/ pratisāraṇamakṣṇostu tataḥ kāryamanantaram// ### [6.15.12](https://indike.org/pramana/in.med.samhita.susruta.6.15.12) yāvanālasya cūrṇena trikaṭorlavaṇasya ca/ svedayitvā tataḥ paścādbadhnīyāt kuśalo bhiṣak// ### [6.15.13](https://indike.org/pramana/in.med.samhita.susruta.6.15.13) doṣartubalakālajñaḥ snehaṃ dattvā yathāhitam/ vraṇavat saṃvidhānaṃ tu tasya kuryādataḥ param// ### [6.15.14](https://indike.org/pramana/in.med.samhita.susruta.6.15.14) tryahānmuktvā karasvedaṃ dattvā śodhanamācaret/ karañjabījāmalakamadhukaiḥ sādhitaṃ payaḥ// ### [6.15.15](https://indike.org/pramana/in.med.samhita.susruta.6.15.15) hitamāścyotanaṃ śūle dvirahnaḥ kṣaudrasaṃyutam/ madhukotpalakiñjalkadūrvākalkaiśca mūrdhani// ### [6.15.16](https://indike.org/pramana/in.med.samhita.susruta.6.15.16) pralepaḥ saghṛtaḥ śītaḥ kṣīrapiṣṭaḥ praśasyate/ lekhyāñjanairapaharedarmaśeṣaṃ bhavedyadi// ### [6.15.17](https://indike.org/pramana/in.med.samhita.susruta.6.15.17) arma cālpaṃ dadhinibhaṃ nīlaṃ raktamathāpi vā/ dhūsaraṃ tanu yaccāpi śukravattadupācaret// ### [6.15.18](https://indike.org/pramana/in.med.samhita.susruta.6.15.18) carmābhaṃ bahulaṃ yattu snāyumāṃsaghanāvṛtam/ chedyameva tadarma syāt kṛṣṇamaṇḍalagaṃ ca yat// ### [6.15.19](https://indike.org/pramana/in.med.samhita.susruta.6.15.19) viśuddhavarṇamakliṣṭaṃ kriyāsvakṣi gataklamam/ chinne+armaṇi bhavet samyagyathāsvamanupadravam// ### [6.15.20](https://indike.org/pramana/in.med.samhita.susruta.6.15.20) sirājāle sirā yāstu kaṭhināstāśca buddhimān/ ullikhenmaṇḍalāgreṇa baḍiśenāvalambitāḥ// ### [6.15.21](https://indike.org/pramana/in.med.samhita.susruta.6.15.21) sirāsu piḍakā jātā yā na sidhyanti bheṣajaiḥ/ armavanmaṇḍalāgreṇa tāsāṃ chedanamiṣyate// ### [6.15.22](https://indike.org/pramana/in.med.samhita.susruta.6.15.22) rogayoścaitayoḥ kāryamarmoktaṃ pratisāraṇam/ vidhiścāpi yathādoṣaṃ lekhanadravyasaṃbhṛtaḥ// ### [6.15.23](https://indike.org/pramana/in.med.samhita.susruta.6.15.23) sandhau saṃsvedya śastreṇa varṇīkāṃ vicakṣaṇaḥ/ uttare ca tribhāge ca baḍiśenāvalambitām// ### [6.15.24](https://indike.org/pramana/in.med.samhita.susruta.6.15.24) chindyāttato+ardhamagre syādaśrunāḍī hyato+anyathā/ pratisāraṇamatrāpi saindhavakṣaudramiṣyate// ### [6.15.25](https://indike.org/pramana/in.med.samhita.susruta.6.15.25) lekhanīyāni cūrṇāni vyādhiśeṣasya bheṣajam/ śaṅkhaṃ samudraphenaṃ ca maṇḍūkīṃ ca samudrajām// ### [6.15.26](https://indike.org/pramana/in.med.samhita.susruta.6.15.26) sphaṭikaṃ kuruvindaṃ ca pravālāśmantakaṃ tathā/ †vaidūryaṃ pulakaṃ muktāmayastāmrarajāṃsi ca// ### [6.15.27](https://indike.org/pramana/in.med.samhita.susruta.6.15.27) samabhāgāni saṃpiṣya sārdhaṃ srotoñjanena tu/ cūrṇāñjanaṃ kārayitvā bhājane bheṣaśṛṅgaje// ### [6.15.28](https://indike.org/pramana/in.med.samhita.susruta.6.15.28) saṃsthāpyobhayataḥ kālamañjayet satataṃ budhaḥ/ armāṇi piḍakāṃ hanyāt sirājālāni tena vai// ### [6.15.29](https://indike.org/pramana/in.med.samhita.susruta.6.15.29) arśastathā yacca nāmnā śuṣkārśo+arbudameva ca/ abhyantaraṃ vartmaśayā vidhānaṃ teṣu vakṣyate// ### [6.15.30](https://indike.org/pramana/in.med.samhita.susruta.6.15.30) vartmopasvedya nirbhujya sūcyotkṣipya prayatnataḥ/ maṇḍalāgreṇa tīkṣṇena mūle bhindyādbhiṣagvaraḥ// ### [6.15.31](https://indike.org/pramana/in.med.samhita.susruta.6.15.31) tataḥ saindhavakāsīsakṛṣṇābhiḥ pratisārayet/ sthite ca rudhire vartma dahet samyak śalākayā// ### [6.15.32](https://indike.org/pramana/in.med.samhita.susruta.6.15.32) kṣāreṇāvalikheccāpi vyādhiśeso bhavedyadi/ tīkṣṇairubhayatobhāgaistato doṣamadhikṣipet// ### [6.15.33](https://indike.org/pramana/in.med.samhita.susruta.6.15.33) vitarecca yathādoṣamabhiṣyandakriyāvidhim/ śastrakarmaṇyuparate māsaṃ ca syāt suyantritaḥ// ### [6.15.33\_1](https://indike.org/pramana/in.med.samhita.susruta.6.15.33_1) iti suśrutasaṃhitāyāmuttaratantrāntargate śālākyatantre chedyarogapratiṣedho nāma pñcadaśo+adhyāyaḥ //15// ## Commentaries (1) - [Nibandhasaṅgraha](https://indike.org/pramana/in.med.samhita.susruta!dalhana.147.2) — Ḍalhaṇa, Sanskrit --- Source: [https://indike.org/pramana/in.med.samhita.susruta.6.15](https://indike.org/pramana/in.med.samhita.susruta.6.15) · Pramāṇa